सिंधुदुर्गातील वैद्यकीय महाविद्यालयासाठी 524 पदे मंजूर ओरोस (सिंधुदुर्ग) - सिंधुदुर्गनगरी येथील जिल्हा सामान्य रुग्णालयनजीक राज्यशासनाने मंजूर केलेल्या 100 विद्यार्थी प्रवेश क्षमता असलेल्या वैद्यकीय महाविद्यालयासाठी आवश्‍यक पद निर्मिती करण्यास व ती भरण्यास शासनाने मंजुरी दिली आहे. गट अ ते गट ड या चार श्रेणीतील मिळून 524 पदे मंजूर केली आहेत. शासकीय वैद्यकीय महाविद्यालय सुरू करण्याच्या प्रक्रियेतील हा महत्त्वाचा टप्पा मानला जातो. मंजूर झालेल्या 524 पदांपैकी गट अ ते गट क मधील नियमित 287 पदे असून विद्यार्थी पदे (अध्यापनाशी संबंधित) 118 आहेत. गट क मधील 58 व गट ड मधील 61 पदे ही काल्पनिक असून ती बाह्यस्त्रोताने भरली जाणार आहेत. यासाठी शासनाने 118 कोटी 55 लाख रुपये एवढ्या अंदाजीत खर्चास मान्यता दिली आहे. हे शासकीय वैद्यकीय महाविद्यालय सिंधुदुर्गनगरी येथील जिल्हा सामान्य रुग्णालयात होत आहे. त्यामुळे या रुग्णालयाचे श्रेणीवर्धन करण्यात आले आहे. 500 खाटांचे हॉस्पिटल करण्यात आले आहे. पहिल्या वर्षासाठी लागणारी पदे तत्काळ भरली जाणार आहेत. उर्वरित पदे टप्प्याटप्प्याने भरली जाणार आहेत. या वर्षी भरण्यात येणाऱ्या पदांसाठी आवश्‍यक निधीची तरतूद केली आहे. दुसऱ्या टप्प्यापासून लागणाऱ्या निधीची मागणी संस्था वार्षिक आराखड्यात करणार आहे. पहिल्या टप्प्यात ही पदे भरणार अधिष्ठाता एक, प्राध्यापक सहा, सहयोगी प्राध्यापक 17, मुख्य प्रशासकीय अधिकारी 1 अशी गट अ ची 25 पदे मंजूर करण्यात आली आहेत. गट ब मध्ये सहायक प्राध्यापक 23, प्रशासन अधिकारी 1, मुख्य ग्रंथपाल 1 या 25 पदांचा समावेश आहे. गट ड मधील कार्यालयीन अधीक्षक 1, लघु लेखक 1, वरिष्ठ सहाय्यक 4, प्रयोगशाळा तंत्रज्ञ 10, क्ष-किरण तंत्रज्ञ 4, ई सी जी तंत्रज्ञ 2, सहायक ग्रंथपाल 1, वरिष्ठ लिपिक 15, लघु टंकलेखक 1, प्रयोगशाळा सहायक 6, ग्रंथपाल सहायक 1, कनिष्ठ लिपिक 16, वाहनचालक 1, भांडारपाल 2 अशी 66 पदे नियमित भरली जाणार आहेत. काल्पनिक असलेली बाह्यस्त्रोताची वर्ग 3 मधील 20 तर वर्ग 4 मधील 23 पदे भरली जाणार आहेत. 58 विद्यार्थ्यांशी संबंधित पदे भरली जाणार आहेत. ही सर्व पदे 2020-21 साठी भरली जाणार आहेत. संपादन - राहुल पाटील Tajya news Feeds https://ift.tt/eA8V8J

via Tajya news Feeds https://ift.tt/3iZh5Z6