‘एसआरए’सह स्मार्टसिटीच्या प्रकल्पांना गती देणार - कोलते पुणे - ‘पुणे शहरातील झोपडपट्टी पुनर्विकास प्रकल्पांसह स्मार्ट सिटीच्या प्रकल्पांना गती देतानाच त्यांचा नियोजनबद्ध विकास करण्यावर भर असेल,’’ असा मानस झोपडपट्टी पुनर्वसन प्राधिकरणाचे (एसआरए) मुख्य कार्यकारी अधिकारीपदाची सूत्रे स्वीकारल्यानंतर डॉ. संजय कोलते यांनी ‘सकाळ’शी बोलताना बुधवारी व्यक्त केला. - ताज्या बातम्यांसाठी डाऊनलोड करा ई-सकाळचे ऍप डॉ. कोलते म्हणाले, ‘‘पुणे शहरात झोपडपट्ट्यांची संख्या मोठी आहे. त्यांच्या पुनर्विकासाचे अनेक प्रश्‍न आहेत. कोरोनामुळे पाच महिन्यांत कामकाजावर मर्यादा आल्या होत्या. मात्र, या पुढील काळात रखडलेल्या प्रकल्पांना गती देण्यात येईल. तसेच, त्यासाठी आवश्‍यक असलेली प्रक्रिया करण्यात येईल.’’ ‘एसआरए’ नवी नियमावली, सुरू असलेले व रखडलेल्या प्रकल्पांबाबतची माहिती त्यांनी अधिकाऱ्यांच्या बैठकीत घेतली. डॉ. कोलते यांच्याकडे पुणे स्मार्ट सिटीचाही अतिरिक्त कार्यभार सोपविला आहे. त्या पदाचीही सूत्रे त्यांनी सायंकाळी स्वीकारली. पुणे शहराची देशात दुसऱ्या क्रमांकाने स्मार्ट सिटी प्रकल्पात निवड झाली होती. येथे अनेक योजना राबविण्यात येत आहेत. त्यांनाही गती देऊन शहर खऱ्याअर्थाने स्मार्ट करण्यास प्राधान्य असेल, असेही त्यांनी नमूद केले. - पुण्याच्या बातम्या वाचण्यासाठी येथे ► क्लिक करा डॉ. कोलते यापूर्वीही ‘एसआरए’मध्ये २००९ ते १२ दरम्यान अतिरिक्त मुख्य कार्यकारी अधिकारी पदावर होते. त्यानंतर २०१२ ते १६ दरम्यान ते सहनोंदणी महानिरीक्षक या पदावर कार्यरत होते. तत्पूर्वी नाशिक विभागात उपजिल्हाधिकारी, धुळ्यात निवासी जिल्हाधिकारी, पाचोरा येथे उपविभागीय अधिकारी म्हणून त्यांनी जबाबदारी पार पाडली आहे. Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/3bGKPWW