Click Live News Short news on Mobile 2019.....

Monday, May 4, 2020

कोरोनाचा धोका : पश्चिम महाराष्ट्राचा आढावा घेत उच्चस्तरीय केंद्रीय पथकाने दिल्या या सूचना

Latest news updates May 04, 2020 0 Comments

कोरोनाचा संसर्ग वाढू नये, यासाठी प्रतिबंधित क्षेत्रामध्ये लॉकडाऊनची कडक अंमलबजावणी करण्याबरोबरच तातडीने सर्वेक्षण. from Zee24 Taas: Mahara...

Read more No comments:

सोलापुरातील "हद्दवाढवासी' 28 वर्षांनंतरही "वंचित'च सोलापूर : महापालिका क्षेत्रात समावेश झाल्यामुळे परिसराचा विकास होईल, मूलभूत सुविधा तातडीने मिळतील, या अपेक्षेत असलेल्या सोलापूर शहराच्या हद्दवाढ भागात वास्तव्यास असलेल्या नागरिकांचा मात्र गेल्या 28 वर्षांत अपेक्षाभंग झाला आहे. महापालिकेचा कर 100 टक्के भरूनसुद्धा आवश्‍यक मूलभूत सुविधांपासून त्यांना वंचित राहावे लागत आहे. मात्र, हद्दवाढ विभागाच्या विकासाला निश्‍चित प्राधान्य देणार असल्याचे विद्यमान पदाधिकाऱ्यांनी सांगितले. नगरपालिकेचे महापालिकेत रूपांतर होताना शहराची हद्द होती फक्त 23.23 चौरस किलोमीटर. पहिल्या हद्दवाढीत शहराच्या दक्षिणेकडील नेहरूनगर, होटगी रस्त्यालगतच्या काही भागाचा समावेश झाला. दुसऱ्या हद्दवाढीत विडी घरकूल, सलगरवस्ती, भैरू वस्ती या क्षेत्रांचा समावेश झाला. शहराच्या सभोवताली झालेला नागरी विकास, औद्योगिक विकासांचा साकल्याने विचार करून 5 मे 1992 रोजी हद्दवाढ झाली ती एकदम 145.54 चौरस किलोमीटर इतकी. त्या वेळी मजरेवाडी, कुमठे, सोरेगाव, दहिटणे, देगाव, बसवेश्‍वरनगर, केगाव, कसबे सोलापूर, प्रतापनगर या गावांचा समावेश झाला. ग्रामपंचायत हद्दीत असलेले लोक मूलभूत सुविधांपासून वंचित होते. महापालिका हद्दीत आल्यानंतर या समस्या सुटतील अशी त्यांची अपेक्षा होती, मात्र ती फोल ठरली. हद्दवाढीमुळे विजयपूर आणि होटगी रस्त्याच्या दिशेने सहकारी गृहनिर्माण संस्थांचे जाळे निर्माण झाले. विकसकांनी आवश्‍यक मूलभूत सुविधांची जबाबदारी महापालिकेवर टाकली, अनधिकृत संस्थांना सुविधा द्यायच्या नाहीत, असे धोरण महापालिकेने अवलंबिले. त्यामुळे टोलेजंग इमारती उभ्या राहिल्या, पण मूलभूत सुविधांची वानवा राहिली, ती कायमचीच. आजही या भागात ड्रेनेजची पुरेशी सुविधा नाही. त्यासाठी दरवर्षी महापालिका अंदाजपत्रकात मधाचे बोट दाखविले जाते. स्थानिक खासदार-आमदारांकडूनही आश्‍वासने दिली जातात. प्रत्यक्षात काहीच केले गेले नाही. अनेक भागांत रस्ते नाहीत, पथदिव्यांचा पत्ता नाही आजही हद्दवाढीतील अनेक भागांत रस्ते नाहीत, पथदिव्यांचा पत्ता नाही, पाण्याच्या नावाने तर बोंबच आहे. अनेक वसाहतींना अद्याप नळाचे पाणी नाही. ड्रेनेज नसल्याने सांडपाणी रस्त्यावरूनच वाहत असते. त्यामुळे अनेकदा अनारोग्याची स्थिती निर्माण झाली आहे. झोपडपट्ट्यांची संख्या वाढली. त्याप्रमाणात तेथे स्वच्छतागृहे नाहीत. त्यामुळे नागरिक परिसरातील मोकळ्या मैदानाचा वापर करतात. एकंदरीतच 28 वर्षांत हद्दवाढ भागाचा म्हणावा तसा विकास झालेला नाही. विशेष म्हणजे, गावठाण भागातील नगरसेवकांच्या दुप्पट-तिप्पट विकासनिधी या भागातील नगरसेवकांना उपलब्ध करून दिला जातो. तरीही विकासकामे होत नाहीत, यामागचे गौडबंगाल काय असेल, याचा शोध घेण्याची वेळ आता आली आहे. महापौरपदाची सूत्रे घेतेवेळीच हद्दवाढ विकासाला प्राधान्य देण्याचे अभिवचन दिले आहे. त्यानुसार गावठाण भागाबरोबरच हद्दवाढीतील नागरिकांना अधिकाधिक मूलभूत सुविधा देण्यासाठी प्रयत्न करणार आहे. - श्रीकांचना यन्नम, महापौर महापालिकेच्या अंदाजपत्रकात हद्दवाढ विभागाच्या विकासासाठी विशेष निधीची तरतूद केली जाईल. त्यानुसार विकासकामे हाती घेण्यात येतील आणि लवकरात लवकर हा भाग शहरातील विकसित भाग म्हणून ओळखला जाईल. - श्रीनिवास करली, सभागृह नेता News Story Feeds https://ift.tt/eA8V8J

Latest news updates May 04, 2020 0 Comments

via News Story Feeds https://ift.tt/3fk85LI

Read more No comments:

सकाळ latest updates

तब्बल एवढ्या भारतीय नागरिकांनी भारतात येण्यासाठी ऑनलाइन केले अर्ज दुबई - संयुक्त अरब अमिरातीत असलेल्या सुमारे दीड लाख भारतीय नागरिकांनी भारतात येण्यासाठी ऑनलाइन अर्ज केले आहेत. येत्या काही दिवसात या अर्जाच्या संख्येत भर पडू शकते. ताज्या बातम्यांसाठी डाऊनलोड करा ई-सकाळचे ऍप कोरोना संसर्गामुळे दुबई आणि अन्य शहरात अडकलेल्या भारतीय नागरिकांना मायदेशी परत येण्यासाठी गेल्या आठवड्यापासून भारतीय दुतावासाकडून ऑनलाइन अर्जाची सुविधा सुरू करण्यात आली आहे. यानुसार अर्जाचा खच पडत आहे. विशेष म्हणजे लॉकडाउनमुळे शेकडो कर्मचाऱ्यांच्या नोकऱ्यांवर गंडांतर आल्याने हे कर्मचारी मायदेशी जाण्याच्या तयारीत आहेत. भारतात परत येणाऱ्यांमध्ये अशा नोकरदारांचे प्रमाण एक चर्तुथांश आहे. का परतत आहेत भारतीय? 1) उद्योग बंद झाल्याने बेरोजगारी 2) खाण्या-पिण्याचे हाल 3) आखाती देशांकडून अल्प मदत 4) एकत्र राहण्याने संसर्गाचा धोका News Story Feeds https://ift.tt/eA8V8J

