लसीकरण करून कोरोनापासून बचाव करता येऊ शकतो नवी दिल्ली - भारतात नवे कोरोना विषाणू सापडणे ही चिंतेची बाब असली, तरी नागरिकांनी घाबरून जाऊ नये. खबरदारी घेण्याबरोबरच लसीकरण करून या विषाणूंपासून बचाव करता येऊ शकतो. या विषाणूंचा वेगाने प्रसार होतो का, याचा अभ्यास युद्धपातळीवर सुरू आहे, असे वैज्ञानिक आणि औद्योगिक संशोधन परिषदेचे (सीएसआयआर) महासंचालक, ज्येष्ठ शास्रज्ञ डॉ. शेखर मांडे यांनी सांगितले. - ताज्या बातम्यांसाठी डाऊनलोड करा ई-सकाळचे ऍप भारतात कोरोना विषाणूचे नवे प्रकार सापडल्याचे आरोग्य मंत्रालयाने जाहीर केल्याने ''सकाळ''ने त्यांच्याशी संवाद साधला. ते म्हणाले, "विषाणूंच्या नव्या बदललेला स्ट्रेन हा चिंतेचा विषय आहे. त्यातील बदल हा नैसर्गिक आहे. हा विषाणू वेगाने पसरणार आहे का, तसेच विषाणूंमध्ये होणारे बदल याबाबत दिल्लीत दोन संशोधन संस्थांमध्ये अभ्यास केला जात आहे. महाराष्ट्रासह देशभरातून जमा केलेल्या नमुन्याचा हा अभ्यास आहे. कोविड प्रतिबंधक लस घेणेही आवश्यक आहे. यातून नव्या, जुन्या विषाणूंच्या संसर्गाचा सुमारे ७० टक्के धोका टळू शकतो, असे डॉ. मांडे यांनी स्पष्ट केले. - पुण्याच्या बातम्या वाचण्यासाठी येथे ► क्लिक करा डॉ. मांडे म्हणतात... विषाणूंचा नवा स्ट्रेन हा वेगाने पसरणारा आहे, असे आढळल्यास कोविडविरोधी यंत्रणांना तातडीने सक्रिय व्हावे लागेल. चाचणी, रुग्णांचा शोध आणि त्यांचे विलगीकरण (टेस्टिंग-ट्रॅकिंग-क्वारंटाइन) ही पद्धत वेगाने अमलात आणावी लागेल. कोविड प्रतिबंधक लसीचा दुसरा डोस हा चार ते आठ आठवड्यांनी घ्यावा, असे म्हटले गेले. परंतु दुसरा डोस हा आठ आठवड्यांनी घेतला, तरी चालेल. रोगप्रतिकार क्षमतेसाठी हे अधिक पूरक ठरेल. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3d7WQWv