`मल्टिस्पेशालीटी'साठी पर्यायी जमीन, पालकमंत्री, खासदार म्हणतात... सावंतवाडी (सिंधुदुर्ग) - वेत्ये येथे नियोजित मल्टिस्पेशालीटी हॉस्पिटलसाठी पर्यायी 6 एकर 14 गुंठे जमीन सरपंच बक्षीसपत्राने देण्यास तयार झाले आहेत. त्यामुळे मंजूर रूग्णालयासाठी हा प्रस्ताव सादर करण्याचे आदेश देण्यात येत आहेत, असे पालकमंत्री उदय सामंत यांनी सांगितले. यावेळी प्रांताधिकारी सुशांत खांडेकर, तहसीलदार राजाराम म्हात्रे यांच्यासह उपस्थित अधिकाऱ्यांना पालकमंत्री सामंत यांनी प्रस्ताव देण्याचे आदेश दिले. यावेळी विधानसभा संपर्कप्रमुख शैलेश परब, जिल्हाप्रमुख संजय पडते, तालुकाप्रमुख रुपेश राऊळ, सरपंच स्नेहा मिठबावकर, माजी सभापती रमेश गावकर, विधानसभा मतदारसंघ प्रमुख विक्रांत सावंत, माजी पंचायत समिती सदस्य नारायण राणे, माजी सरपंच सुनील गावडे, बाळू गावकर, गुणाजी गावडे, सागर नाणोसकर, राजन पवार, नरेंद्र मिठबांवकर, महेश शिरोडकर आदी उपस्थित होते. सावंतवाडी उपजिल्हा रुग्णालय परिसरात मुख्यमंत्री उद्धव ठाकरे यांच्या नेतृत्वाखाली खासदार विनायक राऊत व माजी पालकमंत्री दीपक केसरकर यांनी मल्टीस्पेशलिटी हॉस्पिटलचे भूमिपूजन केले होते. तेथील जमिन न्यायप्रविष्ट असल्याने गेले काही महिने इमारत बांधकाम रखडले होते. खासदार विनायक राऊत यांनी सावंतवाडीत शासकीय जमीन पहिली होती; परंतु ती तीन एकर होत असल्याने अपुरी पडत आहे. त्यामुळे वेत्ये येथे 6 एकर 14 गुंठे जमीन महामर्गालगतच उपलब्ध असल्याने तेथे "मल्टीस्पेशलिटी'चा प्रस्ताव मंजूर करण्यास हरकत नाही, असे खासदार व पालकमंत्र्यांनी सांगितले. आज पालकमंत्री व खासदार यांनी वेत्ये या घटनास्थळी जाऊन या जागेची पाहणी, नकाशे पाहणी केली. सरपंच सौ. मिठबावकर यांनी माहिती दिली. यावेळी विधानसभा संपर्कप्रमुख परब, माजी सभापती गावकर, श्री. राऊळ, श्री. राणे, श्री. गावडे यांनी सविस्तर माहिती दिली. News Story Feeds https://ift.tt/eA8V8J

via News Story Feeds https://ift.tt/2Bolfbj