३६ हजार संपूर्ण पुणे जिल्ह्यातील थकबाकीदार ग्राहक अंधारात पुणे - पुणे, पिंपरी चिंचवड शहरासह ग्रामीण भागात गेले १० महिने एकही वीजबिल न भरलेल्या ३६ हजार १३९ थकबाकीदारांचा वीजपुरवठा खंडित करण्यात आला आहे. त्यांच्याकडे सुमारे ८९ कोटी ५५ लाख रुपयांची थकबाकी होती. कारवाईचा इशारा महावितरणने दिल्यापासून एकही वीजबिल न भरलेल्या ९७ हजार ४१३ ग्राहकांनी आतापर्यंत १४५ कोटी ७५ लाख रुपयांचा भरणा केला आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा सध्या पुणे परिमंडलातील घरगुती, वाणिज्यिक व औद्योगिक १० लाख ८ हजार ७७६ ग्राहकांकडे ८१९ कोटी ७१ लाख रुपयांची थकबाकी आहे. यात घरगुती ८ लाख ४९ हजार ९९० ग्राहकांकडे ५०५ कोटी २३ लाख, वाणिज्यिक १ लाख ३८ हजार ६४८ ग्राहकांकडे २११ कोटी ७० लाख, तर औद्योगिक २० हजार १३८ ग्राहकांकडे १०२ कोटी ७७ लाख रुपयांची थकबाकी आहे. गृहमंत्र्यांपेक्षा पोलीस अधिकारीच येतात अलिशान वाहनांत! असं कसं चालेल - अजित पवार पुणे शहरातील (कंसात थकबाकी) १९ हजार ३८८ (४२.१७ कोटी), पिंपरी व चिंचवड शहर ९ हजार ८८५ (२४.९० कोटी) आणि हवेली ग्रामीण, मुळशी, वेल्हे, आंबेगाव, जुन्नर, मावळ व खेड तालुक्यातील ६ हजार ८६६ (२२.४८ कोटी) थकबाकीदारांचा वीजपुरवठा खंडित करण्यात आला आहे. कोरोनाचा धोका वाढतोय; दौंड तालुक्यात वैद्यकीय अधिकाऱ्याला कोरोना, एकाने गमावला जीव सुटीच्या दिवशीही भरणा केंद्र सुरू वीजपुरवठा खंडित करण्याची कारवाई टाळण्यासाठी लघुदाब वीजग्राहकांना घरबसल्या चालू व थकीत वीजबिल ऑनलाइन भरण्यासाठी www.mahadiscom.in ही वेबसाइट व मोबाईल अॅपची सेवा उपलब्ध करून देण्यात आली आहे. पुणे परिमंडलातील महावितरणची सर्व अधिकृत वीजबिल भरणा केंद्रे रविवारपर्यंत (ता. २१) सार्वजनिक सुटीच्या दिवशी कार्यालयीन वेळेत सुरू ठेवण्यात येणार असल्याचे महावितरणने कळविले आहे. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3aBswUk