सिंधुदुर्गात पाॅझिटीव्ह तोच गोव्यात निगेटीव्ह ओरोस (सिंधुदुर्ग) - दोडामार्ग तालुक्‍यातील एका 38 वर्षीय व्यक्तीचा अहवाल काल सिंधुदुर्गात बाधित आला होता; मात्र त्याने आज गोवा येथे पुन्हा तपासणी केली असता अहवाल निगेटिव्ह आला. यामुळे कोरोना तपासणी अहवालाबाबत संभ्रम निर्माण झाला होता; मात्र याबाबत जिल्हा शल्य चिकित्सक डॉ. श्रीमंत चव्हाण यांना विचारले असता पहिल्या वेळी त्या व्यक्तीच्या शरीरात व्हायरस होते. आज नव्हते असे सांगितले. त्यामुळे हा संभ्रम दूर झाला. कोलझर (ता. दोडामार्ग) येथील एका 38 वर्षीय व्यक्तीला कोरोनाची लक्षणे जाणवू लागली होती. त्याने तपासणीसाठी स्वॅब दिला होता. सिंधुदुर्ग चाचणी केंद्रात त्याची तपासणी झाल्यानंतर हा अहवाल बाधित आला होता. आज याच व्यक्तिने गोवा येथील शासकीय तपासणी केंद्रात अँन्टिजेन टेस्ट केली. या टेस्टचा रिपोर्ट निगेटिव्ह आला. त्यामुळे येथील नागरिकांमध्ये संभ्रमाचे वातावरण होते. जिल्हा शल्य चिकित्सक डॉ. चव्हाण यांच्याशी संपर्क साधला असता संबंधित व्यक्तीचा पहिला नमूना घेताना त्यांच्या शरीरात कोरोना व्हायरस होते. आज घेतले त्यावेळी नव्हते. शरीरातील कोरोना व्हायरस दोन तासानंतर असतीलच असे नाही, असे सांगितले. त्यामुळे हा संभ्रम दूर झाला. संपादन - राहुल पाटील News Story Feeds https://ift.tt/eA8V8J

via News Story Feeds https://ift.tt/33L8anY