Latest news updates May 04, 2020 0 Comments

via News Story Feeds https://ift.tt/2SzQYMr

Read more No comments:

सकाळ latest updates

Video : ...या जिल्ह्यांमध्ये अडकलेले कामगार उत्तर प्रदेशला रेल्वेने रवाना अकोला : अकोला रेल्वे स्थानकाहून उत्तरप्रदेशातील लखनऊसाठी सोमवारी 5 वाजता विशेष श्रमिक रेल्वे रवाना झालीय. यामध्ये अकोल्यात अडकलेले उत्तरप्रदेशचे कामगार आपल्या गावी रवाना झालेत. पश्चिम विदर्भातील 1992 कामगार उत्तर प्रदेशात परत गेले आहेत. अकोल्यासह अमरावती, यवतमाळ, वाशीम येथील देखील कामगार या रेल्वेने परतले आहेत. जिल्हाधिकारी जितेंद्र पापळकर यांनी या रेल्वेला हिरवी झेंडी दाखवली. यावेळी निवासी उपजिल्हाधिकारी संजय खडसे यांच्यासह इतर अधिकारी उपस्थित होते. यावेळी सर्व शासकीय नियम व सूचनांचे काटेकोरपणे पालन होईल याची दक्षता घेतल्या आली. हेही वाचा - अकोला ब्रेकिंग : गाव-खेड्यातही पोहचला कोरोना! या रेल्वे स्थानकात कुठलाही अनुचित प्रकार घडू नये यासाठी अकोला पोलिस अधीक्षक अमोघ गांवकर यांच्या मार्गदर्शनाखाली अकोला रेल्वे स्थानक परिसरात मोठ्या प्रमाणात पोलिस बंदोबस्त तैनात करण्यात आला होता. स्थानकातही लोहमार्ग पोलिसांचा बंदोबस्त तैनात होता. आवश्‍यक वाचा - बापरे...अकोल्यात अकराशे प्रवाशी क्वारंटाईन! 24 कोचमध्ये केली व्यवस्था पश्चिम विदर्भात अडकलेल्या या प्रवाशांच्या जाण्यासाठी विशेष रेल्वेची व्यवस्था व्हावी यासाठी केंद्रीय राज्यमंत्री संजय धोत्रे यांचे विशेष मार्गदर्शन व प्रयत्न लाभले होते. एकूण २४ कोच असलेल्या या विशेष रेल्वे गाडीत उत्तर प्रदेशात जाणारे प्रवासी रवाना झाले. असे आहेत जिल्हा निहाय प्रवाशी अकोला जिल्ह्यातील 222, अमरावती जिल्ह्यातून 566, यवतमाळ जिल्ह्यातून 246, वाशीम जिल्ह्यातून 148 असे 1192 कामगार उत्तर प्रदेशात रवाना झाले. या संदर्भात पश्चिम विदर्भातील 1230 उत्तर प्रदेश मधील कामगार व नागरिकांची नोंदणी झाली होती. प्रत्यक्षात 1192 कामगार व नागरिक आज रवाना झाले. थेट लखनौला पोहोचणार गाडी अकोला येथून रवाना झालेली गाडी कुठेही न थांबता सरळ लखनऊ येथे पोहोचणार आहे. या सर्व प्रवाशांची संध्याकाळच्या जेवणाची व पाण्याची व्यवस्था शासनाच्या वतीने करण्यात आली. लहान बालकांना ग्लुकोज बिस्कीट देण्यात आले. रेल्वे प्रशासनाच्या सहकार्याने आज विशेष ट्रेन रवाना करण्यात आली. News Story Feeds https://ift.tt/eA8V8J

Latest news updates May 04, 2020 0 Comments

via News Story Feeds https://ift.tt/35v40jo

Read more No comments:

