Click Live News Short news on Mobile 2019.....

Tuesday, May 12, 2020

BBC मराठी

शिवसेनेला सामनातून राज्य सरकारवर टीका करून काय साध्य करायचं आहे?

Latest news updates May 12, 2020 0 Comments

via BBC News मराठी - बातम्या https://ift.tt/2xVZNJ9

Read more No comments:

सहाच महिन्यांपूर्वी झाले लग्न; देशसेवेसाठी ड्यूटीवर गेला, अन्... देवगाव रंगारी (जि. औरंगाबाद) : तो सैन्य दलात नोकरीला. सहाच महिन्यांपूर्वी त्याचं लग्न झालं. पण, देशसेवेला प्राधान्य देत लग्नाच्या काहीच दिवसांनतर तो कर्तव्य बजावण्यासाठी ड्यूटीवर गेला. मात्र, नियतीच्या भांड्यात वेगळेच रसायण शिजत होतं. कर्तव्यावर असताना अचानक त्याचा मृत्यू झाला. त्यामुळे सबंध गावावर शोककळा पसरली. देवगाव रंगारी (ता. कन्नड) येथील रहिवासी असलेले ऋषिकेश अशोक बोचरे (वय २७) यांचा मंगळवारी भारतीय सीमेवरील लेह-लडाखमध्ये कर्तव्य बजाविताना अपघाती मृत्यू झाला. ऋषिकेश हे भारतीय सैन्यदलात सात वर्षांपासून कार्यरत होते. भारत-चीन सीमेवरील लेह-लडाख येथे सध्या त्यांची ड्युटी होती. कर्तव्य बजावत असताना मंगळवारी त्यांचा अपघाती मृत्यू झाला. ऋषिकेश हे एका सामान्य शेतकरी कुटुंबातील होते. त्याच्या पश्चात आजी, आई, वडील, पत्नी, एक भाऊ, वहिनी, एक बहीण असा परिवार आहे. संसारही बहरला नाही ऋषिकेश यांचे नोव्हेंबरमध्ये लग्न झाले होते. लग्नानंतर काहीच दिवसानंतर ते नोव्हेंबरमध्ये कर्तव्य बजावण्यासाठी गेले. दरम्यान, लॉकडाउन असल्याने त्यांना गावी येता आले नाही. अजून त्यांचा संसारही बहरला नव्हता. तोच काळाने त्यांच्यावर घाला घातला. जिच्या सोबत आयुष्यभर राहण्याची शपत घेतली. तिला तो शेवटचं भेटूही शकला नाही. या घटनेमुळे सबंध गावावर शोककळा पसरली आहे. बुधवारी (ता. १३) दुपारी त्यांचे पार्थिव देवगाव रंगारी येथे आणले जाणार असल्याची माहिती मिळते. ब्लॉग - अस्वस्थ वर्तमान दुचाकीस्वार ठार, पत्नी जखमी खुलताबाद, ता. १२ (बातमीदार) ः पळसवाडी (ता. खुलताबाद) येथील प्रकाश मोतीराम कुचे (वय ५२) यांच्या दुचाकीवर माकडाने उडी मारली. त्यामुळे कुचे दुचाकीवरून पडले. यात त्यांच्या डोक्यास जबर मार लागल्याने त्यांचा जागीच मृत्यू झाला, तर त्यांच्या पत्नी संगीता जखमी झाल्या. ही घटना मंगळवारी (ता. १२) सायंकाळी वेरूळ प्राथमिक आरोग्य केंद्राजवळ घडली. संबंधित बातमी - वेदनादायी : भाकर करंटी; रक्तात नाहली पळसवाडी येथील प्रकाश कुचे यांच्या पत्नी वेरूळ येथील वनविभागाच्या कामावर आहेत. नेहमीप्रमाणे काम आटोपले की कुचे हे त्यांना मोटारसायकलवर घेऊन जात असत. मंगळवारी ते पत्नीस घेऊन जात होते. वेरूळ प्राथमिक आरोग्य केंद्रासमोर त्यांच्या दुचाकीवर (एमएच- २०, ईएस- १०८४) अचानक माकडाने उडी मारली. यात कुचे दुचाकीवरून खाली पडले. त्यांच्या डोक्यास गंभीर मार लागून त्यांचा जागीच मृत्यू झाला. सोबत असलेली पत्नी संगीता या जखमी झाल्या. News Story Feeds https://ift.tt/eA8V8J

Latest news updates May 12, 2020 0 Comments

via News Story Feeds https://ift.tt/2zBewde

Read more No comments:

