सिंधुदुर्गात कोरोनाचे आणखी 17 रुग्ण ओरोस (सिंधुदुर्ग) - जिल्ह्यात आज नवीन 17 कोरोनाबाधित मिळाले आहेत. 17 रुग्णांनी कोरोनावर मात केली. 198 रुग्ण उपचारांखाली राहिले आहेत. यातील तीन रुग्णांची प्रकृती चिंताजनक झाली आहे. जिल्ह्यात आतापर्यंत सहा हजार 709 कोरोना रुग्ण मिळाले आहेत. यातील सहा हजार 326 रुग्ण कोरोनामुक्त झाले. 179 रुग्णांचे निधन झाले आहे. परिणामी, 198 रुग्ण उपचारांखाली राहिले असून, यातील सहा रुग्ण जिल्ह्याबाहेर जाऊन उपचार घेत आहेत. उर्वरित 192 रुग्णांवर जिल्ह्यातील कोविड हॉस्पिटल अथवा होम आयसोलेशनमध्ये उपचार सुरू आहेत, अशी माहिती जिल्हा सामान्य रुग्णालयाकडून देण्यात आली. 198 रुग्ण सक्रिय असून, त्यापैकी तीन रुग्णांची प्रकृती चिंताजनक आहे. यातील एक रुग्ण ऑक्‍सिजनवर, तर दोन रुग्ण व्हेंटिलेटरवर उपचार घेत आहेत. जिल्ह्याबाहेर जाऊन सहा रुग्ण उपचार घेत आहेत. आर.टी.पी.सी.आर. टेस्टमध्ये 39 हजार 191 नमुने तपासण्यात आले. यातील चार हजार 598 नमुने पॉझिटिव्ह आले आहेत. आज नव्याने 291 नमुने घेण्यात आले. अँटिजेन टेस्टमध्ये एकूण 28 हजार 753 नमुने तपासण्यात आले. पैकी दोन हजार 225 नमुने पॉझिटिव्ह आले आहेत. आज नवीन 98 नमुने घेण्यात आले. आतापर्यंत एकूण 67 हजार 994 नमुने तपासण्यात आले. तालुकानिहाय पॉझिटिव्ह रुग्ण व कंसात मृत्यू झालेले असे ः देवगड 493 (11), दोडामार्ग 367 (5), कणकवली 2051 (47) , कुडाळ 1488 (34), मालवण 622 (19), सावंतवाडी 886 (43), वैभववाडी 202 (9) , वेंगुर्ला 569, (10) जिल्ह्याबाहेरील रुग्ण 31 (1). तालुकानिहाय सक्रिय रुग्ण ः देवगड- 33, दोडामार्ग- 4, कणकवली- 52, कुडाळ- 32, मालवण- 28, सावंतवाडी- 28, वैभववाडी- 9, वेंगुर्ले- 9 व जिल्ह्याबहेरील 3. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/3eZIqdx