आधी कर्तव्य, मग लगीन उस्मानाबाद : कोरोनाविरुद्ध लढा जिंकण्यासाठी कर्तव्याला प्राधान्य देत जिल्ह्यातील एका पोलिस कर्मचाऱ्याने स्वतःचे लग्न पुढे ढकलले आहे. हा युवक सध्या मुंबईमध्ये आपले कर्तव्य चोख बजावत आहे; मात्र कुटुंबीयांचे मन मुंबईतील कोरोनाग्रस्तांचा दररोजचा वाढणारा आकडा पाहून हेलावून जात आहे. बालाजी लहू घुगे असे या युवकाचे नाव आहे. बालाजीचे मूळ गाव तुळजापूर तालुक्यातील हगलूर आहे. तो मुंबई पोलिस दलात कार्यरत असून, सध्या मरोळ येथे कर्तव्य बजावत आहे. मरोळ मुख्यालयातून ज्या ठिकाणी ड्युटी लागेल त्या ठिकाणी त्याला जावे लागते. मुंबईत सध्या कोरोनाने थैमान घातल्याने दररोज मुंबईचा आकडा पाहून त्याच्या कुटुंबीयांचे मन हेलावून जात आहे. आई-वडिलांनी सुटी काढून गावाकडे ये, असा आग्रह अनेकवेळा बालाजीकडे केला. मात्र कोरोनामुळे निर्माण झालेल्या सद्य:परिस्थितीत भित्रेपणाने कर्तव्याकडे पाठ फिरवून गावाकडे परतणे योग्य होणार नाही, असे त्याने अनेकवेळा बोलून दाखविले. मराठवाड्याच्या इतर बातम्या वाचण्यासाठी - क्लिक करा ‘खाकीने आयुष्याला आकार दिला. आयुष्यात नवीन रंग भरले. स्वतःला एक ओळख दिली. त्याच्याशी प्रतारणा करायची नाही. खाकी वर्दीची आज देशाला, राज्याला गरज असताना गावाची वाट धरणे हा निव्वळ पळपुटेपणा आहे,’ असे तो म्हणाला. त्यामुळे पहिल्यांदा कर्तव्य, त्यानंतर वैयक्तिक आयुष्य असा त्याने निर्णय घेतला. दरम्यान, बालाजीचे लग्न ठरले असून, पाच मे ही लग्नाची तारीख ठरली होती. मात्र त्याने कुटुंबाला विश्वासात घेऊन येथे येणे किती चुकीचे आहे, असे सांगून दोन्ही परिवारांना लग्न पुढे ढकलण्याची विनंती केली. साहजिकच मुलाचे व जावयाचे म्हणणे पटल्याने दोन्हीकडील मंडळींनीही लग्न पुढे ढकलण्याचा निर्णय घेतला. बालाजीने कर्तव्याला दिलेले प्राधान्य हे इतरांसाठी प्रेरणादायी ठरणार आहे. २०१७ मध्ये बालाजी मुंबई पोलिस दलात दाखल झाला आहे. माझ्या कर्तव्यालाच प्राधान्य देऊन माझे काम चोख बजावत आहे. आई-वडिलांची माया आणि माझे कर्तव्य हे जिंकणारच आहे. कोरोनाच्या संकटातून सर्व बाहेर पडू. परिस्थिती भयानक आहे. शासन पातळीवर सर्व यंत्रणा अत्यंत समन्वयाने काम करीत असून, नागरिकांनी सहकार्य करणे गरजेचे आहे. - बालाजी घुगे, पोलिस कर्मचारी News Story Feeds https://ift.tt/eA8V8J - Click Live News Short news on Mobile 2019.....