मदत म्हणून पाठवलेल्या खिचडीत अळ्या; उल्हासनगर पालिकेतील प्रकार; मुदतबाह्य बिस्किटांचाही समावेश उल्हासनगर ः उल्हासनगर महापालिकेतील कोरोना योद्ध्यांसाठी मदत म्हणून एका संस्थेने पाठवलेल्या ट्रकमधील डाल खिचडीत अळ्या सापडल्याचे उघडकीस आले आहे. त्याशिवाय मुदतबाह्य काही बिस्कटांचे खोकेही सापडले आहे. विशेष म्हणजे ही मदत कुणी पाठवली याबाबत कुठलीच माहिती नसल्याचेही समोर आले आहे. या प्रकरणी भाजप आणि मनसेच्या पदाधिकाऱ्यांनी पालिका आयुक्त डॉ. राजा दयानिधी यांची भेट चौकशी करण्याची मागणी केली. राज्यातील कोव्हिड सेंटर्स भ्रष्ट्राचाराचे कुरण; देवेंद्र फडणवीसांचा विधानसभेत घणाघात रविवारी(ता.6) दुपारच्या सुमारास उल्हासनगर महापालिका क्षेत्रातील कोव्हिड रुग्णालय, विलगीकरण कक्षातील डॉक्टर्स, नर्सेस, वॉर्डबॉय, कर्मचाऱ्यांसाठी मदत म्हणून खिचडी व बिस्किट पाकिटं, दुधपावडर, टूथ ब्रश आणि साबण यांचा साठा असणारा टेम्पो पालिकेत आला. दरम्यान टेम्पोतून दुर्गंधी येत असल्याचे स्थायी समिती सभापती राजेश वधारिया, नगरसेवक प्रदिप रामचंदानी, पदाधिकारी कपिल अडसूळ, मनसेचे जिल्हाध्यक्ष सचिन कदम, शहराध्यक्ष बंडू देशमुख, जिल्हा उपाध्यक्ष प्रदिप गोडसे यांना समजले. त्यांनी टेम्पोतील एका खोक्यातील डाळखिचडी सडून त्यात अळ्या झाल्या होत्या. तसेच बिस्किटांची तपासणी केली असती ही मुदतबाह्य झाल्याचे निदर्शनास आले. त्यानंतरजनसंपर्क अधिकारी युवराज भदाणे, मुख्य सुरक्षा अधिकारी बाळू नेटके यांनी पालिकेत धाव घेऊन पंचनामा केला. रुग्णालयांकडून कोरोना रुग्णांची वारेमाप लूट; दरेकर यांचा सरकारवर हल्ला याप्रकरणी भाजप आणि मनसे पदाधिकारी यांनी सोमवारी(ता.7) आयुक्त डॉ. राजा दयानिधी यांची भेट घेत हे साहित्य कुठून आल्याची विचारणा केली. त्यावर दोन दिवसात तपास करणार असल्याचे आश्वासन आयुक्तांनी दिल्याचे प्रदिप रामचंदानी यांनी सांगितले. पावसामुळे खिचडीचा खोका खराब झाला होता. टेम्पोचालकाकडे उल्हासनगर पालिकेत हे साहित्य नेत असल्याचे कागदपत्रेही नसल्याने त्यांचा पालिकेशी संबंध नसल्याचे स्पष्ट झाले आहे. मात्र, याबाबत आयुक्त दोन दिवसांत तपास करणार आहेत. - युवराज भदाणे, जनसंपर्क अधिकारी, उल्हासनगर महापालिका. ----------------------------------------------- ( संपादन - तुषार सोनवणे ) News Story Feeds https://ift.tt/eA8V8J

via News Story Feeds https://ift.tt/32crR7s