सकाळ latest updates

रंग मुंबईचे : "भैया' मुंबई सोडतो तेव्हा... भाकरीच्या चतकोर तुकड्यासाठी परप्रांतीय इथं येतात आणि पूर्ण भाकरीची आस असते त्यांच्या मनात. या शहराशी त्यांची नाळ जुळलेली असते, ती भाकरीपुरती, कामापुरती... ती इथं मिळणार नसेल, तर त्यांच्या दृष्टीनं हे शहर कामाचं नसतं. या महानगराची प्रत्येक गरज लीलया पूर्ण करण्याचं कसब असलेले परप्रांतीय आज परतीच्या वाटेवर आहेत... ताज्या बातम्यांसाठी डाऊनलोड करा ई-सकाळचे ऍप दूधवाला, भाजीवाला, इस्त्रीवाला, मच्छीवाला, रिक्षावाला, टॅक्‍सीवाला, सिक्‍युरिटीवाला... ही यादी कितीही वाढवता येईल. ते विविध रूपांत मुंबईकरांना रोज भेटत असतात. या सा-यांच्या ओळखीचा "लसावि' मात्र एकच असतो -" भैया'. आज मुंबईतील महामार्गांवरून त्यांचे तांडेच्या तांडे उत्तरेच्या दिशेने चालत निघाले आहेत. "कोरोना'चं संकट गडद होऊ लागलं, तसंतशी या "परप्रांतीयां'ना त्यांच्या "प्रांता'ची आठवण येऊ लागलीय. परप्रांतीय ही ओळख घेऊन महाराष्ट्राची वेस ओलांडणाऱ्या या समूहानं "कोरोना'च्या पार्श्वभूमीवर मुंबईचं राजकीय, सामाजिक आणि सांस्कृतिक आवर्तन पूर्ण केलं आहे. मुंबईतून आतापर्यंत साठ हजार स्थलांतरित मजूर आपापल्या राज्यांमध्ये परतले आहेत आणि येत्या काही दिवसांत आणखी तीन लाख स्थलांतरित परत जातील. यापैकी अनेकजण लहान- मोठे कारखाने, लघुउद्योग, टॅक्‍सी-रिक्षा व्यवसाय, हॉटेल, कंपन्यांत काम करतात. अनेक जण निवासी सोसायट्यांमध्ये सुरक्षारक्षक आहेत. ते किरकोळ भाजी, फळविक्रेते आहेत. "असून अडचण आणि नसून खोळंबा' गणले जाणारे फेरीवाले आहेत. कुठलंही काम करण्याची तयारी हे यांचं व्यवच्छेदक लक्षण. त्यांना कुठल्याही साच्यात घाला, कुठल्याही कामाला जुंपा, "नाही' हा शब्द त्यांच्या शब्दकोशात नाही. या महानगराची प्रत्येक गरज लीलया पूर्ण करण्याचं कसब या परप्रांतीयांमध्ये आहे. आज नेमका तोच परतीच्या वाटेला लागला आहे. पुण्याच्या बातम्या वाचण्यासाठी येथे ► क्लिक करा या परप्रांतीय मजुरांमध्ये वरचष्मा आहे तो उत्तर भारतीयांचा. "यूपीचे भैये' हे त्यांचं येथील सर्वनाम. या परप्रांतीय मजुरांत तसे पंजाबी, दाक्षिणात्य, बंगाली आणि नेपाळी यांचाही समावेश करावा लागतो. त्यांचीदेखील एक खास ओळख आहे या शहरामध्ये. ऐंशीच्या दशकातील मुंबईत पंजाबींच्या काळ्या-पिवळ्या टॅक्‍सीतून प्रवास करताना एकटी बाईही निर्धास्त असे. शाळा, महाविद्यालये असोत वा बॅंका किंवा निवासी सोसायट्या, त्यांच्या प्रवेशद्वारावरचा सुरक्षारक्षक हा नेपाळी असणं हा जणू इथला नियम होता. रात्रीच्या वेळी त्या गुरख्यांच्या काठीचा आवाज आणि "जागते रहो'ची हाळी घुमल्याशिवाय या शहराला सुरक्षिततेचा फील येत नसे. "हटाव लुंगी..' म्हणत दाक्षिणात्यांच्या विरोधात भूमिका घेऊन इथला सध्याचा सत्ताधारी पक्ष जन्माला आला. मात्र आज मुंबईत या दाक्षिणात्य समाजाने स्वतःची स्वतंत्र ओळख निर्माण केलीय. दक्षिणेकडील राज्यांमध्ये उद्योगधंदे वाढीला लागले, तिथली गावं संपन्न झाली, तसतसं दक्षिणेकडील राज्यांतून येणाऱ्या स्थलांतरितांचं प्रमाण कमी झालं. मात्र उत्तरेकडची "बिमारू' गणली जाणारी, आर्थिकदृष्ट्या पिछाडीवर असलेली राज्ये, म्हणजेच बिहार-झारखंड, मध्य प्रदेश, छत्तीसगड, राजस्थान आणि उत्तर प्रदेश येथून मुंबईत येणाऱ्या स्थलांतरितांचं प्रमाण लाखोंमध्ये आहे. ते वाढतंच आहे. स्थलांतरित - ते परप्रांतीय असोत वा प्रांतीय, त्यांच्यासाठी मुंबई हे नेहमीच "फेव्हरिट डेस्टिनेशन' आहे. हे असं का, हेही नीट समजून घेतलं पाहिजे. या मजुरांना त्यांच्या राज्यात उपलब्ध होत नाही. काम मिळालंच तर योग्य मोबदला मिळत नाही, हा एक भाग झाला आणि दुसरी गोष्ट म्हणजे उत्तरेकडील या राज्यांतील जातींची उतरंड. येथील एका बिहारी टॅक्‍सीचालकाची कहाणी कुठंतरी ऐकली होती. गावाकडं पोटापुरती जमीन होती त्याची. त्याला विचारलं, की मग इथं कशासाठी आलास बाबा तू? त्यावर तो उत्तरला होता, की यहॉं कोई नाम नहीं पूछता. म्हणजे नाव विचारून त्यावरून जातीचा अंदाज बांधणं आणि त्यानुसार वागणूक देणं हे इथं घडत नाही. त्या राज्यांत काम मिळवताना जातीची ओळख महत्त्वाची ठरते आणि अडसरदेखील. या राज्यांमधील इतर मागास घटक, दलित आणि मुस्लिम समाज म्हणूनच भाकरी आणि किमान सन्मानाच्या शोधात बाहेर जाऊन काम शोधण्यासाठी मजबूर होतो. अशा वर्गासाठी मुंबई ही स्वप्ननगरीच. मग इथं आलेला "भैया' दहा बाय पाच फुटांच्या झोपडीलाही समाधानानं आपलंसं करतो. 93 च्या दंगलीनंतर मुंबईतील निवासी वस्त्यांमध्ये काही ठिकाणी झालेले "घेटो' सोडले, तर काम मागताना "आप कहां के हो?' असा सवाल त्याच्यासमोर येत नाही. मेहनत की रोटी उजळ माथ्यानं कमवण्याचे शेकडो मार्ग या शहरात आहेत. शिवाय घामाला इथं मोहोर येतो. त्याची खात्रीही हे शहर देतं. ही या शहराची ताकद आहे. त्यांना काही या शहराचं निवासी व्हायचं नसतं. रोजी आणि रोटी हीच त्यांची अंतिम महत्त्वाकांक्षा असते. भाकरीच्या चतकोर तुकड्यासाठी ते इथं आलेले असतात आणि पूर्ण भाकरीची आस असते त्यांच्या मनात. तो संघर्षच एवढा मोठा असतो, की त्यामुळे त्यांना इथल्या अनेक अभावांचीही पर्वा नसते. या शहराशी त्यांची नाळ जुळलेली असते, ती भाकरीपुरती, कामापुरती. ती इथं मिळणार नसेल, तर त्यांच्या दृष्टीनं हे शहर कामाचं नसतं. त्या दृष्टीनं ते उपरेच असतात आणि त्यामुळेच भूमिपुत्रांच्या मनात त्यांच्याबद्दल विचित्र भावना असते. मुंबईसाठी परप्रांतीय अशा प्रकारे अवघड जागेचं दुखणं बनलं आहे. राज्यात शिवसेनेचा जन्म तर परप्रांतीयांच्या विरोधातूनच झाला. राज ठाकरे यांची महाराष्ट्र नवनिर्माण सेनाही परप्रांतीयांच्या विरोधात कडवट भूमिका घेतच जन्माला आली. आता याच परप्रांतीयांच्या स्थलांतरावरून "मनसे'ला काळजी वाटू लागली आहे. राज्याच्या अडचणीच्या परिस्थितीत हे सोडून गेलेत, आता आपल्या उद्योगांना मजूर कमी पडणार, अशी चिंता त्यांनी व्यक्त केली. राज्यातल्या उद्योगधंद्यामध्ये परप्रांतीय मजुरांचं योगदान मोठं आहे, हे नकळत मान्य करत "मनसे'ने परप्रांतीयांना "खळ्ळखट्याक'ऐवजी शाबासकीच दिल्यासारखे आहे. राज्यात सध्या महाविकास आघाडीचं सरकार आहे आणि मुख्यमंत्रिपदी उद्धव ठाकरे आहेत. त्यांच्या पक्षानं भूमिपुत्रांना रोजगारात प्राधान्य देण्यासाठी स्थानिक लोकाधिकार समितीच्या माध्यमातून लढा दिला. भूमिपुत्रांना रोजगारात प्राधान्य हे विधेयक याच अर्थसंकल्पी अधिवेशनात मंजूर करण्यात आलं आणि आता घराच्या ओढीनं अस्वस्थ झालेल्या मजुरांना "शिवसेना स्टाईल'ने नव्हे, तर प्रेमाची गळ घालवून थोपवून ठेवण्याची वेळ शिवसेनेवर आली आहे. या मजुरांना त्यांच्या राज्यात घरापर्यंत नेऊन पोहोचवण्याची जबाबदारीदेखील शिवसेनेवरच आहे. उद्योगाचा आणि या शहराचा गाडा रूळावर आणण्यासाठी परप्रांतीयांची गरज या शहराला अधिक भासणार आहे आणि त्यासाठी आज शिवसेनेला या परप्रांतीयांची वाट पाहावी लागणार आहे. परप्रांतीयांना, त्या "भैयां'ना मिळालेला हा काव्यागत न्यायच म्हणावा लागेल! News Story Feeds https://ift.tt/eA8V8J

