फेसबुकने ट्रम्प यांच्या प्रचाराची जाहिरात अखेर वगळली; कारण वाचा वॉशिंग्टन - अध्यक्ष डोनाल्ड ट्रम्प आणि उपाध्यक्ष माइक पेन्स यांच्या प्रचाराची जाहिरात आज सोशल मीडिया कंपनी फेसबुकने वगळली आहे. या जाहिरातीत लाल रंगाच्या उलट्या त्रिकोणाचा वापर केला होता. या चिन्हाचा वापर नाझीकर्त्यांनी तत्कालीन काळात राजकीय कैदी, डाव्या विचारसरणीचे आणि तुरुंगात असलेल्या कैद्यांसाठी केला होता. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा फेसबुकचे प्रवक्ते ॲडी स्टोन यांनी म्हटले की, फेसबुक कंपनी सांघिक द्वेषभावनेच्या विरोधात असून, त्याचे उल्लंघन केले जात असल्याने वादग्रस्त पोस्ट आणि जाहिराती काढून टाकण्याचा निर्णय घेतला. ही जाहिरात बुधवारी प्रसिद्ध झाली होती. गेल्या 5 वर्षात PM मोदी जिनपिंग यांना 18 वेळा भेटले, तरीही भारत-चीन संबंधात तणाव अध्यक्ष डोनाल्ड ट्रम्प यांची वादग्रस्त जाहिरात काढून न टाकल्याने फेसबुकवर टीका केली जात होती. शेवटी या टीकेची दखल घेत कंपनीचे मार्क झुकेरबर्ग यांनी कारवाई केली. भारत-चीनमध्ये युद्ध झाल्यास कोण वरचढ ठरेल? जाणून घ्या दोन्ही देशांकडील शस्त्रास्त्रांची संख्या... याशिवाय नागरी अधिकार कार्यकर्ते, डेमोक्रॅटिक नेते आणि कंपनीतीलच कर्मचाऱ्यांकडूनही वादग्रस्त पोस्ट आणि जाहिरात काढून टाकण्याची मागणी केली जात होती. ही जाहिरात अध्यक्ष ट्रम्प आणि उपाध्यक्ष माइक पेन्स यांच्या पेज आणि साइटवर पोस्ट केली होती. ट्रम्प यांच्या प्रचाराची धुरा सांभाळणारे टीम मूर्तो म्हणाले की, लाल रंगाच्या त्रिकोणाचा वापर हा ‘अँटिफा’साठी केला होता. अँटिफाचा वापर हा डावे विचारसरणी बाळगणाऱ्या लोकांसाठी केला जातो. News Story Feeds https://ift.tt/eA8V8J

via News Story Feeds https://ift.tt/3fEfx3M