सिंधुदुर्गात आणखी 48 शाळा सुरू ओरोस (सिंधुदुर्ग) - जिल्ह्यात आणखी 48 शाळा सुरू झाल्या आहेत. 27 जानेवारीपासून पाचवी ते आठवीचे वर्ग सुरू करण्यास शासनाने मान्यता दिल्यानंतर 1 फेब्रुवारीपर्यंत पाच दिवसांत 896 पैकी 815 शाळा सुरू झाल्या आहेत. 34 हजार 83 विद्यार्थ्यांपैकी 19 हजार 254 विद्यार्थी शाळेत दाखल झाले आहेत. आतापर्यंत कोरोना टेस्ट केलेल्या शिक्षकांतील 28 शिक्षक व एक शिक्षकेत्तर कर्मचारी बाधित आला आहे, अशी माहिती प्राथमिक शिक्षणाधिकारी एकनाथ आंबोकर यांनी दिली. पालकांच्या संमतीने सुरू होत असलेल्या शाळांची संख्या दिवसेंदिवस वाढत आहे. जिल्ह्यात प्राथमिक, माध्यमिक व अन्य मिळून 896 शाळा असून 30 रोजी 767 शाळा सुरू झाल्या होत्या. आज आणखी 48 शाळा सुरू झाल्या आहेत. नव्याने 2 हजार 739 विद्यार्थी शाळेत दाखल झाले आहेत. परिणामी आतापर्यंत शाळेत दाखल झालेल्या विद्यार्थ्यांची संख्या 19 हजार 254 झाली आहे. कोरोना प्रतिबंधानंतर तब्बल 11 महिन्यांनी पाचवी ते आठवीचे वर्ग सुरू करण्यास शासनाने परवानगी दिली आहे. त्यामुळे शिक्षकांची आरटीपीसीआर चाचणी करून आणि आवश्‍यक खबरदारी घेऊन पालकांच्या संमतीने शाळा सुरू करण्यात येत आहेत. प्राथमिक, माध्यमिक व अन्य अशा एकूण 896 शाळा आहेत. पैकी 815 शाळा सुरू झाल्या आहेत. या शाळांमधून 34 हजार 83 विद्यार्थी असून यापैकी 19,254 विद्यार्थी हजर झाले आहेत. 3047 शिक्षक असून 2 हजार 805 शिक्षकांची "आरटीपीसीआर' केली आहे. यापैकी 28 शिक्षकांचे अहवाल पॉझिटीव्ह आले आहेत. याशिवाय 753 शिक्षकेतर कर्मचाऱ्यांपैकी 745 कर्मचाऱ्यांची "आरटीपीसीआर' केली असून यापैकी एकाचा अहवाल पॉझिटीव्ह आला आहे. दोडामार्ग तालुका अग्रेसर दोडामार्ग तालुक्‍याने शाळा सुरु करण्यात बाजी मारली असून 59 पैकी 59 शाळा सुरु झाल्या आहेत तर सावंतवाडीत 161 पैकी 160 शाळा सुरू झाल्या आहेत. वैभववाडी 56 पैकी 55, देवगड 116 पैकी 114 शाळा सुरू झाल्या आहेत. वेंगुर्ले 83 पैकी 79, कुडाळ 156 पैकी 126, मालवण 133 पैकी 129 शाळा सुरु झाल्या आहेत. कणकवली तालुका सर्वांत मागे असून येथे 130 पैकी 91 शाळा सुरू झाल्या आहेत. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/3j6P95D