ठरलं तर! खासगी रुग्णालयात कोरोनाबाधीतांना रेमडेसिवीर मिळणार स्वस्त किंमतीत; राज्यात 59 औषध केंद्र निश्चित मुंबई : खासगी रुग्णालयात उपचार घेणाऱ्या कोरोनाबाधीतांना रेमडेसिवीर इंजेक्शन वाजवी किंमतीत मिळावे यासाठी शासनाने त्याचे दर निश्चित केले आहे. 2,360 रुपयांना हे इंजेक्शन उपलब्ध होण्यासाठी प्रत्येक जिल्ह्यात एक औषध केंद्र निश्चित करण्यात आले आहे. यामुळे रुग्णांना वेळेवर आणि वाजवी किंमतीत रेमडेसीवीर इंजेक्शन मिळावे यासाठी जिल्हाधिकारी, महापालिका आयुक्त यांनी दक्षता घेण्याचे आवाहन आरोग्य विभागाचे प्रधान सचिव डॉ. प्रदीप व्यास यांनी संबंधितांना पत्राद्वारे केले आहे. डोंबिवलीकरांच्या उखडलेल्या पेव्हरब्लॉकवरून उड्या; स्थानक रस्त्याची दैना राज्यातील शासकीय रुग्णालयामध्ये हे औषध मोफत उपलब्ध आहे. परंतु खाजगी रुग्णालयामध्ये उपचार घेणा-या रुग्णांना हे औषध मिळत नसल्याच्या अथवा महाग मिळत असल्याच्या तक्रारी राज्यात मोठया प्रमाणावर येत असून त्याची दखल घेऊन शासनाने हा निर्णय घेतला. त्यामुळे खाजगी रुग्णालयात उपचार घेणा-या रुग्णांना निश्चित केलेल्या दरात रेमडेसीव्हर उपलब्ध होण्याकरीता अन्न व औषध प्रशासना मार्फत प्रत्येक जिल्हयातील खाजगी औषधी केंद्रे निश्चित केली आहेत. राज्यामध्ये 59 औषध केंद्र निश्चित करण्यात आली आहेत. त्यामध्ये अमरावती विभागात 5, कोकण विभागात 10, नागपूर विभागात 6, औरंगाबाद विभागात 11, नाशिक विभागात 9, बृहन्मुंबई विभागात 5 आणि पुणे विभागात 13 औषध विक्रेते निश्चित करण्यात आले आहेत. अमेरिकेच्या टेस्ला कंपनीसाठी लाल गालिचा; उद्योगमंत्री, पर्यावरणमंत्र्यांची वेबिनारद्वारे चर्चा इंजेक्शनची आवश्यकता असणाऱ्या रुग्णालयाने त्याबाबत प्राधिकृत केलेल्या अधिकाऱ्यांकडे प्रस्ताव पाठविणे आवश्यक आहे. त्यासोबत प्रिस्क्रिप्शन, रुग्णाचा कोरोना पॉझिटिव्ह रिपोर्ट, आधार कार्ड किंवा छायाचित्र असलेले परवाना अथवा प्रमाणपत्र तसेच रुग्णाची वैद्यकीय माहिती कळवणे आवश्यक आहे. ----------------------------------------- ( संपादन - तुषार सोनवणे ) News Story Feeds https://ift.tt/eA8V8J

via News Story Feeds https://ift.tt/34oUBep