पुणेकरांनो, मुलांसह स्वतःच्याही आरोग्याची घ्या काळजी; वैद्यकीय तज्ज्ञांचा सल्ला पुणे - स्वतःला आणि आपल्या मुलांना वेगवेगळ्या प्रकारच्या संसर्गापासून सुरक्षित ठेवण्यासाठी आता पुन्हा तयारी करावी लागणार आहे. यापुढे फक्त कोरोनापासून स्वतःचे संरक्षण करण्याबरोबर फ्लूसारखे आजार होणार नाहीत, इतर जंतूसंसर्गाला प्रतिबंध करता येईल, याची काळजी घ्यावी लागणार आहे, असा सल्ला वैद्यकीय तज्ज्ञांनी दिला. शहरातील हवामानात होत असलेल्या वेगवान बदलाचा थेट परिणाम मानवी आरोग्यावर होत असल्याचे निदान वैद्यकीय तज्ज्ञांनी केले. यासंदर्भात ‘सकाळ’शी बोलताना वैद्यकीय तज्ज्ञ डॉ. राहुल पाटील म्हणाले, ‘‘हवामानाप्रमाणे शरीर स्वतःमध्ये बदल करत असते. त्याप्रमाणे आहार बदलावा लागतो. उन्हाळा असेल तर शरीरातून घामावाटे पाणी बाहेर पडते. त्यामुळे पाण्याचे प्रमाण वाढविणे महत्त्वाचे ठरते. मात्र, विषम वातावरणामुळे शरीराचे संतुलन बिघडते. अशा वेळी आरोग्य सांभाळण्याचे आव्हान वाढते. नेमके हे आव्हान आता आपल्यापुढे आहे. गेल्या महिन्यापर्यंत थंडी होती. त्यानंतर उन्हाचा चटका वाढला आणि आता पाऊस. या वातावरणात नियमित चौरस आहार, उकळून गार केलेले पाणी, व्यायाम या सूत्रीचा नियमित वापर करावा.’’ नवीन कोरोना विषाणूच्या पार्श्वभूमीवर अधिक खबरदारी घ्या : अजित पवार बालरोग तज्ज्ञ डॉ. सुनील गोडबोले म्हणाले, ‘‘कोरोना रुग्णांची संख्या कमी होत असल्याने आपल्यामध्ये मोकळेपणा येतो. थोडे बिनधास्त होतो. हे आपण टाळले पाहिजे. स्वतःला घरात ठेवून आणि कोरोनाला आपल्यापासून दूर ठेवण्याचा गेली दहा महिने प्रत्येक पुणेकराने कसोशीने प्रयत्न केले आहे. त्याबद्दल निश्‍चितच पुणेकरांचे कौतुक केले पाहिजे. पण, आता पाऊस, ढगाळ वातावरण, कमी-जास्त होणारी थंडी अशा विषम वातावरणामुळे पुन्हा स्वतःला सुरक्षित ठेवण्याची वेळ आली आहे.’’ पुण्यात अवकाळी पावसाची जोरदार बॅटिंग; पाहा कोठे कोठे झाला पाऊस आणखी काही दिवस मुलांना सुरक्षित ठेवण्याची वेळ पुन्हा आली आहे. स्वस्थ आहार, विहार आणि विचार, यावर भर दिला पाहिजे. मुलांच्या लहान आजारांकडेही दुर्लक्ष करू नका. तातडीने उपचार घ्या. मुलांमध्ये प्रतिकारशक्‍ती चांगली असल्याने ती पटकन बरी होतात. - डॉ. सुनील गोडबोले, बालरोगतज्ज्ञ यंदा महाराष्ट्र केसरी ही मानाची स्पर्धा होणार; पण... News Story Feeds https://ift.tt/eA8V8J - Click Live News Short news on Mobile 2019.....