अॅलेक्सी नवाल्नी यांना अडीच वर्षे कारावास;न्यायालयाच्या निर्णयानंतर मॉस्कोमध्ये नागरिकांची निदर्शने मॉस्को - मॉस्कोतील न्यायालयाने राजकीय विरोधक अॅलेक्सी नवाल्नी यांना अडीच वर्षांहून जास्त कालावधीसाठी कारावास ठोठावला आहे. संशयित विषबाधेमुळे जर्मनीत उपचार घेत असतानाच्या कालावधीत पोलिसांसमोर उपस्थित न राहिल्याबद्दल ही सजा ठोठावण्यात आली आहे. दरम्यान, या निर्णयाच्या निषेधार्थ मॉस्को आणि सेंट पीटर्सबर्ग या प्रमुख शहरांसह विविध ठिकाणी निदर्शने होत आहेत. नवाल्नी यांच्याविरुद्ध २०१४ मध्ये अपहाराचा गुन्हा दाखल करण्यात आला. त्याप्रकरणी त्यांच्या शिक्षेला स्थगिती देण्यात आली होती, पण पोलिसांसमोर उपस्थित राहणे बंधनकारक होते. हे प्रकरण कपोलकल्पित असून राजकीय सूडापोटी गोवण्यात आल्याचे नवाल्नी यांनी स्पष्ट केले आहे. देशभरातील इतर बातम्या वाचण्यासाठी येथे क्लिक करा हास्य अन्् प्रेमाचा संदेश न्यायालयाचा निर्णय वाचून जाहीर केला जात असताना नवाल्नी यांनी हास्य केले आणि पत्नी युलिया यांच्या दिशेने हात केला. मग दोन्ही हातांनी ह्रदयाचा आकार बनवित त्यांनी प्रेमाचा संदेश दिला. त्यानंतर सुरक्षारक्षक घेऊन जात असताना ते तिला म्हणाले की, सारे काही सुरळीत होईल. सुनावणीदरम्यान नवाल्नी यांनी पुतीन यांनाही उद्देशून थेट प्रत्यूत्तर दिले. माझी अटक पुतीन यांच्या भीती आणि द्वेषातून झाली आहे. रशियाच्या इतिहासात पुतीन यांचीच विषप्रयोग करणारी व्यक्ती अशी नोंद होईल. माझी हत्या करण्याचे अनेक प्रयत्न झाले, पण मी त्यातून बचावलो. त्याद्वारे मी पुतीन यांचा घोर अपमान केला आहे, असे त्यांनी धाडसाने सांगितले. जगभरातील इतर बातम्या वाचण्यासाठी येथे क्लिक करा संपूर्ण देश कैदेत... या सुनावणीमागे बहुसंख्य जनतेला घाबरवण्याचाच उद्देश आहे, मात्र तुम्ही संपूर्ण देशाला कैदेत ठेवू शकत नाही, असेही नवाल्नी निर्भयपणे म्हणाले. न्यायाची थट्टा नवाल्नी तसेच त्यांच्या वकीलांनी हा निर्णय म्हणजे न्यायाची थट्टा असल्याचेही सांगितले. ताज्या बातम्यांसाठी डाऊनलोड करा ई-सकाळचे ऍप Tajya news Feeds https://ift.tt/eA8V8J

via Tajya news Feeds https://ift.tt/3oKrXv5