दाभाचीवाडी तलावासाठी 46 लाख सिंधुदुर्गनगरी - गेल्या आठ वर्षांपूर्वी सुशोभीकरण करून पर्यटनदृष्ट्या विकसित केलेल्या दाभाचीवाडी तलावाच्या नूतनीकरण व सुशोभीकरणासाठी प्राधिकरणाने नव्याने 46 लाख रूपये निधी मंजूर केला आहे. त्यामुळे या तलावाला आता पुन्हा ऊर्जितावस्था प्राप्त होणार आहे. सिंधुदुर्गनगरीला पाणीपुरवठा करणाऱ्या दाभाचीवाडी तलावाचे आठ वर्षांपूर्वी सुमारे दोन कोटी निधी खर्च करून सुशोभीकरण करण्यात आले होते. हे तलाव पर्यटनदृष्ट्या विकसित करताना या तलावाच्या काठी भव्य असे गार्डन, तलावामध्ये बोटिंगची सुविधा आणि जेटी तसेच लहान मुलांसाठी घसरगुंडी, झोपाळे, अशा विविध सुविधा निर्माण करण्यात आल्या होत्या. तलावाचे नयनरम्य दृश्‍य आणि तलावाकाठीचे गार्डन पाहण्यासाठी या ठिकाणी मोठी गर्दी होत होती; परंतु जिल्हा प्रशासनाकडून या गार्डनच्या देखभालीसाठी किंवा स्वच्छतेसाठी कोणतीही यंत्रणा निर्माण केली नसल्याने या पर्यटन स्थळाच्या विकासासाठी करण्यात आलेला कोट्यावधी रुपये निधी वाया गेल्याचे चित्र पाहायला मिळत आहे. सिंधुदुर्गनगरीच्या पर्यटनात भर घालण्याच्या दृष्टीने विकसित करण्यात आलेले हे तलाव आणि तेथील गार्डन यांची नव्याने डागडुजी करण्यासाठी आणि सुशोभीकरणासाठी आता प्राधिकरणाने 46 लाख रुपये निधी मंजूर केला आहे. निधीचा वापर झाल्यास... - दुरवस्था झालेल्या गार्डनची स्वच्छता - सुशोभीकरण आणि डागडुजी करणार - दाभाचीवाडी तलावाला येईल नवचैतन्य - पर्यटनवृद्धीसाठी होणार फायदा - रहिवाशांना एक चांगली पर्यटन सुविधा संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/3f7rFgO