आता तरी कोरोना लस द्या हो... पुणे - ‘अहो, आता तरी लस द्या हो,’ अशी आर्त विनवणी पुण्यातील खासगी डॉक्टरांनी महापालिकेच्या आरोग्य विभागाला केली आहे. ‘आम्ही डॉक्टर आहोत. कोरोनाच्या रुग्णांवर उपचार केले आहेत. अजूनही करत आहोत. रोजच्या रोज आमचा जीव धोक्यात घालतोय. पण, कोरोना प्रतिबंधक लस महिन्याभरानंतर मिळत नाही,’ असा प्रचंड नाराजीचा सूर या डॉक्टरांनी काढला आहे. कोरोना प्रतिबंधक लसीकरण सुरू होऊन १६ फेब्रुवारीला एक महिना झाला. त्या निमित्ताने पुण्यातील लसीकरणासंदर्भात डॉक्टरांशी ‘सकाळ’ने संवाद साधला. त्यातून या लसीकरणाच्या कार्यक्रमाबद्दल नाराजी व्यक्त केली. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा ‘लसीकरण सुरू होऊन महिना झाला. आता लशीचा दुसरा डोसही आता देण्यात येत आहे. पण, आम्हाला अजून पहिलाच डोस मिळाला नाही. पहिल्या दिवशीपासून पाठपुरावा करतोय पण, लस मिळत नाही. सुरवातीला ॲपमधील तांत्रिक दोषाचे कारण होते. आता नावनोंदणी झाली नसल्याचे कारण पुढे केले जात आहे,’ अशी माहिती डॉ. दिलीप गांधी यांनी दिली. पुणेकरांनो कोरोनाला इथेच रोखा; वाचा जिल्हाधिकाऱ्यांचे आदेश भारती हॉस्पिटलचे डॉ. संजय ललवाणी म्हणतात कोरोना प्रतिबंधक लसीबद्दल अक्षशः गोंधळाचे वातावरण आहे तीन-चार वेळेला नावाची यादी पाठवूनही त्याची नोंद होत नाही त्यामुळे लसीकरणापासून दूर राहावे लागत आहे कोरोनाच्या उद्रेकात खासगी रुग्णालयांच्या खाटा ताब्यात घेतल्या आता या खासगी डॉक्टरांना तातडीने लस दिली जावी यासाठी प्रशासकीय यंत्रणा सक्रिय का होत नाही? कोरोनाचा ससंर्ग वाढतोय; बारामतीत प्रशासनाने दिले खबरदारीचे आदेश प्रशासनाचे म्हणणे पाच महिन्यांपासून नोंदणीसाठी डॉक्टरांना सातत्याने संपर्क साधत होते त्या वेळी नावनोंदणी केलेल्या डॉक्टरांना आता लस देण्यात येत आहे पण, नव्याने नावनोंदणीचा आग्रह काही खासगी डॉक्टर धरत आहेत नव्याने नावनोंदणीची सुविधा को-व्हिन ॲपमध्ये नाही सुरवातीला लस सुरक्षिततेबद्दल शंका असणारे आणि आता कोरोनाचे रुग्ण वाढू लागल्याने डॉक्टरांच्या नावनोंदणीचा आग्रह वाढत आहे लस देण्यास वेळ का? कोरोनाच्या सर्वाधिक उद्रेकामध्ये दिवस-रात्र आम्ही रुग्णांवर उपचार केले. प्रत्येक अत्यवस्थ रुग्णांचे प्राण वाचविण्यासाठी अखेरपर्यंत प्रयत्न केले. आता कोरोनाबाधितांची संख्या वाढल्यानंतर आम्हालाच रुग्णांवर उपचार करावे लागणार. मग, लस देण्यात आम्हाला का वेळ लागतोय, अशी प्रतिक्रिया पुण्यातील खासगी डॉक्टरांनी दिली. लसीकरणासाठी रुग्णालयातील डॉक्टरांची नावनोंदणी वेळेत केली. मात्र, अद्यापही सुमारे ११८ डॉक्टरांना लशीचा पहिलाच डोस मिळालेला नाही. त्यासाठी महापालिका प्रशासानाकडे वारंवार पाठपुरावा करण्यात येत आहे. - डॉ. विजय अग्रवाल, प्रशासक, जोशी हॉस्पिटल Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3beFjLn