सिंधुदुर्गात कोरोनाने आणखी एकाचा मृत्यू ओरोस (सिंधुदुर्ग) - जिल्ह्यात आज आणखी 24 कोरोनाचे नवीन रुग्ण मिळाले आहेत. 11 रूग्णांनी कोरोनावर मात केली आहे. देवगड तालुक्‍यातील मिठबाव येथील 53 वर्षीय पुरुषाचा मृत्यु झाला आहे. त्यांना मधुमेहाचा आजार होता. यामुळे जिल्ह्यातील कोरोना मृत्यु संख्या 180 झाली आहे. जिल्ह्यात आतापर्यंत 6 हजार 747 कोरोना रुग्ण मिळाले आहेत. त्यातील 6 हजार 347 रुग्ण बरे होवून घरी परतले आहेत. 180 रुग्णांचे निधन झाले आहे. परिणामी 214 रुग्ण उपचाराखाली राहिले आहेत. यातील 6 रुग्ण जिल्ह्याबाहेर जावून उपचार घेत आहेत. उर्वरित 108 रुग्ण जिल्ह्यातील कोविड हॉस्पिटल अथवा होम आयसोलेशनमध्ये उपचार घेत आहेत, अशी माहिती जिल्हा सामान्य रुग्णालयाकडून देण्यात आली. 214 रुग्ण सक्रिय असून त्यापैकी 4 रुग्णाची प्रकृती चिंताजनक आहे. यातील एक रुग्ण ऑक्‍सीजनवर तर तीन रुग्ण व्हेन्टीलेटरवर उपचार घेत आहे. जिल्ह्याबाहेर जावून सहा रुग्ण उपचार घेत आहेत. आर.टी.पी.सी.आर टेस्टमध्ये 39 हजार 459 नमुने तपासण्यात आले. यातील 4 हजार 616 नमुने पॉझिटिव्ह आले आहेत. आज नव्याने 34 नमूने घेण्यात आले. ऍन्टिजन टेस्टमध्ये एकूण 28 हजार 985 नमुने तपासले. पैकी 2 हजार 248 नमुने पॉझिटिव्ह आले आहेत. आज नवीन 134 नमूने घेण्यात आले. आतापर्यंत एकूण 68 हजार 444 नमूने तपासण्यात आले. तालुकानिहाय रुग्ण (कंसात मृत्यू) देवगड 497 (12), दोडामार्ग 369 (5), कणकवली 2059 (47), कुडाळ 1495 (34), मालवण 631 (19), सावंतवाडी 891 (43), वैभववाडी 203 (9), वेंगुर्ले 571, (10) जिल्ह्याबाहेरील रुग्ण 31 (1). तालुकानिहाय सक्रीय रुग्ण ः देवगड - 33, दोडामार्ग - 6, कणकवली - 52, कुडाळ - 36, मालवण - 36, सावंतवाडी - 31, वैभववाडी - 9, वेंगुर्ले- 8 व जिल्ह्याबहेरील 3 अशाप्रकारे रुग्ण आहेत. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/2NK6aao