नागरी वस्तीत शिरलेले चितळ सैरभैर झाले आणि... नागपूर : लॉकडाउनमध्ये नागरिक घरात आणि वन्यप्राणी शहरात दिसत होते. आता अनलॉकच्या काळात मानवाची शहरातील वर्दळ वाढली असतानाही वन्यप्राणी गावात येऊ लागले असल्याचा अनुभव आज काटोल रोडवरील केसी अपार्टमेंटमध्ये आला. अंगावर ठिपके असलेले चितळ अचानक परिसरात शिरल्याने रहिवाशांना आश्‍चर्य वाटले. नागरिकांनी पकडण्याचा प्रयत्न केला. मात्र, आवाजामुळे घाबरलेले चितळ सैरभर पळू लागल्याने सुरक्षाभिंत आणि जाळीवर जाऊन आदळले. यात गंभीर जखमी झाले. वन विभागाने ताब्यात घेतल्यानंतर चितळाचा मृत्यू झाला. काटोल रोडवर असलेल्या केसी अपार्टमेंटमध्ये अंगावर ठिपके असलेले एक चितळ सकाळीच शिरले. ते शेजारच्या गोरेवाडा जंगलातून आल्याची शक्‍यता आहे. क्लिक करा : पत्नीला पडला प्रश्‍न, पतीचा मृत्यू नेमका झाला कुठे? वाचा धक्‍कादायक प्रकार... अपार्टमेंटमध्ये घुसल्यानंतर नागरिकांनी हल्ला केल्याने चितळ घाबरले. बाहेर पडायला रस्ता शोधत पळू लागले. त्यात तो गंभीर जखमी झाले. दरम्यान, त्याला पकडायला नागरिकांनीही प्रयत्न केले. अखेर वनविभागाला कळवल्यानंतर विभागाच्या पथकाने त्याला बंदिस्त केले. जखमी झालेल्या चितळावर उपचार करुन जंगलात सोडायचे असे ठरले, मात्र घाबरलेल्या चितळाचा धक्‍क्‍याने दुर्दैवी मृत्यू झाला. News Story Feeds https://ift.tt/eA8V8J

via News Story Feeds https://ift.tt/3f1QU19