ग्राहक पाहायचे की, पथकाला तोंड द्यायचे, औरंगाबादेतील दुकानदार त्रस्त ! औरंगाबाद : शहरात कोरोनाबाधित रुग्णांची संख्या दिवसेंदिवस वाढत आहे. त्यामुळे महापालिकेने पुन्हा एकदा नियमांची अंमलबजावणी सुरू केली आहे. प्रत्येक दुकानदाराला ऑक्सीमिटर व थर्मलगनने ग्राहकाची तपासणी करण्याचे आदेश प्रशासक आस्तिककुमार पांडेय यांनी काढले होते. त्यानुसार दुकानदारांनी व्यवस्था केली आहे का? याची तपासणी सुरू करण्यात आली आहे. निरालाबाजार भागात दोन दिवसांपासून प्रत्येक दुकानात जाऊन नागरिक मित्र पथकाचे माजी सैनिक तपासणी करत आहेत. त्यामुळे ग्राहक करायचे की? महापालिकेच्या पथकाला उत्तरे द्यायची? असा प्रश्‍न व्यापाऱ्यांना पडला आहे. मराठवाड्यातील अन्य बातम्या वाचण्यासाठी यावर क्लिक करा..! कोरोना संसर्ग रोखण्यासाठी महापालिकेने शासनाच्या आदेशानुसार अनेक निर्णय घेतले. प्रशासक आस्तिककुमार पांडेय यांनी स्वतःच्या अधिकारातही काही बंधने व्यापाऱ्यांना घातली होती. त्यात अनलॉक करताना प्रत्येक दुकानदाराने ऑक्सिमीटर आणि थर्मलगन दुकानात ठेवावी. त्याव्‍दारे ग्राहकांची तपासणी करावी. जे ग्राहक कोरोनासंदर्भत संशयित वाटतील त्यांची माहिती महापालिकेला कळवावी, असे आदेश प्रशासकांनी काढले होते. जे दुकानदार नियमांचे पालन करणार नाहीत त्यांच्यावर कारवाई करण्याचा इशारा देण्यात आला होता. औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा. व्यापारी महासंघाच्या विनंतीवरून ऑक्सिमीटर व थर्मलगन घेण्यासाठी दुकानदारांना जुलै अखेरपर्यंतची डेडलाईन देण्यात आली होती. महापालिका प्रत्येक दुकानात जाऊन चौकशी करेल, असे श्री. पांडेय यांनी सांगितले होते. मात्र महापालिकेच्या पथकांनी दुकानांची तपासणी केली नव्हती. दरम्यान गेल्या काही दिवसांपासून शहरात करोनाबाधितांच्या संख्येत पुन्हा एकदा वाढ होत आहे. नागरिक बिनधास्त झाले असून, बाजारपेठांमध्ये ग्राहकांची मोठी गर्दी पाहण्यास मिळत आहे. त्यामुळे प्रत्येक दुकानात जाऊन ऑक्सिमीटर आणि थर्मलगन आहे का? याची तपासण्याचे आदेश प्रशासकांनी दिले आहेत. देशभरातील महत्त्वाच्या बातम्या वाचण्यासाठी येथे क्लिक करा निरालाबाजार परिसरात अनेकांना दंड दोन दिवसांपासून नागरिक मित्र पथकातील माजी सैनिक निराला बाजार भागात तपासणी करत आहेत. सोमवारी (ता. सात) निराला बाजार येथील दुकानांची तपासणी या पथकाने केली. मंगळवारी (ता. आठ) देखील हे काम सुरुच होते. दुकानात ऑक्सिमीटर आणि थर्मलगन न आढळल्यास ५०० रुपये दंड केला जात आहे. आमच्याकडे ऑक्सीमिटर व थर्मलगन असताना देखील पथकाने अरेरावी करत कारवाई केल्याच्या तक्रारी काही व्यापाऱ्यांनी केल्या. (संपादन-प्रताप अवचार) News Story Feeds https://ift.tt/eA8V8J

via News Story Feeds https://ift.tt/3bBUWfK