पुणे कॅन्टोन्मेंटने आठवडाभरात केला ६६ हजार दंड वसूल; कसा ते वाचा कॅन्टोन्मेंट - पुणे कॅन्टोन्मेंट बोर्डातर्फे मास्क न वापरणारे तसेच रस्त्यावर थुंकणाऱ्या नागरिकांवर दंडात्मक कारवाई सुरु केली आहे. गेल्या आठ दिवसात तब्बल ६६ हजार रुपये एवढा दंड बोर्डाने नागरिकांकडून वसूल करण्यात आला. ही कारवाई येथून पुढे बोर्ड प्रशासनातर्फे आणखीन कडक करण्यात येणार आहे. - ताज्या बातम्यांसाठी डाऊनलोड करा ई-सकाळचे ऍप पुणे शहर आणि जिल्ह्यात कोरोनाचा संसर्ग दिवसेंंदिवस वाढत आहे. मागील आठवड्यात केंद्रीय माहिती आणि प्रसारणमंत्री प्रकाश जावडेकर यांनी मास्क न वापरणारे आणि थुंकणाऱ्या नागरिकांवर कडक कारवाईचे आदेश दिले आहेत. मात्र, बोर्डातर्फे लॉकडाऊनपासूनच कारवाई करण्यात येत आहे. परंतू गेल्या आठवडाभरात केलेल्या कारवाईत ६६ हजार रुपये दंड वसूल केला आहे. - पुण्याच्या बातम्या वाचण्यासाठी येथे ► क्लिक करा बोर्डाचे जॉईंट सीईओ राहूल गजभिये म्हणाले की, लॉकडाऊन पासून बोर्ड प्रशासन कारवाई करत आहे. महिन्याला साधारणतः ५५ ते ६० हजार दंड वसूल होत आहे. मात्र, अवघ्या आठ दिवसांत केलेल्या दंडात्मक कारवाईमुळे किती नागरिक नियमांचे पालन करत आहेत किंवा नाही हे स्पष्ट झाले आहे. येथून पुढेही मास्क न वापरणारे, रस्त्यावर थुंकणारे आणि सोशल डिस्टन्सिंगचे पालन न करणार्या नागरिकांवर कडक कारवाई करण्यात येईल. कोरोनाचा संसर्ग पुणे शहरातही वाढत आहे. त्यामुळे नागरिकांनी देखील स्वतःहून शासनाच्या नियमांचे काटेकोरपणे पालन करणे गरजेचे आहे. Edited By - Prashant Patil News Story Feeds https://ift.tt/eA8V8J

via News Story Feeds https://ift.tt/32cbqIn