सकाळ latest updates

Video : लाइफस्टाइल कोच : लॉकडाउनमधील वेटलॉससाठी पाच उपाय जागतिक आरोग्य संघटनेने नुकतेच असंर्सजन्य आजार ‘कोव्हिड १९’ने ग्रस्त असणाऱ्यांची प्रकृती गंभीर होण्यासाठी धोकादायक (रिस्क फॅक्टर्स) असल्याचे अधोरेखित केले आहे. उदा. उच्च रक्तदाब, कर्करोग, मधुमेह आणि हृदयविकार असणाऱ्या रुग्णांना या संसर्गजन्य आजाराचा अधिक धोका आहे. विशेष म्हणजे, यातील बहुतेक रिस्क फॅक्टर्स लठ्ठपणाशी संबंधित आहेत. त्यामुळेच आपण त्यांचे नियमन करण्याची गरज आहे. नेहमीचे वैद्यकीय उपचार घेतानाच लठ्ठपणाचा सामना करायला हवा. लठ्ठपणा कमी करण्यामधील पाच महत्त्वाचे अडथळे आपण गेल्यावेळी पाहिले. १. पार्ट्या २. प्रवास ३. फास्ट फूडची उपलब्धतता ४. व्यायाम न करणे. ५. अपुरी झोप तथापि, सध्याच्या लॉकडाउनमुळे हे सर्व अडथळे दूर झालेत. त्यामुळे, स्वत:च्या आरोग्यासाठी काम करण्याची ही सुवर्णसंधी आहे. चला ती वापरूया. स्वत:ला लॉकडाउननंतरच्या सुंदर आयुष्यासाठी तयार करूयात, कारण कोरोनानंतरचे आयुष्य वेगळेच असेल. वजन घटविण्यासाठी खालील पाच ‘गोल्डन टिप्स’ अंमलात आणा. ताज्या बातम्यांसाठी डाऊनलोड करा ई-सकाळचे ऍप आतड्याचे आरोग्य तुमच्या आतड्याच्या आरोग्याचा वजन कमी होण्यावर मोठा परिणाम होतो. तुमच्या पचनसंस्थेच्या कार्यक्षमतेची वजन नियंत्रित करण्यामध्ये महत्त्वाची भूमिका असते. चांगले पचन, आहारातील पोषक घटकांचे व्यवस्थित शोषण आणि आतडयाचे आरोग्य वजन नियंत्रित करण्यात महत्त्वाचे ठरते. निरोगी पचनसंस्थेसाठी आंबवलेले पदार्थ अधिक खावेत. आहारात दह्याचा वापर वाढवा. ओवा आणि जिऱ्याचे पाणी पचनसाठी उपयुक्त आहे. मध्यम प्रमाणातील व्यायाम दररोजचा मध्यम प्रमाणातील व्यायाम वजन निंयत्रित राहण्यासाठी महत्त्वाचा ठरतो. दररोज पाऊण ते एक तास व्यायाम करा. सकाळी उठल्यानंतर दैनंदिन कामे सुरू करण्यापूर्वी व्ययाम करणे अधिक श्रेयस्कर. सध्याच्या कठीण परिस्थितीत आपण झाडणे, पुसणे, साफसफाईसारख्या घरातील कामांतूनही शारीरिकदृष्ट्या सक्रिय राहू शकतो. तुम्हाला घरामध्ये कोणते व्यायाम करावेत, हे यू-ट्यूबवरही सर्च करू शकता. व्यायामामध्ये कॉर्डिओ, ताकद वाढविणारे, योग, प्राणायाम आदींचा समावेश करण्याचा प्रयत्न करा. सध्याच्या परिस्थितीचा विचार करता श्वसनाचे आणि छातीचे प्रसरण करणारे व्यायामही महत्त्वाचे आहेत. पुरेशी झोप आपल्या ‘बिझी’ जीवनशैलीमुळे आपण झोपेच्या नैसर्गिक चक्रांना फारच थोडी मदत करू शकतो. मात्र, सध्या आपण घरी असल्याने झोपेचे संतुलन साधू शकतो. हार्मोन्सचे असंतुलन टाळण्यासाठी आणि वजन कमी करण्यासाठी तसेच एकूणच आरोग्यासाठी दररोजची सात ते आठ तासांची शांत झोप महत्त्वाची असते. त्याचप्रमाणे, आपण दररोज झोपण्या-उठण्याची वेळ ठरविली, तर त्याचेही आपल्याला अतिरिक्त फायदे मिळतात. पुरेसे पाणी पिणे पाण्याची खालील बाबतीत महत्त्वाची भूमिका असते. पूर्ण शरीरामध्ये ऑक्सिजन पोचवणे. शरीराच्या प्रत्येक पेशीला खनिजे आणि पोषक घटक उपलब्ध करून देणे. शरीरातून विषारी घटक काढणे. शरीराचे तापमान संतुलित ठेवणे. पुरेसे पाणी किंवा ग्रीन टी, हळद आणि काळीमिरीचा चहा, आलेपाणी, लिंबू सरबत, आवळा सरबत, पालक सूप, ताक यांचे सेवन करून स्वत:ला हायड्रेट ठेवा. दररोज तीनचार लिटर पाणी प्यावे. आहारनियंत्रण तुमच्या दैनंदिन आहारात सातत्य आणण्यासाठी ही वेळ योग्य आहे. कधी, किती आणि काय खावे हे नियंत्रित केल्यामुळे तुमच्या शरीराला त्याप्रमाणे खाण्याची सवय लागते. यामुळे तुम्हाला इतर वेळी भूकही लागल्यासारखेही वाटणार नाही. सध्या प्रत्येकजण घरी असल्यामुळे अनेकजणांचा विविध खाद्यपदार्थ करण्याकडे व अतिखाण्याकडेही कल वाढतोय. त्यामुळे, सहजसाधे भारतीय पदार्थ तयार करा आणि संतुलित, सकस आहार घ्या. आहारात अंडी, मोड आलेली धान्ये (स्प्राऊट), दाळीसारख्या प्रथिनांच्या स्रोतांचा समावेश करा. तुम्ही तुमच्या पोटाचे चार काल्पनिक भाग करा. त्यापैकी दोन भाग कर्बोदके, प्रथिने, जीवनसत्त्वे, खनिजे, फायबर, फॅट्‌स आदी घटकांनी भरा. घरातच बनविलेल्या संतुलित आहारातून हे साध्य करता येऊ शकते. एक भाग पाणी तसेच आरोग्यदायी द्रव पदार्थांनी भरा. उर्वरित एक रिकामाच ठेवा. हे पाच उपाय अमलात आणा. शिस्तबद्ध व्हा. आहारात सातत्य ठेवा. नियमित व्यायाम करा. यातून तुमच्या आरोग्याचा पाया घातला जाईल. News Story Feeds https://ift.tt/eA8V8J

Latest news updates May 04, 2020 0 Comments

via News Story Feeds https://ift.tt/35x0HrX

Read more No comments:

सकाळ latest updates

Video : तळीराम आले अन् माेकळे गेले पुणे - दारूचे दुकान उघडणार म्हणून सकाळी आठ वाजल्यापासून तळीरामांनी वाईन शाॅप समोर गर्दी करायला सुरूवात केली. सकाळी १० पर्यंत दुकानांसमोर शेकडोजण रांगेत उभे होते. मात्र, तीन चार तास ताटकळत उभे राहून देखील दुकान न उघडल्याने तळीरामांना हात हालवत परत जावे लागले. हे चित्र आज शहरातील अनेक ठिकाणी दिसत होते. मात्र मोठी गर्दी झाल्याने लाॅकडाऊनच्या नियमांचा फज्जा उडाला. ताज्या बातम्यांसाठी डाऊनलोड करा ई-सकाळचे ऍप दारूचे दुकाने उघडणार असल्याने आज सकाळी आठ वाजल्यापासून वाईन शाॅप समोर मद्य प्रेमींनी तुफान गर्दी केली होती. गर्दी होणार याचा अंदाज आल्याने दुकानदारांनी सुरक्षा रक्षक नेमले होते. या दुकानासमोर २०० ते ३०० जणांची रांग असल्याने अनेक वाईन शाॅप मालकांनी गर्दी कमी होण्याची वाट पहात दुकान उघडले नाही. मात्र दुकानासमोरील रांग कमी होण्याऐवजी वाढतच गेली. तसेच देशी दारूच्या दुकानासमोर ही अशीच गर्दी होती. बारा वाजून गेले तरी दुकाने उघडत नसल्याने नाराज तळीराम रिकाम्या हातांनी घरी परतले. कोणती पाच दुकाने उघडी राहणार? नागरिक रस्त्यावर आलेले असताना त्यांच्यामध्ये महापालिकेने जाहीर केलेल्या नियमांबद्दल गोंधळ होता. नेमकी कोणती पाच दुकाने उघडी रहाणार आहेत, हे त्यांना कळत नव्हते. अनेकांनी किराणा व अन्य साहित्य खरेदीसाठी गर्दी केली होती. पेट्रोल पंपावरही रांगा शहरात काही पेट्रोल पंपावरही नागरिकांच्या रांगा लागल्या. तेथेही सोशल डिस्टंन्सींगच्या नियमांचे पालन झाले नाही. सिंहगड रस्ता भागात पोलिसांनी जबरदस्तीने दुकाने व पेट्रोल पंप बंद करून गर्दी पांगवण्याचा प्रयत्न केला. वडगाव शेरी खराडी, विमाननगर, कल्याणीनगरमध्ये दुकाने सुरू झाल्यावर एकच झुंबड सोशल डिस्टन्सिंगचा पुरता फज्जा. पोलिसांनी पांगविली गर्दी. वाघोली तळीरामांच्या दूरवर रांगा. दुकानाजवळ गर्दी वाढू लागल्याने पोलिसांनी हटविली गर्दी. १७ मेपर्यंत दुकाने उघडणार नसल्याचे वाघोली ग्रामपंचायत व लोणीकंद पोलिसांकडून स्पष्ट. घोरपडी बी. टी. कवडे रस्त्यावरील दुकानासमोर सकाळी सात वाजल्यापासून मोठी रांग. अन्नधान्याची मदत मागणारेही रांगेत. नियमांचे पालन होत नसल्याने नागरिकांना पोलिसांनी हाकलले. सहकारनगर सातारा रस्ता, चव्हाणनगर, धनकवडी, तीन हत्ती चौक येथे पाचशे मीटरची रांग. सोशल डिस्टन्सिंगचा फज्जा बाणेर, बालेवाडी व्यवसाय सुरू करण्याबाबतचे कुठलेही आदेश प्राप्त न झाल्याने दुपारपर्यंत दुकाने बंद. सिंहगड रस्ता राज्य शासन, महापालिका आणि पोलिस प्रशासन यांच्यात एकवाक्यता नसल्याने नागरिकांमध्ये संभ्रम. दुकानांसमोर किमान अर्धा किलोमीटरच्या रांगा. सिंहगड रस्त्यावर वाहनांची गर्दी कँटोन्मेंट दुकाने बंद असूनही लोकांची शनिवार पेठेत गर्दी. जिल्हाधिकाऱ्यांकडून आदेश न आल्याची व्यावसायिकांची माहिती. औंध आयटीआय रस्त्यावर दुकानाच्या उत्तर व पश्चिम दिशेला जवळपास शंभर मीटरपर्यंत रांगा. तळीराम शब्द आला कसा? नाटककार राम गणेश गडकरी यांचे ‘एकच प्याला’ हे लोकप्रिय नाटक आहे. या नाटकात मद्याच्या व्यसनावर टीका करण्यात आली असून, यातील तळीराम हे पात्र आहे. त्यामुळे मद्यपींसाठी तळीराम हा शब्द प्रचलित झाला. आजही मद्यपींसाठी हा शब्द वापरला जातो. News Story Feeds https://ift.tt/eA8V8J

Latest news updates May 04, 2020 0 Comments

via News Story Feeds https://ift.tt/2YxZbEt

Read more No comments:

सकाळ latest updates

#Lockdown : या देशाने केले सर्वात पहिले लॉकडाउन शिथील रोम - कोरोना विषाणूचा संसर्ग सुरु झाल्यावर संपूर्ण देशात लॉकडाउन जाहीर करणारा जगातील पहिला देश असलेल्या इटलीने आजपासून निर्बंध शिथील केले आहेत. रुग्णसंख्या मोठ्या प्रमाणावर कमी झाल्याने हा निर्णय घेतल्याचे सरकारने सांगितले. कोरोनामुळे कंबरडे मोडलेल्या अर्थव्यवस्थेला सावरण्यासाठी इटलीने उद्योगांना कामकाजास परवानगी दिली असून नागरिकांनाही कामावर जाण्यास सांगितले आहे. येथे बागाही उघडल्या आहेत. ताज्या बातम्यांसाठी डाऊनलोड करा ई-सकाळचे ऍप कोरोनाचा सर्वाधिक फटका बसलेल्या देशांमध्ये इटली आहे. जवळपास दोन महिन्यांनंतर येथील लोक आज घराबाहेर पडले आहेत. इटलीप्रमाणेच स्पेन, नायजेरिया, अझरबैजान, मलेशिया, इस्राईल, ट्युनिशिया आणि लेबनॉन या देशांनीही लॉकडाउनचे नियम शिथील केले आहेत. सर्वाधिक रुग्णसंख्या आणि बळी असलेल्या अमेरिकेतही निम्म्या राज्यांनी दोन दिवसांपूर्वीच उद्योग आणि व्यवसाय सुरु करण्यास परवानगी दिली आहे. दररोजची कोरोनाबाधितांची संख्या वाढण्याचे मार्चमध्ये असलेले १३ टक्के इतके प्रमाण गेल्या आठवड्यापासून दोन ते तीन टक्क्यांवर आल्याने युरोपीय देशांनी सुटकेचा निश्‍वास टाकत अर्थव्यवस्था सावरण्याकडे लक्ष केंद्रीत केले आहे. जागतिक स्थिती दररोज होणाऱ्या मृत्यूंचे प्रमाण दोन महिन्यांतील सर्वांत कमी वर्षअखेरपर्यंत लस तयार होण्याचा अमेरिकेचे अध्यक्ष डोनाल्ड ट्रम्प यांना विश्‍वास चीनमधील वुहानमधील प्रयोगशाळेतूनच कोरोनाचा विषाणू बाहेर पसरल्याचा अमेरिकेच्या परराष्ट्र मंत्र्यांचा दावा न्यूझीलंडमध्ये आज एकही नवा रुग्ण नाही ब्राझीलमध्ये रुग्णसंख्या एक लाखांच्या वर जाऊनही खुद्द अध्यक्ष बोल्सोनारो यांचा लॉकडाउनला विरोध व्यक्त News Story Feeds https://ift.tt/eA8V8J

Latest news updates May 04, 2020 0 Comments

via News Story Feeds https://ift.tt/3aZ58Nf

Read more No comments:

Sunday, May 3, 2020

सकाळ latest updates

शाळा लॉक, अभ्यास मात्र सुरू वर्धा : लॉकडाउनमुळे सध्या सर्वच बंद आहे. यात शाळांचाही समावेश आहे. शाळा जरी लॉकडाउन असल्या तरी विद्यार्थ्यांचा अभ्यास सुरू आहे. जिल्हा प्रशिक्षण शिक्षण संस्थेच्या माध्यमातून सुरू असलेल्या लर्निंग फ्रॉम होममधून हा उपक्रम सुरू आहे. या उपक्रामात जिल्ह्यातील आठही तालुक्‍यातील सर्वच आस्थापनाच्या शाळेतील 2 लाख 20 हजार विद्यार्थी सहभागी झाले आहेत. सहभागी विद्यार्थीही या ऑनलाइन अभ्यासक्रमाचा आनंद घेत आहेत. देशावर कोरोनाचे भयंकर संकट ओढवले आहे.त्या अनुषंगाने सर्व क्षेत्र लॉकडाउन असल्याने शिक्षण क्षेत्रही प्रभावित झाले आहे. लॉकडाउनच्या काळात सर्व शाळा बंद असल्याने विद्यार्थ्यांचे शैक्षणिक नुकसान टाळण्यासाठी, लर्निंग फ्रॉम होम ही सेवा सुरू करण्यात आली आहे. जिल्हा शिक्षण व प्रशिक्षण संस्था विद्यार्थ्यांना घरबसल्याअभ्यास करण्याकरिता आवश्‍यक शैक्षणिक साहित्य पुरवीत आहे. हे वाचा— लोकं काही केल्या मानत नाही गड्या, आईस्क्रिम खाणे महत्त्वाचे आहे की जीव? गली गली सीम सीम संचालक, महाराष्ट्र राज्य शैक्षणिक संशोधन व प्रशिक्षण परिषद, पुणे, यांच्या माध्यमातून ऑनलाइन अभ्यासमाला हा उपक्रम संपूर्ण राज्यात सुरू झाला आहे. त्यांच्या मराठी व उर्दू माध्यमाच्या अभ्यासमालाही या संकेतस्थळावर जोडण्यात आलेल्या आहेत. त्यामुळे वर्धा जिल्ह्यातील सर्व शाळांपर्यंत ऑनलाइन अभ्यासमाला दररोज पोहोचत आहेत. त्याच प्रमाणे पूर्व प्राथमिक, बाल शिक्षण वर्गातील विद्यार्थ्यांसाठी सह्याद्री वाहिनीवर दररोज सकाळी 10 वाजता "गली गली सीम सीम हा कार्यक्रम प्रसारित केल्या जात आहे. त्याचाही लाभ जिल्ह्यातील विद्यार्थी घेत आहेत .त्यामुळे शाळा बंद असल्या तरी शिक्षण सुरूच आहे. 2 लाख 20 हजार 552 विद्यार्थ्यांनी ऑनलाइन प्रश्नपत्रिका या उपक्रमास जिल्ह्यातील सर्व व्यवस्थापनाच्या शाळांतून विद्यार्थ्यांनी उत्तम प्रतिसाद दिलेला आहे. या 20 दिवसात 2 लाख 20 हजार 552 विद्यार्थ्यांनी ऑनलाइन प्रश्नपत्रिका सोडवून "लर्न फ्रॉम होम या उपक्रमात सहभाग नोंदविला आहे. राज्य भरातील शाळा आता नवीन आदेशापर्यंत बंद राहणार आहेत. त्यामुळे विद्यार्थ्यांच्या अध्ययनातील सातत्य कायम राहावे, यासाठी हा उपक्रम सुरू आहे. जिल्हा स्तरावर विषय साधन व्यक्ती व शिक्षकांचा विशेष कृती गट स्थापन केला. या कृती गटाच्या मदतीने "लर्न फ्रॉम होम अंतर्गत जिल्ह्यातील विद्यार्थ्यांसाठी तयार केलेले स्टडी मटेरिअल दिलेल्या संकेत स्थळावर उपलब्ध करून देण्यात आलेले आहे. आठही तालुक्‍यातील सर्व माध्यमांच्या शाळेतील विद्यार्थ्यांनी या उपक्रमात सहभाग घेतला आहे. त्यामुळे लॉकडाउनच्या काळातही जिल्ह्यातील विद्यार्थ्यांचे ऑनलाइन अध्ययन सुरू आहे. शैक्षणिक इ साहित्य वापरण्यात वर्धा राज्यात तिसऱ्या क्रमांकावर महाराष्ट्र शिक्षण मंडळ पुण्याने दिलेल्या संकेतस्थळावर एकूण 322 ई-साहित्य उपलब्ध आहे. या संकेतस्थळावर 2 लाख 20 हजार 552 विद्यार्थ्यांनी घर बसल्या ई-साहित्याचा वापर केलेला आहे. तर 2 लाख 34 हजार 322 भेटी या शैक्षणिक संकेतस्थळावर झालेल्या आहेत. जवळपास 15 हजार भेटी दररोज संकेतस्थळावर वर होत आहेत. इयत्ता पहिली ते बारावीचे सर्व विद्यार्थी संकेत स्थळावर जाऊन वेगवेगळ्या विषयाची प्रश्‍नपत्रिका सोडवीत आहेत. संकेतस्ळावरील ई-साहित्य वापरण्यात वर्धा जिल्ह्याचा राज्यात तिसरा क्रमांक आहे.जिल्हाच नाही तर बाहेर जिल्ह्यातील विद्यार्थी व पालकांच्याही वेबसाइटला भेटी देत आहेत. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/3db1vW8

Read more No comments:

सकाळ latest updates

फक्त लाईफस्टाईल नाही, तर मुंबई, पुण्यालाच बदलावं लागेल! वर्क फ्रॉम होमपासून ते शहराचे नियोजन करताना आता कोरोनासारख्या साथींचा विचार करावा लागणार आहे. लाईफस्टाईलच नव्हे तर, शहरेही बदलण्याची आता गरज निर्माण झाली आहे. याचा आढावा घेत आहेत प्रसिद्ध आर्किटेक्ट व शहरनियोजन तज्ज्ञ आमदार अनंत गाडगीळ. वादळ कायम राहत नाही, कधीतरी संपतेच. कोरोनाचे संकटही कायम राहील असे आता तरी वाटत नाही. कोरोनामुळे वैद्यकीय क्षेत्रात अनेक प्रश्न जरी निर्माण झालेले असले तरी शहरांच्या भवितव्याची दिशा आता बदलली गेली आहे. तिचा विचार करून त्यानुसार पावले टाकणे, ही काळाची गरज झाली आहे. कोरोनाच्या प्रसाराचा “शहर“ या माध्यमातून जर अभ्यास केला तर एक गोष्ट लक्षात येते कि मुंबईतील धारावी असो वा पुण्यातील भवानी पेठ सारखा भाग असो. मुळात झोपडपट्ट्या, चाळी व दाट वस्ती अशातून कोरोना अधिक पसरला आहे. किंबहूना रोजच्या भाषेत सांगायचे झाले तर ज्याला आपण १ किंवा २ बीएचके असे म्हणतो, अशा सदनिका असलेल्या इमारती-सोसाट्यांमध्ये कोरोनाचा शिरकाव होण्यास वेळ लागतो हे स्पष्ट झाले आहे. झोपडपट्ट्यांतील दारिद्र्य, राहणीमान हे जरी त्यामागचे एक सामाजिक कारण असले तरीही “सोशल डिस्टन्सिंग”चे तेथे पालन करणे अशक्य आहे. त्यामुळेच भविष्यात “स्प्रेड आऊट हौसिंग“ ही काळाची गरज ठरणार आहे. ताज्या बातम्यांसाठी डाऊनलोड करा ई-सकाळचे ऍप मुंबई-पुण्यामध्ये आता वाढीव ‘एफएसआय’ (चटई क्षेत्र निर्देशांक) देणे बंद केले पाहिजे. आपल्याकडे शहर विकासाचा अर्थ म्हणजे ‘एफएसआय’ वाढविणे एवढाच समजला जातो. ‘एफएआय’ वाढला कि इमारतींच्या उंची वाढतात, त्यामुळे राहण्याचे क्षेत्र वाढले की, लोकसंख्या वाढते, त्यांतून मोटारी वाढल्यावर फ्लायओव्हरची गरज निर्माण होते. या चक्रव्यूहात आपण अडकत जातो. ३० वर्षांपूर्वी पुण्यात दुचाकींचे प्रमाण अधिक असायचे, तुलनेत प्रत्येकी १५ ते २० फ्लॅट मागे एखादी ‘कार-स्पेस’ इमारतीच्या आवारात सोडावी लागे. सध्याच्या मध्यमवर्गाचे राहणीमान पाहता प्रत्येक कुटुंबात १ तरी मोटार असतेच. विशेष करून 1991 नंतर प्रत्येक २ ‘बीएचके’ फ्लॅट मागे किमान २ मोटारी व २ दुचाकींसाठी इमारतींच्या आवारात जागा सोडावी लागत आहे. शिवाय ज्या सोसाट्यांमध्ये जागा नाही तेथे मोटारी रस्त्यावर उभ्या केल्या जातात. यामुळे अनेक ठिकाणी वाहतुकीला अडथळा होतो. या साऱ्याचे नव्याने नियोजन करण्याची संधी कोरोनामुळे उपलब्ध होणार आहे. पुण्याच्या बातम्या वाचण्यासाठी येथे ► क्लिक करा पुणे शहर हे चारही दिशांना पसरू शकते. मुंबई हि ‘लिनिअर सिटी’ असल्यामुळे मुंबईची गेल्या काही वर्षांतील प्रचंड वाढ ही उत्तरेकडील उपनगरांत झाली आहे. पण व्यवसायाची - खरेदीची केंद्र मात्र दोन्ही शहरात वर्षानुवर्षे आहेत तिथेच राहिली. त्यामुळे वाहतुकीचा बोजवारा उडाला, प्रदूषण वाढले. कोरोनाच्या लॉक डाऊनमुळे मुंबई - पुण्यात प्रदूषणमुक्त स्वछ हवा म्हणजे काय असते, हे सध्या अनुभवायला मिळत आहे. आरोग्य क्षेत्रासंबंधित आणखी एक उणीव या दरम्यान लक्षात आली ती म्हणजे भविष्यात अशी कोणती साथ आली तर इलाज करणारी विशिष्ट रुग्णालये नाहीत. मुंबई-पुण्यात अनेक मोठ्या रुग्णालयांचे कोरोना रुग्णालयांत रूपांतर करावे लागले आहे. यामुळे बिगर कोरोना रुग्णांचे खूप हाल झाले. अनेक पाश्चिमात्य देशात शत्रूकडून अणुहल्ला झाल्यास शहरात काय करायचे याच्या योजना तयार आहेत. यामध्ये जमिनीखालील ‘ब्लास्ट प्रूफ’ भुयारे यांपासून ते ठराविक अंतरावर विशिष्ट रुग्णालये, यांचा आराखड्यात समावेश करण्यात आला आहे. राज्यात आपत्कालीन आराखडा तयार करून लोकसंख्या व आकाराप्रमाणे शहर - जिल्हाचे १५ पासून ३० पर्यंत भाग पाडावेत व यात प्रत्येक ३ ते ५ भागामध्ये एक आपतकालीन केंद्र उभारण्याची गरज आहे. कोरोनाचे संकट संपताच मुंबई पुण्याच्या वाढीव विकासावर खर्च करायच्या ऐवजी टाऊन प्लॅनिंगच्या भाषेत ज्याला “सब-ग्रोथ सेंटर” म्हणतात ती विविध ठिकाणी उभारता येतील. सोप्या भाषेत सांगायचे झाले तर मुंबई- पुणे, पुणे- नाशिक, नाशिक- मुंबई यामध्ये छोट्या छोट्या ‘नवी मुंबई’ उभाराव्यात. चंदीगड, गांधीनगर, नवी दिल्लीच्या धर्तीवर ही “सब-ग्रोथ सेंटर” असावीत. त्याचे रहिवासी व व्यापारी भाग असावेत. व्यापारी भाग दोन पद्धतीत विभागावा- एक कार्यालये व दुसरे दुकाने व मॉल. ‘सब-ग्रोथ’ सेंटरचे नियोजन करताना लॅन्ड यूज म्हणजेच जमिनीचा योग्य वापर करता येईल. पद्धत अशी की ज्या उद्योग व कंपनीला त्यामध्ये कार्यालयासाठी भूखंड देण्यात येईल त्यांनी आपली किमान २५ टक्के कर्मचाऱ्यांची राहण्याची सोय जवळपास त्या सेक्टर मध्येच केली पाहिजे, त्यामुळे वाहतुकीवरील ताण कमी होईल. प्रत्येक ३ ते ५ सेक्टरमध्ये बारावीपर्यंतची किमान एक शाळा, एक आरोग्य केंद्र, दुकानांची रांग व मॉल, ७ ते १० सेक्टर मागे किमान एक कॉलेज व एक सुसज्ज रुग्णालय असले पाहिजे. विद्यार्थी व नोकरदार तरूण-तरुणींसाठी हॉस्टेल हे तर आता अपरिहार्य झाले आहे. काही पश्चिमात्य देशांत पालकांनी आपल्या मुलांना ३ किलोमीटरमधील शाळेतच घातले पाहिजे, लांबच्या शाळेत घातले तर अतिक्रमण कर भरावा लागतो. या सारख्या काही नियमांचा आपल्याला विचार केला पाहिजे. चित्रपट, नाट्यगृह व क्लब यासाठी शहरात एक वेगळा भाग असावा. वाहतुकीबाबत बोलायचे झाले तर मुंबईची वाहतूक ही प्रामूख्याने उत्तर- दक्षिण राहिली आहे. म्हणूनच मुंबई- पुण्यात चारही दिशांना जोडणारी मोनोरेल -मेट्रो वाहतूक भविष्यात निर्माण करावी, असे आग्रही प्रतिपादन 1997 पासून करीत होतो. लॉकडाऊनमध्ये “वर्क फ्रॉम होम“ ही कल्पना पुढे आली. पण पाश्चिमात्य विकसनशील देशात गेली ४ - ५ वर्षे काही ठिकाणी या प्रयोगास सुरवातही झाली आहे. आपल्याकडे पुण्यामध्ये जर याचा शुभारंभ करायचा असेल तर प्रायोगिक तत्वावर अथवा “सब-ग्रोथ सेंटर” बनविले जाईल तेव्हा नवीन २, ३ वा ४ बेडरूमचे फ्लॅट तयार करताना यामधील एक बेडरूम मोठी असावी, तिला वेगळे प्रवेशद्वार असावे व त्या खोलीचा कार्यालय म्हणून उपयोग करण्यास महापालिकेने अधिकृत परवानगी द्यावी किंवा अशा सदनिकांच्या इमारतींचा एक वेगळाच कॉम्प्लेक्स बनवावा. यामध्ये डॉक्टर, सीए, वकील, आर्किटेक्ट, गुंतवणूक तज्ज्ञ आदी व्यवसायातील मंडळी ज्या सदनिकेत राहतील त्यामध्येच त्यांचे कार्यालय असेल. दुसरा पर्याय म्हणजे १० -१२ -१५ इमारतींचा कॉम्प्लेक्स बनविताना यातील किमान एक इमारत ही वरील व्यावसायिकांची कार्यालये असलेली इमारत असावी. त्यातून दोन्ही गोष्टी साध्य होतील. वाहतुकीच्या समस्येची तीव्रता आपोआपच कमी होईल आणि “वर्क फ्रॉम होम“मुळे कामाचा वेग वाढेल तसेच पायाभूत सुविधांवरील ताणही कमी होईल. वाईटातून चांगले, असा विचार करावयाचा झाल्यास भविष्यात शहरांचे पुर्ननियोजन करायची एक चांगली संधी सध्या चालून आली आहे. या संधीचा फायदा उठविला तर अनेक “स्मार्ट सिटी“ तयार होतील, अन्यथा व्हॉटसअॅपवरील विनोदाप्रमाणे बनवायला गेले “सिटी“ पण बनली “शिट्टी “ असे असेल. अनंत गाडगीळ, शहरनियोजन तज्ज्ञ आणि आमदार News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/2zNDzto

Read more No comments:

सकाळ latest updates

अंबाजोगाईतील हौशी छायाचित्रकारांची अशीही माणुसकी, वन्यपक्ष्यांना पाणी व चाऱ्याचा आधार अंबाजोगाई (जि. बीड) - लॉकडाउनच्या काळात विविध संस्था व दानशूर गरजू व भुकेल्यांना अन्नधान्य पुरवतात; परंतु वनात राहणारे पक्षी व प्राण्यांना पाणी व चारा कोण पुरवणार, असा प्रश्न निर्माण होतो. याची जाणीव ठेवत येथील काही हौशी छायाचित्रकार या उन्हाळ्यात नित्याने दररोज मुकुंदराज परिसरातील वन्य पक्ष्यांना पाणी, अन्न व चारा देऊन कृतज्ञता व्यक्त करत आहेत. अंबाजोगाई शहराच्या उत्तरेस मुकुंदराज परिसरात वनजमीन आहे. या वनात मोर, लांडोर यासह विविध प्रजातींचे पक्षी रहिवास करतात. सकाळी सूर्योदयाला या परिसरात फेरफटका मारला तर सर्वत्र विविध पक्ष्यांचा किलबिलाट, मोरांचे आवाज कानी पडतात. या पक्ष्यांसह हरीण, काळवीट, कोल्हे, नीलगाय असे प्राणीही या परिसरात आहेत. उन्हाळ्यात या परिसरात पक्ष्यांसाठी अन्न व पाण्याची वानवा असल्यामुळे हे तीन महिने माणसांनीच या पक्ष्यांचा आधार होण्याची गरज आहे. त्यानुसार पक्षीमित्रांनी ही जाणीव जागृत करत माणुसकी जपल्याने पशुपक्ष्यांना काही प्रमाणात आधार मिळत आहे. हेही वाचा - युरोपात जर्मनीनेच रोखला मृत्युदर, सर्वाधिक चाचण्या, वेळेत उपचार दररोज सकाळी हे पक्षी अन्न व पाण्याच्या शोधात बाहेर पडतात. इतर वन्यप्राणी जरी जवळ दृष्टीस पडत नसले तरी हरणांचे कळप मात्र दूरवरून दिसतात. पक्ष्यांचा राजा म्हणून संबोधले जाणारे मोर अन्नधान्य टाकल्याबरोबर त्यावर तुटून पडतात. इतर पक्षीही मनुष्य दूर गेल्यास या धान्याचा आस्वाद घेतात. येथील हौशी छायाचित्रकार मुन्ना सोमाणी व कमलेश पधारिया हे निसर्गचित्र व पक्ष्यांची छायाचित्रे टिपण्यासाठी तांबडं फुटायलाच मुकुंदराज परिसर गाठतात. परंतु सध्या ते फक्त कॅमेराच नव्हे तर गहू, ज्वारी, तांदूळ, काही डाळी आणि पाण्याचे कॅन सोबत घेऊन जातात. हेही वाचा - युरोपातील सर्व देशांनी आता संयुक्त कृती करावी - डॉ. जॉन कार्लोस तिथे गेल्यावर बरोबर झाडीत मोकळी जागा असलेल्या ठिकाणी हे अन्नधान्य टाकतात. थोडे बाजूला जाऊन बसताच पक्षी या अन्नाचा आस्वाद घेतात. या परिसरात वन विभागाने पक्षी व प्राण्यांसाठी पाणवठे केलेले आहेत. त्यात हे पक्षीमित्र सोबत आणलेल्या कॅनमधील पाणीही टाकतात. सध्या मुकुंदराज मंदिर व वन विभागाच्या उद्यानात पाण्याची सोय असल्याने तेथील पाणी या पक्ष्यांची तहान भागवत आहे. फक्त ते पाणवठ्यापर्यंत पोचवावे लागते. या पक्षीमित्रांसह निसर्गप्रेमी व युवा संघर्षचे युवक कार्यकर्तेही यात योगदान देतात. हेही वाचा - जात, धर्म, पंथ बाजूला ठेवून आधी देशाला वाचवा...बघा कोण म्हणतंय... निसर्गाने नटलेला परिसर मुकुंदराज, बुट्टेनाथ, नागनाथ, घोडदरी हा डोंगरदऱ्यांचा हा परिसर निसर्गसौंदर्याने नटलेला आहे. सध्या रखरखत्या उन्हामुळे हिरवाई नसली तरी, काही ओसाड डोंगर वगळता, वृक्षवल्ली व खोल दऱ्याखोऱ्या आणि ओढ्यांमुळे याला निसर्गवैभव प्राप्त झालेले आहे. पावसाळ्यात व हिवाळ्यात या परिसराला हिरवाईच्या सौंदर्याचे अलंकार चढलेले असतात. त्यामुळे विविध पक्षी व प्राणी या परिसरात रहिवास करतात. या परिसरातून वाण नदीही मार्ग काढते. त्यामुळेच काही प्रमाणात पक्षी व वन्य प्राण्यांची तहान भागते. नदीकाठी रहिवासाचाही आधार होतो. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/2xzc8D2

Read more No comments:

सकाळ latest updates

उस्मानाबादकरांनी पाळला जनता कर्फ्यू उस्मानाबाद : जिल्हाभरात रविवारी (ता. तीन) जनता कर्फ्यू जाहीर करण्यात आला होता. जिल्हाभरात उत्स्फूर्त प्रतिसाद मिळाला. उस्मानाबाद जिल्हा सध्या ग्रीन झोन असून, नागरिकांनी सतर्कता बाळगून नियमांचे पालन केल्यास पुढेही अडचण येणार नसल्याची अपेक्षा प्रशासनाकडून व्यक्त होत आहे. शनिवारी (ता. दोन) सकाळी चिखली (ता. उस्मानाबाद) येथील रहिवासी असलेला मात्र सोलापूर पोलिस दलात सेवेत असलेल्या पोलिस कर्मचाऱ्यास कोरोना विषाणूची बाधा झाल्याची माहिती समोर आली. त्यातही तो तरुण गेल्या काही दिवसांत चिखलीला सुटीत आला असल्याचीही माहिती पुढे आली होती. त्यामुळे प्रशासनाने तातडीने गंभीर दखल घेऊन त्यांच्या कुटुंबीयांना क्वारंटाइन करून त्यांचे स्वॅब तपासणीसाठी पाठविले आहेत. या घटनेचे गांभीर्य ओळखून चिखली गाव सील करण्यात आले. महाराष्ट्रातील इतर बातम्या बाचण्यासाठी - क्लिक करा गावात येणाऱ्यांसह गावाबाहेर जाणाऱ्यांना अटकाव करण्यात आला आहे. शिवाय उस्मानाबादपासून कमी अंतर असल्याने, त्या पोलिस कर्मचाऱ्याचा उस्मानाबाद भागातदेखील संपर्क झाल्याची शक्यता तपासून तिथेही काही उपाययोजना करण्यात आल्या आहेत. त्यामुळे जिल्ह्यामध्ये एक दिवसाचा जनता कर्फ्यू जिल्हाधिकारी यांनी जाहीर केला होता. सकाळपासून जिल्हाभरात जनता कर्फ्यूला चांगला प्रतिसाद देत नागरिकांनी कोरोनाविरुद्धच्या लढ्यात आपला सहभाग नोंदविल्याचे दिसून येत आहे. कोरोनाचा धोका लक्षात घेता नागरिक आता अधिक सजग झाल्याचे दिसून येत आहे. त्यातही जिल्हा कोरोनामुक्त होऊन ग्रीन झोनमध्ये गेल्यानंतर पोलिस कर्मचारी कोरोनाबाधित आढळल्याने सगळीकडेच चिंतेचे वातावरण निर्माण झाले आहे. त्यासाठी नागरिकही आता पुढाकार घेऊन प्रशासनाला चांगली साथ देताना दिसत आहेत. त्यामुळे रस्त्यावरील नेहमीप्रमाणे होणारी गर्दी आज कमी झाल्याचे दिसून आले, सर्व दुकाने बंद ठेवण्यात आली होती. पोलिसांनाही बंदोबस्तासाठी अधिक परिश्रम घेण्याची वेळ नागरिकांनी येऊ दिली नसल्याचे मत स्वतः पोलिस अधिकाऱ्यांनी व्यक्त केले. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/3aVahpG

Read more No comments:

सकाळ latest updates

दुचाकीवर होता बसून... विद्यार्थी जवळ येताच घेतला चावा नागपूर : शासकीय दंत महाविद्यालय व रुग्णालयातील पदव्युत्तर अभ्यासक्रमाच्या विद्यार्थ्याला शनिवारी मध्यरात्रीनंतर आपत्कालीन स्थितीत सेवेसाठी निघाला असताना वसतिगृह परिसरात साप चावल्याची घटना घडली. यानंतर तो मेडिकलच्या आपत्कालीन विभागात पोहोचला. त्याच्यावर मेडिकलच्या अतिदक्षता विभागात उपचार झाले. रविवारी दुपारी या विद्यार्थ्याची प्रकृती ठीक झाली. यामुळे त्याला सुटी देण्यात आली. शासकीय दंत महाविद्यालय व रुग्णालयाच्या पदव्युत्तर अभ्यासक्रमातील विद्यार्थ्यांच्या वसतिगृहासमोर गवत वाढले आहे. यामुळे येथून ये-जा करताना सरपटणाऱ्या प्राण्यांची भीती असते. मुखशल्यक्रियाशास्त्र विभागातील पदव्युत्तरच्या प्रथम वर्षात हा विद्यार्थी शिकतो. येथील वसतिगृहातच निवासाला आहे. रविवारी रात्री एक अपघाताचा रुग्ण मेडिकलच्या आपत्कालीन विभागात आला. दंत विभागाला कॉल आला. यामुळे हा विद्यार्थी दुचाकीजवळ आला. दुचाकी सुरू करताना तेथे साप असल्याचे त्याला दिसले नाही. साप गाडीच्या समोरच्या भागाला होता. सापाने त्याच्या डाव्या हाताच्या बोटाचा चावा घेतला. सर्पमित्राने शोध घेतला असता साप विद्यार्थ्यांच्या दुचाकीतच लपून बसल्याचे पुढे आले. अधिक वाचा : पोटात भूक घेऊन त्यांचा 800 कि.मी.चा पायी प्रवास साप बिनविषारी सापाला पकडल्यावर तो साप बिनविषारी असल्याचे पुढे आले. याबाबत मेडिकलच्या डॉक्‍टरांना कळवण्यात आले. या विद्यार्थ्याला मधुमेह आहे. यामुळे प्रकृती खालावण्याची भीती व्यक्त करण्यात आली होती. रात्रभर तज्ज्ञ डॉक्‍टरांकडून औषधोपचार करण्यात आले. दुपारी उशिरापर्यंत तो या धक्‍क्‍यातून बाहेर आला. प्रभारी अधिष्ठाता डॉ. मंगेश फडनाईक यांच्याशी संपर्क साधला असता, विद्यार्थ्याची प्रकृती ठीक असून त्याला सुटी झाली. आठवड्यापूर्वी या परिसराची पाहणी केली असल्याचे ते म्हणाले. विद्यार्थ्यांच्या सुरक्षेसाठी प्रशासनाकडून उपाययोजना करण्यात येत असल्याचेही त्यांनी सांगितले. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/2ygDSwG

Read more No comments:

सकाळ latest updates

आज इतनी भी मयस्सर नहीं मयखाने में... नागपूर : 'आज इतनी भी मयस्सर नहीं मयखाने में, जितनी हम छोड़ दिया करते थे पैमाने में' लॉकडाउन कालावधीत मद्याची दुकाने बंद असल्याने मद्यपींची अवस्था काहीशी अशीच आहे. 'एकच प्याला'साठी कुणी देशी दारूचे दुकान फोडत आहे तर 'थोडी सी तो पिली है' म्हणत दारूऐवजी सॅनिटायझर पिऊन नशा करताना दिसत आहेत. काहींनी बिसलरीच्या बॉटलमध्ये मद्यपुरवठा करून वरून पाणी टाकण्याची गरजही ठेवलेली नाही. शहरात सर्वत्र संचारबंदीत 'पहला नशा' कधी बघितला नसल्यासारखे 'शराबी' सेटिंग लावताना दिसत आहे. घरचा, मित्रांजवळील स्टॉक रिता झाला आहे. ज्यांच्याकडे अजूनही शिल्लक आहे ते 'हुई महेंगी बहोत ही शराब, के थोड़ी-थोड़ी पिया करो' म्हणत रसद पुरवत आहेत. चढ्या दराने कुठे मिळत असेल तर बघा ना असेही शक्‍य न होणारे संवाद ऐकायला मिळत आहेत. तर आवाक्‍याबाहेरचे दर ऐकून त्यांनी 'कौन कमबख्त बर्दाश्‍त करने को पीता है' असे म्हणत स्वत:वर 'ताबा' मिळविला आहे. मित्रांनी काही 'भट्टी' जमविलीच तर 'जहॉं चार यार मिल जायें' म्हणत मध्यरात्रीपर्यंत फेसाळलेले ग्लास रिते करून 'दमलेल्या बाबाची कहाणी' कुटुंबीयांसमोर खास या अंदाजात सांगतात '...फिर भी कोई पिलाए तो मैं क्‍या करूँ.' तर काही मिलिटरी कॅटिंगमध्ये कार्यरत असलेल्या कर्मचाऱ्याला काही जमतेय का म्हणून 'सॅल्युट' ठोकत आहे. अधिक वाचा : पोटात भूक घेऊन त्यांचा 800 कि.मी.चा पायी प्रवास दिवंगत अभिनेते ऋषी कपूर यांचे ट्विट संचारबंदीत शासनाने संध्याकाळी काही परवानाधारक मद्याची दुकाने संध्याकाळी उघडली पाहिजेत, असे ट्विट दिवंगत अभिनेते ऋषी कपूर यांनी काही दिवसांपूर्वी करून तळीरामांना दिलासा दिला होता. परंतु त्यांनीच अनेक सिनेमातून 'मुझे पिने का शौक नही' म्हणत 'तूने नहीं पी, हॉं मैंने पी हैं जिसने भी पी ये आदत बुरी है' असे चाहत्यांना न पिण्याचे आवाहन करत 'नसीब' आजमावले होते. News Story Feeds https://ift.tt/eA8V8J

Latest news updates May 03, 2020 0 Comments

via News Story Feeds https://ift.tt/2Worsuv

Read more No comments:

Breaking

Monday, May 4, 2020

कोरोनाचा धोका : पश्चिम महाराष्ट्राचा आढावा घेत उच्चस्तरीय केंद्रीय पथकाने दिल्या या सूचना

Sunday, May 3, 2020

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts