कोंबडी घेतल्यास अंडी फुकट..! चिकन विक्रेत्यांची शक्कल माळशिरस - कोंबड्यांना आलेल्या ‘बर्ड फ्ल्यू’ आजारामुळे चिकनच्या मागणीत मोठ्या प्रमाणावर घट झाली आहे. यामुळे चिकन विक्रेते व कुकूटपालन व्यावसायिक (पोल्ट्री व्यावसायिक) अडचणीत आले आहेत. चिकनचे दर कमी करण्याबरोबरच ग्राहकांना आकर्षित करण्यासाठी माळशिरस (ता. पुरंदर) परिसरात चिकन खरेदीवर अंडी मोफत देण्याचा प्रयोगही आता विक्रेते करू लागले आहेत. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा गेल्या काही दिवसांपासून कोंबड्यांना ‘बर्ड फ्ल्यू’चा आजार आल्याने चिकन खाण्याकडे नागरिकांनी पाठ फिरवल्याचे सध्या दिसून येत आहे. यापूर्वी चिकनची विक्री १८० ते २०० रुपये प्रति किलोप्रमाणे होत होती. भाव तेजीत असून सुद्धा ग्राहकांकडून चिकनला मोठी मागणी होती. मात्र, गेल्या काही दिवसांत विविध ठिकाणी ‘बर्ड फ्ल्यू’चा आजार आल्याने पोल्ट्री व्यावसायिक अडचणीत आले आहेत. पोल्ट्री व्यावसायिकांकडून कोंबड्यांची खरेदी करून पुढे थेट विक्री करणारे विक्रेते देखील अडचणीत आलेले आहेत. अपघातग्रस्त महिलेला ओळखताय का? पोलिसांना कळवा; मदतीचं आवाहन पूर्वीच्या तुलनेत सध्या ५० टक्के देखील चिकनचा खप होत नसल्याचे माळशिरस येथील राजू शेख यांनी सांगितले. माळशिरस गावात सध्या सहा ठिकाणी चिकनची विक्री केली जाते. चिकनला मागणी नसल्याने ग्राहकांना आकर्षित करण्यासाठी चिकनचे भाव कमी जास्त प्रमाणात वेगवेगळे दिसत आहेत. दोनशे रुपये किलोपर्यंत विक्री केले जाणारे चिकन सध्या १२० ते १३० रुपयेपर्यंत विकले जात आहे. परिसरातील काही विक्रेते ग्राहकांना चिकन बरोबर होलसेल बाजारभावात साधारणतः चार रुपयेप्रमाणे कमीत कमी दरात अंडी देखील देत आहेत. पूर्वी हे अंडे सहा रुपयापर्यंत विक्री केली जात. एका व्यावसायिकाकडून तर एक किलो चिकन खरेदी केल्यानंतर चार अंडी मोफत दिली जात आहेत. तसेच अर्धा किलो चिकन खरेदी केल्यास मसाला पुडी मोफत दिली जात आहे. अशाप्रकारे वेगळी शक्कल वापरून हे व्यावसायिक ग्राहकांना चिकन खरेदीकडे आकर्षित करताना परिसरात दिसून येत आहे. पुणेकरांनो ऐकलंत का? 10 महिन्यांनी कोरोनाबाबत पहिल्यांदाच मोठी बातमी अफवांमुळे व्यावसायिक संकटात माळशिरस येथील काही व्यावसायिकांनी सांगितले की, परिसरात कोंबड्यांना ‘बर्ड फ्ल्यू’ची लागण झाल्याचे कोठेही आढळून आले नाही. मात्र, सोशल मीडियामुळे नागरिकांत अफवा पसरत असून ग्राहक चिकन खरेदीकडे पाठ फिरवत आहे. याचा मोठा फटका व्यवसायाला जाणवत आहे. मात्र, प्रत्यक्षात या आजाराने नागरिकांना कुठलाही धोका नसल्याचे व्यावसायिक सांगत आहेत. Edited By - Prashant Patil Tajya news Feeds https://ift.tt/eA8V8J - Click Live News Short news on Mobile 2019.....