सिंधुदुर्ग जिल्ह्यात कोरोनाचे 5 नवे रुग्ण ओरोस (सिंधुदुर्ग) : जिल्ह्यात आज नवीन 5 कोरोना रुग्ण मिळाले आहेत. 10 रुग्णांनी कोरोनावर मात केली आहे. जिल्ह्यात सध्या 189 रुग्ण सक्रिय असून यातील 4 रुग्णांची प्रकृती चिंताजनक बनली आहे. जिल्ह्यात आतापर्यंत एकूण 6 हजार 281 कोरोना रुग्ण मिळाले आहेत. यातील 5 हजार 918 रुग्णानी कोरोनावर मात केली आहे. 168 रुग्णाचे निधन झाले आहे. जिल्ह्यात सध्या 189 रुग्ण उपचाराखाली असून यातील 6 रुग्ण जिल्ह्याबाहेर जाऊन उपचार घेत आहेत. उर्वरित 183 रुग्णावर जिल्ह्यातील कोविड हॉस्पिटल अथवा होम आयसोलेशनमध्ये उपचार सुरू आहेत, अशी माहिती जिल्हा शल्यचिकित्सक डॉ. श्रीमंत चव्हाण यांनी दिली. 189 रुग्ण सक्रिय असून त्यापैकी चार रुग्णांची प्रकृती चिंताजनक आहे. यातील ऑक्‍सिजनवर 3 तर व्हेन्टीलेटरवर 1 रुग्ण उपचार घेत आहे. जिल्ह्याबाहेर जाऊन सहा रुग्ण उपचार घेत आहेत. आर.टी.पी.सी.आर टेस्टमध्ये 34 हजार 117 नमुने तपासण्यात आले. यातील 4 हजार 378 नमुने पॉझिटिव्ह आले आहेत. आज नव्याने 69 नमूने घेण्यात आले. ऍन्टिजन टेस्टमध्ये एकूण 24 हजार 38 नमुने तपासले. पैकी 2 हजार 17 नमुने पॉझिटिव्ह आले आहेत. आज नवीन 47 नमूने घेण्यात आले. आतापर्यंत एकूण 58 हजार 155 नमूने तपासण्यात आले. तालुकानिहाय रुग्ण व कंसात मृत्यू ः देवगड 439 (9), दोडामार्ग 358 (5), कणकवली 1922 (44), कुडाळ 1422 (32), मालवण 552 (17), सावंतवाडी 830 (43), वैभववाडी 184 (7), वेंगुर्ले 551, (10) जिल्ह्याबाहेरील रुग्ण 23 (1). तालुकानिहाय सक्रीय रुग्ण ः देवगड - 20, दोडामार्ग - 7, कणकवली - 58, कुडाळ - 42, मालवण -24, सावंतवाडी -17, वैभववाडी - 2, वेंगुर्ले - 13 व जिल्ह्याबाहेरील 6. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/2YPtju2