नायडूतील कोरोना रुग्णांच्या 'आधार' पुणे - शहरातील डॉ. नायडू रुग्णालय म्हटलं की, कोरोना रुग्णांवर उपचार करणारे रुग्णालय म्हणून लगेच आपणा सर्वांच्या डोळ्यापुढे उभे राहते. तसं पाहिलं तर, विविध साथीच्या रोगांवर उपचार करणारे रुग्णालय अशी नायडूची खासियत आहे. सुमारे बारा वर्षांपूर्वी स्वाईन फ्ल्यूच्या रुग्णांवर येथेच उपचार केले जात असत. आता कोरोना रुग्णांवर उपचार केले जात आहेत. ताज्या बातम्यांसाठी डाऊनलोड करा ई-सकाळचे ऍप खास प्रशिक्षित वैद्यकीय अधिकारी आणि परिचारिका येथे रुण्णांवर उपचार करत आहेत. त्यापैकीच एक डॉ. रश्मी जाधव आहेत. पुणे शहरातील पहिल्या कोरोना रुग्णापासून त्या कोरोना रुग्णांची तपासणी व उपचाराचे काम करत आहेत. या रुग्णालयात कोरोनाचे रुग्ण बरे होण्याचे प्रमाण चांगले आहे. त्यामुळे डॉ. जाधव या कोरोना रुग्णांच्या आधार बनल्या आहेत. नायडू रुग्णालयातील रुग्णांची दैनंदिन तपासणी व उपचाराबरोबरच, उपचार घेत असलेल्या रुग्णांच्या प्रगतीचे अवलोकन करणे आणि अति जोखमीच्या रुग्णांचे व्यवस्थापनाचे काम डॉ. जाधव करत आहेत. पुण्याच्या बातम्या वाचण्यासाठी येथे ► क्लिक करा त्या मूळच्या बारामती येथील आहेत. पती शंतनू हे बारामती बॅंकेत व्यवस्थापक आहेत. दोन मुली आहेत. कोरोना रुग्णांवर उपचार करता यावेत, यासाठी मुलींना गेल्या महिनाभरापासून भावाकडे ठेवले आहे. डॉ. जाधव यांनी भारती विद्यापीठ मेडिकल कॉलेजमधून एमबीबीएस पूर्ण केले. गेल्या दहा वर्षांपासून त्या महापालिकेच्या कमला नेहरू हॉस्पिटलमधील मेडिसीन विभागात वैद्यकीय अधिकारी म्हणून कार्यरत आहेत. सध्या त्यांना खास करुन कोरोना रुग्णांवर उपचार करण्यासाठी नायडू रुग्णालयात नियुक्त करण्यात आले आहे. गेल्या महिनाभरापासून पती आणि मुलींशी केवळ व्हिडिओ कॉलद्वारे संपर्क होत आहे. कुटूंब विस्कळित झाले आहे. तरी पण आम्ही उपचार करत असलेले रुग्ण बरे होत आहेत, यांचे समाधान आहे. या मुळे आम्हाला पुढची लढाई लढण्याचे बळ मिळत आहे. - डॉ. रश्मी जाधव, वैद्यकीय अधिकारी, नायडू रूग्णालय, पुणे News Story Feeds https://ift.tt/eA8V8J

via News Story Feeds https://ift.tt/3bzS9mw