टस्कराने फडात फेकली बैलगाडी ; पिकात घातला धुडगूस आजरा - आजरा तालुक्‍यात वावरणाऱ्या दोन टस्करांपैकी एक जण किटवडे परिसरात गेला आहे, तर दुसरा टस्कर भुदरगड तालुक्‍यातील पिंपळगाव परिसरात आहे. किटवडे परिसरात गेलेल्या टस्कराने किटवडे धनगरवाड्यावर धुडगूस घातला. पिकांच्या नुकसानीसह कानू शेळके यांची बैलगाडी उसाच्या फडात फेकून दिली. हाळोली, मसोली परिसरात वावरणारे दोन टस्करांपैकी एक कागल तालुक्‍यात तळ ठोकून आहे. त्यामुळे परिसरातील शेतकऱ्यांनी तात्पुरता सुटकेचा निःश्‍वास घेतला आहे. किटवडे परिसरात गेलेला टस्कर काल (ता. 21) रात्री किटवडे धनगरवाड्यावर पोहोचला. त्याने कोकरे यांची बैलगाडी फेकून दिली. कानू बाबू शेळके, भिकाजी गंगू कोकरे, बागू गंगू कोकरे, बमुबाई बाबू शेळके, विजय अर्जुन शेडगे, नारायण गंगाराम शेळके यांच्या भात, नागली व ऊस पिकाचे नुकसान केले. धनगरमोळा विभागाचे वनपाल सुरेश गुरव यांनी पंचनामा केला. हे पण वाचा - टॉप्स मागितल्याने मेहुणीवर चाकू हल्ला संपादन - धनाजी सुर्वे News Story Feeds https://ift.tt/eA8V8J

via News Story Feeds https://ift.tt/2HsDbo2