तुम्ही आता एका ‘मिस्ड कॉल’वर छान छान गोष्टी ऐकू शकणार पुणे - लॉकडाउनमुळे तुम्हाला मैदानात खेळायला जाता येत नाहीये, गावाकडे जाणंही राहिलय, घरात बसून कंटाळा आलाय,आणि हो, आजी-आजोबांकडून गोष्टी ऐकणंही ‘मिस’ करताय! असे आहे, तर मग जरा इकडे लक्ष द्या... तुम्ही आता एका ‘मिस्ड कॉल’वर छान छान गोष्टी ऐकू शकणार आहात. होय, ‘प्रथम बुक्स’ आणि ‘युनायटेड वे इंडिया’च्या वतीने हा अभिनव उपक्रम सुरू करण्यात आला आहे. सध्या कोरोनामुळे लहान मुले आपापल्या घरी राहून मन रमवत आहेत. मुलांना घराबाहेर पडणेदेखील मुश्किल झाले आहे. अशा परीस्थितीत कोणाला सतत घरात बसून कंटाळा येणार नाही? मात्र लहान मुलांचा हा कंटाळा, एकाकीपणा केवळ एका ‘मिस्ड कॉल’ने दूर होणार आहे. कारण हा मिस्ड कॉल दिल्यानंतर तुम्हाला वेगवेगळ्या प्रकारच्या गोष्टी ऐकायला मिळणार आहेत. बातम्या ऐकण्यासाठी डाऊनलोड करा ई-सकाळचे ऍप उपक्रमाची वैशिष्ट्ये - तीनशे गोष्टींचा समावेश - या भाषेत ऐकता येतील गोष्टी : मराठी, इंग्रजी, हिंदी, कन्नड - लहान मुलांची शब्दसंपत्ती आणि श्रवण कौशल्य वाढण्यास होईल मदत - मिस्ड कॉल देण्यासाठी भ्रमणध्वनी क्रमांक :०८०३३०९४२४३ पुण्याच्या इतर बातम्या वाचण्यासाठी येथे ► क्लिक करा असा लुटा गोष्टीचा आनंद : - मिस्ड कॉल द्या - त्यानंतर तुम्हाला फोन येईल - तुम्ही भाषेचा आणि वयोगटाचा पर्याय निवडायचा - निवडलेल्या भाषेत लागोपाठ दोन गोष्टी ऐकता येतील - आणखी गोष्टी ऐकण्यासाठी प्रत्येक वेळी मिस्ड कॉल - कॉल संपल्यावर तुमच्या फोनवर एक संदेश येईल - त्यावर आणखी गोष्टी वाचण्यासाठी ‘स्टोरी विव्हर’ची लिंक दिली जाईल या श्राव्य गोष्टी विविध विषयांवर असून, त्यात विज्ञान, तंत्रज्ञान, गणित, वन्यजीवन आणि जैवविविधता अशा संकल्पनांचा वेध घेतला आहे. तसेच कुटुंब, मैत्री, जीवन कौशल्य हेही विषय हाताळले आहेत. - हिमांशू गिरी, मुख्य कार्यकारी अधिकारी, प्रथम बुक्स News Story Feeds https://ift.tt/eA8V8J

via News Story Feeds https://ift.tt/34ZooZI