Click Live News Short news on Mobile 2019.....

Thursday, May 28, 2020

सकाळ latest updates

Lockdown : व्यापाऱ्यांकडून थेट बांधावरच भाजीपाल्याची खरेदी औरंगाबाद - लॉकडाउनच्या काळात बहुतांश शेतकरी आर्थिक संकटाचा सामना करत आहेत. दरम्यान, काही शेतकऱ्यांनी घरोघरी जाऊन भाजीपाला विकण्याचा यशस्वी प्रयोग केला. मात्र, वाढलेले लॉकडाउन, उन्हाळी परिस्थिती यामुळे भाजीपाल्याचा तुटवडा निर्माण झाल्याने आता व्यापारी थेट बांधावर येऊन भाजीपाला खरेदी करीत आहेत. बांधावरच व्यापारी येत असल्याने शेतकऱ्यांचा ही आर्थिक फायदा होत आहे. आतापर्यंत व्यापारी फळेच बांधावर येऊन खरेदी करीत होते. मात्र, आता व्यापारी परिसरातील गावात जाऊन सर्व प्रकारच्या भाज्या खरेदीसाठी एका शेतातून दुसऱ्या शेतात फिरताना दिसताहेत. औरंगाबाद शहराच्या परिसरातील गावांमध्ये मोठ्या प्रमाणात भाजीपाल्याचे उत्पादन होते. मात्र, दोन महिन्यांपासून लॉकडाउन असल्याने भाजीपाला विक्री करताना अनेक शेतकऱ्यांना संकटाचा सामना करावा लागला. त्यातच शहरात कोरोनाचे रुग्ण वाढल्याने डोअर टू डोअर भाजीपाला विक्री करण्यासही मर्यादा आल्या. बाजार समितीत सुरवातीला भाजी विक्री केल्यानंतर तेथे फक्त होलसेल मार्केट सुरू राहिले. प्रशासनाने सुरवातील काही ठिकाणी मैदानात भाजी विक्री करण्यास परवानगी दिली; पण यामध्ये सुसूत्रता नसल्याने शेतकऱ्यांना भाजी विक्री करताना अडचणी आल्या. त्यांना एका मैदानातून दुसऱ्या मैदानात जावे लागले. भाजी विक्री करताना गर्दी होत असल्याने काही स्थानिकांचा विरोधही पत्करावा लागला. सावधान!! कोविडच्या मृत्युदरात औरंगाबाद देशापेक्षाही आहे पुढे आता उन्हाळ्यात भाजीपाल्याचे उत्पादन कमी असते. त्यातच परजिल्ह्यातील भाजीपाल्याची आवक अतिशय कमी आहे. त्यामुळे शहरात भाजीपाला कमी प्रमाणात आला. शहरात कडक लॉकडाउनमुळे भाजी विक्री करण्यास सहा दिवस अडचणी आल्या. त्यानंतर आता व्यापारी थेट शेतकऱ्यांशी संपर्क साधून भाजीपाला खरेदी करीत आहेत. कामगारांना पूर्ण पगार मिळालाच नाही, कोर्टाचे दरवाजे ठोठावले अन... जागेवर शेतकऱ्यांना पैसा व्यापारी शेतात आल्यावर ते कोथिंबीर, मेथी, पालक, शेपू, चुका अशा भाज्यांची खरेदी करीत आहेत. या भाज्या शेतकऱ्यांनी काढून तसेच त्यांना मोजून दिल्यावर ठरलेल्या दरानुसार व्यापारी शेतकऱ्यांना जागेवरच पैसा देत आहेत. व्यापाऱ्यांना किती भाजी लागणार आहे ते शेतकऱ्यांना फोन करून सांगतात त्यानंतर शेतकरी ठरलेल्या वेळेत भाजी काढून तयार ठेवतो. त्यामुळे शेतकऱ्यांचा बाजारात जाण्याचा खर्च तर वाचतो शिवाय गर्दीपासूनसुद्धा त्यांचे या संकट काळात बचावा होतोय. आतापर्यंत फळे खरेदीसाठी व्यापारी येत होते. मात्र, आता भाजीपाला खरेदीसाठी मोठ्या संख्येने व्यापारी बांधावर येण्यास सुरवात झाली आहे. आमच्याकडील कोथिंबीर व्यापाऱ्यांनी घेतली आहे. आम्ही त्यांच्याशी बोलून दर ठरतो. ठरलेल्या वेळेप्रमाणे त्यांना कोथिंबीर मोजून देतो. त्यासाठी व्यापारी जागेवरच आम्हाला पैसे देतो. - नितीन गाडेकर, शेतकरी व्यापारी अगोदर शेतात येऊन भाजी बघतो. चांगल्या प्रतीची भाजी असल्याने दर ठरतो. त्यानंतर तो फोन करून किती भाजी हवी हे अगोदर सांगतो. त्यानंतर भाजी काढून ठेवली जाते. सध्या संकटाच्या काळात हा प्रयोग चांगला आहे. विशेष म्हणजे यामध्ये शेतकऱ्यांचा वेळसुद्धा वाचतो. बाजारात जाण्याची गरज राहत नाही. - रामेश्‍वर पळसकर, शेतकरी News Story Feeds https://ift.tt/eA8V8J

Latest news updates May 28, 2020 0 Comments

via News Story Feeds https://ift.tt/3ceenKi

Read more No comments:

जिल्ह्यात मागेल त्याला रोजगार;झेडपी अध्यक्षा पानसरे यांची घोषणा पुणे - जिल्ह्यातील अनेक मजुरांच्या हातातील रोजगार लॉकडाउनमुळे हिरावला गेला आहे. यामुळे बेरोजगारीचे प्रमाण वाढू लागले आहे. अशा बेरोजगारांना रोजगार हमी योजनेतून रोजगार उपलब्ध करून देण्याचा निर्णय जिल्हा परिषदेने घेतला आहे. यासाठी पुढील तीन महिने जिल्ह्यात मनरेगा विशेष रोजगार अभियान राबविण्यात येणार आहे. या अभियानांतर्गत मागेल त्याला रोजगार दिला जाणार आहे. ताज्या बातम्यांसाठी डाऊनलोड करा ई-सकाळचे ऍप जिल्हा परिषदेच्या अध्यक्षा निर्मला पानसरे यांनी गुरुवारी (ता. 28) याबाबतची घोषणा केली. यामुळे या अभियान कालावधीत रोजगार हमी योजनेचे जॉबकार्ड नसले तरी रोजगार हमीचे काम करता येणार आहे. कोरोना विषाणू संसर्गामुळे लॉकडाउन जाहीर झाल्यापासून ग्रामीण भागातील बहुतांश आर्थिक व्यवस्था ठप्प झालेली आहे. लोकांच्या हाताला काम नाही. अशातच एरवी पुणे, मुंबईसारख्या शहरात रोजगारासाठी जाणारे लाखो ग्रामस्थ पुन्हा आपापल्या मूळ गावी परतत आहेत. परिणामी ग्रामीण भागात बेरोजगार ग्रामस्थांची संख्या वाढली आहे. पुण्याच्या बातम्या वाचण्यासाठी येथे ► क्लिक करा या सर्व परिस्थितीमुळे ग्रामीण भागात रोजगाराचा मोठा प्रश्न निर्माण झाला आहे. या सर्व बेरोजगारांच्या हाताला रोजगार हमी योजनेतून वेळेत काम उपलब्ध झाले तर, त्यांचा रोजगाराचा प्रश्न किमान काही दिवस तरी सुटू शकेल, अशी अपेक्षाही अध्यक्षा पानसरे यांनी यावेळी व्यक्त केली. जिल्हा परिषदेच्या मनरेगा विशेष रोजगार अभियानामुळे बेरोजगारांना पर्यायाने गावागावांनाही त्याचा फायदा होईल, हा मुख्य उद्देश डोळ्यासमोर ठेवून पुणे जिल्हा परिषदेने हे तीन महिन्यांचे विशेष रोजगार अभियान आयोजित करण्याचा निर्णय घेतला आहे. रोजगाराची तातडीने गरज असलेल्या ग्रामस्थांनी आपापल्या गावात राहूनच मनरेगाच्या माध्यमातून काम करावे, असे आवाहन जिल्हा परिषदेच्यावतीने करण्यात आले आहे. पिंपरी चिंचवडच्या बातम्या वाचण्यासाठी येथे ► क्लिक करा घरबसल्या करा रोजगाराची मागणी या रोजगार योजनेतून काम करण्यासाठी इच्छुकांनी रोजगाराची मागणी करणे आवश्यक आहे. ही मागणी घरबसल्या ऑनलाइन पद्धतीने करण्याची सुविधा उपलब्ध करून देण्यात आली आहे. यानुसार इच्छुकांना गुगल लिंकच्या माध्यमातून मागणी नोंदवता येणार आहे. यासाठी पुढील https://forms.gle/F6s6dDf1eoyNZX7U8 या लिंकवर जाऊन माहिती भरणे आवश्यक आहे. News Story Feeds https://ift.tt/eA8V8J

Latest news updates May 28, 2020 0 Comments

via News Story Feeds https://ift.tt/3etFNNB

Read more No comments:

आज तक

राष्ट्रपति ट्रंप बोले- चीन के साथ सीमा विवाद पर अच्छे मूड में नहीं हैं PM मोदी https://ift.tt/2zFutPO

Latest news updates May 28, 2020 0 Comments

via आज तक

Read more No comments:

Wednesday, May 27, 2020

आज तक

दिल्लीः लॉकडाउन से बंद सदर बाजार को फिर से खोलने की मांग, CM से गुहार https://ift.tt/2AeWzBk

Latest news updates May 27, 2020 0 Comments

via आज तक

Read more No comments:

Zee News महाराष्ट्र

उष्णतेचा रेड अलर्ट, अमरावती जिल्ह्यात उष्माघाताचा पहिला बळी

Latest news updates May 27, 2020 0 Comments

विदर्भात उष्णेतेची लाट आली आहे.आधीच उकाड्याने हैराण झालेल्यांना उष्णतेच्या लाटेने बेजार केले आहे. from Zee24 Taas: Maharashtra News http...

Read more No comments:

BBC मराठी

कोरोना : मृतांची संख्या जुलै महिन्यात 18 हजारापर्यंत जाण्याची शक्यता #5मोठ्या बातम्या

Latest news updates May 27, 2020 0 Comments

via BBC News मराठी - बातम्या https://ift.tt/2M6pbQ8

Read more No comments:

सकाळ latest updates

घरपोच भाजी हवी आहे..."कॉल आॅन व्हेज' टेंबलाईवाडी (कोल्हापूर) - लॉकडाउनच्या काळात सायबर महाविद्यालयातील व्यवसाय व्यवस्थापन शास्त्र (एमबीए) विभागाच्या आजी, माजी विद्यार्थ्यांनी भाजी विक्रीचा एक अभिनव मार्ग शोधला. त्यांनी फेसबुकवर कॉल व्हेज हे पेज सुरू केले. या पेजच्या माध्यमातून त्यांनी ग्राहकांना भाजी घेण्याची साद घातली जाईल. एका व्हॉट्‌स ऍप क्रमांकावर आपली मागणी नोंदवून घरपोच भाजी देण्याचा हा व्यावसायिक उपक्रम आहे. या माध्यामातून रोजगारनिर्मिती, दलालांची साखळी तोडून भाजीची थेट विक्री हे उद्देश साध्य होणार आहेत. गुरुवार (ता.21) पासून प्रायोगिक तत्त्वावर सुरवात झाली. कोल्हापुरच्या बातम्या वाचण्यासाठी येथे क्लिक करा सायबर महाविद्यालयातील प्रा. डॉ. राजेंद्र पारिजात आणि त्यांच्या विद्यार्थ्यांनी 2013 मध्ये "कॉल व्हेज' हे फेसबुक पेज तयार केले. यासाठी लागणारी सप्लाय चेन, वाहतूक, ग्राहक या सगळ्याचे सर्वेक्षण केले गेले; पण नंतर यातील काही विद्यार्थ्यांना नोकरीनिमित्त बाहेर गावी जावे लागले. त्यामुळे हा उपक्रम थांबला; मात्र आता लॉकडाउनमुळे भाजी विक्रीमधील अडचणी लक्षात घेऊन पुन्हा एकदा सायबरमधील आजी-माजी विद्यार्थ्यांनी "कॉल व्हेज' पेज पुन्हा नव्या रूपात बनवले. या पेजवरून ग्राहकांना मागणी नोंदवण्यासाठीचा मोबाईल क्रमांक दिला जाईल. ग्राहकांनी कागदावर स्वतःचे पूर्ण नाव, पत्ता, घराजवळील जवळपासची मोठी खूण, मोबाईल क्रमांक आणि भाजीची मागणी लिहून त्या चिठ्ठीचा फोटो दिलेल्या मोबाईल क्रमांकावर पाठवावा. त्यानंतर त्या पत्त्यावर भाजी पोहोच केली जाईल. आठवड्यातून एकदा किंवा दोनदा अशाप्रकारची मागणी घेऊन भाजी दिली जाईल. भाजी दिल्यानंतर मग ग्राहकांकडून पैसे दिले जातील (कॅश ऑन डिलिव्हरी). संजय अनुसे, स्वप्नील मिरजकर, गणेश लंबे, श्रीकांत तोडकर, रमीज मुजावर या माजी विद्यार्थ्यांचा यामध्ये सक्रिय सहभाग आहे. कॉल व्हेजची वैशिष्ट्ये.... - ताजी आणि थेट शेतातील भाजी. - आधी भाजी, मग पैसे. - भाजीचे निर्जंतुकीकरण. - घरपोच सेवा. हे पण वाचा - एका फोनवरील मन हेलावणारी करूण कहाणी कोरोनाचे वैश्‍विक संकट वाढत आहे. त्यामुळे पुढील काही काळ तरी याच्यासोबत जगण्याची तयारी केली पाहिजे. म्हणूनच निर्जंतुकीकरण, सोशल डिस्टंन्सिंग याचे पालन करूनच दैनंदिन व्यवहार केले पाहिजेत. कॉल व्हेज या उपक्रमातून भाजी विक्री करताना या सर्वच गोष्टींची काळजी घेतली जाणार आहे. या माध्यमातून रोजगारनिर्मिती तर होईलच, पण शेतकरी आणि ग्राहक थेट जोडले जाणार आहेत. - डॉ. राजेंद्र पारिजात, असोसिएट प्रोफेसर, एमबीए विभाग, सायबर महाविद्यालय. रिक्षाचालकांनाही संधी लॉकडाउनमुळे गेले 55 दिवस रिक्षाचालकांचा व्यवसाय बंदच आहे. त्यामुळे त्यांच्या उपजीविकेचा संघर्ष अधिक तीव्र झाला. या विद्यार्थ्यांनी शहरातील रिक्षाचालकांचा डाटाही संकलित केला असून, त्यात्या भागातील रिक्षाचालकांना भाजीची ने-आण करण्याचे काम मिळेल. त्यातून त्यांनाही रोजगार निर्माण होईल. News Story Feeds https://ift.tt/eA8V8J

Latest news updates May 27, 2020 0 Comments

via News Story Feeds https://ift.tt/2ZKVsnI

Read more No comments:

सकाळ latest updates

शेतकऱ्यांनो...निंबोळी अर्क तयार करण्याची हीच खरी वेळ, विनाखर्च बनविण्याची ही आहे पद्धत औरंगाबाद : पाच टक्के निंबोळी अर्क हे कोणत्याही पिकावरील किडींसाठी प्राथमिक फवारणीसाठी योग्य असते. सध्या निंबोळ्या परिपक्व अवस्थेत आहेत. निंबोळी अर्काची फवारणी ही रासायनिक कीटकनाशकासारखी बाधक नसून पिकांसाठी फायदेशीर असल्याची माहिती वसंतराव नाईक मराठवाडा कृषी विद्यापीठांतर्गत कृषी विज्ञान केंद्राचे शास्त्रज्ञ डॉ. किशोर झाडे यांनी दिली. हे वाचंलत का? - आता पाच मिनिटांत कोरोनाचे निदान; राज्यातील पहिलाच प्रयोग असा करा निंबोळी अर्क पिकलेल्या निंबोळ्या खाली पडल्यानंतर गोळा करून सावलीत वाळवून साठवणूक करा. निंबोळ्या दगडाने ठेचून घ्या, ठेचलेल्या गोडंब्या (निंबोळ्या) पावडर स्वरूपात ५ किलो घ्या. ९ लिटर पाण्यात रात्रभर भिजू द्या. नंतर १ लिटर पाण्यात दोनशे ग्रॅम वॉशिंग पावडर टाकून भिजत ठेवावे. फवारणीच्या दिवशी नऊ लिटर पाण्यात भिजत ठेवलेली भुकटी हे द्रावण गाळून घ्या. हे द्रावण व वॉशिंग पावडरचे द्रावण अशी दोन्ही द्रावणे एकत्र करून घ्या. हे दहा लिटरचे द्रावण होईल. फवारणीच्या पंपात ९ लिटर चांगले पाणी व हे द्रावण घ्या आणि पिकांवर फवारणी करा. किडींची मोडते पिढी हे पाच टक्के निंबोळी अर्क फवारल्याने पिकांवरील किडी नष्ट होतात. दरम्यान, फवारणी करताना काही किडी उडतात, मात्र औषधाचा काही अंश किडींवर पडल्याने अशा किडी नपुंसक होतात. त्यांना अपंगत्व येते. त्यांचे जनरेशन होत नाही. यातून कोणतेही दुष्परिणाम नसल्याचेही डॉ. झाडे यांनी सांगितले. क्लिक करा- घाबरू नका, तब्बल नव्वद टक्के रुग्ण ठणठणीत बरे होणार कडुनिंबाचाच का करायचा अर्क? कडुनिंबाच्या झाडामध्ये असलेले ‘अझाडीरेक्टिन’ कीटकनाशकाचे काम करते. या घटकाचे प्रमाण याच्या बियांमध्ये जास्त प्रमाणात असते. मावा, अमेरिकन बोंडअळ्या, तुडतुडे, पाने पोखरणारी व देठ कुरतडणारी अळी, कोबीवरील अळ्या, फळमाशा, लिंबावरील फुलपाखरे, खोडकिडा आदी अनेक किडींवर याचा प्रभाव पडतो. निंबोळी अर्काच्या फवारणीमुळे रसशोषक किडींचा प्रादुर्भाव कमी होतो. सर्वप्रकारच्या पिकांवर १५ दिवसांच्या अंतराने नियमित फवारणी घेतल्यास, रसशोषक किडींच्या जीवनचक्रात अडथळा येऊन किडींचे नियंत्रण होते. महत्त्वाचे म्हणजे निंबोळी अर्क फवारणीच्या दिवशीच तयार करून वापरावे. क्लिक करा: सावधान!! कोविडच्या मृत्युदरात औरंगाबाद देशापेक्षाही आहे पुढे News Story Feeds https://ift.tt/eA8V8J

Latest news updates May 27, 2020 0 Comments

via News Story Feeds https://ift.tt/2X8H2MD

Read more No comments:

सकाळ latest updates

पोलिसांना माहिती दिल्याच्या संशयावरून एकाचा खून परंडा (जि. उस्मानाबाद) : शेतरस्त्याचे काम, तसेच जुगार अड्ड्याची माहिती पोलिसांना दिल्याच्या संशयावरून देवळाली (ता. भूम) येथे शिवसेनेच्या पंचायत समिती सदस्याचा धारदार शस्त्राने वार करून निर्घृण खून करण्यात आला. ही घटना मंगळवारी (ता. २६) रात्री साडेआठच्या सुमारास देवळाली येथील ग्रामपंचायत कार्यालयासमोर घडली. याप्रकरणी परंडा येथील पोलिस ठाण्यात बारा जणांविरोधात बुधवारी (ता. २७) गुन्हा दाखल करण्यात आला असून, पोलिसांनी चारजणांना ताब्यात घेतले आहे. देवळाली ते वंजारवाडी शेतरस्त्याच्या कारणावरून संशयित आरोपीचे भूम पंचायत समितीचे सदस्य बाजीराव तांबे (वय ४५, रा. देवळाली, ता. भूम) यांच्यासोबत नऊ मे रोजी कडाक्याचे भांडण झाले होते. त्यानंतर प्रकाश भागवत गोरे यांच्या जुगार अड्ड्यावर पोलिसांनी छापा मारून कारवाई केली होती. जुगार अड्ड्याची माहिती बाजीराव तांबे यांनीच पोलिसांना दिली, असा संशय खून प्रकरणातील संशयित आरोपींनी घेतला होता. औरंगाबादच्या इतर बातम्या वाचण्यासाठी - क्लिक करा याचा राग धरून चंद्रकांत तांबे, सूर्यकांत तांबे, मधुकर तांबे, रामनाथ तांबे, किरण तांबे, प्रवीण शेटे, अभिजित शेटे, श्रीपती विधाते, प्रकाश गोरे, दिनकर ऊर्फ दिनेश गोरे, भागवत गोरे व चंद्रकांत शेटे (सर्व रा. देवळाली) यांनी मंगळवारी रात्री सव्वाआठच्या दरम्यान दुचाकीने बार्शीकडे जाणाऱ्या बाजीराव तांबे यांना ग्रामपंचायत कार्यालयासमोरील रस्त्यावर अडविले. त्यानंतर धारदार शस्त्राने बाजीराव तांबे यांच्या पोटात व हातावर वार केले. यामध्ये ते गंभीर जखमी झाले. जखमी बाजीराव तांबे यांना तत्काळ बार्शी येथील एका खासगी रुग्णालयात उपचारासाठी दाखल करण्यात आले; परंतु त्यांचा मृत्यू झाला. माहिती मिळताच अपर पोलिस अधीक्षक संदीप पालवे, उपविभागीय पोलिस अधिकारी डॉ. विशाल खांबे यांनी घटनास्थळी भेट देऊन पाहणी केली. पोलिस निरीक्षक इक्बाल सय्यद, सहायक पोलिस निरीक्षक साहेबराव राठोड, पोलिस उपनिरीक्षक दादासाहेब बनसोडे आदींसह पोलिस कर्मचारी घटनास्थळी दाखल झाले. मराठवाड्याच्या इतर बातम्या वाचण्यासाठी - क्लिक करा याप्रकरणी बाजीराव तांबे यांचे भाऊ अंकुश कल्याण तांबे यांनी दिलेल्या फिर्यादीवरून बारा जणांविरोधात परंडा पोलिसांत गुन्हा दाखल करण्यात आला आहे. पोलिस निरीक्षक इक्बाल सय्यद तपास करीत आहेत. दरम्यान, उपविभागीय पोलिस अधिकारी डॉ. विशाल खांबे, स्थानिक गुन्हा शाखेचे निरीक्षक डी. एम. शेख आदी घटनास्थळी तळ ठोकून आहेत. News Story Feeds https://ift.tt/eA8V8J

Latest news updates May 27, 2020 0 Comments

via News Story Feeds https://ift.tt/3erwPR7

Read more No comments:

सकाळ latest updates

"पिरियड पॉव्हर्टी': शिकण्यासारखे बरेच काही! महिलांच्या आरोग्याच्या दृष्टीने मासिक पाळी हा विषय महत्त्वाचा असला, तरी आपल्याकडे बहुसंख्य महिला त्याविषयी मोकळपणाने बोलत नाहीत. अज्ञान, वैयक्तिक स्वच्छतेचा अभाव आणि सॅनिटरी नॅपकीनचा वापर न करणे यामुळे अनेक महिलांना शारीरिक व मानसिक आजारांना तोंड द्यावे लागते. आजच्या जागतिक "मासिक पाळी स्वच्छता दिना'निमित्त. ताज्या बातम्यांसाठी डाऊनलोड करा ई-सकाळचे ऍप मासिक पाळी- ऋतुप्राप्तीपासून ते रजोनिवृत्तीपर्यंत महिलांच्या शरीराचा अविभाज्य घटक असलेली नैसर्गिक प्रक्रिया. दूरचित्रवाणीवर आता सॅनिटरी नॅपकिन्सच्या जाहिराती दिसत असल्या, तरी आजही बहुतांश कुटुंबांत मासिक पाळीविषयी खुलेपणाने बोलले जात नाही. वर्षानुवर्षे दडपून ठेवण्यात आलेला हा विषय अधिकतर महिलांच्या आरोग्यावर घातक परिणाम करतो. अलीकडेच स्कॉटलंडमध्ये सर्व वयोगटांतील महिलांना मोफत सॅनिटरी उत्पादन देण्याचे विधेयक (द पिरियड प्रॉडक्‍ट (फ्री प्रोव्हिजन) स्कॉटलंड बिल) मंजूर झाले. सर्व वयोगटांतील महिलांना मोफत सॅनिटरी उत्पादने पुरवून लिंगभाव समानतेची नवी दृष्टी देणारा स्कॉटलंड हा पहिला देश आहे. शाळा, महाविद्यालये आणि विद्यापीठांमधून मोफत सॅनिटरी उत्पादने पुरवणारा पहिला देश हा मान त्याने 2018मध्ये पटकावला. या बदलासाठी कारणीभूत ठरली, त्या देशातील "पिरियड पॉव्हर्टी' चळवळ. मासिक पाळीच्या काळात सॅनिटरी उत्पादने विकत न घेऊ शकण्याची स्थिती म्हणजे "पिरियड पॉव्हर्टी'. तेथील 14 ते 21 वयोगटातील प्रत्येक दहा मुलीं/महिलांमागे एकीला सॅनिटरी प्रॉडक्‍ट विकत घेणे परवडत नव्हते. या प्रश्नावर अंबिका जॉर्ज या सतरा वर्षांच्या मुलीने सुरू केलेल्या या चळवळीला मिळालेल्या अभूतपूर्व प्रतिसादाने स्कॉटिश सरकारला हा निर्णय घेण्यास भाग पाडले. पुण्याच्या इतर बातम्या वाचण्यासाठी येथे- क्लिक करा मुलींच्या शिक्षणावर परिणाम "पिरियड पॉव्हर्टी' संकल्पना गरीब महिलांच्या आरोग्याशी निगडित आहे. भारतात शालेय शिक्षणातील मुलींची गळती बऱ्याच अंशी "पिरियड पॉव्हर्टी'शी संबधित आहे. प्रत्येक चार मुलींमागे एक मुलगी मासिक पाळीच्या कारणांमुळे एकापेक्षा अधिक दिवस शाळेत गैरहजर राहते. "युनिसेफ'ने "वॉश' (वॉटर, सॅनिटेशन अँड हायजिन) या कार्यक्रमावर भर दिलेला असला, तरी प्रत्यक्षात दुर्गम, ग्रामीण आणि शहरी भागातील सरकारी शाळांतील स्वच्छतागृहांची स्थिती आरोग्यदायी असल्याचे चित्र नाही. उच्च माध्यमिक शिक्षणाचे ठिकाण गावांपासून दूर असल्याने, मासिक पाळीच्या काळात बारा-बारा तास रक्तस्राव शोषून घेण्यासाठी केवळ एकदाच घेतलेले कापड पुरेसे ठरत नाही. अनेकदा त्यामुळे जंतुसंसर्गाचा धोका वाढतो. कपड्यांवर पडणाऱ्या डागांच्या भीतीने, संकोचाने ऋतुस्रावाच्या काळात मुली शाळेत जाण्याचे टाळतात. गैरहजेरी वाढत जाऊन त्याचे पर्यवसान पुढे शाळेला कायमचा रामराम ठोकण्यात होते. मासिक पाळीच्या काळात वापरावयाची उत्पादने शाळेत उपलब्ध नसल्याने, तेवीस टक्के मुली शाळा सोडत असल्याचा उल्लेख राष्ट्रीय महिला आयोगाने मनुष्यबळ विकास मंत्रालयाला 2018 मध्ये लिहिलेल्या पत्रात केला आहे. शिवाय परंपरेने मुलींच्या हालचालींवर या काळात अनेक बंधने घातली जातात. अनेकदा त्यांच्या आहारांवरही मर्यादा आणल्या जातात. त्यातून पुढे कुपोषणाचा प्रश्नही वाढीस लागतो. शारीरिक आजार नि मानसिक समस्याही भारतात दरवर्षी गर्भाशयमुखाच्या कर्करोगाने साठ हजार महिलांचे मृत्यू होतात. त्यातील दोनतृतीयांश मृत्यू मासिक पाळीच्या काळात स्वच्छता न बाळगल्याने होतात. महिलांमध्ये रक्ताची कमतरता, मासिक पाळीच्या काळात अधिक अथवा कमी रक्तस्राव, प्रजनन मार्गातील संसर्ग या शारीरिक आजारांबरोबरच भीती, चिंता, न्यूनगंडासारख्या मानसिक समस्याही भेडसावताना दिसतात. यामागील बहुतांश कारणे ही मुलींच्या/ महिलांच्या कौटुंबिक सामाजिक जडणघडणीत असल्याचे दिसून येते. एकाहत्तर टक्के मुली ऋतुप्राप्ती होईपर्यंत मासिक पाळीच्या शास्त्रीय ज्ञानापासून अनभिज्ञ असतात. "मासिक पाळी ही अपवित्र गोष्ट आहे', असे वर्षानुवर्षे स्त्री-पुरुषांच्या मनावर बिंबवले गेले आहे. मासिक पाळीच्या चार दिवसांत महिलांना पूर्वी सक्तीचा आराम मिळत असे. एकत्र कुटुंबपद्धतीमुळे कामाचा भार विभागला जात असे. कुटुंबे लहान होत गेली तशी मासिक पाळीच्या काळात स्वयंपाकघर आणि देवघर वर्ज्य करीत, भांडी घासणे, कपडे धुणे, धान्य निवडणे आदी सर्व कष्टाची कामे महिलांकडून करून घेतली जाऊ लागली. दक्षता घेण्याबाबत अज्ञान भारतातील 33.6 कोटी महिला प्रजननक्षम वयोगटातील आहेत. मासिक पाळीच्या काळातील रक्तस्रावाचा कालावधी दोन ते सात दिवसांचा असतो. केवळ 36 टक्के महिला सॅनिटरी पॅडचा, तर उर्वरित महिला कपड्यांचा वापर करतात. ग्रामीण, तसेच शहरी भागात झोपडपट्टी, चाळींमधील मुली-महिलांना जागेच्या आणि पाण्याच्या अभावामुळे स्वच्छतेची काळजी घेता येत नाही. निम्न सामाजिक-आर्थिक गटात मासिक पाळीच्या काळात स्वच्छतेची दक्षता घेण्याबाबत अज्ञान आहे. या वर्गांत मासिक पाळीच्या काळात, रक्तस्राव शोषून घेण्यासाठी वापरले जाणारे कापड, घरातील दोन-तीन महिलांकडून वापरले जात असल्याची माहिती आहे. अनेक ठिकाणी अनेक महिला या काळात वापरले जाणारे कपडे दुसऱ्या कपड्यांखाली ठेवून वाळवतात. अपुऱ्या सूर्यप्रकाशात आणि हवेत वाळल्या गेलेल्या या कपड्यांमध्ये बुरशी वाढण्याची शक्‍यता असते. परिणामी निम्न आर्थिक वर्गातील महिलांमध्ये मूत्रमार्ग संसर्ग, प्रजननमार्ग संसर्गाचा धोका जास्त बळावतो. स्वच्छता व्यवस्थापन "चिरस्थायी विकास लक्ष्य 2030'मधील आरोग्याच्या ध्येयापर्यंत पोहोचण्याकरिता मासिक पाळी स्वच्छता व्यवस्थापन महत्त्वाचे आहे. भारतात 2011मध्ये आरोग्य आणि कुटुंब मंत्रालयाने ग्रामीण भागातील 10 ते 19 वयोगटातील मुलींकरिता अल्प दरात सॅनिटरी नॅपकीन पुरवण्याची योजना प्रायोगिक तत्त्वावर राबविली. या योजनेअंतर्गंत ग्रामीण भागातील मुलींना सहा नॅपकीन असलेला पॅक सहा रुपयांना दिला जातो. मुलींची शाळांमधील गळती कमी करण्यासाठी शाळांत स्वच्छतागृहे बांधण्याचा सरकारचा उपक्रम स्तुत्य आहे. ग्रामीण-शहरी भागातील निम्न आर्थिक गटातील किशोरी व महिलांना विनामूल्य सॅनिटरी नॅपकीनचा पुरवठा केल्यास त्यांचे आरोग्य-शिक्षणाचे प्रश्न मार्गी लागू शकतात. किशोरवयीन मुलींच्या आरोग्य कार्यक्रमात मासिक पाळीच्या दरम्यान घ्यावयाच्या स्वच्छतेच्या काळजीबरोबर, सॅनिटरी नॅपकीनच्या योग्य विल्हेवाटीचा समावेश करणे गरजेचे आहे. राजस्थानमध्ये उद्योगांच्या सहभागातून अनेक शाळांमधून सॅनिटरी नॅपकीनची व्हेंडिंग मशीन बसवण्यात आली. अशा योजना स्थायी स्वरूपात चालवण्यासाठी बॅकवर्ड-फॉरवर्ड लिंकेंजेस मजबूत करण्याचे अनेकदा राहून जाते. याउलट महाराष्ट्रातील "निर्मलग्राम" असलेल्या भास्करराव पेरे पाटलांच्या पाटोदा गावात महिलांना सॅनिटरी नॅपकीन मोफत मिळतात. त्यासाठी अट एकच आहे, वापरलेल्या नॅपकीन्सची विल्हेवाट ही ग्रामपंचायतीने बांधलेल्या जागेतील मशिनमध्येच लावायची. एरवी आत्यंतिक खासगी मानल्या गेलेल्या मासिक पाळीच्या गरजेबाबत एक गाव सार्वजनिक आणि पर्यावरणपूरक रचना निर्माण करते, हे कौतुकास्पद आहे. किशोरवयीन मुला-मुलींशी लैंगिक आरोग्य, स्वच्छता या माहितीबरोबरच मासिक पाळीविषयी खुलेपणाने बोलले पाहिजे. या विषयाकडे पाहण्याचा सकारात्मक दृष्टिकोन त्यांच्यात विकसित केला पाहिजे. तेव्हाच त्यांच्या मनातील लाज, संकोच, न्यूनगंड दूर होण्यास मदत होईल आणि खऱ्या अर्थाने आपण लिंगभाव समानतेकडे वाटचाल करू. शाळेत सुविधा नसल्याने कुचंबणा - सरकारी शाळांतील स्वच्छतागृहांची स्थिती आरोग्यदायी नसते. त्यामुळे मुलींची गैरसोय होऊन जंतुसंसर्गाचा वाढता धोका. - मासिक पाळीच्या कारणांमुळे चार मुलींपैकी एक मुलीची शाळेत अनुपस्थिती. - सॅनिटरी नॅपकीन व अन्य सुविधा शाळेत नसल्याने तेवीस टक्के मुलींवर शाळा सोडण्याची वेळ. महिलांच्या आरोग्यावर विपरीत परिणाम - एकाहत्तर टक्के मुली ऋतुप्राप्ती होईपर्यंत मासिक पाळीच्या शास्त्रीय ज्ञानापासून अनभिज्ञ. - निम्न सामाजिक-आर्थिक गटातील महिलांमध्ये मासिक पाळीच्या काळात स्वच्छतेबाबत अज्ञान. त्यामुळे त्या आजारांना बळी पडतात. - भारतात केवळ 36 टक्के महिलांकडून सॅनिटरी पॅडचा उपयोग. काय करता येईल ? - निम्न आर्थिक गटातील किशोरी व महिलांना विनामूल्य सॅनिटरी नॅपकीनचा पुरवठा. - मासिक पाळीतील स्वच्छतेबरोबरच, सॅनिटरी नॅपकीनच्या योग्य विल्हेवाटीविषयी मार्गदर्शन. - किशोरवयीन मुला-मुलींशी लैंगिक आरोग्य, स्वच्छता याबरोबरच मासिक पाळीविषयी मोकळेपणाने संवाद. (लेखिका सामाजिक आणि आरोग्यविषयक प्रश्नांच्या अभ्यासक आहेत.) News Story Feeds https://ift.tt/eA8V8J

Latest news updates May 27, 2020 0 Comments

via News Story Feeds https://ift.tt/2XyF5YE

Read more No comments:

सकाळ latest updates

CoronaUpdate: औरंगाबादेत आणखी सहा बळी; ३२ बाधितांची भर औरंगाबाद : जिल्ह्यात कोरोना आणि अन्य आजारांच्या बळींचे सत्र थांबता थांबत नसल्याचे चित्र असून, बुधवारी (ता. २७) सहा जणांचा मृत्यू झाला. यात मकसूद कॉलनी येथील ज्येष्ठ नागरिक, इंदिरानगर बायजीपुरा येथील ५६ वर्षीय पुरुष, हुसेन कॉलनीतील ३८ वर्षीय पुरुष, माणिकनगर गारखेडा परिसरातील ७६ वर्षीय महिला, रोशनगेट भागातील ६४ वर्षीय पुरुष, रहिमनगरातील ५५ वर्षीय पुरुषाचा समावेश आहे. औरंगाबादेतील मृतांची संख्‍या आता ६५ वर गेली आहे. क्लिक करा- घाबरू नका, तब्बल नव्वद टक्के रुग्ण ठणठणीत बरे होणार सलग सहाव्या दिवशी पॉझिटिव्ह रुग्णसंख्येत कमालीची घट दिसून आली. गत पाच दिवसांत अनुक्रमे ३२, ३०, ३७, २०, ३० रुग्ण आढळल्यानंतर आज ३२ रुग्णांचा अहवाल पॉझिटिव्ह आला. त्यात सिल्लोड, गंगापूर तालुक्यांतही प्रत्येकी एका रुग्णाचा समावेश आहे. बाधितांची एकूण संख्या १ हजार ३६२ झाली आहे, असे प्रशासनाकडून सांगण्यात आले. दरम्यान, पूर्वीपेक्षा टेस्टिंगचेही प्रमाण आता कमी झाले आहे. ६० वा मृत्यू : इंदिरानगर, बायजीपुरा येथील ५६ वर्षीय पुरुषाला २५ मे रोजी रात्री अकराच्या सुमारास घाटी रुग्णालयात दाखल करण्यात आले. ताप, दमा, खोकला लक्षणे होती. शरीरातील ऑक्सिजनचे प्रमाण कमी झाले होते. प्रकृती खालावल्याने ‘घाटी’च्या कोविड रुग्णालयातील अतिदक्षता विभागात दाखल करण्यात आले. हेही वाचा: बाहेरून आले अन् रुग्ण वाढले - चिरंजीव प्रसाद कोरोना चाचणीसाठी स्वॅब नमुने घेऊन व्हेंटिलेटरवर ठेवण्यात आले. त्यांना पूर्वीपासून मधुमेह, उच्च रक्तदाबही होता. उपचार सुरू असताना २५ मे रोजी रात्री बाराच्या सुमारास त्यांचा मृत्यू झाला. कोरोना अहवाल प्रलंबित असल्याने मृतदेह शवागारात ठेवण्यात आला. काल कोरोना चाचणी अहवाल पॉझिटिव्ह आला. ६१ वा मृत्यू : हुसेन कॉलनी येथील ३८ वर्षीय पुरुषाला घाटी रुग्णालयात २४ मे रोजी सांयकाळी साडेसहाच्या सुमारास दाखल करण्यात आले. दमा, खोकला, ताप, छातीत धडधड आदी लक्षणे होती. ऑक्सिजनचे प्रमाणही ६० टक्के इतकेच होते. क्लिक करा: कुणाला ताप, कुणाला सर्दी...औरंगाबादेत भाजी विक्रेत्यांची तपासणी कोविड रुग्णालयाच्या अतिदक्षता विभागात उपचार सुरू होते. २४ मे रोजी स्वॅब नमुना घेण्यात आला. २५ मे रोजी सकाळी अहवाल पॉझिटिव्ह आला. व्हेंटिलेटरवर ठेवण्यात आले. न्युमोनिया झाल्यानंतर २६ मे रोजी सायंकाळी साडेसातच्या सुमारास त्यांचा मृत्यू झाला. ६२ वा मृत्यू : मकसूद कॉलनी येथील ६५ वर्षीय पुरुषाचा कोरोना आणि इतर व्याधींनी आज पहाटे मृत्यू झाला. त्यांना १९ मे रोजी खासगी रुग्णालयात दाखल करण्यात आले होते. २० मे रोजी कोरोना अहवाल पॉझिटिव्ह आला. व्हेंटिलेटरवर ठेवण्यात आले होते. कोविडची बाधा, न्युमोनिया, अवयव निकामी झाल्याने त्यांचा मृत्यू झाल्याची माहिती खासगी रुग्णालयाकडून देण्यात आली. क्लिक करा: सावधान!! कोविडच्या मृत्युदरात औरंगाबाद देशापेक्षाही आहे पुढे ६३ वा मृत्यू : माणिकनगर गारखेडा परिसरातील ७६ वर्षीय महिलेचा खासगी रुग्णालयात आज दुपारी एकच्या सुमारास मृत्यू झाला. तिच्यावर १९ मेपासून उपचार सुरू होते. आधीपासून उच्च रक्तदाब होता. २१ मे रोजी कोरोना अहवाल पॉझिटिव्ह आला. कोविड, न्युमोनिया, अवयव निकामी झाल्याने त्यांचा मृत्यू झाल्याची माहिती खासगी रुग्णालयाने दिली. ६४ वा मृत्यू : रोशनगेट येथील ६४ वर्षीय पुरुषाचा आज रात्री आठच्या सुमारास खासगी रुग्णालयात मृत्यू झाला. त्यांना २० मे रोजी दाखल करण्यात आले होते. आधीपासूनच उच्चरक्तदाब, मधुमेहाचा त्रास होता. कोविड, न्युमोनिया, अवयव निकामी झाल्याने त्यांचा मृत्यू झाल्याची माहिती खासगी रुग्णालयाने दिली. ६५ वा मृत्यू : घाटी रुग्णालयात उपचार सुरू असलेल्या रहिमनगरातील ५५ वर्षीय पुरुषाचा आज मृत्यू झाला. बुधवारी आढळलेले रुग्ण- परिसर (कंसात रुग्णसंख्या) ः गंगापूर (१), मिसारवाडी (१), सिद्धेश्वरनगर, जाधववाडी (१), शहानवाज मस्जिद परिसर (१), सादातनगर (१), भवानीनगर, जुना मोंढा (१), जुना बाजार (१), जहागीरदार कॉलनी (२), ईटखेडा परिसर (१), जयभीमनगर (१), शिवशंकर कॉलनी (२), सुभाषचंद्र बोसनगर (४), अल्तमश कॉलनी (१), शिवनेरी कॉलनी एन-९ (१), टिळकनगर (१), एन- ४ सिडको (१), रोशनगेट परिसर (१), सादाफनगर रेल्वेस्टेशन परिसर (१), हमालवाडी, रेल्वेस्टेशन परिसर (१), भाग्यनगर (१), जयभवानीनगर (३), समतानगर (१), सिल्लोड (१), इतर (२) हे वाचंलत का? - आता पाच मिनिटांत कोरोनाचे निदान; राज्यातील पहिलाच प्रयोग News Story Feeds https://ift.tt/eA8V8J

Latest news updates May 27, 2020 0 Comments

via News Story Feeds https://ift.tt/2X8chXV

Read more No comments:

सकाळ latest updates

पुण्यातल्या कोरोना कॉल सेंटरवर मदतीसाठी येताहेत फोन; कुणी बेड देता का बेड? पुणे - शहरांमधील रुग्णांना रुग्णालयात उपचारांसाठी बेड मिळणे अवघड झालंय. सगळीकडे पायपीट आणि फोना-फोनी करून हवालदिल झालेले नातेवाईक आता मदतीसाठी राज्याच्या कोरोना कॉल सेंटरकडे वळत असल्याचा कल गेल्या दोन-तीन दिवसांपासून दिसतो. यात पुण्या-मुंबईतून येणाऱ्या कॉलची संख्या मोठी आहे. ताज्या बातम्यांसाठी डाऊनलोड करा ई-सकाळचे ऍप कोरोनाबाधित रुग्णांना उपचारासाठी दाखल करून घेतल्याने पुण्या-मुंबईसारख्या मोठ्या शहरांमधील सरकारी रुग्णालयांची क्षमता संपली आहे. त्यामुळे आता उपचारांसाठी खासगी रुग्णालयांची मदत घेण्यात येत आहे. पण, त्याच वेळी कोरोनाचा संसर्ग नसलेल्या इतर आजारांच्या रुग्णांना उपचारासाठी रुग्णालयांमधून खाटा मिळणे कठीणझाले आहे. हाच सूर कॉल सेंटरमधूनही निघाला आहे. रुग्णालयात खाटा मिळत नाहीत, कुठल्या रुग्णालयात उपचारांसाठी दाखल होता येईल, कोणत्या रुग्णालयात जागा आहे, अशा कॉलची संख्या वाढत आहे. या बदललेल्या ट्रेंडने सर्वांचे लक्ष वेधून घेतले आहे. वैज्ञानिकांना मोठे यश; covid-19 ला निष्क्रिय करणाऱ्या दोन जीवाणूंचा शोध कसे आहे कॉल सेंटर? कोरोनाबाबत हेल्पलाईनसाठी राज्याचे कॉल सेंटर पुण्यात गेल्या दोन महिन्यांपासून सुरू आहे. यासाठी आठ फोनच्या स्वतंत्र लाइन दिवस-रात्र उपलब्ध करून दिल्या आहेत. दररोज चोवीस तास या कंट्रोल रुममधील फोन खणखणत असतात. आठ तासांच्या एका शिफ्टमध्ये सुमारे सहाशे ते आठशे कॉल येतात. दिवसभरात या कॉलची संख्या सुमारे दोन हजारच्या आसपास जाते. पुण्याच्या बातम्या वाचण्यासाठी येथे ► क्लिक करा कॉल सेंटरचे ट्रेंड 1. कोरोनाचा संसर्गबद्दलच्या शंका कोरोनाच्या रुग्णांचे निदान सुरवातीला होऊ लागल्यानंतर या कॉल सेंटरमध्ये कोरोनाबाबत अधिकृत माहिती विचारणारे फोन येत होते. 2. जेवण, रेशनबद्दलची माहिती मार्चमध्ये पहिले लॉकडाऊन सुरू झाले. एक-एक उद्योग बंद होऊ लागले. बांधकामे थांबले. मजुरांच्या हाताचे काम सुटले. त्यानंतर जेवण-खाण कुठे मिळेल, रेशन दुकानातून धान्य कुठे मिळेल, असे फोन सुरू झाले. बहुतांश कॉल परराज्यातून महाराष्ट्रात काम करण्यासाठी आलेल्या मजुरांचे असायचे. पिंपरी चिंचवडच्या बातम्या वाचण्यासाठी येथे ► क्लिक करा 3. लॅब टेस्टिंगबद्दलची चौकशी लक्षणे नसतानाही कोरोनाचा संसर्ग झालेल्याची भीती नागरिकांमध्ये वाढली. त्यातून एप्रिलच्या मध्यापासून लॅब टेस्टिंगची विचारणा करणारे फोन वाढले. हा कल साधारणतः मेच्या पहिल्या आठवड्यापर्यंत सुरू होता. त्यात कोणी टेस्ट करावी, ती कुठे करावी, असे प्रश्न होते. 4. ई-पासची उत्सुकता देशात तिसऱ्या लॉकडाऊनच्या शेवटच्या टप्प्यात राज्यातील मजुरांना त्यांच्या गावापर्यंत सोडण्याची प्रक्रिया सुरू झाली. त्यासाठी ई-पासची सुविधा कुठे आहे, तो कसा मिळणार, त्यासाठी काय करावे, लागणार अशी माहिती घेण्यासाठी कॉल सेंटरवर फोन करणाऱ्यांची संख्या वाढली. 5. स्थलांतरीत मजुरांची कैफियत ई-पास घेऊन आपापल्या राज्यात गेलेल्या नागरिकांच्या फोनने पुन्हा कॉलसेंटरचे फोन खणखणू लागले. आता कारण, असं होत की, महाराष्ट्रातून त्यांच्या राज्यात गेलेल्या नागरिकांना त्यांच्याच लोकांनी गावात प्रवेश बंद केला आहे. परराज्यातील नागरिक फोन करून सांगतात, की महाराष्ट्रात आम्हाला काम मिळालंच, पण लॉकडाउनमध्ये दोन्ही वेळेला पोटभर जेवणही मिळालं. News Story Feeds https://ift.tt/eA8V8J

Latest news updates May 27, 2020 0 Comments

via News Story Feeds https://ift.tt/3ewQxuV

Read more No comments:

सकाळ latest updates

कसा साकारला रणरागिणी ताराराणींचा अश्‍वारूढ पुतळा? कोल्हापूर शहरात प्रवेश करताना आपण सर्वात पहिल्यांदा नतमस्तक होतो, ते रणरागिणी ताराराणी यांच्या पुतळ्यासमोर. या अश्‍वारूढ भव्य पुतळ्यामुळेच स्वागतालाच कलापूर कोल्हापूरची साक्ष मिळते. हा पुतळा कुणी साकारला आणि त्यामागील रंजक कहाणी आहे तरी नेमकी काय? प्रख्यात चित्रकार, शिल्पकार रवींद्र मेस्त्री यांनी हा पुतळा साकारला. त्यांची असंख्य पोट्रेट, निसर्गचित्रे जशी भावतात, तशीच त्यांची शिल्पकलाही वेगळीच आनंदानुभव देणारी. पन्हाळगडावरील बाजीप्रभू देशपांडे, हुतात्मा पार्कातील स्वामी विवेकानंद यांचा पुतळा असो रणरागिणी ताराराणींच्या पुतळ्याचे किमयागारही तेच. कोल्हापुरच्या बातम्या वाचण्यासाठी येथे क्लिक करा रवींद्र मेस्त्री यांच्याकडे रणरागिणी ताराराणी यांच्या पुतळ्याचे काम सुरू होते. त्यासाठी मॉडेल म्हणून त्यांच्यासमोर तत्कालीन प्रसिद्ध अभिनेत्रींसह अनेक नावे होती; पण या नावांवर त्यांचे शिक्कामोर्तब होतच नव्हते. अनेक दिवस केवळ अशा मॉडेलना भेटण्यात आणि त्यांची छायाचित्रे पाहण्यातच गेली; पण लवकर निर्णय होत नव्हता. कारण त्यांना या पुतळ्यासाठी एका क्षणात ताराराणींची आठवण व्हावी, असे मॉडेलच हवे होते. एका कामानिमित्त ते शिवाजी उद्यमनगरात आले. तेथे स्क्रॅप गोळा करण्यासाठी आलेल्या धरमाबाई शिंदे त्यांना दिसल्या आणि कैक दिवस शोधत असलेले मॉडेल त्यांना मिळाले. रवींद्र मेस्त्रींनी पुतळ्याबाबतचा विषय त्यांना सांगताच धरमाबाईंनीही क्षणार्धात संमती दिली आणि पुढे रणरागिणी ताराराणींचा हा भव्यदिव्य पुतळा आकाराला. धरमाबाई या यादवनगरात राहायच्या. 22 मे 2010 मध्ये रवींद्र मेस्त्री यांच्या पंधराव्या स्मृतिदिनाचे औचित्य साधून त्यांच्या विविध कलाकृतींवर आधारित छायाचित्रांचे प्रदर्शन शाहू स्मारक भवनात भरवण्यात आले होते. यानिमित्ताने धरमाबाई यांचा जाहीर सत्कार केला होता. यानिमित्ताने नव्या पिढीला धरमाबाईंशी संवाद साधता आला होता. हे पण वाचा - धक्कादायक ; क्वारंटाईन सेंटरमध्येच फिल्मी स्टाईलने हाणामारी अगदी अलीकडेच जुलै 2016 मध्ये त्यांचे निधन झाले. मात्र, करवीरच्या शौर्यशाली इतिहासाच्या साक्षीदार म्हणून पुतळ्याच्या रूपाने त्यांच्या स्मृती आजही चिरंतन आहेत, हे नक्की. हे पण वाचा - 'ते' चोघे निघाले पॉझिटिव्ह अन् अधिकारी,कर्मचारी धास्तावले... News Story Feeds https://ift.tt/eA8V8J

Latest news updates May 27, 2020 0 Comments

via News Story Feeds https://ift.tt/36zefDW

Read more No comments:

Breaking

Thursday, May 28, 2020

राष्ट्रपति ट्रंप बोले- चीन के साथ सीमा विवाद पर अच्छे मूड में नहीं हैं PM मोदी https://ift.tt/2zFutPO

Wednesday, May 27, 2020

दिल्लीः लॉकडाउन से बंद सदर बाजार को फिर से खोलने की मांग, CM से गुहार https://ift.tt/2AeWzBk

उष्णतेचा रेड अलर्ट, अमरावती जिल्ह्यात उष्माघाताचा पहिला बळी

कोरोना : मृतांची संख्या जुलै महिन्यात 18 हजारापर्यंत जाण्याची शक्यता #5मोठ्या बातम्या

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts