‘एमडीएमके’चा समुद्रामध्ये प्रचार; कार्यकर्ते बोटीतून मच्छीमारांच्या भेटीला रामेश्‍वरम (तमिळनाडू) - तमिळनाडूमध्ये सर्वच राजकीय पक्ष हे नावीन्यपूर्ण पद्धतीने प्रचार करण्यावर भर देताना दिसतात. मारूमालार्ची द्रविड मुन्नेत्र कळघम (एमडीएमके) या पक्षाच्या कार्यकर्त्यांनी प्रचारासाठी थेट समुद्रामध्ये जात मच्छीमारांच्या भेटीगाठी घेतल्या. कोणत्याही परिस्थितीमध्ये द्रमुकलाच मतदान करा असे आवाहन त्यांनी केले. रामानाथपुरम येथून द्रमुकचे उमेदवार मथुरामलिंगम हे निवडणूक लढवीत आहेत. - ताज्या बातम्यांसाठी डाऊनलोड करा ई-सकाळचे ऍप द्रमुकने येथे स्थानिक पातळीवर वैको यांच्या एमडीएमके पक्षासोबत आघाडी केली आहे. मथुरामलिंगम यांच्या प्रचारासाठी पक्षाच्या मच्छीमार विभागाचे उपसचिव चिन्नाथंबी यांनी थेट समुद्रामध्ये धाव घेतली होती. वाटेत भेटणाऱ्या प्रत्येक बोटीवर जात त्यांनी प्रचाराची पत्रके वाटली. रामानाथपुरममध्ये मच्छीमार समुदाय मोठ्या प्रमाणात आहे. भाजपच्या धोरणामध्ये या समुदायाला फारसे स्थान देण्यात आल्याचे दिसत नाही. - पुण्याच्या बातम्या वाचण्यासाठी येथे ► क्लिक करा केंद्राच्या धोरणांमुळे आतापर्यंत या समुदायाचे नुकसानच झाले, कोणत्याही परिस्थितीत भाजप उमेदवाराला पराभूत करा असे आवाहन आपण मतदारांना केल्याचे चिन्नाथम्बी यांनी वृत्तसंस्थेशी बोलताना सांगितले. दरम्यान या निवडणुकीमध्ये द्रमुकने मच्छीमारांच्या कल्याणासाठी अनेक आश्‍वासने दिली असून या घटकाचे प्राबल्य असणाऱ्या मतदारसंघांवर विशेष लक्ष केंद्रित करण्यात आले आहे. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/2QJ5WSh