Latest news updates May 12, 2020 0 Comments

via News Story Feeds https://ift.tt/3cqvmdi

Read more No comments:

सकाळ latest updates

विसापूर जेलमधून २३ कैद्यांना सोडले नगर : विसापूर (ता. श्रीगोंदे) येथील खुल्या कारागृहात जन्मठेपेची शिक्षा भोगणाऱ्या 23 बंदिवानांना अभिवचन रजेवर पाठविण्यात आले आहे. कारागृह सुरक्षा यंत्रणेने त्यांना खासगी वाहनातून त्यांच्या गावी पोचविले. दरम्यान, कारागृहातील 60 बंदिवानांना अभिवचन रजेवर सोडण्यात येणार असल्याची माहिती सूत्रांकडून मिळाली. विसापूर येथील खुल्या कारागृहात सिद्धदोष झालेल्या बंदिवानांना ठेवण्यात येते. 200 बंदिवानांची क्षमता असलेल्या या कारागृहात 97 बंदिवान आहेत. कोरोनाच्या पार्श्‍वभूमीवर कारागृहातील कैद्यांना अभिवचन रजेवर सोडण्याचा निर्णय सरकारने घेतला. त्यानुसार विसापूर कारागृहात जन्मठेपेसह विविध गुन्ह्यांत शिक्षा झालेल्या कैद्यांना अभिवचन रजेवर घरी सोडण्याच्या हालचाली सुरू आहेत. त्यात यापूर्वी ज्या बंदिवानांना अभिवचन रजा दिली होती आणि ते वेळेत पुन्हा हजर झाले, अशा बंदिवानांना आता 45 दिवसांसाठी काही अटी-शर्तींवर रजा दिली आहे. कारागृहातून मुक्तता झाल्यानंतर संबंधित बंदिवानाने बरोबर 45 दिवसांनी पुन्हा हजर राहणे बंधनकारक आहे. तसे न झाल्यास बंदिवानावर कारवाई करण्यात येईल. हेही वाचा - मुख्यमंत्र्यांनी केली नगरमध्ये गुंतवणूक सिद्धदोष बंदिवानांना अभिवचन रजेवर सोडण्याचा निर्णय शासनाने 8 मे रोजी घेतला होता. त्यानुसार विसापूर कारागृहातील पात्र 23 बंदिवानांना त्याच्या मूळ गावी जाण्यास परवानगी दिली आहे. त्यासाठी कारागृहाने वाहनांची व्यवस्था केली. उर्वरित 30 बंदिवानांनाही अभिवचन रजेवर सोडण्यात येणार आहे. कोरोना संकटाची परिस्थिती सुधारल्यानंतर बंदिवानांनी तत्काळ कारागृहात हजर होणे आवश्‍यक आहे. मात्र, परिस्थिती न सुधारल्यास शासनाच्या आदेशात मुदतवाढ होण्याचीही शक्‍यता आहे. बंदिवानांना ओळखपत्रे बंदिवानांना मूळ गावी किंवा शहरात सोडण्यात येणार आहे. मात्र, शहरात सोडल्यानंतर पोलिसांनी अडवू नये, यासाठी त्यांना ओळखपत्रे देण्यात आली आहेत, जेणे करून ते सुखरूप घरी पोचतील. कोरोनाचा प्रादुर्भाव रोखण्यासाठी शासनादेशानुसार विसापूर कारागृहातील बंदिवानांना 45 दिवसांच्या अभिवचन रजेवर सोडले जात आहे. रजा संपल्यानंतर त्यांनी पुन्हा हजर होणे बंधनकारक आहे. - पी. पी. परदेशी, अधीक्षक, विसापूर खुले कारागृह News Story Feeds https://ift.tt/eA8V8J

