कोरोना लसीकरणाबाबत कणकवलीत "ड्रायरन' कणकवली (सिंधुदुर्ग) - राज्यात 30 जिल्हे आणि नगरपालिका क्षेत्रात कोरोना लसीकरण रंगीत तालीम (ड्रायरन) घेण्यात आल्या. जिल्ह्यासाठी येथील उपजिल्हा रूग्णालयात कोरोना लसीकरणाच्या पार्श्‍वभूमीवर लसीकरणात कोणत्याही उणिवा राहू नयेत, यासाठीच्या लसीकरण रंगीत तालीम (ड्रायरन) करण्यात आली. जिल्हाधिकारी के. मंजूलक्ष्मी यांनी या रंगीत तालीमेचा आज सकाळी आढावा घेतला. नाव नोंदणीपासून लसीकरणापर्यंतच्या तयारीची पाहणी केली. देशातील 736 जिल्ह्यांत तर राज्यातील 30 जिल्हे आणि 25 महानगरपालीका क्षेत्रात लसीकरणाच्या रंगीत तालीमीची एकाचवेळी तयारी करण्यात आली. जिल्ह्यासाठी कणकवली तालुक्‍यातील शासकीय उपजिल्हा रूग्णालयात आज याचा प्रारंभ झाला. यावेळी जिल्हा परिषदेचे मुख्य कार्यकारी अधिकारी डॉ. हेमंत वसेकर, जिल्हा शल्य चिकित्सक डॉ. श्रीमंत चव्हाण, प्रांताधिकारी वैशाली राजमाने, जिल्हा आरोग्य अधिकारी डॉ. महेश खलीपे, तहसीलदार रमेश पवार, तालुका आरोग्य अधिकारी डॉ. संजय पोळ, डॉ. श्रीराम चौगुले, डॉ. सतीश टाक, डॉ. सी. एम. शिकलगार, विविध विभागाचे खातेप्रमुख अधिकारी व आरोग्य सेवक उपस्थित होते. येथील रूग्णालयात लसीकरणाच्या या रंगीत तालमीत 25 आरोग्य कर्मचाऱ्यांवर प्रत्यक्षिक करण्यात आले. त्यानंतर पुढील टप्प्यात प्रत्यक्ष लसीकरण सुरू होईल. त्यात पहिल्या टप्प्यात आरोग्य कर्मचारी, महसूल विभाग, जिल्हा परिषद कर्मचारी, अखेरच्या टप्प्यात 50 वर्षांवरील नागरिक आणि जनेतेसाठी लसीकरण होणार आहे. लसीकरणाबाबत काही शंका असल्यास टोल फ्री 1077 व जिल्हा रुग्णालयातील आपत्कालीन विभागातील फोन नंबर यासाठी उपलब्ध करून देण्यात आल्याचे जिल्हाधिकाऱ्यांनी यावेळी सांगितले. लसीकरणाची प्रतीक्षा देशभरात लसीकरण्याच्या अनेक मोहिमा आजवर यशस्वी झाल्या आहेत; मात्र कोरोनाबाबत अजूनही योग्य माहिती जनतेसमोर आलेली नाही; मात्र लसीची प्रतीक्षा सर्वांना आहे. तत्काळ लसीकरण झाल्यास दैनंदिन व्यवहारातील भीतीचे वातावरण दूर होणार आहे. तसेच देशभरातील सार्वजनिक वाहतूक नियमित झाल्यास सामान्य नागरिकांच्या रोजगारासाठी सुरू असलेली धडपड कमी होणार आहे. यामुळे लसीकरणाची प्रतीक्षा आहे. रंगीत तालीमीनंतर तत्काळ हे लसीकरण सुरू होईल, अशी अपेक्षा आहे. संपादन - राहुल पाटील News Story Feeds https://ift.tt/eA8V8J

via News Story Feeds https://ift.tt/3hV64r2