नगरसेवक शैलेश मोरे यांनी घडविले माणुसकीचे दर्शन पिंपरी - अपघातग्रस्त मुलाच्या मदतीला धावून जात जखमीला उपचारासाठी तातडीने रुग्णालयात दाखल केले. जखमीची आर्थिक परिस्थिती हलाखीचे असल्याने बिल माफीसाठी प्रयत्न करून नगरसेवक शैलेश मोरे यांनी माणुसकीचे दर्शन घडविले. चिंचवडमधील एम्पायर इस्टेट सोसायटीजवळील विवेक सावंत या तेरा वर्षीय मुलाचा अपघात झाला. यामध्ये त्याच्या पायाला गंभीर दुखापत झाली. याबाबत माहिती मिळताच शैलेश मोरे यांनी अपघातस्थळी धाव घेतली. मोरे व सामाजिक कार्यकर्ते योगेश मालखरे यांनी रुग्णवाहिकेशी संपर्क साधून जखमीला पुढील उपचारासाठी चिंचवडमधील खासगी रुग्णालयात दाखल केले. डॉक्टरांनी शस्रक्रिया व पुढील उपचारासाठी चार ते पाच लाखांचा खर्च सांगितला. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा मात्र, जखमीच्या कुटुंबाची आर्थिक परिस्थिती हलाखीची असल्याने उपचारासाठी एवढे पैसे कुठून आणायचे? असा प्रश्न त्यांच्यापुढे उभा राहिला. दरम्यान, मोरे यांनी जखमीच्या नातेवाइकांना धीर देत रुग्णालय व्यवस्थापनाशी चर्चा करून उपचाराचा खर्च माफ केला. सध्या जखमीची प्रकृती स्थिर असून, एक ते दोन दिवसात त्याच्या पायाची शस्रक्रिया होणार आहे. दरम्यान, मोरे यांनी तातडीने जखमीच्या मदतीला धावून जात माणुसकीचे दर्शन घडविल्याने त्यांचे समाजातील विविध स्तरातून कौतुक होत आहे. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3r0VzWQ