पुणे जिल्ह्यात ऑक्सिजनचा पुरेसा साठा पुणे - कोरोनाबाधित रुग्णांच्या उपचारासाठी जिल्ह्यात सध्या १३५ मेट्रिक टन ऑक्सिजनची मागणी असून, उत्पादकांकडे ७९० मेट्रिक टन ऑक्सिजन साठा शिल्लक आहे. ऑक्सिजनची कमतरता भासणार नाही, याबाबत जिल्हा प्रशासनाकडून खबरदारी घेण्यात येत आहे. जिल्ह्यातील ऑक्सिजन उत्पादक आणि पुरवठादारांसोबत जिल्हाधिकारी डॉ. राजेश देशमुख यांच्या अध्यक्षतेखाली जिल्हाधिकारी कार्यालयात मंगळवारी बैठक घेण्यात आली. या वेळी औषध विभागाचे सहआयुक्त सुरेश पाटील, औषध निरीक्षक प्रमोद पाटील आदी उपस्थित होते. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा कोरोना रुग्णांना ऑक्सिजनची कमतरता भासू नये, यासाठी उत्पादकांनी ऑक्सिजनची निर्मिती पूर्ण क्षमतेने करण्याबरोबरच पुरवठा सुरळीत ठेवावा, अशा सूचना जिल्हाधिकारी डॉ. देशमुख यांनी दिल्या. पुण्यासह राज्यभरात कोरोना रुग्णांची संख्या वाढत आहे. वाढत्या रुग्णांना आवश्यक तेवढा ऑक्सिजन पुरवठा होण्यासाठी उत्पादकांनी पुरेशा प्रमाणात ऑक्सिजनची निर्मिती करावी. तसेच, अधिकाधिक ऑक्सिजन निर्मिती करण्यासाठी नियोजन करावे, जेणेकरुन भविष्यात ऑक्सिजनचा तुटवडा होणार नाही. बैठकीत उत्पादक व पुरवठादारांच्या अडचणी जाणून घेऊन उपाययोजनांबाबत डॉ. देशमुख यांनी चर्चा केली. शरद पवारांच्या बदनामीविरुध्द बारामतीत दोन ट्विटर खातेधारकांवर गुन्हा दाखल टॅंकरचालकांनाही लस ऑक्सिजन निर्मिती कारखान्यात असलेले कर्मचारी आणि टँकरचालकांना लस उपलब्ध करून द्यावी, असे आवाहन उत्पादकांनी केले. त्यावर लस उपलब्ध करून देण्यात येईल, असे जिल्हाधिकारी डॉ. देशमुख यांनी सांगितले. उत्पादक व पुरवठादारांना काही अडचण भासल्यास औषध विभागाशी संपर्क साधावा, असे आवाहन सहआयुक्त सुरेश पाटील यांनी केले. पुर्व हवेलीत विद्युत रोहित्र चोरट्यांचा धुडगुस पुन्हा सुरु Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3d54q48