चोरटेही झाले आता ‘हायटेक’ पुणे - शहरात जबरी चोरीच्या घटना सातत्याने घडतात. चोरट्यांकडून चोरी करताना विविध प्रकारच्या क्‍लृप्त्या वापरल्या जातात. मात्र एका चोरीच्या घटनेत चोरट्यांनी चोरीसाठी थेट ‘गुगल पे’चा पर्याय निवडला. मंगळवारी रात्री धायरी परिसरात एका कारचालकाला चोरट्यांनी अडवून ‘गुगल पे’द्वारे स्वतःच्या ‘गुगल पे’वर तीन हजार रुपयांची रक्कम वर्ग करून घेतली. याप्रकरणी सिंहगड पोलिस ठाण्यात गुन्हा दाखल करण्यात आला आहे. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा केतन पाटील (वय ३२, रा. डीएसके विश्‍व, धायरी) यांनी सिंहगड पोलिस ठाण्यात फिर्याद दिली आहे. फिर्यादी हे खासगी कंपनीमध्ये कामाला असून धायरी विश्‍व येथे राहतात. मंगळवारी ६ ऑक्‍टोबर रोजी सायंकाळी साडेसातच्या सुमारास त्यांचा नांदेड सिटी येथे राहणारा मित्र जुनेद देशमुख यांच्याकडे जात होते. त्यावेळी चव्हाण बाग कॉर्नरपासून एक किलोमीटर अंतर पुढे आल्यानंतर रस्त्याच्या मध्यभागी तिघेजण त्यांची दुचाकी आडवी लावून थांबले होते. त्यांनी फिर्यादींची गाडी थांबवून त्यांना शिवीगाळ करून धमकाविण्यास सुरुवात केली. त्यांचा मोबाईल हिसकावून गुगल पेचा वापर करुन चोरट्यांनी स्वतःच्या गुगल पे खात्यावर तीन हजार रुपयांची रक्कम वर्ग केली. पुण्यातील गुंडगिरी संपविणार काही दिवसांपूर्वीच घरफोडी करणाऱ्या एका चोरट्याने वृद्ध नागरिकाच्या घरी जाऊन वेगवेगळ्या बॅंकांची खातेपुस्तक व धनादेश चोरुन नेले. त्यानंतर धनादेशाद्वारे तीस ते चाळीस हजार रुपये रक्कम काढली होती. Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/3nG7sAj