सावंतवाडी तालुक्यात 227 जणांची वीज तोडली सावंतवाडी (सिंधुदुर्ग) - तालुक्‍यातील 227 ग्राहकांचे वीज कनेक्‍शन खंडीत करण्यात आले असून 4023 ग्राहकांपैकी आवाहन केल्यानंतर 2400 ग्राहकांनी वीज बिल भरणा केला आहे. वीज मंत्र्यांनी दिलेल्या आदेशानुसार अखेर थकीत वीज बिल ग्राहकांचे वीज कनेक्‍शन तोडण्यास 1 मार्चपासून महावितरणकडून सुरुवात करण्यात आली आहे. ग्राहकांनी लवकरात लवकर वीज भरणा करून सहकार्य करण्याचे आवाहन महावितरणकडून करण्यात येत आहे. कोरोनाने जगभरात शिरकाव केल्यानंतर संपूर्ण वर्षभरात सर्वच व्यवस्था कोलमडली. मार्च 2020 पासून या रोगावर उपाययोजना म्हणून सर्वत्र लॉकडाउन करण्यात होते. या काळात अनेक लोकांचे उद्योगधंदे व्यवसाय ठप्प झाले होते. यामुळे नागरिकांनी वीज भरणाकडे पाठ फिरवली. यामुळे तालुक्‍यात 2020 च्या मार्चपासून वीज बिल न भरणाऱ्यांच्या संख्येत मोठ्या प्रमाणात वाढ होऊन 4 हजार 23 ग्राहक थकबाकीदार झाले. त्यांनी सुमारे 2 कोटी 53 लाख रुपये महावितरणकडे थकीत ठेवले आहेत. हा बोजा वाढत गेल्याने प्रथम महावितरण कंपनीने याच थकित ग्राहकांकडे बिल भरणा करण्याचा तगादा लावला होता. त्यानुसार 2 हजार 400 ग्राहकांनी 1 कोटी 66 लाख रुपये भरणा केली आहे. महावितरण कंपनी ग्राहकांवर अन्याय होणार नाही, याची काळजी घेत आहे; परंतु केवळ काही ग्राहक बिल भरणा करण्याची टाळाटाळ करताना दिसत आहेत. त्यामुळे एकूण थकाबाकीचा बोजा महावितरण कंपनीला असहाय्य होत चालला आहे. त्यामुळे नागरिकही आता महावितरणला थकबाकीदारांची वीज तोडण्यात विलंब करू नये, असे आवाहन करीत विज तोडली जात आहे. ...तर कारवाई सुरूच तालुक्‍यात आतापर्यंत 227 ग्राहकांचे वीज कनेक्‍शन खंडीत करण्यात आली आहेत. ग्रामीण भागातील मळगाव, तळवडे, निरवडे, सोनूर्ली, वेत्ये, न्हवेली, भागातील 34 ग्राहकांची वीज तोडणी करण्यात आली आहे. बिले भरली नाहीत तर महावितरणतर्फे यापुढेली विजतोडणी सुरू राहणार आहे. "माझे वीजबिल. माझी जबाबदारी' या भावनेतून वीज भरणेबाबत आवाहन केले जात आहे. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/3vLz37p