पुणे जिल्हा दूध संघाकडून खरेदी दरात 1 रुपयाची वाढ पुणे - पुणे जिल्हा सहकारी दूध उत्पादक संघाने (कात्रज डेअरी) गाईच्या दूध खरेदी दरात प्रतिलिटर एक रुपया वाढ करण्याचा निर्णय घेतला आहे. या निर्णयाची अंमलबजावणी येत्या रविवारपासून केली जाणार आहे. यामुळे जिल्ह्यातील शेतकऱ्यांना येत्या रविवारपासून गाईच्या दुधाला प्रतिलिटर 29 रुपये 70 पैसे इतका दर मिळणार असल्याचे जिल्हा दूध संघाचे चेअरमन विष्णू हिंगे यांनी सांगितले. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा राज्यातील सर्व सहकारी आणि खासगी दूध उत्पादक संघांनी शेतकऱ्यांना गाईच्या दुधाला प्रतिलिटर किमान 29 रुपये दूध दर द्यावा, असा निर्णय राज्य दूध उत्पादक व प्रक्रिया व्यावसायिक कल्याणकारी संघाच्या बैठकीत एकमताने घेण्यात आला होता. या नव्या निर्णयाची अंमलबजावणी 15 फेब्रुवारीपासून करण्याचे ठरले होते. यामुळे कात्रज डेअरीकडून दूध खरेदी दर वाढण्याचे संकेत त्यावेळीच देण्यात आले होते. Video:चंद्रकांत पाटील पुन्हा ट्रोल; डॉ. अब्दुल कलामांविषयी दिला चुकीचा संदर्भ कोरोनामुळे राज्यातील दूध उत्पादक शेतकरी आणि दूध संघही अडचणीत आले आहेत. कारण सध्या इंधन आणि पशुखाद्याच्या दरात वाढ झाली आहे. शिवाय दूध उत्पादनात मोठी घट झाली आहे. यामुळे जिल्ह्यातील दूध उत्पादक शेतकरी आर्थिक अडचणीत सापडला आहे. शेतकऱ्याला किमान दूध दर वाढीतून थोडीशी आर्थिक मदत व्हावी, या उद्देशाने ही दूध दर वाढ करण्यात आल्याचे हिंगे यांनी स्पष्ट केले. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/2OXcpIf