लष्कर प्रमुखांची एआरडीई आणि भारत फोर्जला भेट पुणे - लष्कर प्रमुख जनरल मनोज मुकुंद नरवणे यांनी शनिवारी संरक्षण संशोधन आणि विकास संस्थेच्या (डीआरडीओ) अंतर्गत येणाऱ्या पुण्यातील सशस्त्र संशोधन आणि विकास आस्थापण (एआरडीई), आर अँड डी ई, एचईएमआरएल प्रयोगशाळा आणि भारत फोर्जला भेट दिली. आत्मनिर्भर भारत संकल्पने अंतर्गत संरक्षण दलाला स्वावलंबी बनविण्याच्या दिशेने लष्कर प्रमुख विविध लष्करी संस्था व प्रयोगशाळांना भेट देत आधुनिकीकरणाच्या कार्याचा आढावा घेत आहेत. या दोऱ्या दरम्यान लष्कर प्रमुखांना संरक्षणविषयक सुरू असलेल्या विविध प्रकल्पांची माहिती देण्यात आली. एरोस्पेस मॅन्युफॅक्‍चरिंग फॅक्‍टरी, अल्ट्रा लाइट हॉविझर्स, संरक्षित वाहने, लहान शस्त्रे आणि दारूगोळा अशा वेगवेगळ्या प्रकल्पांचा यात समावेश आहे. त्याचबरोबर जनरल नरवणे यांनी कल्याणी सेंटर ऑफ टेक्‍निकल अँड मॅन्युफॅक्‍चरिंग इनोव्हेशनला भेट देत थ्री डी प्रिंटिंग, नॅनो टेक्‍नॉलॉजी, कृत्रिम बुद्धिमत्ता (एआय), थर्मल इमेजिंग सारख्या आधुनिक तंत्रज्ञानाची माहिती घेतली. - ताज्या बातम्यांसाठी डाऊनलोड करा ई-सकाळचे ऍप - पुण्याच्या बातम्या वाचण्यासाठी येथे ► क्लिक करा एआरडीईतील प्रकल्प - एआरडीई ही डीआरडीओची प्रमुख संस्था असून यामध्ये अत्याधुनिक तंत्रज्ञानाचा वापर करत सैन्य दलाला जागतिक स्तरावरील शस्त्रांचा पुरवठा करण्याचे कार्य करते. तर, एआरडीईने विकसित केलेल्या एटीएजीएस, पिनाका, 10 मीटर फोल्डेबल ब्रिज, लेझर गाइड अँटी-टॅंक गाइडेड मिसाईल सिस्टिम सारख्या विविध उपकरणे व दारूगोळा यांच्या चाचण्यांवरील संशोधन तसेच नवीन उपक्रमां विषयी नरवणे यांना माहिती देण्यात आली. अखिल मंडई मंदिर चोरी तपासाला वेग; पोलिसांची तीन पथके चोरट्याच्या मागावर Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/38vXOL8