Latest news updates May 12, 2020 0 Comments

via News Story Feeds https://ift.tt/2YUdUdf

Read more No comments:

सकाळ latest updates

जूनच्या पहिल्या आठवड्यात मॉन्सून मुंबईमध्ये नवी दिल्ली - नैऱ्ऋत्य मोसमी पाऊस अंदमान निकोबार बेटांवर येत्या शनिवारी (ता. १६) धडकणार असल्याचा अंदाज हवामान विभागाने व्यक्त केला आहे. देशात यंदा सरासरीइतका पाऊस पडणार असल्याचा अंदाज यापूर्वीच वर्तविण्यात आला आहे. मुंबईत जूनच्या पहिल्या आठवड्यात माॅन्सून दाखल होईल असा अंदाज आहे. ताज्या बातम्यांसाठी डाऊनलोड करा ई-सकाळचे ऍप बंगालचा उपसागर आणि अरबी समुद्रातील परिस्थितीवर भारतातील मॉन्सूनचे चक्र अवलंबून असते. कोरोना लाॅकडाउनमुळे जगभरातील हवामानावरही यंदा परिणाम झालेले आहेत. अंदमान, निकोबार बेटे आणि बंगालच्या उपसागराच्या दक्षिण भागात मोसमी पावसाच्या प्रवासाला अनुकूल स्थिती निर्माण झाल्याने तो अंदमान १६ मेपर्यंत दाखल होऊ शकणार आहे. पुण्याच्या बातम्या वाचण्यासाठी येथे ► क्लिक करा या वर्षी वेळेवर म्हणजे एक जूनला केरळमध्ये मान्सून धडक देईल. अंदमानमधील मान्सूनचे आगमन २० ते २५ मेच्या अलीकडे १६ मेपर्यंत आल्याने देशातील त्याचा प्रवासही नेहमीच्या अपेक्षित वेळेत असेल असाही अंदाज आहे. यंदा जून ते सप्टेंबर या काळात देशात सरासरीइतका पाऊस होईल असा अंदाज यापूर्वीच वर्तविण्यात आला आहे. News Story Feeds https://ift.tt/eA8V8J

Latest news updates May 12, 2020 0 Comments

via News Story Feeds https://ift.tt/3ct0WqM

Read more No comments:

बॉक्स ऑफिस रिपोर्ट | Bollywood Movies Box Office Collection News in Hindi - FilmiBeat Hindi http://ifttt.com/images/no_image_card.png

कंगना रनौत ने तोड़े बॉक्स ऑफिस पर सबसे बड़े रिकॉर्ड, 'पंगा' लेना पड़ता भारी- एनालिटिक रिपोर्ट

Latest news updates May 12, 2020 0 Comments

कंगना रनौत बॉलीवुड में 14 साल से भी ज्यादा समय से राज कर रही हैं। एक्टिंग के अलावा एक्ट्रेस ने डायेरक्शन में भी हाथ अजमा चुकी हैं। कंगना ने ...

Read more No comments:

Monday, May 11, 2020

सकाळ latest updates

Coronavirus : राज्य कोरोना नियंत्रणाच्या महत्त्वाच्या टप्प्यात पुणे - कोरोना विषाणूंच्या नियंत्रणाच्या महत्त्वाच्या टप्प्यावर राज्य पोचले आहे. कोरोनाबाधीतांचे प्रमाण राज्यात गेल्या 63 दिवसांमध्ये 92 वरून 72 टक्क्यांपर्यंत कमी झाले. अद्यापही एकूण कोरोनाबाधीत रुग्णांच्या तुलनेत 77 टक्के रुग्ण रुग्णांवर वेगवेगळ्या शहरांमधून उपचार सुरू आहेत. मात्र, त्यांचे बरे होण्याचे प्रमाण दर आठवड्याला वाढत असल्याचे निरीक्षण सार्वजनिक आरोग्य खात्यातर्फे नोंदण्यात आले आहे. - ताज्या बातम्यांसाठी डाऊनलोड करा ई-सकाळचे ऍप कोरोना विषाणूंचा संसर्ग झालेल्या एकूण रुग्णांची संख्या देशात 67 हजार 635 पर्यंत वाढली आहे. त्यापैकी 44 हजार 299 (65 टक्के) रुग्ण उपचार घेत आहेत. यातील एकूण कोरोनाबाधीतांपैकी प्रत्येक शंभर रुग्णांमागे तिघांचा देशात मृत्यू होत आहे. मात्र, त्याच वेळी 31 टक्के रुग्ण (21 हजार 119) कोरोनामुक्त होत आहेत. देशातील 33 टक्के रुग्ण एकट्या महाराष्ट्रात आहेत. त्यामुळे महाराष्ट्रातील कोरोनाबाधीत रुग्णांचे प्रमाण 72 टक्क्यांपर्यंत कमी होणे, ही राष्ट्रीय पातळी साथनियंत्रणाचे मोठा टप्पा असल्याचे मत सार्वजनिक आरोग्य क्षेत्रातील तज्ज्ञांनी `सकाळ`शी बोलताना सांगितले. कोरोनाबाधीतांची अशी वाढली संख्या राज्यात 9 मार्चला पहिले कोरोनाचे रुग्ण पुण्यात आढळले. त्यानंतर पहिल्या दोन आठवड्यात रुग्णांची संख्या 42 पर्यंत वाढली. तोपर्यंत राज्यात रुग्णांच्या निदानासाठी फक्त राष्ट्रीय विषाणू विज्ञान संस्था (एनआयव्ही) ही एकमेव प्रयोगशाळा होती. त्यामुळे तिसऱ्या आठवड्यापासून राज्यात प्रयोगशाळांची संख्या वाढली. सरकारी, खासगी आणि संशोधन संस्थांमधून कोरोना निदान सुरू झाले. रोगनिदानाच्या सुविधांचा विस्तार झाल्याने रुग्णांची तपासणी वाढविण्यात आली. त्यामुळे प्रत्येक संशयित आणि कोरोनाबाधीतांच्या संपर्कात आलेल्या प्रत्येकाची कोरोना निदान चाचणी करण्यात आली. त्यामुळे चौथ्या आठवड्यापासून तपासणीची संख्या वाढल्याने रुग्णसंख्या वाढल्याचे दिसते. पुण्याच्या इतर बातम्या वाचण्यासाठी येथे - क्लिक करा मार्चअखेरनंतर काय झाले? राज्यात कोरोनाचा रुग्ण आढळल्यानंतर 9 मार्च ते 30 मार्च या पहिल्या तीन आठवड्यात 220 रुग्णांची नोंद झाली. त्यात 14 दिवसांचे उपचार घेऊन कोरोनामुक्त झालेल्यांची संख्या 39 होती. त्यानंतर प्रत्येक आठवड्याला नव्याने कोरोनाबाधीत होणाऱ्यांचे प्रमाण सातत्याने कमी झाले. त्यामुळे चौथ्या आठवड्यात (30 मार्चे ते 5 एप्रिल) 545 रुग्णांची नोंद झाली. त्यापूर्वी आढळलेले 41 रुग्ण बरे झाल्याने त्यांना या आठवड्यात घरी सोडले. दर आठवड्याला असे झाले प्रमाण कमी राज्यात 6 ते 12 एप्रिल या आठवड्यात 87 टक्के रुग्ण आढळले. पण, त्याच वेळी 13 टक्के रुग्ण बरे झाल्याने घरी सोडले. नवीन रुग्णांच्या तुलनेत बरे होणाऱ्या रुग्णांचे प्रमाण वाढत आहे. त्यामुळे दर आठवड्यात नवीन रुग्णांची संख्या कमी होत असताना दिसते. News Story Feeds https://ift.tt/eA8V8J

