शाळांची ताकीद; स्कूलबसचे वर्षभराचे पैसे पाठवा मगच शाळेत या नागपूर : राज्यातील ५ ते ८ वीच्या शाळा सुरू करण्याचे आदेश शिक्षण विभागाने दिले. त्यानुसार जिल्ह्यातील शाळा २७ जानेवारीपासून सुरू झाल्यात. मात्र, महापालिका हद्दीतील शाळा ८ फेब्रुवारीपासून सुरू होणार आहेत. मात्र, शाळांनी पालकांना वेठीस धरण्यास सुरुवात केली आहे. विद्यार्थ्यांना स्कूल बसचे वर्षभराचे पैसे पाठवा मगच शाळेत या, अशी ताकीद विद्यार्थी आणि पालकांना देण्यात आली आहे. राज्य शासनाने दुसऱ्या टप्प्यात इयत्ता पाचवी ते आठवीपर्यंतच्या शाळा सुरू करण्याच्या सूचना दिल्या. यानुसार २७ जानेवारीपासून जिल्ह्यातील शाळा सुरू झाल्या असून ८ फेब्रुवारीपासून नागपूर शहरातील शाळा सुरू होणार आहेत. त्यामुळे दहा महिन्यांपासून पालकांना शिक्षण शुल्कासाठी छळणाऱ्या खासगी शाळांनी आता शाळा सुरू होण्याचे आदेश येताच इतर मार्गांनी वसुली सुरू केली आहे. अधिक माहितीसाठी - गुप्तधन, तिलिस्मी औषध शोधण्यासाठी शेतात जमले नागरिक; सोबत होता हा दुर्मिळ प्राणी शहरातील प्रतिष्ठित अशा नारायणा शाळेने चक्क पालकांना पत्र पाठवित मुलांना शाळेच्या स्कूल बसने शाळेत पाठवायचे असेल तर पालकांना वर्षभराचे शुल्क जमा करावे लागणार अशी सक्त ताकिद दिली आहे. अन्यथा स्वत: पालकांनी त्यांना सोडावे अशा सूचना दिल्या आहेत. याशिवाय खासगी वाहनाने येणाऱ्या विद्यार्थ्यांना शाळेत प्रवेश देण्यावर बंदी टाकण्यात आली आहे. त्यामुळे फेब्रुवारीत शाळा सुरू झाल्यावर पुढचे दोन महिने शाळा असताना वर्षभराचे स्कूल बसचे पैसे कुठल्या नैतिक आधारावर मागितले जात आहेत, असा सवाल पालकांकडून होत आहे. नारायणासह इतर खासगी शाळांनीही अशाप्रकारे पत्र पाठवून पालकांना वेठीस धरले जात आहे. त्यामुळे पालकांमध्ये शाळांविरोधात प्रचंड रोष निर्माण झाला आहे. याबाबत विभागीय शिक्षण उपसंचालकांना विचारणा केली असता, त्यांनी वस्तुस्थिती जाणून घेत, कारवाई करण्यात येईल असे त्यांनी स्पष्ट केले. जाणून घ्या - वाढदिवसाला नातेवाईक बसले जेवायला; बॉक्स उघडताच सरकली पायाखालची जमीन सरकारचा धाक नाहीच नारायणा शाळेने पालकांकडून शैक्षणिक शुल्काच्या नावावर अतिरिक्त शुल्क वसुली केल्याचा ठपका ठेवत १ कोटी ७६ लाखांचा दंड ठोठावला. सांदिपनी शाळेवरही ३ कोटींची वसुली निघण्याचा अहवाल जमा करण्यात आला. याशिवाय इतर शाळांवरही प्रशासनाकडून दंड आकारण्याची तयारी करण्यात येत आहे. Tajya news Feeds https://ift.tt/eA8V8J - Click Live News Short news on Mobile 2019.....