अमेरिकेत शिवराज्याभिषेक; शिवजयंतीनिमित्त मराठी बांधवांकडून महानाट्य पुणे - अमेरिकेच्या कनेक्टिकट राज्यात शिवराज्याभिषेकाचा सोहळा पार पडला. शिवजयंतीनिमित्त मराठी बांधवांनी याचे आयोजन केले होते. देसीज आरौन्ड रॉकी हिल कनेक्टिकट संस्था आणि कनेक्टिकट मराठी मंडळाच्या वतीने शिवजन्मापासून शिवराज्याभिषेकापर्यंतचा इतिहास उलगडणारे नाट्य या वेळी सादर करण्यात आले. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा पोवाडे, नाट्य, देशी खेळ यांचा समावेश असलेले हे महानाट्य महिनाभराच्या तालमीतून उभे राहिले. कोरोनाची सगळी बंधने आणि काळजी घेऊन आयोजित केलेला हा कार्यक्रम न्यू जर्सी शहरामध्ये मल्लखांब फेडरेशन यूएसए आणि भारतीय दूतावासाने शिवजयंती निमित्त आयोजित केला होता, अशी माहिती गौतम नाईक यांनी दिली. मल्लखांब संघटनेचे उपेंद्र वाटवे यांनी कार्यक्रमाची कल्पना मांडली. कार्यक्रमाची संहिता नाईक आणि प्राजक्ता दीक्षित यांनी लिहिली. तर दुर्गेश जोशी, किरण परांजपे आणि मुकुंद अवटी यांनी कार्यक्रमाचे संयोजन केले. पुणे विद्यापीठाने दोन्‍ही सत्रांच्या परीक्षा एकत्र घ्याव्यात; कुलगुरूंकडे मागणी पार्श्वसंगीत आणि पोवाड्याचे संगीत अनुप्रिया कायंदे आणि प्रसाद दीक्षित यांनी दिले. नृत्य दिग्दर्शन मोहना जोग आणि सीमा वाटवे यांनी केले. देशी खेळ आणि लेझीम याचे आयोजन वैदेही परांजपे यांनी केले. रंगभूषा, कला, वेशभूषा आदी कीर्ति मोरे, उपेंद्र वाटवे आणि सीमा वाटवे, दीपाली अवटी यांनी केले. पडद्यामागचे संयोजन योगेंद्र जोग आणि संतोष कायंदे यांनी केले. स्वरा कायंदे हिने बालशिवाजीची भूमिका पार पाडली. कार्यक्रमाला भारताचे कौन्सिल जनरल रणधीर जैस्वाल, मल्लखांब फेडरेशनचे चिन्मय पाटणकर, राहुल जोशी, महेश वाणी, नीरज नरगुंद आदी उपस्थित होते. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/2NtZAF7