सावंतवाडी अपघातात दुचाकीस्वार गंभीर सावंतवाडी (सिंधुदुर्ग) - पालिकेच्या दिशेने जाणाऱ्या दुचाकीची महिलेला धडक बसून झालेल्या अपघातात येथील पालिका कर्मचारी अमरदीप अंकुश कांबळे (वय 35) हे जखमी झाले. त्यांच्या डोक्‍याला गंभीर दुखापत झाली. हा अपघात आज दुपारी येथील मोती तलावासमोर झाला. महिलेच्या तोंडालाही मार लागला आहे. अपघातानंतर दुचाकीसह पालिका कर्मचारी बराच वेळ रस्त्यावर रक्ताच्या थारोळ्यात पडून होते; मात्र येथील पोलिस ठाण्याच्या महिला पोलिस कर्मचारी पलक गवस यांनी त्यांना तत्काळ रूग्णालयात दाखल केले. कांबळे हे पालिकेच्या दिशेने जात असनाच मोती तलावाशेजारी कपड्याच्या दुकाना समोरून अक्षता कासार चालल्या होत्या. त्याचवेळी कांबळे यांच्या दुचाकीची धडक कासार यांना बसली. धडकेनंतर दुचाकीसह कांबळे खाली कोसळले. त्यांच्या डोक्‍याला गंभीर दुखापत झाली. डोक्‍यातून मोठ्या प्रमाणात रक्तस्त्राव होत होता; मात्र बराच वेळ कोणीही पुढे आले नाही; मात्र त्याचवेळी येथील पोलिस ठाण्याच्या महिला पोलिस कर्मचारी गवस घटनास्थळी दाखल झाल्या. रक्ताच्या थारोळ्यात पडलेल्या कांबळे यांना उचलून रूग्णालयाच्या दिशेने रवाना केले. अधिक उपचारासाठी गोमेकॉत कांबळे यांची प्रकृती गंभीर असून येथील कुटीर रूग्णालयात प्राथमिक उपचार केल्यानंतर लागलीच त्यांना अधिक उपचारसाठी गोवा मेडिकल कॉलेजमध्ये (गोमेकॉ) दाखल करण्यात आले. जखमी महिलेवर येथे उपचार सुरू आहेत. तिच्या तोंडाला दुखापत झाली आहे. अपघातानंतर पोलिसांनी पंचनामा केला असून पुढील तपास सुरू आहे. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/39HQvRf