हडपसरमध्ये दस्तांची नोंदणी ठप्प हडपसर - येथील दुय्यम निबंधक कार्यालय हवेली क्र. ३ मध्ये उपनिबंधक गेल्या आठ दिवसांपासून गैरहजर आहे. त्यामुळे दस्तनोंदणीचे काम ठप्प झाले आहे. त्यामुळे नागरिकांची गैरसोय होत आहे. तसेच शासनाचा महसूल देखील बुडत आहे. मेगा सेंटर येथील वकिलांनी ही बाब वरिष्ठ अधिकाऱ्यांच्या निदर्शनास आणून दिली आहे. मात्र, केवळ त्यांना आश्‍वासने दिली जात आहेत. नागरिक संजय कांबळे म्हणाले, ‘‘मी नवीन सदनिका घेतली आहे. त्याची नोंदणी करण्यासाठी मी गेल्या चार दिवसांपासून हवेली क्र. ३ दुय्यम निबंधक कार्यालयात हेलपाटे मारत आहे. मात्र उपनिबंधक गैरहजर असल्याने रोजच उद्या या असे कार्यालयातील कर्मचाऱ्यांकडून सांगण्यात येत आहे.’’ - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा याबाबत ॲड. दिलीप जगताप म्हणाले, ‘‘दस्त नोंदणी करण्यासाठी मांजरी, मुंढवा, शेवाळेवाडी, फुरसुंगी, वडकी, उरुळी देवाचीसह बारा वाड्या व उपनगरातून नागरिक व वकील या कार्यालयात येतात. दररोज या कार्यालयात सुमारे शंभर दस्त नोंदणी केली जाते. मात्र उपनिबंधक गैरहजर असल्याने दस्त नोंदणीचे काम गेल्या सात दिवसांपासून बंद आहे. नागरिकांना देखील कार्यालयात हेलपाटे मारावे लागत आहे.’’ संभाजी भिडे सात वर्षांनंतर वढूमध्ये आले आणि लगेच निघूनही गेले हवेली क्र. ३ ची जबाबदारी दिलेले अधिकारी वैद्यकीय रजेवर आहे. तसेच सध्या जिल्ह्यात अधिकारीच शिल्लक नाहीत. वरिष्ठ कार्यालयाशी संपर्क साधून अन्य जिल्ह्यातून अधिकारी देण्याची मागणी केली आहे. येत्या दोन-तीन दिवसांत अधिकारी उपलब्ध होईल. - अनिल पाखरे, जिल्हा निबंधक Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/35qoFGK