राज्यातील आठ केंद्रांवर कोव्हॅक्‍सिन लस;आरोग्य खात्याचा 20 हजार लसींच्या वितरणाबाबत निर्णय पुणे - भारत बायोटेकची कोव्हॅक्‍सिन कोरोना प्रतिबंधक लस राज्यात आठ केंद्रांवर वितरित करण्याचा निर्णय सार्वजनिक आरोग्य विभागाने गुरुवारी घेतला. पुण्यासह मुंबई, सोलापूर, नागपूर, अमरावती आणि औरंगाबाद येथील प्रत्येकी एका लसीकरण केंद्रावर ही लस देणार आहे. केंद्र सरकारने सिरम इन्स्टिट्यूट ऑफ इंडियाच्या "कोव्हिशिल्ड' एक कोटी 10 लाख लसींची खरेदी केली आहे तर, प्रत्येक राज्यासाठी भारत बायोटेकच्या "कोव्हॅक्‍सिन' या लसीचे 20 हजार डोस दिले. महाराष्ट्राला कोव्हिशिल्डच्या नऊ लाख 63 हजार लसी मिळाल्या. याचे वितरण बुधवारपर्यंत पूर्ण झाले. उर्वरित कोव्हॅक्‍सिनच्या 20 हजार लसींच्या वितरणाबाबत सार्वजनिक आरोग्य खात्याने हा निर्णय घेतला. मराठ्यांच्या ध्येयाचा पानिपतमध्ये विजय याबाबत राज्य लसीकरण अधिकारी डॉ. दिलीप पाटील म्हणाले, ""कोव्हॅक्‍सिनची लस राज्यातील सहा ठिकाणी वितरित होणार आहे. त्यात पुणे, अमरावती येथील जिल्हा रुग्णालय, मुंबई येथील जे. जे. वैद्यकीय महाविद्यालयासह सोलापूर, नागपूर आणि औरंगाबाद येथील शासकीय वैद्यकीय महाविद्यालयांमध्ये भारत बायोटेकच्या कोव्हॅक्‍सिनच्या लसीकरणाचे केंद्र असेल. या प्रत्येक केंद्राला दोन हजार लसींचा पुरवठा करणार आहे. प्रत्येक आरोग्य कर्मचाऱ्याला दोन डोस या प्रमाणे लसीचा पुरवठा केला जाईल.'' पुणेकरांच्या खिशाला कात्री; का होतेय पेट्रोल- डिझेलच्या भावात वाढ? कोव्हिशिल्ड घेण्यासाठी आरोग्य कर्मचाऱ्याला कोणतेही संमतिपत्र देण्याची गरज नाही. मात्र, कोव्हॅक्‍सिनची लस घेण्यापूर्वी आरोग्य कर्मचाऱ्याला संमतिपत्र देणे बंधनकारक केले आहे, असेही त्यांनी स्पष्ट केले. कोरोना प्रतिबंधक लसीकरणाला शनिवारपासून (ता. 16) सुरवात होणार आहे. राज्यातील प्रत्येक केंद्रावर ही लस वितरित करण्यात आली आहे, असेही त्यांनी सांगितले. News Story Feeds https://ift.tt/eA8V8J

via News Story Feeds https://ift.tt/3nFfHvm