Click Live News Short news on Mobile 2019.....

Sunday, July 19, 2020

BBC मराठी

उद्धव ठाकरे सरकारचा ग्रामपंचायतींवर प्रशासक नेमण्याचा निर्णय वादात का अडकला?

Latest news updates July 19, 2020 0 Comments

via BBC News मराठी - बातम्या https://ift.tt/2CjtB4T

Read more No comments:

सोन्याबरोबरच आता चांदीचीही ‘चांदी’! गेल्या वर्षभरात सोन्याचे भाव मोठ्या प्रमाणात वाढल्यावर आता सर्वत्र सोन्याबद्दल चर्चा होताना दिसत आहे. सोन्याचा भाव २०१३ पासून तब्बल ६ वर्ष २५००० ते ३५००० या पातळ्यांमध्येच फिरत होता म्हणजेच २०१३ पासून जुलै २०१९ पर्यंत सोन्यात केलेल्या गुंतवणुकीवर विशेष परतावा मिळत नव्हता. जुलै २०१३ ते जुलै २०१९ याच काळात सेन्सेक्सने म्हणजेच भारतीय शेअर बाजाराने २०००० ते ४०००० पर्यंत अशी दुप्पट वाढ दर्शविली. ज्यावेळस सोन्याने ३५०००चा टप्पा ओलांडला तेव्हा गुंतवणुकीच्या दृष्टीने सोन्याकडे गुंतवणूकदारांचे लक्ष कमी होते. कारण त्याआधी मागील सहा वर्षात सोन्यात केलेल्या गुंतवणुकीवर विशेष परतावा मिळाला नव्हता. तसेच सोन्याने ३५००० हजारांचा टप्पा ओलांडल्यावर सामान्य गुंतवणूकदारांच्या मते ६ वर्षाच्या तुलनेत सोने खूप महाग झाले होते. यांनतर म्हणजेच जुलै २०१९ नंतर शेअर बाजाराने विशेष परतावा दिला नाही आणि ३५०००ला असणारे सोने ५००००ला गवसणी घालत आहे. स्वित्झर्लंड येथील प्रसिद्ध गुंतवणूकदार मार्क फेबर म्हणतात, ‘व्हॅल्युएशनने खूप महाग झालेल्या असेट क्लास किंवा मालमत्तेध्ये गुंतवणूक करण्यापेक्षा मला ज्या असेट क्लास किंवा मालमत्तेत बराच काळ वाढ झालेली नाही मात्र भविष्यात वाढ होण्याची क्षमता आहे, अशा ठिकाणी गुंतवणूक करणे पसंत आहे. कारण त्या ठिकाणी खूप मोठा परतावा मिळू शकतो.’ या गुंतवणुकीच्या पद्धतीला ‘कॉँट्ररीयन अप्रोच’ म्हणतात. २००८मध्ये भारतीय शेअर बाजारातील निफ्टी ६३०० वर गेली होती. प्राईज अर्निंग रेशो व्हॅल्युएशननुसार त्यावेळस निफ्टी २८ अंकाला होती, म्हणजेच खूप महाग झाला होता. यानंतर बाजारात पडझड झाली आणि ऑक्टोबर २०१०मध्ये पुन्हा निफ्टी ६२८० झाला. त्यावेळसदेखील पीईनुसार शेअर बाजार पुन्हा एकदा २५पेक्षा जास्त झाल्याने महाग झाल्याचे संकेत देत होता. अशा वेळेस चांदीने ३००००ची पातळी ओलांडून पुढील ९ महिन्यात ३०००० ते ७०००० पर्यंत मोठ्या प्रमाणात वाढ दर्शविली. शेअर बाजारातील कंपन्यांच्या बॅलन्स शीट, प्रॉफिट लॉस, कॅश-फ्लो स्टेटमेंट आदी वरून व्हॅल्यूशन समजू शकते. मात्र सोन्या-चांदीचे शेअर बाजारातील कंपन्यांसारख्या बॅलन्स शीट किंवा प्रॉफिट लॉस स्टेटमेंट्स नसतात. त्यामुळे याची तुलना इतर असेट क्लासमधील व्हॅल्यूशनशी त्याचप्रमाणे चालू महागाई दराचा अभ्यास करून तसेच सोन्या चांदीतील मागणी-पुरवठ्याच्या तक्त्यानुसार विचार करून गुंतवणुकीचा निर्णय घेता येऊ शकतो. सद्यःस्थितीमध्ये शेअर बाजाराचे पीई मूल्यांकन महाग झाले आहे. ताज्या बातम्यांसाठी डाऊनलोड करा ई-सकाळचे ऍप तब्बल ९ वर्षानंतर चांदी तेजीत अशावेळेस चांदीचा विचार करता २०११पासून २०१६पर्यंत पडझड दर्शविल्यानंतर चांदीने २०१६ ते २०२० याकाळात ३२६२६ ते ५०६७२ या मर्यादित पातळ्यांमध्येच चढ उतार दर्शविली आहे. तसे पाहता २०११ पासून मागील ९ वर्षे चांदीने वाढ दर्शविली नाही. मात्र जुलै २०२०मध्ये चांदीने ५००००च्या वर भाव देत मर्यादित पातळ्यांमध्येच अडकलेल्या अवस्थेमधून बाहेर पडल्याचे संकेत दिले आहेत. शेअर बाजार महाग असताना अशा पद्धतीने चांदीने तेजीचे संकेत दिल्याने तसेच तब्बल ९ वर्षे डिप्रेसड असेट क्लास म्हणजेच बराच काळ परतावा न दिलेली मालमत्ता म्हणून निदर्शन केल्याने आगामी काळात २ ते ५ वर्षात चांदीचे भाव मोठ्या प्रमाणात म्हणजेच ७०००० हजार ते १लाख पर्यंत भाव वाढण्याची शक्यता आहे. पुण्याच्या बातम्या वाचण्यासाठी येथे ► क्लिक करा आता वेळ चांदी वधारण्याची शेअर बाजार वधारून महाग झाला आहे. तर सोन्यानेदेखील तेजीची झळाळी दर्शविली आहे आता चांदी वधारण्याची शक्यता आहे. गोल्ड-सिल्वर रेशो तपासून पाहता सोन्याच्या भाववाढी पाठोपाठ चांदीत भाववाढ होण्याची शक्यता आहे. मात्र डॉलरमध्ये विचार करता २०१६पासून चांदीचे भाव ११ ते २१ डॉलर प्रति. औन्स या पट्यातच फिरत आहेत. या पट्ट्यातून चांदीने बाहेर पडल्याचे संकेत दिल्यास आंतरराष्ट्रीय बाजारातूनदेखील चांदीसाठी तेजीचे संकेत मिळतील. चांदीत गुंतवणूक करताना या बाबी तपासा वरील सर्व बाबींचा विचार करता मर्यादित धोका स्वीकारून २ ते ५ वर्षासाठी चांदीत गुंतवणूक करणे फायदेशीर ठरू शकते. चांदी हा एक मौल्यवान धातू आहे, तसेच चांदीचा वापर औद्योगिक क्षेत्रातदेखील केला जातो. भारतामध्ये चांदी एक्सचेंजवर इलेक्ट्रॉनिक स्वरूपात घेण्याची सोय नसल्याने फिजिकल स्वरूपात चांदी घेताना शुद्धता, व्यवहारातील पारदर्शकता, ज्वेलरने पुन्हा आपल्याकडून खरेदी करण्याची हमी, घडणावळ,जी. एस. टी., तसेच भाववाढीवर विक्री पश्चात लागणारा कर आदी बाबींचा विचार करून तसेच चांदीचे भाव अत्यंत चंचल असल्याने जोखीम ओळखूनच चांदीत परवडेल, असा धोका स्वीकारून गुंतवणूक करणे योग्य ठरेल. (सेबी रजिस्टर्ड गुतंवतणूक सल्लागार) (Edited by: Kalyan Bhalerao) News Story Feeds https://ift.tt/eA8V8J

Latest news updates July 19, 2020 0 Comments

via News Story Feeds https://ift.tt/2CT9XN2

Read more No comments:

सकाळ latest updates

लॉकडाऊनबाबत अधिकाऱ्यांमध्येच नाही एकवाक्‍यता; वाचा काय म्हणतात ते... नागपूर : लॉकडाऊनबाबत प्रशासकीय अधिकाऱ्यांमध्येच मतभिन्नता दिसून येते. गृहमंत्री अनिल देशमुख आणि पालकमंत्री नितीन राऊन घेतलेल्या बैठकीत ही मतभिन्नता उघड झाली. लॉकडाऊनला महानगरपालिका आयुक्त तुकाराम मुंढे यांनी समर्थन दिले तर जिल्हाधिकारी रवींद्र ठाकरे आणि ग्रामीण पोलिस अधीक्षक (एस.पी.) राकेश ओला यांनी लॉकडाऊनला विरोध दर्शविला. लॉकडाउनसंदर्भात प्रशासकीय यंत्रणांनी अभ्यास करण्याच्या सूचना दोन्ही मंत्र्यांनी दिल्या. विभागीय आयुक्त कार्यालयात कोरोनाबाबत आढावा घेण्यात आला. शहरात रुग्णांची संख्या वाढत असल्याने लॉकडाउन करण्याच्या सूचना मनपा आयुक्त मुंढे यांनी केल्या. शहर आणि ग्रामीण भागातील नागरिकांना एका क्षेत्रातून दुसऱ्या क्षेत्रात जाण्यास प्रतिबंध घालणे आवश्‍यक असल्याचेही ते म्हणाले. जिल्हाधिकारी ठाकरे यांनी याला विरोध दर्शविला. ग्रामीण भागात शेतीची कामे आहेत. त्यामुळे ग्रामीण भागात लॉकडाऊन करणे योग्य नसल्याचे ते म्हणाले. क्लिक करा - आयुक्त मुंढेच्या नावाने बघा काय सुरू आहे नागपुरात? एस. पी. ओला यांनीही ठाकरेंना समर्थन दिले. खासदार कृपाल तुमाने यांनीही विरोध दर्शविला. लॉकडाऊनने नागरिकांचे नुकसान झाले. त्यांच्याकडील पैसा संपला. शेतकऱ्यांना खत, बियाण्यांसाठी शहरात यावे लागणार आहे. त्यांना प्रतिबंध घातल्यास त्यांचे नुकसान होईल. आता पुन्हा लॉकडाउन केल्यास मोठी अडचण होणार असल्याचे ते म्हणाले. आमदार विकास ठाकरे यांनीही विरोधी दर्शविला. आधीचे लॉकडाऊन अचानक करण्यात आले. नागरिकांना कोणत्याच प्रकारे वेळ मिळाला नाही. त्यांची मोठी अडचण झाल्याचे ठाकरे म्हणाले. पालकमंत्री राऊत यांनी क्षेत्र प्रतिबंधित करताना आणि लॉकडाऊन करताना लोकप्रतिनिधींना विश्‍वासात घेण्याच्या सूचना केल्या. लॉकडाऊनबाबत अधिकाऱ्यांमध्ये एकवाक्‍यता नव्हती. गृहमंत्री अनिल देशमुख यांनी मनपा आयुक्त, जिल्हाधिकारी, पोलिस आयुक्त, नासुप्र सभापती, एसपी यांना एकत्र बसून लॉकडाऊनबाबत अभ्यास करण्याच्या सूचना केल्या. किती दिवस लॉकडाऊन करायचे, ते करण्यापूर्वी लोकांना किती दिवस द्यायचे, अशा पद्धतीने करायचा, कोणत्या वस्तूंची गरज आहे आदी विषयांवर अभ्यास करून अहवाल देण्याच्या सूचना देशमुख यांनी केल्या. संपादित : अतुल मांगे News Story Feeds https://ift.tt/eA8V8J

Latest news updates July 19, 2020 0 Comments

via News Story Feeds https://ift.tt/3jmWeyr

Read more No comments:

