मोठी बातमी : पिंपरी-चिंचवडमध्ये ऑक्‍सिजन पुरवठा सुरळीत पिंपरी - रुग्णालयांना ऑक्‍सिजन सिलिंडर मिळत नसल्याने त्यांच्या उत्पादन व वितरणावर नियंत्रण ठेवण्यासाठी विभागीय आयुक्तांनी चार विभागांतील अधिकाऱ्यांची नियुक्ती केली आहे. यात महसूल, पोलिस, अन्न व औषध प्रशासन आणि राज्य उत्पादन शुल्क या विभागांचा समावेश आहे, त्यामुळे ऑक्‍सिजन उत्पादक व वितरकांनी राज्य सरकारच्या धोरणानुसार ८० टक्के सिलिंडर रुग्णालयांना पुरविण्यावर भर दिला आहे. तर, ऑक्‍सिजनअभावी कामे ठप्प होतील, अशी भीती उद्योजकांनी व्यक्त केली. - ताज्या बातम्यांसाठी डाऊनलोड करा ई-सकाळचे ऍप कोरोनाबाधित रुग्णांमुळे रुग्णालयांकडून आणि उद्योग, व्यवसाय नियमित सुरू झाल्याने त्यांच्याकडूनही ऑक्‍सिजन सिलिंडरची मागणी वाढली आहे. रुग्णालयांसाठी ८० टक्के सिलिंडर राखीव ठेवावेत, असे राज्य सरकारचे आदेश आहेत. मात्र, काही उत्पादक व वितरकांकडून रुग्णालयांऐवजी कंपन्यांना सिलिंडर पुरविण्याला प्राधान्य देण्यात आले होते. त्यामुळे गेल्या चार-पाच दिवसांपासून रुग्णालयांत तुटवडा भासू लागला होता. या पार्श्‍वभूमीवर विभागीय आयुक्तांनी ऑक्‍सिजन उत्पादन व वितरणावर नियंत्रण ठेवण्यासाठी अधिकाऱ्यांची नियुक्‍ती केली आहे. - पुण्याच्या बातम्या वाचण्यासाठी येथे ► क्लिक करा ऑक्‍सिजन उत्पादन करणाऱ्या ११ कंपन्या पुणे जिल्ह्यात आहे. त्यांची क्षमता साडेआठ हजार मेट्रिक टन आहे. लिक्विड (द्रवरूप), जम्बो सिलिंडर व बी टाइप सिलिंडर अशा तीन प्रकारात ऑक्‍सिजन उपलब्ध होतो. महापालिकेच्या वायसीएम रुग्णालयासह मगर स्टेडियम व ऑटो क्‍लस्टर येथील जम्बो रुग्णालयात लिक्विड स्वरूपात ऑक्‍सिजन पुरविला जातो. त्यासाठी स्वतंत्र यंत्रणा उभारण्यात आली आहे. मगर स्टेडियमवरील रुग्णालय ८०० बेडचे असून, येथील लिक्विड टॅंकची क्षमता २५ हजार लिटर आहे. त्यातून पाइपद्वारे ऑक्‍सिजन रुग्णाच्या बेडपर्यंत पोचविला जातो. अशीच यंत्रणा वायसीएम, ऑटोक्‍लस्टरसह काही खासगी रुग्णालयांकडेही आहे. मात्र, सिलिंडरवर अवलंबून असलेल्या रुग्णालयांपुढे ऑक्‍सिजनचा प्रश्‍न निर्माण झाला होता. तो आता सुरळीत झाला आहे. गेले चार-पाच दिवस ऑक्‍सिजन सिलिंडर मिळत नव्हते. कुरुळी- चाकण व कात्रज येथून सिलिंडर पुरवठा केला जातो. ते मिळत नसल्याने खूप धावाधाव करावी लागली. आता परिस्थिती बदलली आहे. ऑक्‍सिजन सिलिंडर मिळू लागले आहेत, असे औंधमधील रुग्णालयाच्या संचालकांनी सांगितले. Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/33iZQuo