पुणे महापालिकेची सभा होणार ऑफलाइन पुणे - कोरोनामुळे गेल्या काही महिन्यांपासून ऑनलाइन होणारी महापालिकेची सर्वसाधारण सभा आता ‘ऑफलाइन’ म्हणजे प्रत्यक्ष सभागृहात भरणार आहे. सभागृहात सदस्यांसह दोनशे जणांच्या उपस्थितीत सभा घेता येईल आणि त्यासंदर्भातील आदेशही राज्य सरकार काढेल, असे राज्याचे उपमुख्यमंत्री अजित पवार यांनी शुक्रवारी सांगितले. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा दरम्यान, यासंदर्भातील आदेश येत्या सोमवारी (ता.९) निघण्याची शक्यता आहे. कोरोनाविरोधातील उपाययोजनांचा म्हणून राज्य सरकारच्या आदेशानुसार मार्चपासून सर्वसाधारण ही ऑनलाइन घेण्यात येत आहे. मात्र, शहरात गेल्या दोन-अडीच महिन्यांपासून कोरोनाचा संसर्ग कमी झाला आहे. त्यामुळे लॉकडाउनच्या नियमांत शिथिलता आणून बहुतांशी व्यवहार सुरळीत करण्यात आले आहे. त्यामुळे ऑफलाइन सर्वसाधारण सभा घेण्याचा आग्रह महापालिकेतील विरोधी पक्षांच्या नेत्यांचा आहे. मात्र, प्रत्यक्ष सर्वसाधारण सभा न घेण्याच्या राज्य सरकारच्या आदेशामुळे आतापर्यंत सभा ऑनलाइन घेण्यात येत आहे. पुणेकरांनो ऐकलंत का? 10 महिन्यांनी कोरोनाबाबत पहिल्यांदाच मोठी बातमी त्यावरून सत्ताधारी भाजप आणि विरोधी पक्षांत आरोप-प्रत्यारोप झाले. या पार्श्वभूमीवर ऑनलाइनऐवजी ऑफलाइन सभा घेण्याची महापालिकेतील विरोधी पक्षनेत्या दीपाली धुमाळ अन्य काही नगरसेवकांनी पवार यांच्याकडे केली. त्यानंतर नवा आदेश काढून, ऑफलाइन सभा घेण्यास परवानगी देण्यात येणार असल्याचे पवार यांनी सांगितले. Edited By - Prashant Patil Tajya news Feeds https://ift.tt/eA8V8J

via Tajya news Feeds https://ift.tt/3aGmOiH