पुण्यातील पतसंस्थेत कोट्यवधींचा गैरव्यवहार; व्यवस्थापकासह तिघांना अटक पुणे - धनकवडीतील आदर्श नागरी पतसंस्थेमध्ये कोट्यवधी रुपयांच्या गैरव्यवहार केल्याप्रकरणी पुणे पोलिसांच्या आर्थिक गुन्हे शाखेने पतसंस्थेच्या व्यवस्थापकासह तिघांना अटक केली. न्यायालयाने त्यांना पोलिस कोठडी सुनावली आहे. व्यवस्थापक काशिनाथ केरबा जोगदंड, रोखपाल गौतम नाना जोगदंड (दोघेही रा. आंबेगाव पठार) व लिपिक शंकर सटवा जोगदंड (रा.धनकवडी) असे अटक केलेल्यांची नावे आहेत. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा पोलिसांनी दिलेल्या माहितीनुसार, सहकारी संस्थेचे विशेष लेखा परिक्षक (वर्ग १) विलास काटकर यांनी संबंधित पतसंस्थेचे २६ डिसेंबर १९९१ ते २० जानेवारी २०१८ या कालावधीतील चाचणी लेखा परीक्षण केले होते. त्यावेळी संबंधित पतसंस्थेच्या संचालक व पदाधिकाऱ्यांनी पतसंस्थेतील ठेवींच्या रकमा परस्पर काढून त्याचा गैरव्यवहार केल्याचे लेखा परिक्षणात आढळून आले होते. त्यामुळे संबंधित आरोपींविरुद्ध सहकार कायद्यातील वैयक्तीक व सामुहिक जबाबदारीच्या तरतुदीनुसार, सुमारे ४७ कोटी ९ लाख ८१ हजार ७५८ रुपये इतक्‍या पैशांची फसवणूक व गैरव्यवहार केल्याप्रकरणी सहकारनगर पोलिस ठाण्यात महाराष्ट्र ठेवीदारांच्या हितसंबंधाचे संरक्षण कायद्यानुसार गुन्हा दाखल केला होता. या गुन्ह्याचा तपास सहायक पोलिस आयुक्त शिवाजी पवार यांच्या मार्गदर्शनाखाली वरिष्ठ पोलिस निरीक्षक अनिता मोरे यांच्याकडून केला जात होता. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/39Ts8Qs