Latest news updates May 11, 2020 0 Comments

via News Story Feeds https://ift.tt/2WLPRdH

Read more No comments:

सकाळ latest updates

लिक्विड, सॅनिटायझरची आठपटीने वाढली विक्री औरंगाबाद : कोरोनापासून बचावासाठी लागणारे सॅनिटायझर, लिक्विड हॅण्डवॉश, साबण आणि मास्कची मागणी ८ ते १० पटीने वाढली आहे. मल्टिनॅशनल ब्रँडेड कंपन्यांचे सॅनिटायझर, लिक्विड, साबणाचा एप्रिलच्या पहिल्या आठवड्यापासूनच तुटवडा जाणवत आहे. अद्यापही या कंपन्यांचा माल बाजारात मिळत नाही. मात्र या ब्रँडेड कंपन्यांप्रमाणे प्रभावी असलेल्या नॉन ब्रँडेड कंपन्यांचे सॅनिटायझर नागरिकांची गरज भागवत आहे. दोन्ही उत्पादनांतून लाखोंची उलाढाल होत आहे. दिवसभरात सात हजार लिटर सॅनिटायझर विक्री होत असल्याचे औषध विक्रेत्यांनी सांगितले आहे. कोरोनापासून वाचण्यासाठी अल्कोहोलबेस्ड लिक्विड सॅनिटायझरचा वापर करा किंवा साबणाने वेळोवेळी हात धुवावेत अशा सूचना आरोग्य विभाग, डॉक्टरांतर्फे करण्यात येत आहेत. सदरील उत्पादन तयार करणाऱ्या दोन नामांकित कंपन्यांच्या उत्पादनाचा तुटवडा बाजारात जाणवत आहे. तर दुसरीकडे या कंपन्यांची नियमितपणे जाहिरात सुरू आहे. या ब्रँडेड लिक्विड व सॅनिटायझरची मागणी असतानाही या कंपन्या आपले उत्पादन बाजारात आणतच नसल्याच्या तक्रारीही औषध विक्रेत्यांनी केल्या आहेत. दररोजची अशी आहे विक्री १५ मार्चपूर्वी शहरात आठवडाभरात एका औषधी दुकानातून केवळ चार ते पाच लिटर सॅनिटायझरची विक्री होत असे. त्यानंतर आता दिवसाकाठी साडेसहा ते सात हजार लिटर सॅनिटायझरची विक्री होत आहे, अशी माहिती गजानन महाराज व्यापारी संघाचे सचिव तथा जिल्हा व्यापारी महासंघाचे सहसचिव जयंत देवळांतकर यांनी दिली. हेही वाचा- शिक्षकांवर कामाचा अतिरिक्त ताण.. श्री. देवळांतकर म्हणाले, सिमिलर ब्रँड हे चांगल्या दर्जाचे असून ते निर्जंतुकीकरण करण्यासाठी सक्षम आहेत. यासह राज्यात सर्वत्र साखर निर्मिती करणाऱ्या कारखान्यांनीही सॅनिटायझर निर्मिती सुरू असल्याने लिक्विडला मोठा पर्याय मिळाला आहे. लिक्विडपेक्षा सॅनिटायझर हा उत्तम पर्याय असल्याचेही देवळांतकर यांनी सांगितले. सध्या ब्रँडेड सॅनिटायझर व लिक्विडचा तुटवडा जाणवत आहे. याच ब्रँडेड उत्पादनाप्रमाणेच सिमिलर ब्रँड बाजारात येत आहे. हे उत्पादनही तेवढेच प्रभावी आहेत. सॅनिटायझर, लिक्विड, हँडवॉश, मास्क विक्री दोन महिन्यांत आठ ते दहा पटींनी वाढली आहे. - जयंत देवळांतकर, सहसचिव, जिल्हा व्यापारी महासंघ News Story Feeds https://ift.tt/eA8V8J

Latest news updates May 11, 2020 0 Comments

via News Story Feeds https://ift.tt/2WLiOX7

Read more No comments:

सकाळ latest updates

Breaking News: सोलापूर जिल्हाधिकारी कार्यालयात कोरोना व्हायरसची एन्ट्री सोलापूर : सोलापूर शहर व जिल्ह्यात कोरोनाचा पहिला रुग्ण सापडल्याच्या घटनेला आज (ता. 12) एक महिना पूर्ण होत आहे. किराणा दुकानदारापासून सुरू झालेला सोलापुरातील कोरोनाचा प्रवास हॉस्पिटलमधील महिला कर्मचारी, सर्वसामान्य लोक, नर्स, डॉक्टर, नगरसेवक, पोलिस यामार्गे जिल्हा महसूल प्रशासनातील वरिष्ठ अधिकारी पर्यंत आला आहे. सोलापूरच्या जिल्हाधिकारी कार्यालयात कोरोना व्हायरसने एन्ट्री केल्याने प्रशासकीय यंत्रणा देखील अलर्ट झाली आहे. महसूल प्रशासनातील कोरोना पॉझिटिव्ह आलेल्या त्या वरिष्ठ अधिकाऱ्याला आपण कधी भेटलो होतो का? याचा शोध घेण्यासाठी महसूल प्रशासनातील यंत्रणेचे डोके भांबावून गेले आहे. दरम्यान कोरोना पॉझिटिव्ह आलेल्या या अधिकाऱ्यांनी मागील काही दिवसांमध्ये दक्षिण सोलापूर, अक्कलकोट ( ग्रामीण व शहर) या भागात प्रशासकीय कामकाजानिमित्त दौरा केला होता. या दौऱ्यात उपस्थित असलेल्या तालुकास्तरीय अधिकाऱ्यांपासून ते कर्मचारी, तालुका पातळीवरील लोकप्रतिनिधी यांच्या देखील चिंतेत आता भर पडली आहे. कोरोना पॉझिटिव्ह आलेल्या त्या अधिकाऱ्याच्या संपर्कात आलेल्या व्यक्तींना कोरोना चाचणीसाठी जिल्हा प्रशासनाने ताब्यात घेतले आहे. उस्मानाबादमध्ये कोरोना पॉझिटिव्ह माढ्यात चिंता सोलापूर शेजारी असलेल्या उस्मानाबाद जिल्ह्यात कोरोनाबाधित रुग्ण आढळला असून फळ विक्रीच्या निमित्ताने या रुग्णाने माढा शहर व परिसरात हजेरी लावली होती अशी माहिती समोर येत आहे. माढा शहरातील एक व परिसरातील एक अशा दोन व्यक्ती त्या कोरोना पॉझिटिव्ह व्यक्तीच्या संपर्कात आले असल्याची प्राथमिक माहिती आहे. News Story Feeds https://ift.tt/eA8V8J

Latest news updates May 11, 2020 0 Comments

via News Story Feeds https://ift.tt/2Wp7hxC

Read more No comments:

सकाळ latest updates

सगळेच म्हणतात, आपला गावचं बरा औरंगाबाद: वर्षानुवर्ष आपल्या गावाकडे ढुंकुनही न बघणारे, काय आहे गावाकडे असे सतत म्हणणारे कोरोनाच्या संकट काळात गावाकडेच धाव घेत आहे. कधीकाळी उजाड वाटतं असलेली गावे सध्या लोकांमुळे बहरली आहेत. लॉकडाऊन १७ मेपर्यंत गेल्याने आता कामगार, कष्टकऱ्यांबरोबर शहरात स्थायिक झालेलेसुद्धा गावाकडे धाव घेत आहेत. कोरोनाचे संकट जाऊन जनजीवन कधी सुरळीत होईल याचा नेम नसल्याने सगळचे जण आता आपला गावचं बरा असं म्हणाहेत. औरंगाबाद शहरात संपूर्ण मराठवाड्यासह राज्यातील इतर जिह्‍यांतून बहुतांश लोक स्थायिक झाले आहेत. परराज्यातील अनेक कामगार, कष्टकरी शहरात वास्तव्यास आहेत. २४ मार्च रोजी रात्री पहिला २१ दिवसांचा लॉकडाऊन जाहिर झाल्यानंतर कामगार, कष्टकरी आहे त्या ठिकाणीच अडकले. त्यानंतर ३ मे पर्यंत लॉकडाऊन वाढल्याने कामगार, गरीबांची उपासमार सुरु झाली. त्यामध्ये आणखी १७ मेपर्यंत तिसरा लाकडाऊन जाहिर झाला. पुढे काय होईल याची सर्वांनाच चिंता असल्याने प्रत्येक जण आपल्या गावाकडे घरी जाण्यासाठी आतूर झाला आहे. त्यांना आता काहीच नकोय फक्त आपले घर गाठणे एवढेच ध्येय आहे. यासाठी कित्येक जण शेकडो, हजारो किलोमीटरचा पायी प्रवास करत आहे. हेही वाचा- शिक्षकांवर येणार गंडांतर...वाचा जवळचा पैसा संपला, उपासमार अनेक कामगार, कष्टकरी गावा सोडून शहरात रोजगारासाठी आले. त्यांनी भाड्याने घर घेतले. मिळेल ते काम करुन त्यांनी शहरातच वर्षानुवर्ष राहणे पसंत केले. काही जण शेतात काम नसले तरी गावात कामासाठी येत होते. मात्र आता लॉकडाऊन होऊन दीड महिना होत आल्याने गरीबांकडील पैसे संपले आहे. उपासमार सुरु असल्याने त्यांनी गाव गाठणे सुरु केले. आता गावातच राहायचे लॉकडाऊनमध्ये संकटे झेलल्यानंतर आता अनेकांनी आपल्या गावाकडे राहायचे आहे. शहरात येण्यापेक्षा गावाकडे मिळेल ते काम करुन गावातच अनेकांना स्थायीक व्हायचे आहे. काही जणांना शहरातील आपला छोटा व्यवसाय बंद करण्याचा निर्णय घेत गाव गाठले. जवळ खाण्यासाठी पैसे नाहीत, रुम भाडे देण्यासाठी पैसा नाही त्या पेक्षा गावाकडे राहिलेले बरे अशी अनेकांची धारणा झाली आहे. शहरातील घरे रिकामी औरंगाबाद शहरात कोरोनाचे रुग्ण वाढत असल्याने शहरात काही दिवसांपासून थांबलेले सुद्धा आता आपले घर रिकामे करुन गावाकडे जात आहे. शहरातील रुग्णांची संख्या वाढल्याने गावाकडे परत येण्याच्या अनेकांना सूचना मिळताहेत. त्यासाठी बहुतांश जण पास काढून इतर जिल्ह्यात जाताहेत. शहरापेक्षा गाव सध्या जास्त सुरक्षित असल्याने अनेक घरांना कुलुप लागताहेत. News Story Feeds https://ift.tt/eA8V8J

Latest news updates May 11, 2020 0 Comments

via News Story Feeds https://ift.tt/3dANd19

Read more No comments:

सकाळ latest updates

मॉन्सून शनिवारपर्यंत अंदमानात; यंदा १०० टक्के पावसाचा अंदाज पुणे - बंगालच्या उपसागराच्या दक्षिण भागात उद्या (ता.१३) कमी दाबाचे क्षेत्र तयार होण्याची संकेत आहेत. या कमी दाब क्षेत्राची तीव्रता वाढून नैर्ऋत्य मोसमी वाऱ्यांना (मॉन्सून) चालना मिळणार आहे. शनिवारपर्यंत (ता.१६) मॉन्सून दक्षिण बंगालच्या उपसागर, दक्षिण अंदमान समुद्र आणि निकोबार बेटावर डेरेदाखल होण्यास पोषक स्थिती असल्याची माहिती हवामान विभागाने म्हटले आहे. हवामान विभागाने जाहीर केलेल्या मॉन्सून आगमनाच्या संभाव्य तारखांच्या नवीन वेळापत्रकानुसार मॉन्सून केरळमध्ये १ जूनला दाखल होण्याची शक्यता आहे. - ताज्या बातम्यांसाठी डाऊनलोड करा ई-सकाळचे ऍप दक्षिण अंदमान समुद्र, सुमात्राच्या किनाऱ्यालगतच्या परिसरावर चक्राकार वारे वाहत असून, उद्या (ता.१३) या भागात कमी दाबाचे क्षेत्र तयार होण्याचे संकेत आहेत. हे कमी दाबाचे क्षेत्र उत्तरेकडे सरकणार असून, शनिवारपर्यंत (ता.१६) ही प्रणाली अधिक तीव्र होणार आहे. दक्षिण बंगालचा उपसागर, दक्षिण अंदमान समुद्र आणि निकोबार बेटांवर मॉन्सूनचे आगमन होण्यास ही स्थिती पोषक ठरणार आहे. दिर्घकालीन सर्वसामान्य वेळेनुसार मॉन्सून २० मेपर्यंत अंदमान-निकोबार बेटांवर दाखल होत बहुतांशी भाग व्यापतो. यंदा सर्वसाधारण वेळेच्या चार दिवस आधीच मॉन्सून अंदमानात दाखल होण्याची शक्यता आहे. गतवर्षी १८ मे रोजी मॉन्सून दक्षिण अंदमानात दाखल झाला होता. तर संपुर्ण अंदमान बेटे व्यापण्यास ३० मे उजाडला होता. मे महिन्याच्या अखेरीस किंवा जून महिन्याच्या पहिल्या आठवड्यात मॉन्सून हंगामाचा सुधारित दिर्घकालीन अंदाज व विभागानिहाय पावसाचे वितरण स्पष्ट होणार आहे. यंदा १०० टक्के पावसाचा अंदाज यंदा नैर्ऋत्य मोसमी वाऱ्यांच्या (मॉन्सून) हंगामात जून ते सप्टेंबर या कालावधीत यंदा १०० टक्के पाऊस पडण्याचा अंदाज भारतीय हवामानशास्त्र विभागाने (आयएमडी) १५ एप्रिल रोजी जाहीर केला. या अंदाजात पाच टक्के कमी-अधिक पाऊस पडण्याची शक्‍यताही गृहीत धरण्यात आली आहे. मॉन्सून हंगामाच्या सुरवातीला एल-निनो स्थिती सर्वसामान्य राहणार असून, शेवटच्या टप्प्यात ला-निना स्थिती निर्माण होण्याचे संकेत आहेत. News Story Feeds https://ift.tt/eA8V8J

Latest news updates May 11, 2020 0 Comments

via News Story Feeds https://ift.tt/3bn5xt9

Read more No comments:

सकाळ latest updates

‘शॉर्टेज’चे कारण सांगून व्यापाऱ्यांकडून लूट कळंब (जि. उस्मानाबाद) : देशावर कोरोनाचे संकट आले असून, सर्व प्रशासकीय यंत्रणा जिवाची पर्वा न करता संकटाशी दोन हात करीत आहेत. उस्मानाबाद ग्रीन झोनमध्ये असल्याने टाळेबंदीत शिथिलता मिळाल्याने शेतकरी, सर्वसामान्य पावसाळी कामे पूर्ण करून घेत आहेत. पशुधनाला पक्का निवारा करण्यासाठी पन्हाळी पत्रे, बांबू आदी साहित्य खरेदीसाठी मार्केटमध्ये गर्दी करीत आहेत. मात्र कोरोनाच्या संकटकाळात पत्र्याचे ‘शॉर्टेज’ असल्याचे कारण सांगून शहरातील व्यापारी शेतकऱ्यांची लूट करीत असल्याचा प्रकार समोर येत आहे. एरवी पाचशे ते सहाशे रुपयांना मिळणारा पत्रा एक हजार ४०० रुपयेप्रमाणे विक्री करून सर्वसामान्यांची व्यापाऱ्यांकडून सर्रास लूट सुरू आहे. हेही वाचा - ‘साहेब, तुमच्या पाया पडतो; पण एक वेळ सोडा हो...’ टाळेबंदीला ४६ दिवस पूर्ण झाले आहेत. देशावरील कोरोनाचे महासंकट टाळण्यासाठी तिसऱ्या टप्प्यात टाळेबंदी करण्यात आली आहे. उस्मानाबाद जिल्ह्याची ग्रीन झोनमध्ये नोंद झाल्यामुळे टाळेबंदीमधून सूट देण्यात आली आहे. जिल्हाधिकारी दीपा मुधोळ-मुंडे यांनी सर्व प्रकारच्या आस्थापना सकाळी आठ ते दुपारी दोनपर्यंत उघड्या ठेवण्याचे निर्देश दिले आहेत. शिवाय बेकरी व्यावसायिकांना सकाळी सात ते सायंकाळी सातपर्यंत सुधारित नियम घालून देण्यात आले आहेत. टाळेबंदीच्या कालावधीत शहरातील एकही आस्थापना उघडी राहण्याचा प्रश्‍नच येत नाही. बहुतांश शेतकरी पशुधन, शेतमाल साठवणूक करण्यासाठी उन्हाळ्याच्या दिवसांत पत्र्याचे शेड उभे करतात. काही शेतकरी उसाचे पाचट जमा करून गोठा बांधतात. पशुधनासाठी पक्का निवारा असावा म्हणून अनेक शेतकरी नियोजन करतात. सोमवारी (ता. ११) शहरातील मार्केटमध्ये उन्हाळी पत्रे, सागवानी बांबू, लोखंडी पाइप खरेदी करण्यासाठी शेतकऱ्यांनी गर्दी केली होती. शहरात १० ते १५ व्यापारी पत्रे, लोखंडी पाइप, बांबू विक्रीचा व्यवसाय करतात. यात किरकोळ व्यापाऱ्यांसह ठोक व्यापाऱ्यांचा समावेश आहे. वाहनचालकांवर गाडा ढकलण्याची वेळ, टाळेबंदीमुळे भाजीपाला विक्रीचा पर्याय टाळेबंदीच्या पूर्वी पाचशे ते सहाशे रुपयांना उन्हाळी पत्रा मिळत होता. तो पत्रा आता एक हजार ४०० रुपयांना मिळू लागल्याने दर वाढण्याचे नेमके काय कारण, असे शेतकरी व्यापाऱ्यांना सवाल करीत आहेत. शॉर्टेज असून, उत्पादन होत नसल्याने साहित्य मिळत नाही. वशिला लावून हे तरी साहित्य आपल्या बाजारात उपलब्ध होते. दुसरीकडे जाऊन बघा, साहित्यच मिळत नाही, असे व्यापारी शेतकऱ्यांना सांगून कोरोनाच्या महासंकटाची संधी साधून सर्वसामान्यांची व्यापाऱ्यांकडून लूट सुरू असल्याचे प्रकार समोर येत आहेत. News Story Feeds https://ift.tt/eA8V8J

Latest news updates May 11, 2020 0 Comments

via News Story Feeds https://ift.tt/35YfxIo

Read more No comments:

सकाळ latest updates

ससूनमध्ये कोरोना रुग्ण बरे होण्याचे प्रमाण वाढले पुणे - कोरोना संशयितांच्या नमुने तपासणीचे प्रमाण वाढविले असून, तुलनेत पॉझिटिव्ह रुग्णांच्या प्रमाणात घट होत आहे. त्यामुळे परिस्थिती काही प्रमाणात नियंत्रणात येत असल्याची माहिती जिल्हाधिकारी नवल किशोर राम यांनी दिली. - ताज्या बातम्यांसाठी डाऊनलोड करा ई-सकाळचे ऍप विभागीय आयुक्त डॉ. दीपक म्हैसेकर आणि जिल्हाधिकारी नवल किशोर राम यांनी व्हिडिओ कॉन्फरन्सिंगद्वारे सोमवारी पत्रकारांशी संवाद साधला. या वेळी राम म्हणाले, नाशिक, नगर, सोलापूर आणि कोल्हापूर या जिल्ह्यातील संशयित रुग्णांचे नमुने तपासणीसाठी पुण्यात येत आहेत. या पार्श्वभूमीवर रुग्णांच्या नमुन्यांच्या तपासणीचे प्रमाण सुमारे तीस टक्क्यांनी वाढविले आहे. ससून रुग्णालयामध्ये रुग्णांच्या बरे होण्याचे प्रमाण वाढले आहे. तर, दुसरीकडे काही खासगी रुग्णालयांबाबत तक्रारी येत आहेत. चुकीच्या पद्धतीने काम करणाऱ्या आणि जादा शुल्क वसूल केल्याप्रकरणी खासगी रुग्णालयास नोटीस देण्यात आली असून, व्यवस्थापनाला त्यांचे म्हणणे मांडण्यास सांगितले आहे. पुण्याच्या इतर बातम्या वाचण्यासाठी येथे - क्लिक करा पुणे कॅन्टोनमेंटमधील न्यू मोदीखाना परिसरात रुग्ण संख्या वाढत आहेत. भवानी पेठ लगतचा हा परिसर आहे. साडेबारा हजार मजूर रवाना पुणे जिल्ह्यातून मध्यप्रदेशमधील ग्वाल्हेर, रेवा, उत्तर प्रदेशातील अलाहाबाद, प्रयागराज, राजस्थान येथील जोधपूर यासह अन्य राज्यांमध्ये १२ हजार ४२१ मजूर आपल्या घरी परतले आहेत. बिहार राज्यातील मजुरांनाही पाठविण्यात येणार आहे. येत्या तीन-चार दिवसांत आणखी काही विशेष रेल्वे गाड्या सोडण्यात येणार असल्याची माहिती राम यांनी दिली. News Story Feeds https://ift.tt/eA8V8J

Latest news updates May 11, 2020 0 Comments

via News Story Feeds https://ift.tt/2SWSQin

Read more No comments:

Breaking

Tuesday, May 12, 2020

शिवसेनेला सामनातून राज्य सरकारवर टीका करून काय साध्य करायचं आहे?

कंगना रनौत ने तोड़े बॉक्स ऑफिस पर सबसे बड़े रिकॉर्ड, 'पंगा' लेना पड़ता भारी- एनालिटिक रिपोर्ट

Monday, May 11, 2020

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts