सत्ता टिकावयाची असेल तर रक्तातील नातेवाइकाला नाकारून नव्या चेहऱ्यांना संधी दिली पाहिजे पुणे - ‘महापालिकेतील सत्ता टिकावयाची असेल, तर तीन टर्म उमेदवारी दिलेल्या आणि रक्तातील नातेवाइकाला नाकारून नव्या चेहऱ्यांना संधी दिली पाहिजे,’’ असे सूचक वक्तव्य भाजपचे प्रदेशाध्यक्ष चंद्रकांत पाटील यांनी केले. नगरसेवक कशाला व्हायचे, समाजसेवेसाठी की रिंग करण्यासाठी,’ असा प्रश्‍नही यावेळी पाटील यांनी केल्याने पक्षात खळबळ उडाली आहे. आगामी महापालिका निवडणुकीच्या तयारीसाठी शहर भाजपकडून मंडलनिहाय (मतदार संघ) अभ्यास वर्गाचे आयोजन करण्यात आले आहे. त्यानुसार रविवारी पर्वती आणि शिवाजीनगर या दोन मंडलाचा अभ्यास वर्ग झाला. राष्ट्रीय स्वयंसेवक संघाचे विचार, सोशल मीडियाचे महत्त्व, केंद्र सरकारच्या योजना, गेल्या पाच वर्षांत राज्यातील सत्तेत असताना पक्षाने केलेली कामे आणि महापालिकेतील चार वर्षांतील कारभारावर या अभ्यास वर्गात चिंतन करण्यात आले. या अभ्यास वर्गात पाटील यांनी देखील मार्गदर्शन केले. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा पाटील यांनी जुन्यांना फाटा आणि नव्यांना सधी देण्याबाबत केलेल्या वक्तव्यावर अनेकांचे धावे दणाणलेले आहेत. तर ठेका मिळविण्यासाठी रिंग केली जात असल्याबद्दल केलेल्या वक्तव्यावरून अनेक नगरसेवकांनी खासगीत नाराजी व्यक्त केली. महापालिका निवडणुका काही महिन्यांवर आल्या आहेत. भाजपमध्ये सध्या असलेल्या अनेक नेत्यांची मुले, पत्नी, भाऊ आणि नातेवाईक इच्छुक आहेत. पाटील यांनी केलेल्या या वक्तव्यामुळे त्यांच्यामध्ये अस्वस्थता पसरली आहे. कोरोना रुग्ण वाढीचा धोका; कोविड केअर सेंटरच्या कर्मचाऱ्यांची पुनर्नियुक्ती गुजराथ आणि दिल्ली येथील महापालिकेच्या निवडणुकीत भाजपला चांगले यश मिळाले. कोणीही कितीही मोठा नेता असो, त्याच्या रक्तातील नात्यामध्ये उमेदवारी न देण्याबाबतचा निर्णय घेतला. त्यामुळे तेथील महापालिकेतील सत्ता टिकली. या पॉलिसीचा विचार झाला पाहिजे. - चंद्रकांत पाटील, प्रदेशाध्यक्ष, भाजप राज्यात कोरोना लसीचे डोस खरंच पडून आहेत?; राजेश टोपेंनी दिलं स्पष्टीकरण Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3f3WHWP