मोठी बातमी! राज्यातील एवढ्या माध्यमिक शाळांमध्ये होणार संगणक प्रयोगशाळा पुणे - सध्याच्या संगणकीय युगात शाळांमधील पारंपारिक प्रयोगशाळा कालबाह्य झाल्या आहेत. यामुळे माध्यमिक शाळांमध्ये माहिती व तंत्रज्ञानाच्या अद्ययावत संगणक प्रयोगशाळा कार्यान्वित करण्यात येणार आहेत. यासाठी राज्यातील ९६१ शाळांना प्रत्येकी ६ लाख ४० हजार रुपयांप्रमाणे निधी उपलब्ध करून देण्यात आला आहे. या शाळांमध्ये पुणे व पिंपरी चिंचवड शहर आणि जिल्ह्याच्या ग्रामीण भागातील ८२ शाळांचा समावेश आहे. पुणे जिल्ह्यातील ८२ पैकी ६२ शाळांना प्रत्येकी ६ लाख २० हजार रुपयांचा तर, २० शाळांना ६ लाख ४० हजार रुपयांचा निधी मंजूर झाला आहे. येत्या ३० एप्रिलपर्यंत या संगणक प्रयोगशाळांचे साहित्य खरेदी करण्याचे बंधन शाळांवर घालण्यात आले आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा या प्रयोगशाळांचे साहित्य दिलेल्या मुदतीत खरेदी करण्याचा आदेश महाराष्ट्र प्राथमिक शिक्षण परिषदेचे राज्य प्रकल्प संचालक राहुल द्विवेदी यांनी राज्यातील सर्व जिल्हा परिषदांच्या मुख्य कार्यकारी अधिकाऱ्यांना दिला आहे. हे साहित्य जीईम पोर्टलवरून (गव्हर्नमेंट-ई-मार्केट प्लेस) खरेदी करणे अनिवार्य करण्यात आले आहे. कायद्याच बोला; दंड भरल्यावर पुणे पोलिसांनी काढला 'अ‍ॅम्बुलन्स'चा जॅमर केंद्र पुरस्कृत समग्र शिक्षण योजनेतून या संगणकीय प्रयोगशाळांसाठी निधी उपलब्ध करून दिला आहे. महाराष्ट्र प्राथमिक शिक्षण परिषदेच्या प्रकल्प मान्यता मंडळाच्या ४ आॅगस्ट २०२० रोजी झालेल्या बैठकीत याबाबतचा निर्णय घेतला होता. त्यानंतर राज्याचे मुख्य सचिव सीताराम कुंटे यांच्या अध्यक्षतेखाली झालेल्या उच्चाधिकार समितीच्या बैठकीत राज्यातील ७०८ सरकारी उच्च प्राथमिक शाळांमध्ये तर, १ हजार ५०० माध्यमिक शाळांमध्ये संगणक प्रयोगशाळांची उभारणी करण्यास मान्यता दिली आहे. यापैकी पहिल्या टप्प्यात ९६१ शाळांना निधी उपलब्ध करून देण्यात आला असल्याचे याबाबत मुख्य कार्यकारी अधिकाऱ्यांना देण्यात आलेल्या आदेशात नमूद केले आहे. पुणे : वरवंडमध्ये चार दिवसात २२ जणांना करोनाची बाधा दरम्यान, पहिल्या टप्प्यात निधी उपलब्ध करून देण्यात आलेल्या ९६१ शाळांपैकी ७७५ शाळांना याआधीच फर्निचर खरेदीसाठी प्रत्येकी २० हजार रुपयांचा निधी देण्यात आलेला आहे. त्यामुळे या शाळांना आता प्रत्येकी ६ लाख २० हजार रुपयांचा निधी उपलब्ध करून दिला जाणार आहे. उर्वरित १८६ शाळांना प्रत्येकी ६ लाख ४० हजार रुपयांचा निधी वितरित केला जाणार आहे. पुणे जिल्ह्याला पाच कोटी पुणे शहर व जिल्ह्यातील ६२ शाळांना प्रत्येकी ६ लाख २० हजार रुपयांप्रमाणे ३ कोटी ८४ लाख ४० हजार रुपयांचा तर, अन्य २० शाळांना प्रत्येकी ६ लाख ४० हजार रुपयांप्रमाणे १ कोटी २८ लाख रुपयांचा निधी उपलब्ध होणार आहे. यानुसार पुणे जिल्ह्याला ८२ शाळांसाठी ५ कोटी १२ लाख ४० हजार रुपयांचा निधी मिळाला असल्याचे जिल्हा परिषदेचे उपाध्यक्ष व शिक्षण समितीचे सभापती रणजित शिवतरे यांनी सांगितले. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/2NTQhhP