पुण्यात अंशत: लॉकडाउन की कडक निर्बंध, आज निर्णयाची शक्यता पुणे - शहर आणि जिल्ह्यात कोरोनाबाधित रुग्णांची संख्या वाढत असून, या संदर्भात उपमुख्यमंत्री अजित पवार यांच्या उपस्थितीत शुक्रवारी आढावा बैठक होणार आहे. या बैठकीत कोरोनावर नियंत्रण आणण्यासाठी अंशत: लॉकडाउन की कडक निर्बंध, याबाबत निर्णय घेतला जाण्याची शक्यता आहे. पुणे, पिंपरी-चिंचवड शहर आणि ग्रामीण भागात कोरोनाचा प्रादुर्भाव वाढत आहे. या पार्श्वभूमीवर उपमुख्यमंत्री पवार यांच्या उपस्थितीत विभागीय आयुक्त कार्यालयात शुक्रवारी सकाळी दहा वाजता बैठकीचे आयोजन करण्यात आले आहे. या बैठकीस जिल्ह्यातील खासदार, आमदार, महापौर आणि इतर लोकप्रतिनिधींसह विभागीय आयुक्त, जिल्हाधिकारी यांच्यासह संबंधित विभागाचे अधिकारी उपस्थित राहणार आहेत. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा सध्या शहरात शाळा-महाविद्यालये बंद आहेत. तसेच, रात्री अकरा ते सकाळी सहा वाजेपर्यंत संचारबंदी आहे. परंतु नागरिकांकडून सार्वजनिक ठिकाणी मास्क परिधान करण्यासोबतच इतर नियमांचे पालन होत नाही. त्यामुळे आणखी कठोर निर्बंध लावण्याबाबत प्रशासन गांभीर्याने विचार करीत आहे. राज्य उत्पादन शुल्क विभागाकडून परमीट रूम, बारची वेळ कमी करण्याबाबत बदल होणार नसल्याचे सांगितले जात आहे. परंतु रुग्णांची वाढती संख्या पाहता हॉटेल, बारमध्ये नियमांचे पालन करण्याबाबत निर्बंध लागण्याची शक्यता आहे. त्यात पार्सल सेवा आणि वेळा कमी करणे अशा स्वरूपाच्या निर्बंधांचा समावेश असण्याची शक्यता आहे. परंतु या वेळी झालेल्या चर्चेनंतरच अंशत: लॉकडाउन की कडक निर्बंध याबाबतचा अंतिम निर्णय घेतला जाणार आहे. कायद्याच बोला; दंड भरल्यावर पुणे पोलिसांनी काढला 'अ‍ॅम्बुलन्स'चा जॅमर जिल्ह्यात कोरोनावर नियंत्रण आणण्यासाठी निर्बंध लावूनही कोरोना बाधित रुग्णांची संख्या वाढत आहे. या पार्श्वभूमीवर आढावा बैठकीत लोकप्रतिनिधींच्या सूचना आणि चर्चेनंतर प्रतिबंधात्मक उपाययोजनांबाबत निर्णय घेतला जाईल. - डॉ. राजेश देशमुख, जिल्हाधिकारी, पुणे रश्मी शुक्लांविरोधात 100 कोटींचा अब्रुनुकसानीचा दावा; फोन टॅपिंग प्रकरणी निलंबनाची मागणी Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3clkLT6