Click Live News Short news on Mobile 2019.....

Sunday, May 24, 2020

सकाळ latest updates

सांगली एसटी विभागाला 55 कोटींचा फटका सांगली - "कोरोना' च्या पार्श्‍वभूमीवर "एसटी' चे चाक जागेवरच थांबल्यामुळे गेल्या दोन महिन्यात सांगली विभागाला तब्बल 55 कोटी रूपयांचा फटका बसल्याचा अंदाज आहे. रोजचे 75 ते 80 लाखाचे उत्पन्न दोन महिने बुडाले. "प्रवाशांच्या सेवेसाठी' हे ब्रीदवाक्‍य घेऊन अगोदरच तोट्यात असलेली एसटी सध्या निम्म्या क्षमतेने धावू लागली आहे. एसटीचे चाक पुन्हा रूळावर येण्यासाठी शासनाच्या मदतीची गरज भासू लागली आहे. एसटी महामंडळाला राज्यात प्रचंड तोटा होत असल्यामुळे "भारमान वाढवा' अभियान सुरू करण्याचे आदेश फेब्रुवारी महिन्यात दिले होते. त्यानुसार एक मार्च ते 30 एप्रिल या दोन महिन्याच्या काळात हे अभियान राबवले जाणार होते. चालक-वाहकांचे प्रबोधन करून त्यांना प्रवासी वाढवण्याबाबत सूचना दिल्या होत्या. त्यानुसार अभियान सुरू झाले होते. प्रवाशासाठी जागेवर एसटी थांबत असल्यामुळे अभियानाचे कौतुक होत होते. परंतू अभियानाच्या दुसऱ्याच आठवड्यात "कोरोना' चा देशात शिरकाव झाला. राज्यात रूग्ण आढळल्यामुळे 14 मार्चपासून शाळा-महाविद्यालये बंद करण्यात आली. एसटीने देखील 14 मार्चपासून 23 मार्चपर्यंत हळूहळू फेऱ्या कमी केल्या. तर "लॉकडाउन' लागू झाल्यापासून एसटीचे चाक जागेवरच थांबले. सांगली विभागात सुमारे 850 गाड्यांच्या रोजच्या 6 हजार 36 फेऱ्या बंद झाल्या. सांगली विभागातून दररोज दोन लाख 71 हजार किलोमीटर धावणाऱ्या एसटीचे चाक थांबल्यामुळे रोजचे 75 ते 80 लाखाचे उत्पन्न थांबले. लॉकडाऊन जाहीर केल्यानंतर पहिल्या महिन्यात म्हणजे 23 एप्रिलपर्यंत 2 लाख 25 हजार 741 फेऱ्या थांबल्या गेल्या. त्यामुळे एक कोटी एक लाख 95 हजार किलोमीटरचे अंतर कापले गेले नाही. त्याचा परिणाम म्हणून 30 कोटी 27 लाख 65 हजार रूपयाचे उत्पन्न बुडाले. त्यानंतर "लॉकडाउन' च्या दुसऱ्या महिन्यात 23 एप्रिल ते 23 मे अखेर रोजचे 75 ते 80 लाखाचे उत्पन्न या सरासरीने 25 कोटीचे उत्पन्न बुडाले आहे. "लॉकडाउन' च्या दोन महिन्याच्या काळात अंदाजे 55 कोटीचे नुकसान झाले आहे. लॉकडाउनच्या काळात दोन आठवड्यापूर्वी परप्रांतिय मजुरांना सोडण्यासाठी एस. टी. धावली होती. त्यामुळे जवळपास एक कोटीहून अधिक उत्पन्न मिळाले. त्यानंतर 22 मे पासून एसटी पुन्हा धावू लागली आहे. परंतू निम्मी आसन क्षमतेइतकेच प्रवासी भरण्याचे आदेश दिले आहेत. त्यामुळे एसटी पुन्हा एकदा तोट्यातच धावत आहे. वर्षात दुसरा फटका महापुराच्या काळात एसटीच्या फेऱ्या रद्द केल्यामुळे तसेच सांगलीसह काही आगारात महापुराचे पाणी गेल्यामुळे एसटीचे प्रचंड नुकसान झाले. त्यानंतर एसटी सावरत असतानाच पुन्हा एकदा दोन महिने चाक थांबल्यामुळे 55 कोटीहून अधिक नुकसान झाले आहे. News Story Feeds https://ift.tt/eA8V8J

Latest news updates May 24, 2020 0 Comments

via News Story Feeds https://ift.tt/2zuET4L

Read more No comments:

वयच काय त्यांचं? अवघं एक अन् तीन वर्षे, तरीही कोरोनासुराला केले चित औरंगाबाद : त्यांचे वयच काय? हसायचे, रुसायचे अन् थकेस्तोर मनसोक्त खेळायचे. झालेच तर हट्ट पूर्ण व्हावा, यासाठी रडायचे. पण, कोरोनासुराने त्यांनाही गाठलेच. रडत-रडत त्यांना रुग्णालयात उपचारासाठी जावे लागले. जीव की प्राण असलेल्या आई-वडिलांपासून कोरोनाने ताटातूट केली. डॉक्टर आणि पालकांनी घेतलेल्या काळजीमुळे पाच चिमुकल्यांनी कोरोनासुराला हरवले. यात तीन वर्षांतील तीन मुली तर दहा वर्षांतील दोन मुलांचा समावेश आहे. हेही वाचा- शिवसेनेच्या नाकीनऊ आणलेल्या या माजी आमदाराने राजीनामा कुठं दिला? कोरोनामुळे बळींची संख्या वाढत असतानाच शहरातील सिल्कमिल कॉलनीतील एक वर्षाची चिमुकली, हुसेन कॉलनीतील तीन वर्षांच्या दोन मुली, सादातनगरचा आठ आणि संजयनगर, मुकुंदवाडी येथील दहा वर्षांच्या दोन अशा पाच मुलांना कोविड-१९ ची बाधा झाली. पण, पूर्ण उपचारानंतर या मुलांनी विषाणूयुद्धात लढत कोरोनावर यशस्वी मात केली. शहरातील जिल्हा रुग्णालयातून रविवारी (ता. २४) त्यांना व इतर २३ जणांना सुटी देण्यात आली. मुलांना दूर कसं ठेवणार? मुलं म्हटली की त्यांचा सहवास प्रत्येकाला हवाहवासा वाटतो. आई-वडील आजी-आजोबांना तर ते अगदी चिकटून राहतात. पण, कोरोनाचा कहर झाला आणि दोन व्यक्तीत ठरावीक अंतर राखायचेच असा नियम निघाला. मोठ्यांचे ठीक. पण, लहान मुलांना दूर कसे ठेवणार, हा प्रश्न आहेत. म्हणूनच काय की आई, वडील इतर आप्तेष्टांच्या संपर्कातून ही लेकरं बाधित झाली. क्लिक करा- घाबरू नका, तब्बल नव्वद टक्के रुग्ण ठणठणीत बरे होणार घरापासून दुरावली होती पाखरं कुणाचे आई-वडील, कुणाचे आजी-आजोबा बाधित. त्यांच्यापासून ही मुलंही बाधित झाली. कुणाचे फक्त चिमुकलेच बाधित झाले. त्यांना आपल्या घरापासून १० ते १४ दिवस दूर राहावे लागले. पीपीई कीट घालून त्यांना न्यायला आरोग्य योद्धे आले. तेव्हा या योद्ध्यांना या चिमुकल्यांची स्थिती पाहावत नव्हती. काही मुलांचे पालक केवळ पोटच्या गोळ्याखातर स्वतःला बाधा होईल याची पर्वा न करता रुग्णालयात बसून होते. अखेर रविवारचा दिवस उजाडला आणि या मुलांच्या चेहऱ्यावर चैतन्य घेऊन आला. त्यांच्या सुटी वेळी जिल्हा शल्य चिकित्सक डॉ. सुंदर कुलकर्णी, उपचार करणारे डॉ. पद्मजा सराफ, डॉ. कांबळे, डॉ. शिंदे, डॉ. सुरामवाड उपस्थित होते. यांना झाली सुटी सिल्कमिल कॉलनी : २८ वर्षीय तरुण, एक वर्षीय मुलगी. हुसेन कॉलनी : ५०, ६२,६८ वर्षीय पुरुष, २७ वर्षीय दोन तरुणी, ५७, ३१, ४८ वर्षीय महिला, ३ वर्षीय दोन मुली. सदानंद कॉलनी : ५० वर्षीय पुरुष रामनगर : ५५ वर्षीय महिला. पुंडलिकनगर : ६० वर्षीय पुरुष संजयनगर, मुकुंदवाडी :- १० वर्षीय मुलगा, ३२, ४० वर्षीय महिला. भीमनगर : ६५ वर्षीय ज्येष्ठ नागरिक संभाजी कॉलनी : ५५ वर्षीय महिला चौसर कॉलनी : ५० वर्षीय पुरुष सादातनगर : ४१, २० वर्षीय तरुण, आठ वर्षीय मुलगा, २०, २८ वर्षीय तरुणी. न्यायनगर : ५० वर्षीय महिला. हे वाचंलत का? - आता पाच मिनिटांत कोरोनाचे निदान; राज्यातील पहिलाच प्रयोग News Story Feeds https://ift.tt/eA8V8J

Latest news updates May 24, 2020 0 Comments

via News Story Feeds https://ift.tt/2AT5GI9

Read more No comments:

सकाळ latest updates

निराशेच्या वातावरणात आधार योगाचा सध्या कोरोनाचे सगळीकडे भीतीचे वातावरण आहे. कोरोनावर नवीन तयार होणार्या लशी , औषधे निरनिराळ्या थेरेपी याकडे जगाचे लक्ष लागून राहिले आहे. ते तयार होईपर्यंत जी असुरक्षितता निर्माण झाली आहे, ती पाहता जेवढे या आजारापासून दूर राहता येईल तेवढे अधिक चांगले, असे प्रत्येकाला वाटते. प्रतिकारशक्ती सुधारणाऱ्या व्यायामाची महती म्हणूनच जाणून घेतली पाहिजे. एरवी सर्व प्रकारचा व्यायाम आपल्याला करता येतो. मात्र घरातच थांबण्याची वेळ येते, तेव्हा सूर्यनमस्कार आणि योग याकडे वळणे उत्तम योग, आयुर्वेद या भारतीय प्राचीन शास्त्रांत वैयक्तिक प्रतिकारशक्ती कशी वाढेल, यावर भर दिला असल्याने या गोष्टी फायदेशीर ठरतात. ताज्या बातम्यांसाठी डाऊनलोड करा ई-सकाळचे ऍप सध्याच्या वातावरणात मानसिक दौर्बल्य येण्याची शक्यता आहे. काळजी वाढताना दिसत आहे. या परिस्थितीत अष्टांग योगाचा खूप उपयोग होईल. यम, नियम या अष्टांग योगामध्ये सांगितलेल्या वैयक्तिक आणि सामाजिक नियमांमध्ये स्वच्छता या गोष्टीला महत्त्व आहे. सूर्यनमस्कार हा सर्वश्रेष्ठ व्यायामप्रकार म्हणता येईल. एका नमस्कारामध्ये अनेक आसनांचा समावेश होतो. अश्या व्यायामाने सुरुवात करून इतर आसने जसे उभ्या स्थितीतील, बैठ्या स्थितीतील, पाठीवर आणि पोटावर निजून अशा विविध आसनस्थितीतील निरनिराळी आसने करणे खूप फायदेशीर आहे. उभ्या स्थितीतील आसने - पोटावरील अवयवांवर योग्य तो दाब येणारे हस्तपादासनासारखे आसन. शरीराचा तोल सुधारणारे वृक्षासन, ताडासन. बैठ्या स्थितीतील आसने – पोटावर; विशेषतः यकृत आणि स्वादुपिंड यावर योग्य दाब येणारी अर्धमत्स्येंद्रासन, पश्चिमोत्तानासन यासारखी आसने करावीत. निद्रास्थिती- झोपलेल्या स्थितीतील पोटावर योग्य ताण येणारी भुजंगासन, धनुरासन इत्यादी आसने, तसेच तणावरहित होण्यासाठी विपरीत करणी, मकरासन, शवासन यासारखी आसने नियमित अभ्यासली पाहिजेत. पुण्याच्या बातम्या वाचण्यासाठी येथे क्लिक करा या आसनांचे फायदे पुढीलप्रमाणे दिसून येतात. कार्यक्षमता वाढते, शरीरातील अनावश्यक विषारी द्रव्ये बाहेर टाकली जातात, शरीरातील नकारात्मक शक्ती कमी व्हायला मदत होते. आंतरस्त्रावी ग्रंथी तसेच हृदय फुप्फुसे यावर योग्य दाब आल्यामुळे रक्ताभिसरण सुधारते . शरीरातील अति ताणामुळे निर्माण झालेली रासायनिक क्रिया कमी व्हायला मदत होते. याशिवाय या सर्व आसनांमध्ये श्वासावर लक्ष केंद्रित केले जाते. त्यामुळे शरीर आणि मनाला एकत्र बांधण्याचे काम करणार्या श्वासाच्या नियंत्रणामुळे शरीर मनाची आवश्यक अशी एकरूपता साधली जाते . आसनांनातर अष्टांग योगांतील पुढील पायरी म्हणजे प्राणायाम. यामध्ये श्वसनाचे वेगवेगळे व्यायाम येतात. सुरवातीला मार्गदर्शनाखाली हे प्रकार शिकणे आवश्यक असते; परंतु त्यापूर्वी सहज जमतील असे खोल श्वसन करावे, ज्यामध्ये फुप्फुसांची क्षमता वाढते आणि छाती आणि पोटाच्या स्नायूंना पण झालेल्या हालचालींमुळे योग्य तो ताण येतो, जो फायदेशीर असतो. अश्या श्वसनप्रकारात विशिष्ट नस दाबली गेल्याने ताण , विषाद कमी होण्यासाठी याचा उपयोग होतो. जसे जमेल तसे रोज काही वेळ नुसते ध्यानस्थ मुद्रेत बसावे. सुखासन, स्वस्तिकासन, पद्मासन किंवा यामध्ये बसून मन स्थिर करण्याचा प्रयत्न करावा. एकदा स्थिरता अली की हळूहळू श्वसन , नाकाचे पुढचे टोक यावर मनाने स्थिरीकरण करावे. सर्वात शेवटी जेव्हा पूर्ण लक्ष केंद्रित होईल तेव्हा जेवढा वेळ ध्यानावस्थेत बसता येईल, तेवढा वेळ बसावे. ध्यानाचा अभ्यास वाढवावा. यामध्यें visualization हे पण तंत्र आहे. `आपले शरीर निरोगी आहे आणि स्वस्थ आहे`, असा मनात विचार आणून त्याचे दृश्य डोळ्यासमोर , मनासमोर आणावे आणि त्यावर लक्ष केंद्रित करावे. या तंत्राचा फायदा निरोगी राहण्यासाठी खूप दिसून येतो. या सर्व क्रियांमध्ये मनाची सकारात्मकता वाढते आणि मनाचे स्थिरीकरण होण्यास मदत होते . News Story Feeds https://ift.tt/eA8V8J

Latest news updates May 24, 2020 0 Comments

via News Story Feeds https://ift.tt/3d2H5in

Read more No comments:

सकाळ latest updates

एसटी सेवेत उत्पन्नापेक्षा खर्चच जास्त; राज्यभरात धावल्या रिकाम्या बस मुंबई - राज्यात कोरोनामुळे एसटी महामंडळाची सेवा सुमारे दोन महिन्यांपासून बंद आहे. त्यानंतर आता एसटीने २२ मेपासून राज्यातील जिल्ह्यांच्या अंतर्गत सेवा सुरू केल्या आहेत. पहिल्याच दिवशी ४५७ गाड्यांमार्फत निवडक मार्गांवर २००७ फेऱ्या धावल्या आहेत; मात्र यामध्ये प्रत्येक एसटी डेपोमध्ये उत्पन्नापेक्षा डिझेल आणि नियोजनाचा खर्चच जास्त झाल्याचे दिसून येत आहे. - ताज्या बातम्यांसाठी डाऊनलोड करा ई-सकाळचे ऍप एसटी महामंडळाचा सहा हजार कोटींपेक्षा जास्त संचित तोटा झाल्याचा दावा एसटी महामंडळाकडून वेळोवेळी केला जात आहे. त्यात खिळखिळ्या एसटी आणि अपघाती शिवशाहीमुळे एसटीच्या प्रवासी संख्येत घट झाली आहे. अशातच गेल्या दोन महिन्यांपासून राज्यात कोरोनाचा संसर्ग वाढल्याने एसटी सेवा बंद आहे. त्यामुळे निव्वळ प्रवासी उत्पन्नावर अवलंबून असलेल्या एसटी महामंडळाच्या तिजोरीत खडखडाट आहे. दोन महिन्यांनंतर पुन्हा एकदा एसटी महामंडळाने एसटीची जिल्ह्यांतर्गंत सेवा सुरू करण्याचा निर्णय घेतला खरा; मात्र प्रवासीच मिळत नसल्याने अनेक जिल्ह्यांमध्ये रिकाम्या बस फिरताना दिसून येत आहेत; तर अनेक बस एक ते दोन प्रवाशांसाठी धावताना दिसून येत आहेत. त्यामुळे डिझेल आणि त्याच्या नियोजनाचा खर्च एसटीला उचलावा लागत असताना उत्पन्न मात्र १२५ रुपयांपर्यंत होत असल्याचे अनेक एसटी डेपो प्रशासनाने सोशल माध्यमांवर जाहीर केले आहे. - पुण्याच्या बातम्या वाचण्यासाठी येथे क्लिक करा लॉकडाऊननंतरही एसटीची वाट बिकट कोरोनामुळे प्रवासी सार्वजनिक वाहनांनी प्रवास करणे टाळताना दिसून येत आहेत. खासगी वाहने किंवा दुचाकीने नागरिकांचा प्रवास वाढला आहे. त्यामुळे लॉकडाऊननंतर एसटीला प्रवासी मिळणार का, असाही प्रश्‍न उपस्थित होत आहे. प्रवासी न मिळाल्यास एसटीच्या तोट्यात मात्र प्रचंड वाढ होण्याची शक्‍यता आहे. उत्पन्नाचा उन्हाळी हंगाम रिकामा उन्हाळ्यातील १५ एप्रिल ते १५ जूनपर्यंत एसटी महामंडळाचा उत्पन्नाचा हंगाम असतो. या काळात राज्यात लग्न समारंभ, सहली, पर्यटन यासह अनेक गोष्टींसाठी उन्हाळात एसटीची बुकिंग केली जाते; मात्र या वर्षी संपूर्ण उन्हाळा कोरोनाच्या पार्श्‍वभूमीवर लॉकडाऊन असल्याने एसटी महामंडळाचा हंगाम रिकामा गेल्याने एसटीचे उत्पन्न बुडाले आहे. News Story Feeds https://ift.tt/eA8V8J

Latest news updates May 24, 2020 0 Comments

via News Story Feeds https://ift.tt/3gnB2XY

Read more No comments:

Saturday, May 23, 2020

सकाळ latest updates

दुसऱ्याचे वाचले तरी मराठी साहित्याचे होईल भले ! औरंगाबाद : अनुभवसंपन्न साहित्य हे एकाच वेळेस साहित्यही असतं आणि माणसाच्या जगण्याचा इतिहास असतो. हे जर आपण विचारात घेतलं तर कोरोनाच्या काळात साहित्य निर्मिती होणे आवश्यक आहे. मग ती कविता, कथा, कादंबरी अथवा अन्य प्रकारचे लेखन असो. साहित्यिकांनी घेतलेला वेध लेखनामध्ये प्रतिबिंबित झाला पाहिजे, या माध्यमातून नव्या पिढीसमोर इतिहास येईल, अशा भावना ज्येष्ठ ग्रामीण साहित्यिक प्राचार्य रा. रं. बोराडे यांनी व्यक्त केल्या आहेत. विशेष म्हणजे कोरोनामुळे उद्भवलेल्या परिस्थितीवर ते कथाही लिहीत असुन एकाने दुसऱ्याचे वाचले तरी मराठी साहित्याचे भले होईल, अशी तिरकस टिप्पनीही त्यांनी केली. हेही वाचा : कर्तव्य निभावताना हवे जबाबदारीचे भान जगाला भयभीत केलेल्या कोरोनाकाळात प्राचार्य बोराडे काय करीत आहेत, साहित्य क्षेत्रात काय सुरू आहे, याबद्दल त्यांच्याकडून जाणून घेतले. ते म्हणाले, की विश्वव्यापी कोरोनावर साहित्यिकांनी लिहायलाच हवं. हे साहित्य लगेच प्रकाशित नाही झालं तरी चालेल. पण या काळातील वास्तव हे साहित्यातून समोर आलेच पाहिजे. आपण घराबाहेरही जाऊ शकत नाहीत; मात्र रोजगारासाठी दुरवरून आलेल्यांनी आपल्या घराकडे पायी जाणे, ही कल्पनाच सहन होत नाही. हेही वाचा : कोरोनाबद्दल साहित्यिक म्हणतात.. थकलेल्या मजुरांचा रेल्वेखाली बळी जातो, हे सर्वकाही भयावह आहे. अशा वेळी त्यांच्या आई-वडिलांच्या, नातेवाइकांच्या मनाची तडफड मनाला चटका लावणारी आहे. एकजात माणूस उभा करायचा असेल तर चित्रकार, शिल्पकार, लेखक, कलावंत, प्रत्येक घटकाला प्रयत्न करावे लागणार आहे. आम्ही जिंकूच. शिवाय, उद्याचा जो नवसमाज आहे तोदेखील घडवू, अशी भूमिका घ्यावी. हेही वाचा : बोंबाबोंब झाल्यानंतर आली प्रशासनाला जाग राजकारण बाजूला ठेवून एकत्र यावे लागेल तुम्हाला लढाई जिंकायची असेल तर घरात बसा, असे कधी घडलेलेच नाही; पण आता या कोरोनाला हरविण्यासाठी घरात बसावेच लागेल. यातही आता राजकारण येतंय. हा मानवतेचा विषय आहे. सर्व राजकारण बाजूला ठेवून सर्वांनी एकत्र येऊन न दिसणाऱ्या कोरोनाला हरवण्यासाठी लढावे. उद्या यातून बेरोजगारीचे प्रश्न उपस्थित होणार आहेत. नंतर चांगलं होईल, याची आताच शाश्वती देता येणार नाही. मी माझ्यापुरते, आपल्यापुरते बघेल, असे चालणार नाही. जात, धर्म, लिंग असा सर्व भेद सोडून मानव म्हणून एकमेकांना मदत करावी लागणार आहे, असेही त्यांनी नमूद केले. हेही वाचा : चिमुकल्यांनी जोडलेले हात करतात अस्वस्थ ‘करू नका थट्टा कोरोनाशी’ मी घरात आहे; पण विविध माध्यमातून कोरोनाची स्थिती समजून घेत आहे. माझे जे अवलोकन आहे ते मी लेखनाच्या माध्यमातून समोर ठेवणारच आहे. ‘करू नका थट्टा कोरोनाशी’ व अन्य एक अशा दोन कथा लिहीत आहे. कथेनेच मला ऊर्जा दिली. यावर कादंबरीच यायला हवी. ती लिहिण्याची ताकद मराठी साहित्यिकांनी दाखवावी, अशी अपेक्षाही त्यांनी व्यक्त केली. हेही वाचा : पद्धतशीर दृष्टीकोन ठेऊन लाॅकडाऊन उठवु शकतो - उद्योजक सुनील किर्दक दुसऱ्याचे वाचले तरी मराठी साहित्याचे होईल भले महाराष्टातील प्रत्येक घरात एक जरी पुस्तक वाचल्या गेले, तरी मराठी साहित्याचे भले होईल, असे एकाने सोशल मिडीयावर म्हटले होते. त्यावर मी, म्हटले मराठी साहित्यातील साहित्यिकांनी दुसऱ्याचे वाचायचे ठरवलं तरी मराठी साहित्याचे भले होईल. वाचक चळवळ रुजवणे हे कालबाह्य होत आहे. मी, नातवाच्या वयाच्या लेखकांची पुस्तके विकत घेऊन वाचतो. कारण सुरवात आपण करायला हवी. प्रकाशनाचा व्यवसाय देखील चाललाच पाहीजे ना, मग हे करावेच लागेल. ...म्हणुन मी लिहतो. बऱ्याच नवलेखकाला पुस्तक प्रकाशनाची, पारितोषीक मिळाले पाहीजे, याची घाई आहे. यापेक्षा साहित्याचा वाचकवर्ग निर्माण करायला हवा. मी, 60 वर्षापासुन लिहीत आलो. वाचक वाचतात म्हणुन मी आजही लेखन सुरुच ठेवलेले आहे. याचा मला अभिमानही आहे, असेही प्राचार्य बोराडे नमुद करतात. News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/3c4AjaM

Read more No comments:

सकाळ latest updates

पिंपरी : रेशनकार्ड नाही, पण धान्य हवंय; मग 'या' तारखेपर्यंत अर्ज करा पिंपरी : कोणत्याही प्रकारची शिधापत्रिका नसलेल्या व्यक्ती अथवा कुटुंबांना मोफत 5 किलो तांदळाचे वितरण करण्यासाठी भोसरी, पिंपरी आणि चिंचवड विभागामधील एकूण 52 रास्त भाव दुकाने निश्‍चित करण्यात आली आहेत. इच्छूक विनाशिधापत्रिकाधारकांनी 30 मेपर्यंत विहित नमुन्यात अर्ज करावेत, असे आवाहन शहर अन्नधान्य वितरण कार्यालयाने केले आहे. ताज्या बातम्यांसाठी डाऊनलोड करा ई-सकाळचे ऍप राज्य अन्न व नागरी पुरवठा विभागाच्या निर्णयानुसार आत्मनिर्भर भारत सहाय्य योजनेअंतर्गत केंद्र सरकारच्या निर्देशाप्रमाणे कोणत्याही प्रकारची शिधापत्रिका नसलेल्या व्यक्ती अथवा कुटुंबाला मे आणि जून 2020 या दोन महिन्यांठी प्रत्येकी 5 किलो मोफत तांदूळ दिला जाणार आहे. त्याचे वितरण ऑफलाइन पद्धतीने केले जाणार आहे. शहर अन्नधान्य वितरण कार्यालयाने दिलेल्या माहितीनुसार, इच्छूक विनाशिधापत्रिकाधारक लाभार्थ्याला आधारकार्ड किंवा कोणतेही शासकीय ओळखपत्र सादर करणे आवश्‍यक राहील. त्याची पुराव्यादाखल स्वतंत्र नोंद केली जाईल. पिंपरी चिंचवडच्या बातम्या वाचण्यासाठी येथे ► क्लिक करा मे आणि जून महिन्यासाठी या तांदळाचे वितरण जून महिन्यात होणार आहे. मोफत तांदूळ मिळविण्यासाठी इच्छूक व्यक्तींनी संबंधित परिमंडल अधिकारी, तलाठी, स्थानिक नगरसेवक अथवा रास्त भाव धान्य दुकान यांच्याकडून अर्ज न्यावेत. तसेच ते अर्ज भरून पुन्हा त्याच रास्त भाव दुकानात 30 मेपर्यंत जमा करावेत, असे आवाहन शहर अन्नधान्य वितरण कार्यालयाने केले आहे. पुण्याच्या बातम्या वाचण्यासाठी येथे ► क्लिक करा विभाग, अन्नधान्य पुरवठा केंद्रप्रमुख व त्यांचे संपर्क क्रमांक पुढीलप्रमाणे : - अ विभाग (चिंचवड) : स्नेहल गायकवाड 9082521493, वशिष्ट पांचाळ 9822661692 - फ विभाग (भोसरी) : वंदना साबळे 9011243092, अमृता सूर्यवंशी 8554882724 - ज विभाग (पिंपरी) : तुषार नावडकर 8793327103, अनिता शिंगारे 9922839918 News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/3bYDZdY

Read more No comments:

सकाळ latest updates

बीडचे नाव ऑक्स्फर्डच्या दस्तऐवजात, एसपी हर्ष पोद्दारांच्या कामाचे कौतुक बीड - जगातील टॉप आंतरराष्ट्रीय विद्यापीठात जिल्ह्यातले कोणी शिकले का अद्याप तरी ऐकिवात नाही. मात्र, बीडचे पोलिस अधीक्षक हर्ष पोद्दार मात्र या विद्यापीठाचे माजी विद्यार्थी आहेत. विद्यापीठाने त्यांच्या वार्षिक विशेषांकात त्यांच्या विद्यार्थ्यांच्या उत्तम कामाचे कौतुक केले. त्या निमित्ताने बीडचे नावही युनाटेड किंगडमच्या ऑक्स्फर्ड विद्यापीठाच्या दस्तऐवजात नोंदले गेले. अनेक बाबींत नकारात्मक ओळख असलेल्या बीडमधील अनेक सकारात्मक बाबीही यामध्ये टिपल्या आहेत. हर्ष पोद्दार यांनी २००९ मध्ये या विद्यापीठातून कायद्याची पदव्युत्तर पदवी मिळविली. नंतर इंग्लडच्या नामांकित मॅजिक सर्कल लॉ कंपनीत बॅरिस्टर असलेले हर्ष पोद्दार भारतीय पोलिस सेवेत दाखल झाले. मालेगावचे पोलिस अधीक्षक म्हणून काम करणारे पोद्दार यांची सव्वा वर्षांपूर्वी बीडला नेमणूक झाली. दरम्यान, विद्यापीठाचे अनेक विद्यार्थी विविध देशांचे पंतप्रधानापासून उच्चपदांवर कार्यरत आहेत. या माजी विद्यार्थ्यांच्या चांगल्या कामाची विद्यापीठ त्यांच्या वार्षिक विशेषांकात दखल घेते. तशीच दखल श्री. पोद्दार यांच्याबद्दलही घेतली. पोद्दार यांच्या कामगिरीमुळे बीडचे नावही या दस्तात नोंदले गेले. हेही वाचा -परजिल्ह्यात मुलीचे लग्न लावून बीड जिल्ह्यात आले असा केला कार्याचा गौरव पोलिस अधीक्षक म्हणून पोद्दार यांनी १० हजार चौरस किलोमीटर क्षेत्रफळ आणि ३० लाखांच्या घरात लोकसंख्या असलेल्या जिल्ह्यात कायदा व सुव्यवस्था टिकवितानाच गुन्हेगारी रोखण्याबरोबरच वाहतूक उपाययोजनाही उत्तम केल्या. २०१९ च्या निवडणुका शांततेत आणि निष्पक्ष पार पाडण्यातही बीड पोलिस दलाचे काम महत्त्वाचे ठरले. पोद्दार यांनी पोलिसिंगसाठी नावीन्यपूर्ण रणनीती सुरू केली. ग्रामीण भागातील मतदारांमधील मतदानाबाबतची भीती दूर करण्यासाठी पोलिस त्यांच्या रक्षणाला खंबीर असल्याचा संदेश देणारा त्यांच्या प्रेरणेने तयार केलेल्या लघुपटाचाही उल्लेख या स्टोरीत करण्यात आला. बीड हा देशातील सर्वांत राजकीयदृष्ट्या संवेदनशील जिल्हा आहे. हर्ष पोद्दार यांनी तरुणांच्या विकृतीवरही मोठ्या प्रमाणात काम केल्याचे यात नमूद करण्यात आले आहे. त्यांनी पोलिसांच्या मदतीने ग्रामीण भागातील तरुणांमध्ये गुन्हेगारीविरुद्ध जनजागृती केली. पोद्दार यांच्या मालेगाव येथील साहसी कारवाया आणि उपक्रमांचाही यात उल्लेख करण्यात आला आहे. News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/36plM8h

Read more No comments:

सकाळ latest updates

टंचाईची चाहुल, वहिरींनी गाठला तळ सावंतवाडी (सिंधुदुर्ग) - जग कोरोनाने हादरले आहे. कोरोनाचा प्रादुर्भाव रोखण्यासाठी एकीकडे हात स्वच्छ धुण्याचे आवाहन केले जात आहे तर दुसरीकडे जिल्ह्यात विहिरीने तळ गाठल्याने पाण्याचा प्रश्न गंभीर होण्याची शक्‍यता निर्माण झाली आहे. अपेक्षेप्रमाणे अद्यापही मॉन्सूनपूर्व पाऊसही सुरू झाला नसल्याने या प्रश्नाकडे लक्ष देण्याची गरज निर्माण झाली आहे. सध्या कोरोनाच्या भीतीने जग हादरले आहे. हा रोग पसरू नये यासाठी स्वच्छता हा कानमंत्र दिला जात आहे. हात धुण्याचे आवाहन केले जात आहे. मे महिना सुरू आहे. या महिन्यात पाण्याचा प्रश्‍न गंभीर होणार आहे. त्याकडे लक्ष देण्याची मागणी होत आहे. सद्यस्थिती पाहता मॉन्सूनपूर्व पाऊस लपंडाव खेळत आहे. मे संपायला अवघा एक आठवडा शिल्लक राहिला आहे. गतवर्षी थोडा उशिराने पाऊस आला होता. या वर्षी मॉन्सून लवकर दाखल होणार असल्याचे हवामान विभागाने सूचित केले होते; मात्र अद्यापही मॉन्सूनपूर्व पावसाचीही चाहूल लागत नसल्याने टंचाई भीषण रूप धारण करू शकते. पाण्याची पातळी दिवसेंदिवस खालावत आहे. कोरोनाच्या पार्श्‍वभूमीवर पाण्याचा वापरही वाढला आहे. अवकाळी पाऊस गेल्या आठवड्यात कोसळला होता. आता त्यानंतर पुन्हा उष्णतेत वाढ झाली. बेगमीची कामे पूर्ण मॉन्सून सक्रिय होण्यास अजून अवधी असल्याने कोरोनाच्या पार्श्‍वभूमीवर पाणी प्रश्‍न गंभीर होऊ शकतो. दुसरीकडे नागरिकांचे डोळेही आभाळाकडे आहेत. विशेषतः शेतकऱ्यांची बेगमीची कामेही पूर्ण झाली आहेत. खरीपाच्या हंगामाच्या प्रतीक्षेत असलेले शेतकरी पावसाची वाट बघत आहेत. काही शेतकरी नदी ऐवजी विहिरीच्या पाण्यावरही शेती करतात त्यामुळे त्यांच्या दृष्टीने टंचाई दूर होण्याची गरज तीव्र आहे. News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/3glKKtU

Read more No comments:

सकाळ latest updates

कोराेनाचे शिकार कोण बनतेय; वाचा सविस्तर ससून रुग्णालयात कोरोनाबाधित रुग्णांच्या विश्लेषणाचा निष्कर्ष पुणे - रुग्ण उपचारांसाठी उशिरा येतात, त्यांचे वाढलेले वय आणि त्याचबरोबर असलेल्या इतर आजारांमुळे प्रभावी उपचारांनाही शरीर प्रतिसाद देत नाही. अशा वेळी रुग्णालय आणि तेथील तज्ज्ञ डॉक्टर यांना दोषी कसं ठरवणार, असा संतप्त सवाल आता ससून रुग्णालयातील डॉक्टर विचारू लागले आहेत. ताज्या बातम्यांसाठी डाऊनलोड करा ई-सकाळचे ऍप ससून रुग्णालयात 2 एप्रिलला कोरोनाच्या पहिल्या रुग्णाचा मृत्यू झाला. आतापर्यंत 128 कोरोनाबाधित रुग्ण मृत्युमुखी पडले आहेत. त्यापैकी 124 मृतांच्या केलेल्या विश्लेषणातून ही माहिती पुढे आली. निम्मे रूग्ण 48 तासांत गतप्राण ससून रुग्णालयात उपचारांसाठी दाखल झालेले 44 टक्के (53) कोरोनाबाधितांचा मृत्यू अवघ्या 48 तासांमध्ये झाला. मधुमेह, उच्च रक्तदाब, हृदयविकार, मूत्रपिंड विकार अशा आजाराबरोबरच कोरोना संसर्गाच्या प्रत्येक रुग्णाचे प्राण वाचविण्याचा कसोसीने प्रयत्न केला. मात्र, रुग्णालयात उशिरा दाखल झाल्याने प्रभावी उपचार करूनही रुग्णाला वाचवता आला नाही, असा निष्कर्ष निघाला आहे. पुणेकरांनो, महापालिकेच्या 'या' 9 रुग्णालयांत घ्या कोरोनाचे उपचार; तेही अगदी मोफत! तर मृत्यूत घट रुग्णालयात उपचारांसाठी दाखल दोन दिवसांनंतर मृत्यू होणाऱ्या कोरोनाबाधित रुग्णांच्या मृत्यूचे प्रमाण घटलेले दिसते. दाखल झाल्यानंतर तिसऱ्या दिवशी 16 टक्के (14), तर चौथ्या दिवशी 13 टक्के (15) रुग्णांचा मृत्यू झाला. 121 ते 150 तास म्हणजे सुमारे पाच ते आठ दिवस उपचार घेणारे चार जण मृत्यूमुखी पडले. त्यामुळे रुग्णाला उपचारासाठी वेळेत दाखल केलेले रुग्ण बरे होण्याची शक्यता वाढते. साठीतील मृत्यू अधिक ससून रुग्णालयात मृत्यू झालेल्या कोरोनाच्या 124 पैकी 38 (31 टक्के) रुग्णांचे वय 61 ते 70 च्या दरम्यान होते. 71 ते 80 वर्षे वयातील 22 (18 टक्के) रुग्णांचा मृत्यू झाला. म्हणजे रुग्णालयातील 49 टक्के रुग्ण 61 ते 80 या अतिजोखमीच्या वयोगटातील होते. वीज ग्राहकांनो,आता घरबसल्या मांडा तक्रारी; महावितरणाने घेतला 'हा' महत्वाचा निर्णय पुरुष मृत्यूचे प्रमाण जास्त मृत्युमुखी पडणाऱ्या कोरोनाबाधितांमध्ये पुरुषांचे प्रमाण सर्वाधिक आहे. तेच प्रमाण ससून रुग्णालयातही पहायला मिळाले. मृत्यू झालेल्यांपैकी 73 (58.87 टक्के) पुरुष तर, 50 महिला (40.65 टक्के) होत्या. एका नपुंसक रुग्णाचाही यात मृत्यू झाल्याची नोंद रुग्णालयात झाली. येरवड्यात जास्त मृत्यू ससून रुग्णालयात सर्वाधिक मृत्यू येरवड्यातील रुग्णांचे झाले. त्यापाठोपाठ पर्वती व भवानी पेठेतील रुग्णांचे प्रमाण आहे. त्या खालोखाल ताडावीला रस्ता आणि कोंढवा भागातील रुग्णांचा मृत्यू झाला. ससूनमध्ये मृत्युमुखी पडलेल्या 124 पैकी 61 रुग्ण या भागातील आहेत. विद्यार्थी-पालकांसाठी आनंदाची बातमी; शुल्कवाढीबाबत पुणे विद्यापीठाने घेतला मोठा निर्णय! 10000 पंधरवड्यात रुग्ण संख्या होणार दुप्पट शहरातील कोरोनाच्या रुग्णांची संख्या पाच हजाराच्या उंबरठ्यावर पोचली असून, पुढील पंधरा दिवसांत ती दहा हजारांचा टप्पा ओलांडेल. त्या दृष्टीने महापालिका आणि जिल्हा प्रशासन यंत्रणा कार्यरत झाली आहे. पुण्यात ४,993 रुग्णसंख्या असल्याची माहिती केंद्रीय आरोग्य खात्याच्या संकेतस्थळावर शनिवारी दुपारी अद्ययावत केल्यामुळे 75 दिवसांत शहरातील कोरोनाबाधितांची संख्या पाच हजार झाल्याचे स्पष्ट झाले. राज्यात आतापर्यत 44 हजार 582 रुग्णांची नोंद झाली असून, त्यापैकी 61 टक्के (27,251) रुग्ण एकट्या मुंबईत आहेत. तर पुण्यात ही संख्या 4993 (11 टक्के) असल्याची माहिती केंद्रीय आरोग्य खात्यातर्फे प्रसिद्ध करण्यात आली. पुणे जिल्ह्यात म्हणजे पुणे शहर, पिंपरी चिंचवड महापालिका आणि ग्रामीण भागात मिळून शुक्रवारी ५,167 रुग्ण आढळले, अशी माहिती जिल्हा आरोग्य अधिकारी डॅा. भगवान पवार यांनी दिली. नव्याने आढळणाऱ्या रुग्णांसाठी उपचारांची सुविधा निर्माण करण्यावर प्रशासकीय यंत्रणेने भर दिला आहे. त्यामुळे अत्यवस्थ होणाऱ्या रुग्णांचे प्रमाण कमी होईल. त्यातून अतिदक्षता विभागात जाणाऱ्या रुग्णांची संख्या नियंत्रित करता येईल आणि पर्यायाने मृत्यूदर कमी ठेवण्यास मदत होईल, असा विश्सास महापालिकेतील आरोग्य अधिकाऱ्यांनी व्यक्त केला. पुण्यात सध्या डबलिंग रेट पुण्यात सध्या 15 दिवसांचा डबलिंग रेट आहे. म्हणजे सध्या असलेल्या रुग्णांची संख्या पुढील 15 दिवसांमध्ये दुप्पट होते. या दुप्पट होण्याच्या दराचा विचार करता पुण्यात पुढील पंधरा दिवसांमध्ये रुग्णसंख्या दहा हजारांचा टप्पा गाठेल, असेही त्यांनी स्पष्ट केले. News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/3grJQMq

Read more No comments:

सकाळ latest updates

...आता केंद्र सरकारला लागले वेध; कशाचे ते वाचा सविस्तर नवी दिल्ली - कोरोनाच्या संसर्गाची तमा न बाळगता देशांतर्गत विमानसेवा सुरू करण्याच्या निर्णयापाठोपाठ केंद्राने आता आंतरराष्ट्रीय उड्डाणे सुरू करण्याची तयारी केली आहे. परिस्थिती नियंत्रणात आल्यास जून-जुलैपूर्वीच आंतरराष्ट्रीय विमान सेवा सुरू करता येईल. 25 मे पासून सुरू होणाऱ्या देशांतर्गत विमानसेवेला चांगला प्रतिसाद मिळाल्याचे केंद्रीय विमान वाहतूक मंत्री हरदीपसिंग पुरी यांनी आज सांगितले. ताज्या बातम्यांसाठी डाऊनलोड करा ई-सकाळचे ऍप मंत्री हरदीपसिंग पुरी यांनी विमानसेवा सुरू करण्याबाबत फेसबुक लाइव्हदरम्यान प्रश्नांच्या उत्तरात ही माहिती दिली. एका प्रश्नाच्या उत्तरात त्यांनी कोरोना संकटामुळे ऑगस्ट-सप्टेंबरपूर्वी आंतरराष्ट्रीय उड्डाण सेवा करणे शक्य असल्याचे सांगितले होते. कोरोनामुळे उद्भवलेल्या स्थितीचा आढावा घेण्यात येईल, त्यानंतर हा निर्णय होईल असेही त्यांचे म्हणणे होते. पुण्याच्या बातम्या वाचण्यासाठी येथे ► क्लिक करा मात्र, दुसऱ्या एका उत्तरादरम्यान मंत्री पुरी यांनी आपले आधीचे म्हणणे खोडून काढताना, कोरोनासोबत जगण्याचा मार्ग सापडल्यास आणि परिस्थिती सुधारल्यास जून-जुलैपूर्वीच आंतरराष्ट्रीय विमानसेवा देखील सुरू करता येईल. आंतरराष्ट्रीय विमान सेवा सुरू करण्यासाठी विमानतळ प्राधिकरण आणि विमान कंपन्या पूर्णपणे तयार आहेत असे त्यांनी नमूद केले. कोरोना नव्हे तर या कारणामुळे राजस्थानमधील जिल्ह्यात कर्फ्यूचा माहोल उड्डाणांची संख्या वाढविणार देशांतर्गत विमानसेवा सुरू करण्याच्या निर्णयाचे समर्थन करताना मंत्री पुरी म्हणाले, ‘‘ की 25 मे पासून 33 टक्के उड्डाणे सुरू होणार आहेत. ताज्या आकडेवारीनुसार बुकिंगच्या पहिल्याच दिवशी बऱ्याच लोकांनी तिकिटे काढली आहेत. मागणी जास्त असल्यास उड्डाणांची संख्या वाढविण्यात येईल. कोरोनाचा धोका लक्षात घेऊन प्रवाशांसाठी नियमावली जाहीर करण्यात आली आहे. त्यानुसार विमानतळावर दोन तास आधी पोचणे, मास्क वापरणे, सामाजिक अंतर पाळणे, कोरोनाची लक्षणे नसल्याचे स्वतःहून सांगणे बंधनकारक असेल. त्यानंतरच प्रवाशांना बोर्डिंग पास मिळेल.’’ कोरोनाचे थैमान सुरुच; 144 नवे रुग्ण आढळले पुरी म्हणाले तिकिटांच्या परताव्यासाठी नियम निश्‍चित केले आहेत रद्द झालेल्या विमानांचे भाडे कंपन्यांनाच परत करावे लागेल वंदे भारत मिशनच्या माध्यमातून 25 हजार 465 भारतीय मायदेशी महिना अखेरपर्यंत 50 हजार लोकांना मायदेशी आणले जाणार आठ हजार जणांना परदेशात पोचविण्यात आले देशभरात एक हजार टन वैद्यकीय उपकरणे व इतर आवश्यक सेवा विमानांद्वारे पोचविल्या News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/2LT9VWv

Read more No comments:

सकाळ latest updates

मेरे रोजे को अल्लाने कबूल किया... गावकऱ्यांच्या मदतीसाठी तो पोचला चेन्नई नागपूर : रमजानच्या पवित्र महिन्यात मुस्लिम बांधव रोजे ठेवत पवित्र कुराणाचे पालन करतात. मात्र, उत्तर प्रदेशातील एका मुस्लिम युवकाने कोरोनामुळे चेन्नईत अडकलेल्या गावकऱ्यांच्या मदतीसाठी धाव घेतली. आपला रोजा सोडून चेन्नईत अडकलेल्या 65 गावकरी कामगारांसह तो युवक घराकडे निघाला. युवकाचे नाव मोहम्मद अझीम असे असून, त्याच्या कार्याची उत्तर प्रदेश सरकारनेही दखल घेतली, हे विशेष. सूत्रांनी दिलेल्या माहितीनुसार, मो. अझीम हा तिशीतील युवक उत्तर प्रदेशातील मुरादाबाद शहराजवळील एका गावात राहतो. मुरादाबाद येथे त्याचा ट्रान्सपोर्टचा व्यवसाय आहे. त्याला पवित्र रमजान महिन्याचे रोजे सुरू होते. परंतु, आपल्या गावातील 65 कामगार युवक चेन्नईत अडकल्याची माहिती त्याला मिळाली. त्यांची कशी मदत करता येईल, याबाबत अझीमने विचार केला. दुसऱ्याच दिवशी त्याने स्वतः ट्रकने चेन्नईला जाऊन गावकरी युवकांना गावात आणण्याचा निर्णय घेतला. त्याने आईवडिलांची परवानगी घेतली. एका मित्राला सोबत घेतले आणि निघाला चेन्नईच्या प्रवासाला. त्याच्या या निर्णयाचे आमदार-खासदारासह सर्वांनी कौतुक केले. मात्र, हे कर्तव्य बजावण्यासाठी त्याला रोजा सोडून द्यावा लागला. सहा दिवसांपूर्वीच निघालेला मो. अझीम चेन्नईत पोहोचला. त्याने शहरात विविध ठिकाणी कामगार म्हणून कार्यरत असलेल्या गावकऱ्यांना एका धार्मिक सभागृहात एकत्र केले. आपल्या गावातील युवक आपल्याला घ्यायला आल्याचे कळताच अनेकांच्या चेहऱ्यावर हास्य फुलले. तब्बल 65 युवा कामगारांना ट्रकमध्ये घेऊन अझीम तीन दिवसांपूर्वी चेन्नईतून निघाला. तो कामगारांना घेऊन जात असताना शुक्रवारी रात्री साडेनऊ वाजता नागपुरातील वर्धा रोड, जामठा येथील दीनबंधूच्या सहायता केंद्रावर थांबला. येथे सर्वांना जेवण मिळत असल्याचे त्याला कळले. त्याने लगेच ट्रकमधील सर्वांना खाली उतरवले. मो. अझीमने श्री गुरुदेव सेवा मंडळाचे ज्ञानेश्‍वरदादा रक्षक यांची भेट घेतली. त्याने आपली व्यथा त्यांच्याकडे मांडली. मदत केंद्रावर सर्व युवकांना जेवण देण्यात आले. हेही वाचा : कोरोना योद्‌ध्यांची होणार रॅपिड अँटिबॉडी टेस्ट... प्रशासनाची उच्च न्यायालयात माहिती तुमचे कार्य प्रेरणा देऊन गेले दिनबंधू मदत केंद्रावर केलेल्या आमच्या व्यवस्थेमुळे मला नव्याने प्रेरणा आणि ऊर्जा मिळाली. महाराष्ट्रीय जेवण आणि सेवा आयुष्यभर विसरणार नाही. "मेरा रमजान...मेरे रोजे को अल्लाने कबूल किया, मैं मेरे भाईयों की मदत कर रहा हूं. अल्ला को यही कबुल था', अशी प्रतिक्रिया मोहम्मद अझीम याने दिली. मोहम्मद अझीमचा सत्कार एका युवकाने हिंमत दाखवून गावातील युवकांच्या मदतीसाठी धाव घेतली. तसेच स्वतःजवळील पैसे खर्च करून ट्रकसह चेन्नईतून युवकांना घेऊन घरी परतणाऱ्या मोहम्मद अझीमच्या कार्याला दिनबंधू मदत केंद्राच्या कार्यकर्त्यांनी सलाम केला. मो. अझीमचा पुष्पगुच्छ, शाल आणि श्रीफळ देऊन सत्कार केला. आदरातिथ्य पाहून मो. अझीमचे डोळे पाणावले. News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/3ehlHX4

Read more No comments:

सकाळ latest updates

किती निष्काळजीपणा? रेल्वेतून उतरताच ठोकली जंगलात धूम बांदा (सिंधुदुर्ग) - दिल्लीकडून मडगावकडे जाणाऱ्या राजधानी एक्‍स्प्रेसमधून मडूरे रेल्वे स्थानकनजीक कर्नाटकचे 25 हून अधिक प्रवासी उतरुन जंगलात पळाले. पैकी 3 प्रवाशांना रोणापाल ग्रामस्थांनी पकडले आहे. क्‍वारंटाईन होण्याच्या भीतीने त्यांनी हे कृत्य केले. हा प्रकार आज दुपारी साडेतीनच्या दरम्यान घडला. राजधानी एक्‍स्प्रेस क्रॉसिंगसाठी मडूरे स्टेशननजीक थांबली असता 25 हून अधिक प्रवाशांनी जंगलात पळ काढला. रेल्वे गार्डने याबाबत रेल्वे स्थानकावर माहिती देताच एकच खळबळ उडाली. स्थानिक ग्रामस्थांनी शोधाशोध केली असता तिघेजण रोणापाल ग्रामस्थांच्या तावडीत सापडले आहेत. बांदा पोलिसांना याबाबतची माहिती देण्यात आली आहे. आपण भटकळ (कर्नाटक) येथील रहिवासी असून दिल्लीला गेलो होतो. मडगाव रेल्वे स्थानकावर क्वारंटाईन होण्याच्या भीतीने आपण मडूरेत उतरल्याचे तीनही प्रवाशांनी सांगितले. घटनास्थळी रोणापाल सरपंच सुरेश गावडे, उपसरपंच भिकाजी केणी, माजी सरपंच उदय देऊलकर, प्रकाश गावडे, यशवंत कुबल, सुदीन गावडे, पोलिसपाटील निर्जरा परब उपस्थित होते. इतर पळून गेलेल्या प्रवाशांची माहिती मिळाली नसल्याने परिसरात भीतीचे वातावरण निर्माण झाले आहे. सिंधुदुर्ग जिल्ह्यात पुन्हा 8 रुग्ण सापडल्याने या प्रवाशांचा तत्काळ शोध घ्यावा, अशी मागणी स्थानिकांमधून होत आहे. दरम्यान, ताब्यात घेतलेल्या तिघांना गोवा पोलिसांकडे देण्यात आले. News Story Feeds https://ift.tt/eA8V8J

Latest news updates May 23, 2020 0 Comments

via News Story Feeds https://ift.tt/3efmJmk

Read more No comments:

Health In Marathi

गुदद्वारातून आत टाकलेली बाटली डॉक्टरांनी शस्त्रक्रिया न करता बाहेर काढली

Latest news updates May 23, 2020 0 Comments

ही बाटली त्याच्या मोठ्या आतड्यात अडकली. from Zee24 Taas: Health News https://ift.tt/2ZCL7u9 https://ift.tt/eA8V8J

Read more No comments:

Breaking

Sunday, May 24, 2020

Saturday, May 23, 2020

गुदद्वारातून आत टाकलेली बाटली डॉक्टरांनी शस्त्रक्रिया न करता बाहेर काढली

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts