Click Live News Short news on Mobile 2019.....

Thursday, May 14, 2020

BBC मराठी

कोरोना लॉकडाऊन : पेणच्या गणेश मूर्तीशाळांवर परिणाम

Latest news updates May 14, 2020 0 Comments

via BBC News मराठी - बातम्या https://ift.tt/2Z6zlrl

Read more No comments:

आज तक

Horoscope Today, 15 May: जानें कैसा रहेगा आज आपका दिन? https://ift.tt/3fQuvVj

Latest news updates May 14, 2020 0 Comments

via आज तक

Read more No comments:

सकाळ latest updates

लॉकडाउनच्या काळात वाचकांकडून पुस्तके डाऊनलोड वाचा सविस्तर... नवी दिल्ली - कोरोना लॉकडाउनच्या काळात राष्ट्रीय पुस्तक न्यास म्हणजेच ‘एनबीटी’ने राबविलेल्या ‘ग्रंथांच्या संगतीत घरातच थांबा’ या मोहिमेला भरभरून प्रतिसाद मिळाला असून सर्व भारतीय भाषांमधील शंभराहून जास्त पुस्तके डाऊनलोड करून घेऊन ऑनलाइन वाचणाऱ्यांची संख्या ४६ हजारांवर पोहोचली आहे. यात सुमारे एक हजार मराठी वाचकांचाही समावेश आहे. .ताज्या बातम्यांसाठी डाऊनलोड करा ई-सकाळचे ऍप ‘एनबीटी’च्या वतीने लॉकडाउन १ सुरू झाल्यावर लगेच म्हणजे २७ मार्चपासून ऑनलाइन पुस्तके देण्याची सुविधा उपलब्ध करून दिली. इंग्रजी, हिंदी , बंगाली आणि मराठीसह सर्व भाषांमधील गाजलेल्या पुस्तकांचा यात समावेश आहे. मुख्यत- मुले आणि युवक हा वयोगट लक्षात घेऊन महात्मा गांधी, रवींद्रनाथ टागोर, प्रेमचंद आदींची गाजलेली पुस्तके विनामूल्य डाउनलोड सुविधेसह उपलब्ध करून दिली आहेत. ‘एनबीटी’च्या वतीने आगामी काळात कोरोना महामारीच्या संदर्भातील पुस्तके, अभ्यास अहवाल लवकरच ऑनलाइन उपलब्ध करून देण्यात येणार आहे, असे संस्थेच्या सहायक संचालिका कांचन शर्मा यांनी ‘सकाळ’ला सांगितले. पुण्याच्या बातम्या वाचण्यासाठी येथे ► क्लिक करा लॉकडाउनच्या काळात नागरिकांची मानसिकता जपण्याच्या दृष्टीने, जेष्ठ नागरिक, मुले, पालक, महिला, युवा पिढी अशा सात वयोगटांसाठी हे साहित्य उपलब्ध असेल. लॉकडाउनमधील प्रत्येक दिवशी इंस्टाग्राम, फेसबुक, ट्विटर, आदी माध्यमातून मुलांसाठी रोज काही ना काही नवा मजकूर टाकण्याचा पायंडा सुरू केला. त्यालाही भरभरून प्रतिसाद मिळाला आहे. ‘एनबीटी’ने या काळात किमान शंभर पुस्तके पीडीएफ फॉरमॅटमध्ये वाचकांसाठी उपलब्ध करून दिली. आतापर्यंत ही पुस्तके देशभरातील ४६, २०० पेक्षा जास्त साहित्यप्रेमींनी डाऊनलोड करून घेतली आहेत, अशी माहिती संस्थेच्या वतीने देण्यात आली. जागतिक पुस्तक दिनानिमित्त २३ एप्रिलला ‘एनबीटी’ने फिक्कीच्या संयुक्त सहकार्याने आयोजित केलेल्या साहित्य वेबीनार उपक्रमाला भारतातील साहित्यिकांनी हजेरी लावून आपली मते मांडली. ‘एनबीटी’तर्फे लवकरच - मराठीसह वेगवेगळ्या भारतीय भाषांमधील पुस्तकांमधील गाजलेल्या बालकथांचे अभिवाचन आकाशवाणीच्या माध्यमातून - ताणतणावावर कशी मात करावी, याबाबत हेल्पलाईन - लॉकडाउन काळात खास प्रकाशित केलेल्या साहित्याच्या आवृत्या आणि पुस्तकांचे प्रकाशन - ‘हे आहेत आमचे कोरोना योद्धे’ या प्रेरणादायी यशोगाथा असलेल्या पुस्तकाचे प्रकाशन फक्त एक पुस्तक तुमचे संपूर्ण आयुष्य बदलू शकते. फक्त गरज असते ती तुम्ही योग्य पुस्तक निवडण्याची ! - युवराज मलिक, संचालक एनबीटी. News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/2T90Xsb

Read more No comments:

सकाळ latest updates

Video : पेट शॉप किंवा ब्रिडिंग सेंटर सुरू करायचे आहे? वाचा नियम नागपूर : टाळेबंदीनंतर पाळीव प्राणी खरेदी करण्याचा तुमचा विचार असाल तर थोडे थांबावे लागणार आहे. कारण पेट शॉप व डॉग ब्रिडिंग सेंटरच्या संचालकांना दुकान सुरू करण्यापूर्वी महाराष्ट्र प्राणी कल्याण मंडळाकडे नोंदणी करणे सक्तीचे आहे. कोरोना विषाणूच्या वाढत्या प्रादुर्भावामुळे ही सक्ती करण्यात आली असून तशा सूचनाही पोलिस यंत्रणेसह प्रशासनाला दिल्या आहेत. कोरोनाच्या वाढत्या प्रादुर्भावावर निर्बंध लावण्यासाठी टाळेबंदी लावण्यात आलेली आहे. ती संपल्यानंतर पेट शॉप अथवा डॉग ब्रिडिंग सेंटर महाराष्ट्र प्राणी कल्याण मंडळाकडे नोंदणी केल्याशिवाय सुरू करू नये, असे निर्देश भारतीय जीवजंतू कल्याण मंडळाने दिले आहेत. त्यानुसार राज्य सरकारच्या पशुसंवर्धन आयुक्तांनी तशा सूचना काढल्या आहेत. त्यामुळे पेट शॉप व डॉग ब्रिडिंग सेंटरच्या संचालकांना दुकान सुरू करण्यापूर्वी परवानगी घेणे बंधनकारक आहे. पेट शॉप व ब्रिडिंग सेटरच्या ठिकाणी बरीच स्थानिक, विदेशी पशुपक्ष्यांना ठेवले जात असल्याने आढळून आले आहे. तसेच या प्राण्यांना चांगल्या जागेत न ठेवल्याने तसेच त्यांना अन्न व पाणी न मिळाल्याने त्यांच्यावर क्रूरता होत असल्याचेही निदर्शनास आले आहे. त्यामुळे या पेट शॉप व ब्रिडिंग सेंटरवर शास्त्रीय मानकानुसार योग्य संनियंत्रण ठेवण्यासाठी व पशुपासून मानवामध्ये संक्रमित होणाऱ्या आजाराचा फैलाव रोखण्याचे उद्देशाने केंद्र शासनाने प्राण्यांना क्रूरतेने वागविण्यास प्रतिबंध अधिनियम 1960 अंतर्गत काढली आहे. त्यात पाळीव पाणी दुकान नियम 2018 आणि श्‍वान प्रजनन व विपणन नियम अधिसुचित केले आहे. हे नियम राज्यात लागू करण्यात आलेले आहेत. Video : बोगस बियाणांचा सात लाखांचा साठा जप्त पाळीव प्राणी दुकान नियम 2018 मधील नियम क्रमांक 4(5) नुसार पाळीव प्राण्यांची दुकानांना राज्य प्राणी कल्याण मंडळाकडे नोंदणी करणे बंधनकारक केले आहे. नोंदणीशिवाय अशी दुकाने चालविण्यास व श्‍वास प्रजनन व विपणन नियम 2017 मधील नियमानुसार नोदणी शिवाय डॉग ब्रिडिंग सेंटर चालवण्यास प्रतिबंधित केले आहे. यानुसार टाळेबंदीनंतर कोणतेही पेट शॉप व डॉग ब्रिडिंग सेंटर राज्य प्राणी कल्याण मंडळाकडे नोंदणी केल्याशिवाय करु नये अशी सुचना भारतीय जीवजंतू कल्याण मंडळाने दिलेली आहे. त्यानुसार राज्यातील पाळीव प्राण्यांची दुकाने व श्‍वान प्रजनन केंद्राची महाराष्ट्र प्राणी कल्याण मंडळाकडे नोंदणी करणे बंधनकारक केले असल्याचा आदेश पशुसंवर्धन आयुक्त सचिंद्र प्रसाद सिंग यांनी काढला आहे. राज्य व केंद्र शासनाच्या सूचनेनुसारच आम्ही दुकानांची परवानगी घेऊनच पाळीव प्राण्यांची विक्री करीत असतो. पशुपक्ष्यांचीही योग्य पद्धतीने काळजी घेत असल्याने कोरोनाच्या पार्श्‍वभूमीवर अधिक काळजी घेतली जात आहे. - विजय रतनलाल बहल, संचालक साई फिश वर्ल्ड कोरोना विषाणूच्या प्रादुर्भावाच्या पार्श्‍वभूमीवर लागू करण्यात आलेल्या टाळेबंदीच्या काळात बंद पडलेल्या पेट शॉप व डॉग ब्रिडिंग सेंटरमध्ये प्राणी अडकून पडलेले आहेत. अन्न व पाण्याअभावी त्यांचा मृत्यू होण्याची शक्‍यता असल्याने प्राणी कल्याण मंडळ स्थानिक प्रशासन यंत्रणा यांचे मदतीचे त्यांनी सुटका करण्यात याव्या असेही सूचित केले आहे. तसेच परवानगी सक्ती केलेली आहे. - करिश्‍मा गिलानी, पशुप्रेमी News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/2T5RbXW

Read more No comments:

सकाळ latest updates

इच्छा तेथे मार्ग; लॉकडाउनमध्ये माणूसपण कुलुपबंद झाले असताना गावकऱ्यांनी केल्या एकीच्या साखळ्या मजबूत वाशीम: कोरोनामुळे संपूर्ण जग हवालदिल झाले आहे. कामदार बेकार झाले तर काम देणारे घरात बसले. गावखेड्यापासून महानगरापर्यंत क्रियशक्ती थांबली असतांना वाशीम जिल्ह्यातील कळंबा महाली येथील शेतकर्यांनी मात्र हा लाॅकडाऊनचा काळ गावाच्या गावपण जपण्यात घालविला आहे. कोणतीही सरकारी मदत न घेता गावकर्यांनी श्रमदानातून तीन किलोमीटर लांबीचा पाणंदरस्ता बनविला आहे.एकीकडे लाॅकडाऊन ने माणूसपणच कुलूपबंद झाले असताना गावकर्यांनी्यां मात्र सहकार्यांने एकीच्या साखळ्या मजबूत केल्या आहेत. संचारबंदी व लाॅकडाऊन ने व्यवहारचक्र थांबले आहे. उद्योग बंद पडले, हाताला काम नसल्याने कामगार बेकार झाले. शहरापासून गावखेड्यापर्यंत माणूस घरबंद झाला आहे. मात्र वारकरी संप्रदायाचा वारसा असलेले कळंबा महाली हे गाव दखलपात्र ठरले आहे. कळंबा महाली हे वाशीम तालूक्यातील तसे सधन गाव. पुस नदीने गावाचा शिवार काळा कसदार केला आहे. हीच काळी माती पावसाळ्यात शेतकऱ्यांसाठी डोकेदुखी ठरत होती. कळंबा महाली ते ब्राम्हणवाडा परिवारातील जुन्या पाणंद रस्त्यावर पावसाळ्यात प्रचंड चिखल व्हायचा शेती कसण्यासाठी हा चिखल तुडवत जाण्याशिवाय पर्याय नव्हता. ग्रामपंचायत पंचायत समितीत अनेकवेळा मागणी करूनही हा रस्ता कायम चिखलात बरबटलेलाच राहीला. मात्र कोरोनाचे संकट आले. गावकरी घरबंद झाले. पारावरच्या गप्पातून रस्त्याचा विषय निघाला गावातील महादेव महाले, हनुमान शिंदे, गजानन महाले, रामकृष्ण महाले, भगवान ठाकरे, बाळू महाले, महादेव महाले, शुभम गायकवाड, गिरीष गायकवाड, किशोर गायकवाड, प्रकाश महाले, मुन्ना महाले, संजय महाले, चेतन महाले, नितीन कांबळे, पांडुरंग महाले, ज्ञानेश्वर महाले, ज्ञानेश्वर शिंदे, जेसीबी मालक देवराव महाले, डाॅ. भागवत महाले, बंडू महाले, केशव महाले, हनुमान शिंदे, भाऊराव महाले, सुरेश शिंदे, दत्तात्रय महाले, बंडू उखळकर, मनोज कांबळे, महादेव महाले, शमीर पठाण, शब्बीर सय्यद, सद्दाम पठाण, नंदू महाले, देवीदास ठाकरे, विकास महाले, नागेश राऊत, हरिभाऊ महाले, कैलास महाले, विठ्ठल महाले, कृष्णा महाले, गणेश महाले, दत्ता चिखलकर, प्रकाश महाले, रवी महाले, पांडुरंग महाले, नितीन महाले, दत्ता महाले, रामहारी महाले, किसन महाले, विजय महाले, अनिल खासबागे, हरिभाऊ गायकवाड, विजय वैद्य, गजानन महाले, बाजीराव महाले, बाबूलाल महाले, गजानन महाले, सागर कांबळे, अनिल कांबळे, गणेश महाले, शांतीराम महाले, सोपन शेजुळे, महादू महाले यांनी एकत्र येऊन कळंबा ते ब्राम्हणवाडा हा तब्बल तीन किलोमीटरचा पाणंद रस्ता एकमेकांच्या सहकार्याने पंधरा दिवसांत पूर्ण केला. यामध्ये ट्रॅक्टर मालक शेतकऱ्यांनी आपले ट्रॅक्टर मोफत दिले. जेसीबीच्या मालकांनी जेसीबी मोफत दिली. तर इतर शेतकऱ्यांनी ट्रॅक्टरद्वारे आणलेला मुरूम या पाणंद रस्त्यावर पसरवून दिला. गावकऱ्यांच्या या सहकार्याने लाॅकडाऊनची बंधनेही सहकार्याच्या साखळीत गुंफली गेली. शिवार आले रस्त्यावर कळंबा महाली ते ब्राम्हणवाडा या दरम्यानच्या तीन किलोमीटरचे शिवार पावसाळ्यात चार महिने चिखलमय राहत असे. शेतातील माल घरी आणण्यासाठीही चार महिने वाट पहावी लागत असे. शेतात जाण्यासाठी गुडघाभर चिखलातून मार्ग काढत जावे लागायचे. मात्र, आता हे शिवारच रस्त्यावर आले आहे. News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/2WYDwmp

Read more No comments:

सकाळ latest updates

गरीब, असंघटित कामगारांसाठीच्या तरतुदी स्वागतार्ह गरीब, स्थलांतरित मजूर, शहरी गरीब, असंघटित कामगार आदी घटकांसाठी केंद्र सरकारने जाहीर केलेल्या पॅकेजमधील काही तरतुदी स्वागतार्ह आहेत. तर, काही तरतुदींचे नेमके स्वरूप स्पष्ट झाल्यावर त्यांची परिणामकारता उघड होईल. या बरोबरच काही घोषणाही अर्थमंत्री निर्मला सीतारामन यांनी केल्या आहेत. त्यांची खरोखरच अंमलबजावणी व्हावी, यासाठी त्यांना शुभेच्छाही देणे गरजेचे आहे ! केंद्र सरकारने बुधवारी जाहीर केलेल्या पॅकेजमध्ये मजूर, स्थलांतरितांचा समावेश नव्हता. अर्थव्यवस्थेतील महत्त्वाच्या असलेल्या या घटकाची संख्या 2011 च्या जनगणनेनुसार 45.36 कोटी आहे. म्हणजेच देशाची 37 टक्के लोकसंख्या होय. सरकारच्या अतिआत्मविश्वासाला हा वर्ग तडा देऊ शकतो, त्यामुळेच त्यांची दखल स्वतंत्रपणे घेण्यात आली आहे. स्थलांतरितांसाठी शहरी भागात शेल्टरची संख्या वाढविण्यास केंद्र सरकारने सांगितले आहे. हा मुद्दा चांगला आहे. परंतु, त्याच्या खर्चाचा भार राज्य सरकारवर टाकला आहे. तसेच शहरी भागात परवडणारी भाडेत्त्वावरील गृहसंकुले (ऍफॉर्डेबल रेंटल हौसिंग कॉम्प्लेक्‍स) उभारण्यासाठी राज्य सरकारांनी खासगी भागीदारी (पीपीपी) स्वीकारावी, असेही केंद्र सरकारने सांगितले आहे. मुळात शेल्टरची संख्या वाढवणे राज्य सरकारांना परवडू शकते का, राज्यांना जीएसटीतील उत्पन्नाचा वाटा अद्याप न मिळाल्यामुळे त्यांची आर्थिक परिस्थिती सध्या चांगली नाही. त्यातच खासगी भागीदारीत त्यांनी भाडेतत्त्वावरील गृहसंकुले उभारायची आहेत. त्यात खासगी भागीदार नफ्यासाठी काहीही करू शकतो, हे अनेक शासकीय योजनांच्या अंमलबजावणीतून या पूर्वीही दिसून आले आहे. त्यामुळे या दोन्ही योजनांचे उद्देश चांगले असले तरी, अंमलबजावणीचा मार्ग वेगळा हवा, असे वाटते. .ताज्या बातम्यांसाठी डाऊनलोड करा ई-सकाळचे ऍप आठ कोटी स्थलांतरितांना दोन महिने धान्य मोफत देणार, हा निर्णय चांगला आहे. अनेक शेल्टरमध्ये चांगल्या दर्जाचे जेवण तीन वेळा देण्यात येते, हा केंद्र सरकारचा दावा वस्तुस्थितीला धरून नाही. अनेक ठिकाणी स्वयंसेवी संस्था, नागरिकांचे विविध गट त्यात महत्त्वाची भूमिका पार पाडतात. वन नेशन, वन रेशन कार्ड ही घोषणा अनेकदा झाली. मात्र, 23 राज्यांतील 67 कोटी लोकांना या योजनेचा फायदा होत असल्याचे सांगितले जात असले तरी, 20 टक्के लोकांनाही त्याचा उपयोग होत नसल्याचे वास्तव आहे. आपल्याकडे अन्नधान्य सुरक्षा कायदा आहे. त्याची अंमलबजावणी योग्य पद्धतीने झाली असती, तर या घोषणा नव्याने करण्याची वेळच आली नसती, हे समजून घ्यायला हवे. पुण्याच्या बातम्या वाचण्यासाठी येथे ► क्लिक करा फेरीवाले, पथारीवाले यांना 10 हजार रुपयांचे भांडवल देण्याची घोषणा चांगली आहे. बांधकाम मजुरांनंतर याच घटकाची देशात सर्वाधिक संख्या आहे. मात्र, सरकारच्या आजच्या घोषणेचा फायदा 50 लाख लोकांना होईल, ही संख्या हास्यास्पद आहे. कारण फेरीवाल्यांची नेमकी संख्याच केंद्र सरकारकडे नाही. त्यामुळे योजनेची अंमलबजावणी कशी होणार, हे कोडे आहे. मनरेगामुळे 13 मे पर्यंत कोट्यवधी नागरिकांना आधार दिला, हे विधानही तपासून घ्यायला हवे. कारण स्थलांतरित मजूर कामावर नव्हताच. तरीही त्याला मजुरी कशी मिळाली, कधीपासून 13 मे पर्यंत मिळाली ?, मुद्दा चांगला आहे. परंतु, त्याचा दावा पटणारा नाही. केंद्र सरकारच्या पॅकेजमध्ये कर्ज देण्यावर एकंदरीत भर दिसतो. त्यासाठी अनेक योजना मांडल्या आहेत. परंतु, कर्ज घेणारा कोण असतो, तर ज्याच्याकडे क्षेत्र आहे, असा शेतकरी, उद्योजक, व्यावसायिक आदी अनेकजण. हे सर्वजण गरीब या संकल्पनेच्या बाहेर आहेत. भूमिहीन शेतकरी, मजूर, स्थलांतरित, असंघटित क्षेत्रातील कामगार हे कर्ज घेत नाहीत. त्यामुळे केंद्र सरकार नेमका कोणाचा विचार जास्त करते, याकडे लक्ष देण्याची गरज आहे. News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/3633t8t

Read more No comments:

सकाळ latest updates

संतापजनक : त्याने विवाहितेच्या गळ्यावर ठेवला चाकू अन् मागील खोलीत नेऊन... मोताळा (जि.बुलडाणा) : चाकूचा धाक दाखवून 25 वर्षीय विवाहितेवर लैंगिक अत्याचार झाल्याची संतापजनक घटना पिंपळखुटा खुर्द ता. नांदुरा येथे 26 मार्च रोजी घडली. या प्रकरणी पीडितेच्या तक्रारीवरून बोराखेडी पोलिसांनी गुरुवारी (ता.14) एका आरोपीविरुद्ध गुन्हा दाखल करून त्यास अटक केली आहे. पोलिस सूत्रांनुसार, नांदुरा तालुक्यातील पिंपळखुटा खुर्द येथील 25 वर्षीय पीडित विवाहितेने बोराखेडी पोलिसांत तक्रार दिली की, पीडिता ही कुटुंबासह गावातील प्लॉटमधील परिसरात वास्तव्यास आहे. तिला पाच वर्षीय मुलगा व तीन वर्षीय मुलगी आहे. पीडितेचा पती परजिल्ह्यात खाजगी कंपनीत वाहन चालक म्हणून काम करतो. त्यामुळे पतीचे दीड-दोन महिन्यातून घरी येणे-जाणे होते. आवश्यक वाचा - Video : पालकमंत्री बच्चू कडू यांनी केले चक्क पोलिसांचेच स्टींग ऑपरेशन 26 मार्च रोजी पीडितेचा पती परजिल्ह्यात कामावर होता. दरम्यान, रात्री साडे दहा वाजताच्या सुमारास पीडितेची मुले झोपलेली असताना, पीडिता घराचा दरवाजा लोटून टीव्ही पाहत होती. दरम्यान, गावातीलच आरोपी आकाश गोपाल खिरोडकर (वय 30) हा दरवाजा लोटून तिच्या घरात घुसला. त्याने दरवाजाची आतून कडी लावली. तसेच पीडितेचा तोंड दाबला व हातातील चाकू तिच्या गळ्यावर लावून ओरडू नको, मला तुझ्यासोबत शारीरिक संबंध करू दे, अन्यथा तुला व तुझ्या मुलांना जिवाने ठार मारेल, अशी धमकी दिली. त्यानंतर आरोपीने पीडितेला मागील खोलीत नेऊन तिच्यावर जबरदस्ती लैंगिक अत्याचार केला. हेही वाचा - अबब! शेतकऱ्यांना पीक कर्जासाठी लागणार स्टॅम्प, शासन आदेशाविरुद्ध सुरू आहे काम सदर प्रकार कोणाला सांगू नको असे म्हणून पुन्हा धमकी दिली. या प्रकारामुळे पीडिता भांबावली व भीतीपोटी दुसऱ्या दिवशी माहेरी निघून गेली. तिकडे आई, वडील व मामाला तिने सदर प्रकार सांगितला. त्यांनी पीडितेचा पती घरी आल्यावर सर्व प्रकार सांगून तक्रार करू, असे सांगितले. दरम्यान, 10 मे रोजी पीडितेचा पती घरी आला व पत्नीला फोन करून घरी बोलावले. परजिल्ह्यातून आल्याने पीडितेचा पती होम क्वारंटाईनमध्ये आहे. दरम्यान, पीडिता मंगळवारी (ता.12) सायंकाळी घरी पोहोचली व पतीला सर्व प्रकार सांगितला. पतीने तिला धीर दिला व सदर प्रकाराची पोलिसांत तक्रार देण्यास सांगितल्याचे तक्रारीत नमूद आहे. याप्रकरणी पीडितेच्या तक्रारीवरून बोराखेडी पोलिसांनी आरोपी आकाश गोपाल खिरोडकर (रा. पिंपळखुटा खुर्द) याच्याविरुद्ध विविध कलमानुसार गुन्हा दाखल केला आहे. पुढील तपास पोलिस निरीक्षक माधवराव गरुड यांच्या मार्गदर्शनात एपीआय राहुल जंजाळ, पोकाँ मंगेश पाटील करीत आहेत. आरोपीच्या तत्काळ मुसक्या आवळल्या सदर घृणास्पद प्रकाराची तक्रार दाखल होताच पोलिस निरीक्षक माधवराव गरुड, एपीआय राहुल जंजाळ यांच्या मार्गदर्शनात एएसआय विनोद शिंदे, पोकाँ सुनील थोरात यांनी पिंपळखुटा खुर्द परिसरात धडक देऊन आरोपीच्या मुसक्या आवळल्या. त्याला गुरुवारी रात्री अटक करण्यात आली असून, शुक्रवारी न्यायालयात हजर करण्यात येणार असल्याचे समजते. News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/3cC9Zpw

Read more No comments:

सकाळ latest updates

COVID-19 : औरंगाबादचा रुग्णदर का झाला देशाच्या दुप्पट? औरंगाबाद : केरळमध्ये ३० जानेवारीला वुहानमधून परतलेली वैद्यकीय शाखेची विद्यार्थिनी कोरोना पॉझिटिव्ह निघाली. त्यानंतर तेथील शासन अत्यंत गंभीर झाले. त्यांनी लगेच सीमा सील केल्या. आपत्ती घोषित केली. समूह क्वारंटाइनपासून सर्व उपायांना सुरवात केली. आज अख्ख्या केरळ राज्यात कोरोनाचे औरंगाबाद शहरापेक्षाही कमी म्हणजे ५३४ रुग्ण आहेत व मृत्यूही चार झाले आहेत. महाराष्ट्राचे आकडे सोडाच; पण औरंगाबादने केरळला मागे टाकले. आज (ता. १४) जिल्ह्यात ७४७ पॉझिटिव्ह रुग्ण व मृत्यू २० झाले आहेत. अर्थात येथील प्रशासन, अपुरी साधने, उपाययोजना, डाऊन झालेले लॉक आणि नागरिक यांच्यावरही जबाबदारी जाते. मराठवाड्यातील इतर शहरांत केवळ बाहेरून आलेलेच रुग्ण आहेत, तेही मर्यादित आहेत. यातील बहुतांश जणांनी स्वतःची आरोग्य तपासणी केली; काहींना प्रशासनाने शोधून त्यांची तपासणी केली. त्यांना आयसोलेशन, क्वारंटाइन करणे सहज सोपे झाले. परंतु औरंगाबादेत आलेल्यांची संख्या खूपच मोठी आहे. त्यातील सर्वच जणांची आरोग्य तपासणी झाली असे नाही. चोरीछुप्या मार्गाने आलेल्यांची प्रशासनाकडे नोंद नाही. त्यामुळे चाचणीचा विषयच नाही. शहरातून आलेले अनेकजण स्वतःला आयसोलेशन, क्वारंटाइन करीत नाहीत. त्यामुळे संपर्क वाढत गेल्याने शहराच्या अनेक भागांत कोरोनाचा वेगाने फैलाव झाला. त्यामुळे रुग्ण दुप्पट होण्याचा दर देशाच्याही दुप्पट आहे. मुंबई, पुणे, औरंगाबाद व मालेगावसारख्या झपाट्याने संसर्ग झालेल्या शहरांचा देशाचा डबलिंग रेट वाढविण्यात मोठा वाटा आहे. ही चांगली बाब नाही. देशाचा डबलिंग रेट सात ते आठ मेदरम्यान १०.२ एवढा होता. परंतु तो आता दहा टक्क्यांच्या आत आहे. दहा हजार रुग्ण दर तीन ते चार दिवसांत वाढत आहेत. शक्यतेवर ट्रेसिंग अवलंबून! टास्क फोर्सची स्थापना २४ एप्रिलला झाली. सुरवातीच्या दिवसांत ट्रेसिंगचे प्रमाण ७० एवढे होते. पण २७ एप्रिलनंतर शहरात उद्रेक झाला, तो आजपर्यंत कायम असून आता ठराविक भागात कॉन्टॅक्ट ट्रेसिंग केवळ शक्यतेवरच अवलंबून आहे. एक बाब ही की, बाधित रुग्ण प्रशासनाच्या नजरेस येत आहेत. पण त्यातील काही शेवटच्या टप्प्यात रुग्णालयात भरती होत आहेत, हीच चिंतेची बाब आहे. जाणून घ्या - नऊ टक्के भागात कोरोना व्यापला तरीही... कोरोनाविरोधी लढ्याची सुरवातच अडखळत जानेवारी ते मार्चदरम्यान कोरोनाला सहज घेतले, उलट केरळने गंभीरतेने घेतले. विदेशातून आलेल्यांची स्क्रीनिंग करून त्यांना सल्ला देऊन घरी सोडले. टेस्ट नाहीच. जानेवारीनंतर सरकारी गाइडलाइननुसार सुमारे २० दिवस स्क्रीनिंगच्याच भरवशावर गेले. ट्रॅव्हल हिस्ट्री असलेल्यांना टेस्टची गरज होती, तेव्हा गाइडलाइन्स होम क्वारंटाइनच्या होत्या. त्यातून कॉन्टॅक्ट वाढला. शहरात बाहेरून आलेल्या बहुतांश जणांना परत पाठविण्यात आले नाही. त्यांना शहरात सामावून घेण्यात आले. सरकारी माहितीनुसार सरासरी पावणेदोन लाख लोक शहरात आले. हा आकडा एप्रिलच्या दुसऱ्या आठवड्यातला आहे. हायरिस्क झोनमधून आलेल्यांची फक्त स्क्रीनिंग सुरू केली. ताप असेल तरच उपचार केले जात होते. हेही वाचा - औरंगाबादेत१८ महिण्यांच्या बाळाला कोरोना लॉकडाउननंतर औरंगाबाद... लॉकडाउननंतर शहरात येणाऱ्यांचे प्रमाण मोठे. छुप्या मार्गाने अनेकजण शहरात आले. प्रत्यक्ष, अप्रत्यक्षरीत्या अनेकांकडून बाधा झाली. याला लोकही जास्त जबाबदार. आरोग्य विभागाकडेच कॉन्टॅक्ट ट्रेसिंगचे काम होते. संसर्ग वाढल्यावर टास्क फोर्स (२४ एप्रिल) स्थापन. सुरवातीलाच समूह क्वारंटाइनच्या पद्धतीचा अवलंब नाही. काही अपवाद वगळता लोक सेल्फ आयसोलेशन तसेच क्वारंटाइन झाले नाहीत. महापालिका, पोलिस, घाटी रुग्णालय व जिल्हा रुग्णालय प्रशासनातील समन्वयाचा अभाव लोकसंख्या सोळा लाखांवर, तुलनेत महापालिकेकडे मनुष्यबळ कमी. साडेचार हजार कर्मचारीच कार्यरत. त्यातही अनेक ५५ वयापेक्षा अधिक असल्याने घरीच आहेत. अपुरी वैद्यकीय साधने, एप्रिलच्या शेवटच्या आठवड्यात महापालिकेला मनुष्यबळ प्राप्त झाले. News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/2Z45sbp

Read more No comments:

सकाळ latest updates

हातावर पोट असणाऱ्यांची दखल हातावर पोट असणाऱ्या कष्टकऱ्यांनी पहिल्या टप्प्यातील लढाई जिंकली असून या वर्गाला आणखी बराच पल्ला गाठायचा आहे. या वर्गाची सरकारने किमान दखल घेतली हे तरी बरे झाले. लॉकडाउनचा सर्वाधिक फटका याच वर्गाला बसला असून अनेकांसमोर दोन वेळच्या जेवणाची भ्रांत निर्माण झाली आहे. ताज्या बातम्यांसाठी डाऊनलोड करा ई-सकाळचे ऍप कोरोना विरुद्धच्या लढाईत पुकारण्यात आलेल्या लॉकडाऊनचा सर्वाधिक फटका कोणाला बसला असेल, तर पथारी, फेरीवाले आणि हातगाडी व्यावसायिकांना. देशात या व्यवसायात असणाऱ्यांची संख्या ही साडेचार कोटी एवढी आहे. हातावर पोट असलेल्या या घटकाच्या जीवनमरणाचा प्रश्‍न निर्माण झाला आहे. त्यांची दखल अखेर केंद्र सरकारने घेतली. सरकारच्या निर्णयाचा फायदा राज्यातील साडेसात लाख, तर पुण्यातील २२ हजार नोंदणीकृत फेरीवाल्यांना होणार आहे. लढाईचा एक टप्पा तर आम्ही जिंकला आहे. पुण्याच्या बातम्या वाचण्यासाठी येथे ► क्लिक करा देशातील असंघटित क्षेत्रापैकी हे एक क्षेत्र आहे. या क्षेत्रात देशातील सुमारे साडेचार कोटी नागरिक आहेत. हातावर पोट असणाऱ्या व्यवसायातील नागरिकांचे सर्वांत मोठे नुकसान या लॉकडाऊनच्या काळात झाले. गेली अठ्ठेचाळीस दिवस सारेच व्यवहार बंद राहिल्याने दोन वेळच्या जेवणाची भ्रांत त्यांच्यापुढे निर्माण झाली होती. साठवलेली पुंजी देखील संपत आली आहे. एवढेच नव्हे, तर लॉकडाऊन नंतर काय असा मोठा प्रश्‍न त्यांच्यापुढे होता. त्यामुळे पुणे शहरातील जाणीव हातगाडी, पथारी, फेरीवाले संघटना आणि नॅशनल हॉकर्स फेडरेशनने त्यांची व्यथा सरकारकडे मांडली होती. फेरीवाल्यांना व्यवसाय सुरू करण्यासाठी किमान दहा हजार रुपये विनाफेडीचे कर्ज मिळावे. सकल राष्ट्रीय उत्पन्नाच्या दहा टक्के खर्च असंघटित क्षेत्रातील कामगारांच्या आरोग्यावर करावा. पुनर्वसन, आरोग्य, प्रशिक्षण आदी गोष्टींसाठी राष्ट्रीय शहरी नागरी उपजिविका अभियानांतर्गत तरतूद करावी. यासह विविध मागण्या संघटनेच्या वतीने सरकारकडे करण्यात आल्या होत्या. पहिल्या टप्प्यात त्यातील एक मागणी सरकारकडून मान्य करण्यात आली. पथारी व्यावसायिकांना आपला व्यवसाय सुरू करण्यासाठी दहा हजार रुपये देण्याचे सरकारने मान्य केले. जीवन मरणाच्या लढाई लढणाऱ्या या घटकाला यामुळे जीवदान मिळाले आहे. आता उर्वरित मागण्यासाठीची लढाई या घटकाला लढावी लागणार आहे. देशभरात साडेचार कोटी पथारी व्यावसायिक असले, तरी प्रत्यक्षात ५० लाख, तर पुण्यात ४८ हजार पथारी व्यावसायिक असून नोंदणी झालेल्या पथारी व्यावसायिकांना या योजनेचा लाभ मिळणार आहे. त्याउपर अनेक पथारी व्यावसायिक आहेत, त्यांनादेखील या योजनेचा कसा लाभ देता येईल, याचा विचार सरकारने करण्याची गरज आहे. समाजातील हा एक महत्त्वाचा घटक आहे. कोरोना विरोधातील लढाई एकवेळ आपण जिंकूही. परंतु त्याच बरोबरच समाजातील हा उपेक्षित घटकही कसा टिकेल, याचा विचार करण्याची गरज आहे. -संजय शंके, कार्यवाह, जाणीव हातगाडी,पथारी, फेरीवाले संघटना News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/35YEdjM

Read more No comments:

सकाळ latest updates

पाहा जरा आफ्रिकेकडे ! युरोपातील देशांमध्ये "कोरोना'चा प्रादुर्भाव वाढताना दिसल्यावर आफ्रिकेतील देशांनी ताबडतोब खबरदारीची पावलं उचलली. वेळेत सावध झाल्यामुळे आज जेव्हा ब्रिटन, अमेरिकेसारखे देश चाचपडताना दिसत आहेत, तेव्हा आफ्रिकेतले काही देश आता लॉकडाउन उठवण्याच्या तयारीत आहेत. .ताज्या बातम्यांसाठी डाऊनलोड करा ई-सकाळचे ऍप "कोरोना'ला कोण कसे तोंड देतं आहे, याची चर्चा होणे स्वाभाविक आहे. त्यातही सगळ्यांचं लक्ष युरोप आणि अमेरिकेकडे जास्त प्रमाणात लागलेलं असतं. पण आफ्रिकी देश याचा सामना कसा करीत आहेत, याचीही नोंद घ्यायला हवी. त्यादृष्टीनं या लेखातील छायाचित्र बोलके आहे. त्यातील उपकरणाचं नाव आहे "व्हेरोनिका बकेट'. घानामधल्या सार्वाजनिक आरोग्य विभागात काम करणाऱ्या व्हेरोनिका बेक्वो यांनी हे उपकरण "इबोला" साथीच्या वेळेला तयार केलं होतं. एक प्लॅस्टिकची कचरापेटी आणि त्याला जोडलेला हा नळ. खाली खराब पाणी साठवायला आणखी एक बादली. जिथे सहज नळाला पाणी येऊ शकत नाही, अशा ठिकाणीही हात धुता यावेत म्हणून केलेली ही साधी रचना. आज "कोरोना'चा प्रादुर्भाव टाळण्यासाठी पश्‍चिम आफ्रिकेतल्या खेड्यांमध्ये, शहरांमध्ये दुकानांसमोर या "व्हेरोनिका बकेट्‌स' ठिकठिकाणी दिसतात. यातून दोन गोष्टी स्पष्ट होतात. एक, जागतिक प्रश्नाला उत्तर हे स्थानिक पातळीवरचे बारकावे लक्षात घेऊनच द्यायला हवं आणि दोन, संकटं आपल्याला बरंच काही शिकवतात. आफ्रिकेला गेल्या कित्येक वर्षांत विविध साथीच्या रोगांनी ग्रासलेलं आहे. एचआयव्ही एड्‌स, हिवताप, एबोला, क्षयरोग यासारख्या रोगांवर इलाज करण्याची सवय इथल्या सार्वजनिक आरोग्य क्षेत्रात काम करणा-या मंडळींना खूपच आहे. म्हणून इतर युरोपातील देशांमध्ये "कोरोना'चा प्रादुर्भाव वाढताना दिसल्यावर आफ्रिकेतील देशांनी ताबडतोब खबरदारीची पावलं उचलली. वेळेत सावध झाल्यामुळे आज जेव्हा ब्रिटन अमेरिकेसारखे देशही चाचपडताना दिसत आहेत, तेव्हा आफ्रिकेतले काही देश आता लॉकडाउन उठवण्याच्या तयारीत आहेत. काहींचे देवाला साकडे अर्थात आफ्रिकेतील सगळ्या 54 देशांमध्ये परिस्थिती चांगली नाही. टांझानियाच्या अध्यक्षांनी सगळे प्रयत्न देवावर सोडले आहेत! ते लोकांना चर्च किंवा मशिदींमध्ये एकत्र येऊन देवाची प्रार्थना करायला सांगत आहेत. उत्तर नायजेरियामधील कोनोमध्ये न्यूमोनियासदृश आजाराने थैमान घातलं आहे. केनयामध्ये संचारबंदीत बाहेर पडल्याबद्दल 12 लोकांना गोळ्या घालून ठार करण्यात आलं आहे. इथे "कोरोना'मुळे झालेले मृत्यू आहेत 14. पण, दक्षिण आफ्रिकेत आता व्यवहार हळूहळू पूर्वपदावर यायला लागले आहेत. इथला लॉकडाउन कदाचित जगात सगळ्यांत कसोशीनं पाळला गेला असेल. याबरोबरचं केनिया आणि घाना या देशांनी सुरक्षित अंतर राखणे, काही काळ संचारबंदी, दळणवळणावर काही प्रमाणात बंदी आणि सार्वजनिक ठिकाणी मास्कची सक्ती अशा गोष्टी पाळल्या होत्या. हे दोन देशही आता आपले नियम शिथिल करत आहेत. पण सगळ्यांत महत्त्वाचं काम केलं इथल्या "आफ्रिकन सेंटर्स फॉर डिसिज कंट्रोल अँड प्रिव्हेंशन' या संस्थेनं. इबोलाच्या फैलावानंतर अस्तित्वात आलेली ही संस्था आफ्रिकेतील सर्व देशांच्या प्रयत्नांमध्ये सुसूत्रता आणते आहे. आफ्रिकेतील आकडे कमी असल्याचं कारण - तरुण जनता, लपवलेले आकडे असं असेलही किंवा ही केवळ सुरुवातही असेल. पण आफ्रिकन "सीडीसी"च्या प्रयत्नांच्या यशावरून तरी सध्या असं वाटत नाही. ही संस्था आता लाखो आरोग्य कर्मचा-यांच्या मदतीनं "कोविड' चाचण्या करणं, संसर्गाचा माग काढणं आणि रुग्णांवर उपचार करणं यासाठी संपूर्ण आफ्रिका खंडासाठी कार्यक्रम तयार करत आहे. यशाची दोन कारणं आफ्रिकेमधल्या या यशाची दोन कारणं आहेत. एक, साथीच्या आजारांनी समाजाची, अर्थव्यवस्थेची, पुढच्या पिढीची कशी हानी होऊ शकते, हे आफ्रिकेमधल्या देशांना माहीत आहे. आजपर्यंत एड्‌समुळे 1.5 कोटी लोकांचा जीव गेला आहे. दक्षिण आफ्रिका खाड्‌कन जागी होण्याचं हेच कारण आहे. एड्‌सचा प्रादुर्भाव टाळण्यासाठी दक्षिण आफ्रिकेनं केलेल्या दिरंगाईमुळे आज वीस वर्षांनंतरही त्याचे परिणाम या देशाला भोगावे लागत आहेत. याची पुनरावृत्ती होणं त्यांना परवडण्यासारखं नाही. काहीच वर्षापूर्वी एबोलानं आफ्रिकेत थैमान घातलं. एबोलाचा परिणाम इथल्या स्रियांवर सर्वाधिक झाला. कारण रुग्णांची शुश्रूषा करण्याच्या कामात आणि मृतांची विल्हेवाट लावण्याच्या कामात त्याच असायच्या. एबोलामुळे 2014 ते 2016 या दोन वर्षांमध्ये पश्‍चिम आफ्रिकेत 11,300च्या वर लोकांना मृत्यू झाला होता. यानंतर जागतिक आरोग्य संघटनेनेसुद्धा आफ्रिकेमधील आपल्या कार्यपद्धतीत बदल केले. तातडीची मदत पोहचवण्यासाठी नवीन तंत्रज्ञानाचा वापर सुरू केला, चाचण्यांसाठी व्यवस्था बसवल्या आणि उपचारकेंद्रांची रचना बदलली. एबोला दरम्यान इथल्या सार्वजिक आरोग्य क्षेत्रात काम करणार-यांची चांगली तयारी झाली. मुख्य म्हणजे इथल्या जनतेला साथीच्या रोगांची काय किंमत मोजावी लागते हे लक्षात आलं. आफ्रिकेला या रोगाची महिती थोडी आधी मिळाली होती. इथले नेते चीन, मग इटली, ब्रिटन आणि अमेरिकेची आरोग्यव्यवस्था पुरती कोलमडताना पाहत होते. त्यांना हे माहीत होतं, की आफ्रिकेत परिस्थिती हाताबाहेर गेली तर त्यांची आरोग्यव्यवस्था कोलमडेलच; पण त्यानंतर त्यांना सावरताही येणार नाही. गमतीनं असं म्हणतात, की दक्षिण सुदानमध्ये व्हेंटिलेटरपेक्षा उपाध्यक्षच जास्त आहेत. इथे पाच उपाध्यक्ष तर चार व्हेंटिलेटर आहेत! त्यामुळे इथल्या देशांना तातडीनं पावलं उचलण्यावाचून काहीच पर्याय नव्हता. नायजेरियानं फेब्रुवारीपासूनच बाहेरच्या देशांमधून येणा-या लोकांच्या तपासण्या सुरू केल्या होत्या. रवांडानं आपल्या सीमा 19 मार्चला बंद करून टाकल्या. साधनसंपत्तीचा अभाव असल्यानं कल्पकता कामाला आली. युगांडानं सौरऊर्जेवर चालणारी ऑक्‍सिजन मशीन तयार केली. सेनेगलमध्ये जलद चाचण्या करण्याची पद्धत विकसित झाली, तर केनियामध्ये मास्क तयार करण्याचा कारखाना उभारण्यात आला. आफ्रिकेत सगळं आलबेल आहे, असं नाही. पण आफ्रिका आता पुढच्या संकटाशी सामना करण्याच्या तयारीत आहे आणि ते म्हणजे बेरोजगारी आणि वाढत असलेली आर्थिक दरी. News Story Feeds https://ift.tt/eA8V8J

Latest news updates May 14, 2020 0 Comments

via News Story Feeds https://ift.tt/3bt5xI8

Read more No comments:

Wednesday, May 13, 2020

आज तक

कोरोना: US में 24 घंटे में 1813 ने गंवाई जान, जल्द खुल सकते हैं स्कूल https://ift.tt/2WMA6mE

Latest news updates May 13, 2020 0 Comments

via आज तक

Read more No comments:

आज तक

WHO को आशंका, शायद कभी खत्म न हो कोरोना वायरस का खतरा https://ift.tt/2WVTTjI

Latest news updates May 13, 2020 0 Comments

via आज तक

Read more No comments:

सकाळ latest updates

संतापजनक : लाॅकडाऊन!! अन पोलिसांना दोघे अचानक दिसले, पाठलाग करताच.... औरगाबाद : तलवार घेऊन फिरणाऱ्या दुचाकीवरील दोघांना करमाड पोलिसांनी गजाआड केले. ही कारवाई १३ मे रोजी पहाटेच्या सुमारास कुंभेफळ रेल्वे फाटकाजवळ करण्यात आली. रामेश्‍वर सुदामराव मोरे (वय २६) व संतोष गुलाबराव मोरे (वय ४३, दोघे रा. नायगव्हाण ता. जि. औरंगाबाद) अशी त्या आरोपींची नावे आहेत. औरंगाबादच्या इतर बातम्या वाचण्यासाठी - क्लिक करा प्रकरणात करमाड पोलिस ठाण्याचे उपनिरीक्षक सशांत सुतळे (३५) यांनी तक्रार दिली. तक्रारीनुसार, १२ मे रोजी रात्री साडेअकरा वाजेच्या सुमारास सुतळे व त्यांचे सहकारी हद्दीत गस्त घालत होते. पहाटे सव्वा दोन वाजेच्या सुमारास कुंभेफळ रेल्वे फाटकाजवळ कुंभेफळ गावातून आरोपी रामेश्र्वर मोरे व संतोष मोरे हे दोघे दुचाकीवर (क्रं.एमएच २०,ई.ए. ८८७४) येतांना दिसले. आरोपींनी पोलिसांची जीप पाहून आपली दुचाकी पुन्हा गावाकडे वळविली. त्यामुळे पोलिसांना त्यांचा सशंय आला. पोलिसांनी दोघांना थांबण्याचा इशारा देत त्यांची झडती घेतली असता आरोपी संतोष मोरे याच्याकडे लोखंडी तलवार सापडली. मराठवाड्याच्या इतर बातम्या वाचण्यासाठी - क्लिक करा पोलिसांनी तलवारसह दूचाकी जप्त करुन दोघा आरोपींविरोधात करमाड पोलिस ठाण्यात गुन्हा दाखल केला. दरम्यान दोघा आरोपींना बुधवारी (ता. १३) न्यायालयात हजर करण्यात आले. दोन्ही बाजुंच्या युक्तीवादानंतर प्रथम वर्ग न्यायदंडाधिकारी एस. यू. न्याहरकर यांनी दोघा आरोपींची न्यायालयीन कोठडीत रवानगी करण्याचे आदेश दिले. News Story Feeds https://ift.tt/eA8V8J

Latest news updates May 13, 2020 0 Comments

via News Story Feeds https://ift.tt/2T19hds

Read more No comments:

Breaking

Thursday, May 14, 2020

कोरोना लॉकडाऊन : पेणच्या गणेश मूर्तीशाळांवर परिणाम

Horoscope Today, 15 May: जानें कैसा रहेगा आज आपका दिन? https://ift.tt/3fQuvVj

Wednesday, May 13, 2020

कोरोना: US में 24 घंटे में 1813 ने गंवाई जान, जल्द खुल सकते हैं स्कूल https://ift.tt/2WMA6mE

WHO को आशंका, शायद कभी खत्म न हो कोरोना वायरस का खतरा https://ift.tt/2WVTTjI

Do you have yoga kit ?

News and updates......

About & Sai Digital Advertisement

Sai Digital Advertisement

Popular

Sponsor

Categories

Search This Blog

Blog Archive

Tags

Categories

Popular Posts