सकाळ latest updates

अर्थिक शिस्त पाळली,तर "एसआयपी'सारख्या गुंतवणुकीला "ब्रेक' लावण्याची गरज नाही कोविड-19 च्या साथीमुळे गेले काही महिने देशभर लॉकडाउन सुरू आहे. त्याचा परिणाम नोकरी-व्यवसाय आणि उत्पन्नावरही झाला आहे, होत आहे. म्युच्युअल फंडात "सिस्टेमॅटिक इन्व्हेस्टमेंट प्लॅन'च्या (एसआयपी) माध्यमातून होणाऱ्या नियमित गुंतवणुकीवरही त्याचा परिणाम झाला आहे. उत्पन्नावर परिणाम झाल्याने अनेकांनी सर्वप्रथम "एसआयपी' बंद करण्याचा (चुकीचा) निर्णय घेतल्याचे दिसून येते. परंतु, घसरत्या बाजारातच "एसआयपी' फायदेशीर ठरते, याची अनेकांना कल्पना नसते. आर्थिक आणीबाणीतही अर्थिक शिस्त पाळली, तर "एसआयपी'सारख्या नियमित गुंतवणुकीला "ब्रेक' लावण्याची गरज भासणार नाही. सोहम आणि पुष्कर हे असेच दोन मित्र. त्यांच्या ताज्या संवादातून काय बोध मिळतो, ते पाहू. सोहम - अरे, काय सांगू, सध्या फारच प्रॉब्लेम आहे. "सॅलरी कट'मुळं मी माझी "एसआयपी' बंद करायचं ठरवलंय. पुष्कर - का रे बाबा? कारण बाजार जेव्हा खाली असतो, तेव्हाच तर "एसआयपी'चा जास्त फायदा होत असतो... सोहम - ते माहिती आहे रे... बाजाराच्या चढ-उताराचा काही संबंध नाही. पण गेले तीन महिने माझा पगार 40 टक्‍क्‍यांनी कमी झालाय. आमच्या ऑफिसमध्ये सर्वांचाच झालाय. ताज्या बातम्यासाठी डाऊनलोड करा ई-सकाळचे अॅप पुष्कर - ओह.. अच्छा! परिस्थिती सगळीकडे सारखीच दिसतेय रे. कारण माझासुद्धा पगार कमी झालाय. सोहम - पण मग तरीसुद्धा तू तुझी "एसआयपी' कशी काय सुरु ठेवलीयस अजून? पुष्कर - अरे, मी दोन महिन्यांपूर्वीच एका तज्ज्ञाकडून माझं "फायनान्शिअल प्लॅनिंग' करून घेतलं... सोहम - ते कळलं रे बाबा, पण त्यामुळं लगेच पैसे कुठून आले? पुण्याच्या बातम्या वाचण्यासाठी येथे क्लिक करा पुष्कर - अरे त्यांनी मला खूप चांगला सल्ला दिला. माझ्या हातून कळत-नकळतपणे होणाऱ्या आर्थिक चुका टाळण्याचा सल्ला दिला आणि तुला आश्‍चर्य वाटेल, पण मी त्या चुका सुधारल्यामुळं माझी तेवढी बचत होत गेली आणि पैसे शिल्लक राहू लागले. सोहम - अरे वा, मला पण सांग, मी पण पाहतो, की तू नक्की काय केलंयस ते. पुष्कर - मला वाटलंच होतं, की तू हे मला विचारणार... म्हणूनच तुझ्यासाठी आणि तुझ्यासारख्या इतरांसाठी सोबतच्या टिप्स देतो. त्यांचं कटाक्षानं पालन केलंस तर "एसआयपी' बंद करण्याची वेळ येणार नाही आणि घसरत्या बाजारातल्या संधीचा फायदा घेता येत राहील. एकदा का आर्थिक शिस्तीची सवय लागली, की भविष्यात कायमच त्याचा फायदा होत राहील. आर्थिक शिस्तीवर बोलू काही... - बॅंकेच्या बचत खात्यात किमान एका पगाराइतकी रक्कम कायम ठेवा. तसेच खात्यात किमान रक्कम न ठेवल्यामुळे होणारा दंड टाळा. - उधारीवर खरेदी करण्याच्या सवयीला लगाम घाला. क्रेडिट कार्डचे बिल उशिरा भरल्यामुळे होणारा भुर्दंड टाळा. - वीज, दूरध्वनी, मालमत्ता कर, सोसायटी मेंटेनन्स यासारखी देणी वेळच्या वेळी फेडा आणि बिल उशिरा भरल्याने होणारा दंड टाळा. - प्राप्तिकर वाचविण्यासाठी आर्थिक वर्षाच्या सुरवातीपासून शक्‍य तितकी गुंतवणूक करा आणि करबचतीचा लाभ घ्या. - पूर्वी घेतलेल्या "एनएससी', "टॅक्‍स सेव्हिंग बॉंड' सारख्या योजनांची मुदत संपलेली असेल, तर त्याचे मुदतपूर्तीचे पैसे आठवणीने परत घ्या. - आधी घेतलेले जास्त व्याजदराचे गृहकर्ज कमी व्याजदराच्या पर्यायाकडे हस्तांतरीत करा. - अभ्यास न करता अथवा तज्ज्ञांचे मार्गदर्शन न घेता, चुकीच्या योजनांमध्ये किंवा शेअरमध्ये गुंतवणूक करू नका. - तुलनेने सुरक्षित; पण भविष्यात अधिक परतावा देऊ शकणाऱ्या गुंतवणूकपर्यायांचा तज्ज्ञांच्या मदतीने शोध घ्या. (लेखक ज्येष्ठ गुंतवणूक सल्लागार आहेत.) News Story Feeds https://ift.tt/eA8V8J

Latest news updates July 19, 2020 0 Comments

via News Story Feeds https://ift.tt/2ODBjci

Read more No comments:

सकाळ latest updates

"पिक्‍चर अभी बाकी है!' चालू आर्थिक वर्षाच्या सुरवातीपासून "रिलायन्स इंडस्ट्रीज'चे नाव प्रत्येकाच्या ओठावर आहे. गेल्या तीन महिन्यांत दुप्पट झालेल्या या कंपनीच्या शेअरने "राईट्‌स इश्‍यू'चे सर्व विक्रम मोडले. भांडवली बाजारात पैसे उभे करण्याचे "सेबी'चे नियम 22 एप्रिलला बदलताच, युद्धपातळीवर आठ दिवसांत बोर्ड मिटिंग घेऊन, शेअरधारकांकडून 53 हजार कोटी रुपये जमा करण्याचे आव्हान पेलावे तर "रिलायन्स'नेच! त्याखेरीस "फेसबुक'पासून सुरवात करून "गुगल'पर्यंत खासगी गुंतवणुकीचा ओघ "रिलायन्स'कडे वळला. पाहता पाहता दीड लाख कोटी रुपयांच्या वर रक्कम उभी झाली आणि कंपनी कर्जमुक्त झाली. गेल्या तीन महिन्यांत जग आर्थिक व जिवावरच्या संकटात सापडलेले असताना, मुकेश अंबानी मात्र वेगळ्या प्रकारचे "शॉपिंग' करण्यात मग्न होते. त्यातूनच वार्षिक सभेत आधुनिक "जिओ टीव्ही प्लस', "जिओ ग्लास' सादर करण्याची; तसेच स्वत:चे "5 जी' तंत्रज्ञान विकसित केल्याची घोषणा करता आली. या पार्श्‍वभूमीवर भारतीय गुंतवणूकदार मात्र "घर की मुर्गी दाल बराबर' या न्यायाने या सर्व घटनाक्रमाकडे संशयानेच पाहतो. त्याला पडलेला पहिला प्रश्न - "इतके हुरळून जाण्यासारखे यात काय आहे?' आणि "आता दुप्पट झालेल्या या शेअरचे काय करावे?' हा दुसरा प्रश्न! याचाच थोडा मागोवा घेऊया. ताज्या बातम्यासाठी डाऊनलोड करा ई-सकाळचे अॅप हुरळून जाण्याची कारणे कोणती? 1) भारतात सध्या "डेटा प्रायव्हसी' कायदा नाही. तो सध्याच्या सरकारने प्रस्तावित केला आहे, आज ना उद्या तो होईल. "डेटा' हे उद्याचे कच्चे तेल आहे. 130 कोटी जनतेचा खडानखडा मागोवा त्यातून घेता येईल. 2) चीनच्या हेतूविषयी सर्व जगालाच शंका आहे. त्यातूनच हुवाई कंपनीचे "5 जी' तंत्रज्ञान वापरण्याची अमेरिकेची व आपलीही तयारी नाही. "रिलायन्स' ते आणेल, याचा विश्वास जगाला आहे. 3) पूर्णपणे कर्जमुक्त झाल्यामुळे यासाठी लागणारे भांडवल उभारणीची क्षमता "रिलायन्स'कडे आहे. पुण्याच्या बातम्या वाचण्यासाठी येथे क्लिक करा 4) आपण सारे मिळून भारतीय बाजापेठ काबीज करू, हे "रिलायन्स'चे धोरण जगभरातील मोठ्या गुंतवणूकदारांना पटले आहे. 5) लक्षावधी किराणा दुकानदारांना बरोबर घेऊन "जिओ मार्ट'चे ऑनलाईन व ऑफलाईन मॉडेल वर्षभरात उभे राहू शकते. 6) किफायतशीर किमतीत स्मार्ट फोनही "रिलायन्स' आणणार आहे. स्वत:चे 5 जी तंत्रज्ञान, फोन आणि प्लॅटफॉर्म या एकत्रित संयोजनाला तोड नाही. 7) "रिलायन्स जिओ' आणि "रिलायन्स रिटेल' हे भविष्यात स्वतंत्रपणे भांडवली बाजारात येऊ शकतात. 8) पुढील दोन वर्षांत "रिलायन्स'चे अर्निंग पर शेअर (इपीएस) 66 रुपयांवरून 93 रुपये होण्याचा अंदाज आहे. शेअरचे काय करावे? प्रत्येक पडत्या भावात हा शेअर घेत राहिला पाहिजे. नफावसुलासाठी आज विक्रीचा मोह होणे साहजिकच आहे, पण विकल्यास पुन्हा घेण्याची संधी शोधत राहावी. कारण, "दोस्तों, पिक्‍चर अभी बाकी है!' (लेखक शेअर बाजाराचे विश्‍लेषक आहेत.) (डिस्क्‍लेमर - शेअर बाजारातील गुंतवणुकीत जोखीम असते. त्यामुळे वाचकांनी गुंतवणुकीबाबतचे निर्णय स्वत-च्या जबाबदारीवर घेणे अपेक्षित आहे.) News Story Feeds https://ift.tt/eA8V8J

Latest news updates July 19, 2020 0 Comments

via News Story Feeds https://ift.tt/3hiq1Xu

Read more No comments:

आज तक

UAE का पहला मार्स मिशन जापान से लान्च, फरवरी में कक्षा में प्रवेश की उम्मीद https://ift.tt/2BfsDpJ

Latest news updates July 19, 2020 0 Comments

via आज तक

Read more No comments:

सकाळ latest updates

राजधानी दिल्ली : निष्क्रिय श्रेष्ठी अन्‌ अहंकारी नेते कॉंग्रेसची राज्य सरकारे भाजपकडून गिळंकृत होत असताना आणि पक्षाला खिंडार पडत असतानाही कॉंग्रेस "हायकमांड' "ठेविले अनंते'च्या ब्रह्मानंदात मग्न आहे. राजस्थानातील सचिन पायलट यांचे प्रकरण संपायचे तेव्हा संपेल. परंतु कॉंग्रेसश्रेष्ठींची निष्क्रियता आणि पडत्या काळातही अहंकारातून पक्षातील ऐक्‍य टिकविण्याबद्दलची बेपर्वाई यानिमित्ताने पुन्हा एकदा उघड झाली आहे. ज्येष्ठ कॉंग्रेस नेते बॅ. विठ्ठलराव गाडगीळ यांनी सांगितलेली ही आठवण ! त्यांचे वडील काकासाहेब हे पं. नेहरूंच्या मंत्रिमंडळात होते. दोघांमध्ये उत्तम संबंध होते. पण काही मुद्‌द्‌यांवरून मतभेद झाले आणि नेहरूंनी काकासाहेबांची बाजू न्याय्य असूनही काहीसा दुर्लक्षिण्याचा पवित्रा घेतला. स्वाभिमानी काकासाहेबांनी तडक मंत्रिपदाचा राजीनामा दिला. नेहरूंना प्रसंगाचे गांभीर्य लक्षात आले. त्यांनी प्रथम काही मध्यस्थांमार्फत काकासाहेबांची समजूत घालण्याचा प्रयत्न केला, त्यात यश आले नाही. मग एक दिवस नेहरू तडक काकासाहेबांच्या बंगल्यावर जाऊन थडकले. शिष्टाचार पाळून काकासाहेबांनी त्यांचे स्वागत केले. चहा आला. मग नेहरूंनी खडा टाकला की ते चहा घेतील, पण त्याआधी काकासाहेबांनी राजीनामा मागे घ्यावा. नेहरूंनी राजीनामापत्र बरोबर आणले होते. मानी काकासाहेब राजीनामा मागे घेण्यास तयार होईनात. त्यांनी नेहरूंनाच सांगितले की तुम्ही पंतप्रधान आहात, राजीनाम्याचे काय करायचे त्याचा सर्वाधिकार तुम्हाला आहे. नेहरूंही अडून बसले. परंतु नेहरूंनी चतुराई दाखवली. तेथेच लहानगे विठ्ठलराव खेळत होते. नेहरूंनी "विठ्ठल, इधर आओ' म्हणून त्यांना बोलावले आणि राजीनामापत्र देऊन ते फाडण्यास सांगितले. मग काकासाहेबही विरघळले. पेच संपला ! पण आता कॉंग्रेसमध्ये ना काकासाहेब आहेत, ना नेहरू ! ताज्या बातम्यांसाठी डाऊनलोड करा ई-सकाळचे ऍप राजस्थानातील वर्तमान पेचप्रसंग आणि अडचणीत आलेले कॉंग्रेसचे सरकार पाहता या प्रसंगाची आठवण येते. या पेचप्रसंगात कॉंग्रेसचे हायकमांड काय करीत होते हे एक अनाकलनीय गूढ आहे. कॉंग्रेस हायकमांड म्हणजे कोण ? सध्या सोनिया, राहुल व प्रियांका हे तीन गांधी हेच कॉंग्रेसचे हायकमांड आहे. बाकीचे नेते "लो-कमांड'मध्ये सामील होतात. या हायकमांडपैकी केवळ प्रियांका गांधी याच बंडखोर नेते सचिन पायलट यांच्या संपर्कात होत्या असे समोर आले आहे. परंतु कॉंग्रेस कुटुंबाच्या प्रमुख म्हणून सोनिया गांधी यांनी काय केले किंवा अध्यक्षपद सोडल्यानंतरही पक्षाच्या प्रत्येक नेमणुकीमागे हात असलेले राहुल काय करीत होते याची माहिती मिळालेली नाही. कॉंग्रेसच्या केंद्रीय पातळीवरील नेत्यांपैकी पी. चिदंबरम यांच्याशी सचिन पायलट बोलले असेही प्रकाशात आले. परंतु अन्य कुणी वरिष्ठ नेत्याने सचिन पायलट यांना समजावण्याचा प्रयत्न केला, असे समोर आलेले नाही. म्हणजेच भाजपच्या "कॉंग्रेसमुक्त भारत' मोहिमेत एकामागून एक कॉंग्रेसची राज्य सरकारे भाजपकडून गिळंकृत होत असताना आणि कॉंग्रेसला खिंडारे पडत असतानाही हे "हायकमांड' "ठेविले अनंते'च्या ब्रह्मानंदात मग्न आहे. अहंकार सोडून देऊन बंडखोरांना चुचकारणे, समजावणे आणि पक्ष शाबूत ठेवण्याची फारशी इच्छा या आत्मसंतुष्ट हायकमांडला दिसत नाही. त्यामुळे कर्नाटक, मध्य प्रदेश, राजस्थान यानंतर छत्तीसगडचा नंबर लागला तर आश्‍चर्य वाटायला नको ! पुण्याच्या बातम्या वाचण्यासाठी येथे ► क्लिक करा राजस्थानातील राजकीय पेचप्रसंगाच्या विश्‍लेषणासाठी फार बुद्धी खर्च करण्याची आवश्‍यकता नाही. अतिमहत्त्वाकांक्षा आणि "स्व-उत्कर्षवादी'(करिअरिस्ट) दृष्टिकोन हे दोन घटक यासाठी कारणीभूत आहेत. मुख्यमंत्री अशोक गेहलोत हे ग्रामीण पार्श्‍वभूमी असलेले आणि जमिनीशी नाते सांगणारे, तसेच शक्‍यतोवर सर्वांना बरोबर घेऊन चालणारे नेते आहेत. खालून वर आलेले नेते असल्यामुळे राजकारणातल्या खाचाखोचांची त्यांना पुरेपूर जाण आहे. सचिन पायलट हे उपमुख्यमंत्री आणि प्रदेशाध्यक्ष अशी दोन्ही पदे सांभाळत होते. 2013 मध्ये गेहलोत यांचे सरकार निवडणूक हरले आणि भाजपचे सरकार सत्तेत आले. त्या काळात सचिन पायलट यांनी पाच वर्षे प्रदेशाध्यक्षपद सांभाळले ही त्यांची जमेची बाजू. 2018मध्ये भाजपचे सरकार हरले. त्यात कॉंग्रेसची मर्दुमकी फार नव्हती. वसुंधराराजे यांची मनमानी आणि भाजपमधूनच त्यांना असलेला प्रचंड विरोध यातून कॉंग्रेसला विजय मिळाला. पायलट यांना वाटू लागले, की हा विजय त्यांच्यामुळेच मिळाला आणि ती हवा त्यांच्या डोक्‍यात गेली. परंतु राजस्थानसारख्या राज्याचे मुख्यमंत्रिपद सांभाळण्याइतका वकूब त्यांच्यापाशी नव्हता व विशेषतः आक्रमक भाजपसमोर त्यांचा टिकाव लागणे अशक्‍य होते, हे ओळखूनच अनुभवी व मुरब्बी गेहलोत यांना मुख्यमंत्री करण्यात आले. पायलट यांना शांत करण्यासाठी उपमुख्यमंत्रिपदाबरोबरच त्यांचे प्रदेशाध्यक्षपदही कायम ठेवण्यात आले. परंतु अशी दोन सत्ताकेंद्रे असल्यावर संघर्षही अटळ असतो. गेहलोत यांना पायलट नकोसे झाले आणि मतभेद व कुरबुरींनी सुरुवात झाली. पायलट यांनी या बाबी हायकमांडसमोर अनेकवेळा मांडल्या, परंतु हायकमांडने त्यात पुरेसे लक्ष घातले नाही. भारतीय राजकारणात तत्त्वनिष्ठा, पक्षनिष्ठा या बाबी आता कालबाह्य झालेल्या आहेत. आता केवळ "स्व-निष्ठा' आणि "स्व-उत्कर्ष' असे व्यक्तिवादी राजकारण झाले आहे. कॉंग्रेसमध्ये वाव आहे, तोपर्यंत लाभ घ्यायचा आणि भाजपमध्ये अधिक लाभ व आणखी काही आकर्षक "पॅकेज' असेल तर भाजपमध्ये प्रवेश करायचा असे प्रकार सुरू झाले आहेत. मध्य प्रदेशात ज्योतिरादित्य शिंदे असंतुष्ट होते आणि अलगद भाजपवासी झाले. तीच कार्यपद्धती असंतुष्ट सचिन पायलट यांच्यासाठी वापरण्यात आल्याचे पुरावे समोर येत आहेत. पायलट यांनी ते भाजपमध्ये जाणार नसल्याचे स्पष्ट केलेले असले, तरी ते भाजपच्या संपर्कात नव्हते याबाबतच्या संशयाची सुई अद्याप त्यांच्याकडेच रोखलेली आहे. त्यामुळेच फारशा आमदारांचे पाठबळ नसताना पायलट यांनी हे वेडे साहस करण्याची आवश्‍यकता नव्हती. मध्य प्रदेशातील कमलनाथ सरकार हे अक्षरशः काठावरच्या बहुमतातील सरकार होते आणि त्यामुळेच शिंदे यांना त्याचा फायदा मिळाला. राजस्थानात तशी स्थिती नाही. राजस्थानात पायलट यांना किमान तीस आमदार फोडावे लागणार होते आणि प्रत्यक्षात त्यांच्याबरोबर तेरा- चौदाहून अधिक आमदार नसल्याचे स्पष्ट झाले आहे. त्यामुळे पायलट याची अवस्था आता "ना घरका, ना घाटका' अशी अधांतरी झाली आहे. भाजपमध्ये जाणार नसल्याचे जाहीर करून त्यांनी तो रस्ता बंद केला आहे. कॉंग्रेसमध्ये आता राहायचे असेल तर तडजोड करावी लागणार आहे आणि गेहलोत यांनी त्यांच्याकडे असलेल्या टेप्सच्या आधारे पायलट व भाजपमधील "लेनदेन' उघडकीला आणली, तर पायलट यांची राजकीय कारकीर्द संपुष्टात येऊ शकते. त्यामुळे पायलट यांनी बंडखोरी केली, पण त्याच्या इच्छित परिणामापर्यंत त्यांना पोहोचता आले नाही हे त्यांचे दुर्दैव. येथे त्यांचे वडील राजेश पायलट यांची आठवण येते. तेही कॉंग्रेसमधले एक सततचे बंडखोर नेते म्हणून ओळखले जात. सीताराम केसरी यांच्या विरोधात त्यांनी पक्षाच्या राष्ट्रीय अध्यक्षपदाची निवडणूक लढवली आणि ते पराभूत झाले. अनेक मुद्‌द्‌यांवर ते पक्षात विरोधी भूमिका घेत, पण त्यांनी कधी पक्ष सोडण्याची किंवा उघड बंडाची भूमिका घेतली नाही. कारण त्यांना त्यांची राजकीय कुवत पूर्ण माहिती होती. सचिन पायलट येथे चुकले आणि त्यांनी आततायी पाऊल उचलून आपल्या राजकीय कारकिर्दीवर आघात करून घेतला. पायलट यांचे प्रकरण संपायचे तेव्हा संपेल. परंतु कॉंग्रेस पक्षाच्या नेतृत्वाची आत्मतुष्टता, निष्क्रियता आणि पडत्या काळातही अहंकारापोटी स्वतःच्या पक्षातील एकोपा टिकविण्याबद्दलची बेपर्वाई यानिमित्ताने पुन्हा एकदा उघड झाली आहे. ही बाब पक्षाच्या भवितव्याबद्दल फारशी आशादायक नाही ! News Story Feeds https://ift.tt/eA8V8J

Latest news updates July 19, 2020 0 Comments

via News Story Feeds https://ift.tt/2ZGyXzP

Read more No comments:

सकाळ latest updates

"लंबी रेस का घोडा' कोरोनामुळे अनेक उद्योग संकटात सापडलेले असताना, दुसरीकडे "रिलायन्स इंडस्ट्रीज'च्या शेअरच्या कामगिरीने गुंतवणूकदारांना आकर्षित करून घेतले आहे. तांत्रिक विश्‍लेषणातून या शेअरचे भवितव्य कसे दिसते, हे पाहण्याचा प्रयत्न करूया. - एकंदरीत "रिलायन्स'चा चार्ट पाहिल्यास असे लक्षात येईल, की रु. 1620 ही एक महत्त्वपूर्ण पातळी होती, जिथे हा शेअर डिसेंबर 2019 ते जून 2020 दरम्यान प्रतिकार पातळीचा (रेझिस्टन्स) सामना करीत होता. - अनेकवेळा भाव या पातळीवर पोचला, की विक्रीचा दबाव वाढायचा. परंतु जून 2020 च्या मध्यात मात्र त्याने रु. 1620 ची पातळी तोडण्यास यश मिळविले आणि पुढच्या एका महिन्यात तो रु. 1978 च्या विक्रमी पातळीवर वेगाने पोचला. ताज्या बातम्यासाठी डाऊनलोड करा ई-सकाळचे अॅप - गेल्या चार महिन्यांत म्हणजेच मार्च 2020 मध्ये रु. 900 पर्यंतची नीचांकी पातळी गाठल्यानंतर या शेअरने 15 जुलै 2020 रोजी 100 टक्‍क्‍यांहून अधिक परतावा मिळवत रु. 1978 चा उच्चांक गाठला. - सध्याच्या पातळीवर या शेअरला रु. 1900 ते 1980 या प्रतिकार पातळीचा सामना करावा लागू शकतो. खालील बाजूस रु. 1800-1700-1620 ही आधार पातळी आहे. - "बाय ऑन एक्‍स्पेक्‍टेशन, अँड बुक प्रॉफिट ऑन न्यूज,' हे शेअर बाजाराचे मूळ तत्व या शेअरमध्येदेखील दिसून आले आहे. - गेल्या चार महिन्यांत वाढलेला भाव, रु. 1620 या "रेझिस्टन्स'चा वरील ब्रेकआउट आणि मार्चपासून आतापर्यंत 100 टक्‍क्‍यांहून अधिक परतावा हे सर्व नुकत्याच झालेल्या सर्वसाधारण सभेतील घोषणांच्या अपेक्षेमुळे घडत होते. पुण्याच्या बातम्या वाचण्यासाठी येथे क्लिक करा - सध्या शेअरचा भाव बराच ताणलेला दिसत आहे. म्हणून कोणतीही मोठी उलाढाल वरच्या बाजूस त्वरित अपेक्षित नाही आणि अल्पावधीसाठी (3 ते 6 महिने) भाव आहे, तिथेच खेळता राहू शकतो. म्हणून अल्पावधीच्या दृष्टीकोनातून गुंतवणूक टाळावी. पण दीर्घकालीन गुंतवणुकीच्या दृष्टिकोनातून पाहिल्यास याचा कल मात्र वरील बाजूस कायम आहे. - दीर्घ मुदतीच्या गुंतवणूकदारांनी जर आधीच गुंतवणूक केली असेल, तर "होल्ड' करणे हा पर्याय आहे किंवा अंशत- नफावसुली करणे आणि (करेक्‍शन) म्हणजे भाव खाली आला, की परत खरेदी करणे, हा चांगला पर्याय ठरू शकतो. - ज्यांना नव्याने या शेअरमध्ये गुंतवणूक करण्याची इच्छा आहे, त्यांनीसुद्धा भाव खाली आला की आधार पातळीचा विचार करून थोड्या-थोड्या प्रमाणात गुंतवणूक करत राहणे, ही एक चांगली रणनीती आहे; जी जोखीम कमी ठेवण्यास मदत करू शकते. - गुंतवणूक करताना किमान तीन वर्षांचा दृष्टिकोन ठेवायला हवा, कारण हा "लंबी रेस का घोडा है,' हे लक्षात ठेवावे. (लेखक शेअर बाजाराचे रिसर्च ऍनालिस्ट आहेत.) News Story Feeds https://ift.tt/eA8V8J

Latest news updates July 19, 2020 0 Comments

via News Story Feeds https://ift.tt/3eHm4de

Read more No comments:

सकाळ latest updates

पुणे महापालिका आणखी एक लाख रॅपिड टेस्ट कीट खरेदी करणार पुणे - पुण्यात पसरलेल्या कोरोनाला रोखण्यासाठी वापरलेल्या "रॅपिड टेस्ट'चा (अँटिजेन) उपाय परिणामकारक ठरत असल्याने आता या प्रकारच्या तपासणीचा वेग दुप्पट करण्यात येणार आहे. त्यासाठी नव्याने आणखी एक लाख कीट खरेदी करण्यात येणार आहेत. तपासणीनंतर किमान अर्ध्या तासात अहवाल येऊन, रुग्णांना विलग ठेवणे शक्‍य होत असल्यानेच हा उपाय केला जाणार आहे. ताज्या बातम्यांसाठी डाऊनलोड करा ई-सकाळचे ऍप त्याचवेळी खासगी लॅबचा म्हणजे "आरटी, पीसीआर' पद्धतीने तपासणी करणाऱ्यांची सोमवारी (ता. 20) महापालिकेत बैठक होणार आहे. त्यानंतर त्यांची क्षमता वाढविण्याची सूचनावजा आदेश त्यांना देण्यात येणार असल्याचे महापालिका प्रशासनाकडून सांगण्यात आले. दरम्यान, पुण्यातील तपासणीचा आकडा हा देशात सर्वाधिक असल्याचा दावाही महापालिका करीत आहे. पुण्याच्या बातम्या वाचण्यासाठी येथे ► क्लिक करा पुण्यात कोरोनाचा संसर्ग वाढला असून, पुढच्या महिना-दीड महिन्यांत तो आणखी वाढविण्याची भीती आहे. त्यावर उपाय म्हणून रुग्णांचा शोध घेत, त्यांना विलग करणे, योग्य आणि वेळेत उपचार करण्यासाठी महापालिका आणि खासगी हॉस्पिटलची व्याप्ती वाढविण्यात येत आहे. हॉस्पिटलमध्ये बेड अपुरे ठरत असल्याचे कोविड केअर सेंटर आणि विलगीकरण कक्ष वाढविणार असल्याचे महापालिकेच्या अतिरिक्त आयुक्त रुबल अग्रवाल यांनी सांगितले. कोरोनाच्या लढ्यात 'फर्ग्युसन'ही झालं सहभागी; होस्टेलमध्ये उभारणार कोविड केअर सेंटर! कोरोनाची तपासणी करून घेण्यासाठी नागरिक पुढे येत असल्याने महापालिकेच्या "स्वर' कलेक्‍शन सेंटरपासून खासगी लॅबकडेही वेटिंग आहे. त्यामुळे रुग्ण आणि संशयितांचे हाल होत आहेत. या पार्श्वभूमीवर तपासणी वाढविण्याचा निर्णय महापालिकेने घेतला असून, त्यातल्या त्यात "रॅपिड' टेस्टला प्राधान्य देण्यात आले आहे. याआधीही सुमारे एक लाख कीट खरेदी करण्यात आल्या आहेत. त्याच दराने म्हणजे साडेचारशे रुपयांत एक अशा प्रकारे एक लाख कीट खरेदी करण्याच्या हालचाली महापालिका करीत आहे. रुग्णांवर उपचार करण्यास प्राधान्य देत आहोत. त्यासाठी तपासणी महत्त्वाची आहे. ती वाढवून पुणेकरांना सुरक्षित ठेवण्याचा प्रयत्न महापालिका करीत आहे.. हेमंत रासने, अध्यक्ष, स्थायी समिती, महापालिका News Story Feeds https://ift.tt/eA8V8J

Latest news updates July 19, 2020 0 Comments

via News Story Feeds https://ift.tt/3h9244O

Read more No comments:

Saturday, July 18, 2020

सकाळ latest updates

व्यापारी संकुलासाठी कणकवलीत जागा निश्चित, काय म्हणालेत पालकमंत्री? वाचा... कणकवली (सिंधुदुर्ग) - .शहराच्या मध्यवर्ती असलेल्या एस. टी. बसस्थानक परिसरात भव्य व्यापारी संकुलाची उभारणी प्रस्तावित आहे. परिवहन मंत्री अनिल परब यांनीही त्यासाठी सकारात्मकता दाखवली असून पुढील बैठकीत कणकवलीच्या प्रस्तावाला मान्यता मिळेल, असा विश्‍वास पालकमंत्री उदय सामंत यांनी आज व्यक्‍त केला. दरम्यान, कणकवली बसस्थानकाच्या आधुनिकीकरणासाठी 140 गुंठे जागा संपादन करण्याचेही प्रस्तावित असल्याचे ते म्हणाले. कणकवली एस.टी. बसस्थानकाची पाहणी पालकमंत्री उदय सामंत यांनी आज केली. त्यांच्यासमवेत आमदार वैभव नाईक, सेना नेते संदेश पारकर, जिल्हा बॅंकेचे अध्यक्ष सतीश सावंत, प्रांताधिकारी वैशाली राजमाने, तहसीलदार आर. जे. पवार, विभाग नियंत्रक प्रकाश रसाळ, श्री. नेरुरकर, प्रमोद यादव, नगरसेवक सुशांत नाईक, कन्हैया पारकर, तालुकाप्रमुख शैलेश भोगले, प्रथमेश सावंत, प्रसाद अंधारी व इतर उपस्थित होते. कणकवली बसस्थानकाच्या आधुनिकीकरणाच्या अनुषांने श्री.सामंत यांनी एस.टी. अधिकाऱ्यांशी चर्चा केली. यात एस.टी.महामंडळाकडे सद्यःस्थितीत 8 एकर जागा आहे. यातील अडीच एकर जागा बसस्थानकासाठी तर अडीच एकर जागा डेपोसाठी आवशयक असल्याचे एस.टी.अधिकाऱ्यांनी सांगितले. तर उर्वरीत तीन एकर जागेत व्यापारी संकुल उभारण्याच्या दृष्टीने चर्चा झाली. यावेळी आमदार वैभव नाईक यांनी बसस्थानक विस्तारीकरणासाठी अडीच एकर ऐवजी साडे तीन एकर जागा आरक्षित ठेवण्याची मागणी केली. तर संदेश पारकर यांनी एस.टी.महामंडळाला आवश्‍यकता भासली तर आशिये रोडलगतची 140 गुंठे जागा एस.टी.महामंडळासाठी आरक्षित आहे. ही जागा ताब्यात घेण्याचीही सूचना केली. परिवहन मंत्र्यांशीही चर्चा दरम्यान, या चर्चेदरम्यान श्री. सामंत यांनी परिवहन मंत्री अनिल परब यांच्याशी मोबाईलववरून संपर्क साधला. यावेळी झालेल्या चर्चेत कणकवलीत व्यापारी संकुल उभारण्याच्या अनुषंगाने सुसज्ज आराखडा तयार करण्याच्या अनुषंगाने कन्सल्टन्सी नेमून डिझाईन तयार करून घेऊन नंतरच पुढील कार्यवाही करण्यात येईल, असे श्री. सामंत म्हणाले. संपादन ः राहुल पाटील News Story Feeds https://ift.tt/eA8V8J

Latest news updates July 18, 2020 0 Comments

via News Story Feeds https://ift.tt/32xTA3a

Read more No comments:

सकाळ latest updates

लॉकडाउनच्या दुसऱ्या टप्प्याबाबत पोलिस सहआयुक्त काय म्हणाले? वाचा सविस्तर पुणे : रविवारपासून पुढील पाच दिवस किराणा माल, भाजीपाला, फळ, चिकन, मटण अशी जीवनावश्यक वस्तूंची दुकाने सकाळी ८ ते दुपारी १२ या वेळेत सुरू राहणार आहेत. पहिल्याच दिवशी नागरिकांनी खरेदीसाठी गर्दी करु नये, यासाठी रविवारी (ता.१९) दिवसभर दुकाने सुरु ठेवण्यात येणार आहेत, अशी माहिती पोलिस सहआयुक्त डॉ. रविंद्र शिसवे यांनी दिली. शहरातील कोरोना रुग्ण वाढत असल्याने १० दिवसाचे लॉकडाऊन जाहीर करण्यात आले होते. त्यातील पहिले चार दिवस मेडिकल व दूध सेवा वगळता कडक निर्बंध लागू केले होते. दरम्यान, उर्वरित दिवसामध्ये जीवनावश्यक वस्तूंची दुकाने सुरु करण्यास पोलिसांनी परवानगी दिली. - 'कॉमन मॅन'नंही घातला मास्क; पुणेकरांनो, आता तरी मास्क घालणार की नाही? याविषयी डॉ. शिसवे म्हणाले, "उद्यापासून पाच दिवस शहरातील जीवनावश्यक वस्तूंची दुकाने सुरू ठेवण्यात येणार आहेत. किराणा माल, भाजीपाला, फळे, चिकन, मटण अशा जीवनावश्यक वस्तूंच्या दुकानासाठी सकाळी ८ ते दुपारी १२ अशी वेळ निश्चित करण्यात आली आहे. तर दुकाने सुरू केल्यामुळे पहिल्याच दिवशी नागरिकांनी गर्दी करु नये, यासाठी उद्या रविवारी सकाळी ८ ते सायंकाळी ६ या वेळेत दुकाने सुरु राहतील. त्यानंतर ठरवून दिलेल्या सकाळी ८ ते दुपारी १२ या वेळेत दुकाने खुली राहतील." - क्वॉरंटाईन सेंटरमधून बाहेर पडली अन् तिनं धरला घरचा रस्ता! नागरिकांचा चांगला प्रतिसाद, पुढेही कायम राहावा दहा दिवसाच्या लॉकडाऊनच्या पहिल्या टप्प्यात बहुतांश पुणेकर घराबाहेर पडले नाहीत. त्यांनी चांगला प्रतिसाद दिला. दुसऱ्या टप्प्यातही नागरिकांनी असाच सकारात्मक प्रतिसाद दिल्यास आपण कोरोना नियंत्रणात आणू शकतो, असेही डॉ. शिसवे यांनी सांगितले. - पुण्याच्या बातम्या वाचण्यासाठी येथे ► क्लिक करा (Edited by : Ashish N. Kadam) News Story Feeds https://ift.tt/eA8V8J

Latest news updates July 18, 2020 0 Comments

via News Story Feeds https://ift.tt/2WtVyh9

Read more No comments:

सकाळ latest updates

खारेपाटण चेकपोस्टवर लागल्या वाहनांचा रांगा, काय आहे कारण? खारेपाटण (सिंधुदुर्ग) - गणेशोत्सवाला महिन्याचा कालावधी शिल्लक आहे. तरीही मुंबईतील चाकरमान्यांनी मोठ्या संख्येने सिंधुदुर्गकडे धाव घेतल्याचे चित्र गेल्या दोन दिवसापासून आहे. आज दिवसभरात सुमारे दोन हजार चाकरमानी जिल्ह्यात दाखल झाल्याने खारेपाटण चेकपोस्टवर वाहनांचा पुन्हा एकदा रांगा लागल्या होत्या. लॉकडाऊन जाहीर झाल्यानंतर मुंबईतील हजारो चाकरमान्यांनी सिंधुदुर्गकडे धाव घेतली. हा चाकरमान्यांचा ओघ आता पुन्हा सुरू झाला आहे. त्यामुळे आरोग्य यंत्रणाही सतर्क झाली आहे. मुंबई व राज्याच्या इतर भागातून येणाऱ्या सर्वच प्रवाशांची खारेपाटण चेकपोस्टवर नोंद घेतली जात आहे. त्यामुळे चेकपोस्टवर दीड ते दोन किलोमिटरपर्यंत वाहनांचा रांगा लागत आहेत. दरम्यान, लॉकडाउनमध्ये शिथिलता आल्याने राज्याच्या रेड झोन भागातूनही मोठ्या संख्येने प्रवाशी जिल्ह्यात दाखल होत आहेत. त्यामुळे जिल्हावासीयांत चिंता वाढली आहे. जून अखेर तसेच जुलैच्या मध्यापर्यंत चाकरमान्यांचा ओघ कमी झाल्याने गावागावातील शाळांही निर्जतुकीकरण करून ठेवण्यात आल्या होत्या. मात्र गेल्या दोन दिवसापासून मोठ्या संख्येने चाकरमानी दाखल होत असल्याने, त्यांना शाळांमध्ये विलगीकरण केले जात आहे. संपादन ः राहुल पाटील News Story Feeds https://ift.tt/eA8V8J

Latest news updates July 18, 2020 0 Comments

via News Story Feeds https://ift.tt/32z0fKw

Read more No comments:

सकाळ latest updates

'सेवन मंत्रा’च्या भाजीपाला आणि फळांचे मंगळवार, गुरूवारसाठी करा आजच बुकिंग पुणे - लॉकडाउनच्या काळात सर्व प्रकारच्या सुरक्षेची काळजी घेऊन, ‘ॲग्रोवन-सेवन मंत्रा’च्या भाजीपाला आणि फळांचे येत्या मंगळवारी (ता. २१) व गुरूवारी (ता. २३) घरपोच वितरण करण्यात येणार आहे. त्यासाठीच्या आगाऊ नोंदणीला सुरवात झाली आहे. - ताज्या बातम्यांसाठी डाऊनलोड करा ई-सकाळचे ऍप पुणे आणि पिंपरी-चिंचवडमध्ये १४ जुलैपासून कडक लॉकडाउन सुरू झाले आहे. त्यापूर्वी १३ तारखेला दोन्ही शहरात मागणीनुसार भाजीपाला-फळांचे वितरण करण्यात आले. आता लॉकडाउन शिथिल करून, त्यात भाजीपाला व फळे घेण्यास परवानगी देण्यात आल्याने रविवारी वितरण करण्यात येणार आहे. त्याचसोबत येत्या मंगळवार व गुरूवारसाठी नागरिकांना www.sevenmantras.com वर बुकिंग करता येणार आहे. मी आतापर्यंत भाजी व फळे या दोन्ही प्रकारच्या बास्केट घेतल्या आहेत. सर्व भाज्या व फळे अतिशय उत्तम प्रतीची असतात. त्यांची किंमत पण वाजवी आहेत. त्यामुळे प्रत्येक आठवड्याला मी एक बास्केट बुक करते. - सूरश्री प्रधान ताथवडे-वाकड - पुण्याच्या बातम्या वाचण्यासाठी येथे ► क्लिक करा वाटले नाही की एवढ्या लवकर आणि स्वयंपाक करण्याच्या वेळेत ताजा भाजीपाला येईल. सर्व भाज्या उत्तम आणि दर्जेदार आहेत. - ज्योत्स्ना दिघे, सिद्धटेक सोसायटी, सुतारवाडी लॉकडाउनच्या काळात मी ‘सेवन मंत्रा’कडून खूप वेळा भाजी आणि फळे मागवली. अत्यंत हायजेनिक पॅकिंग, उत्तम क्वालिटी आणि शेतामधून घरापर्यंत सेवा तीही वाजवी दरात ही सेवन मंत्राची वैशिष्ट्ये आहेत. - स्वाती पाटील, वानवडी Edited By - Prashant Patil News Story Feeds https://ift.tt/3hffbkZ

Latest news updates July 18, 2020 0 Comments

via News Story Feeds https://ift.tt/3hbHVek

Read more No comments:

Breaking

Sunday, July 19, 2020

उद्धव ठाकरे सरकारचा ग्रामपंचायतींवर प्रशासक नेमण्याचा निर्णय वादात का अडकला?

UAE का पहला मार्स मिशन जापान से लान्च, फरवरी में कक्षा में प्रवेश की उम्मीद https://ift.tt/2BfsDpJ

Saturday, July 18, 2020

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts